Мӹньӹн сӓндӓлӹкем — мӹньӹн Россиэм

«Мӹньӹн сӓндӓлӹкем — мӹньӹн Россиэм» конкурс
Тӹнгӓлмӹ жеп	2004 и
Лӓктӹш	20 иэш 2 млн нӓрӹ участник
Сайт	moyastrana.ru

«Мӹньӹн сӓндӓлӹкем — мӹньӹн Россиэм» (руш. Моя страна — моя Россия) — тидӹ солавлӓн, изи дӓ кого халавлӓн социально-экономический виӓнгмӓшӹштӹ шотышты авторский проектвлӓн конкурс. Пӹтӓришӹ гӓнӓ 2004 ин эртӓрӓлтӹн. 2019 и гӹц «Россий — йӧнӹм пушы сӓндӓлӹк» АНО (автономный коммерческий агыл организаци) вуйлатымы доно РФ наука дӓ кӱшӹл образовани министерство, РФ Просвещени миниистерство, РФ Федеральный Погынымашын Федераци Кӓнгӓшӹжӹн наука, образовани дӓ искусство шотышты комитет, Интеллектуальный собственность шотышты федеральный служба, «Российӹштӹшӹ образовани академи» ФКБУ (федеральный кугижӓншӹ бюджетный учреждени), Сӓмӹрӹквлӓн пӓшӓштӹ шотышты Федеральный агентство палшымы доно эртӓрӓлтеш.

Конкурсыш авторвлӓн пӓшӓвлӓштӹм техень иӓш категоривлӓ доно нӓлӹт: 13 и якте, 14 гӹц 17 и якте, 18 гӹц 35 и якте, 35 и гӹц когораквлӓ. 2025 ин 1941-1945 ивлӓштӹшӹ Кого Ӓтямӱлӓндӹ вырсышты Сӹнгӹмӓшлӓн 80 иӓш юбилейжӹ лӹмеш эртӓрӓлтӹн.

Истори

Конкурсым эртӓрӹмӹ гишӓн шанымаш 2003 ин Рязаньышты эртӓрӓлтшӹ сӓмӹрӹквлӓн парламентаризмӹштӹм виӓнгдӹмӹ шотышты улы Российӹштӹшӹ семинарышты шачын.

Конкурс пӹтӓришӹ гӓнӓ 2004 ин эртӓрӓлтӹн, экспертвлӓн кӓнгӓш студентвлӓн «Тӹньӹн XXI курымыштышы халаэт» темеш пӓшӓвлӓштӹм ӓклен, нӹнӹ халавлӓм виктӓрӹмӹ системӹм яжоэмдӹмӹлӓн, экономикӹн правовой секторжым, тенгеок социальный дӓ научно-педагогический сферӹм виӓнгдӹмӹлӓн посвящӓйӓлтӹнӹт.

2006 ин Всероссийский статусым нӓлӹн, конкурсын тӹнг задачыжывлӓжӹ лошкы сӓмӹрӹквлӓлӓн социальный проектированин негӹцшӹм тымдымаш, тенгеок кадр вим цымырымаш пырен.

2019 и гӹц «Мӹньӹн сӓндӹлӹкем — мӹньӹн Россиэм» конкурс «Россий — йӧнӹм пушы сӓндӓлӹк» АНО тергӹмӹ доно эртӓрӓлтеш, тидӹн гишӓн Россий президент Владимир Путин тӹдӹм «Российӹштӹшӹ регионвлӓн социально-экономический виӓнгмӓшӹштӹн керӓл ядмашвлӓм решӓш сӓмӹрӹк йыхым ушышы авторитетӓн площадка семӹнь пӓлемден.

Участниквлӓн шот и йӹде шукемӹн: 2018 ин 7 тӹжем пӓшӓ пырен гӹнь, 2019 ин 35 тӹжем, а 2023 ин — 100 тӹжем утла пӓшӓ пырен.

«Мӹньӹн сӓндӓлӹкем — мӹньӹн Россиэм» конкурсышты 2023 ин сӹнгӹшӹвлӓ

Участниквлӓ

Конкурсышты нӹл иӓш категориштӹшӹ авторвлӓ участвуят:

• 13 и якте;
• 14 гӹц 17 и якте;
• 18 гӹц 35 и якте;
• 35 и гӹц когораквлӓ.

Конкурсын положенижӹ семӹнь, экпертвлӓн кӓнгӓш пырышы цилӓ пӓшӓм анжен лӓктеш, тӹшец 300-жӹм айырен нӓлеш дӓ авторвлӓм пӓшӓштӹм ӹшӹклӓш (дистанционный йӧн доно) ӱжеш. Каждый иӓш категориштӹ пӹтӓришӹ, кокшы дӓ кымшы вӓрӹм нӓлшӹ участниквлӓ пӓлемдӓлтӹт. Ӓклӹмӹ годым пӓшӓн ӹлӹмӓшӹштӹ керӓл ылмыжы дӓ тӹдӹн Россий президентӹн «Россий Федерацин виӓнгмӓшӹжӹн 2030 и якте халык цельвлӓжӹ гишӓн дӓ анзыкылашеш 2036 и якте» указшылан келшен толмыжы, ӹшке шӹмлӹмӓшӹн лӓктӹшӹжӹ ылмы, пӓшӓм практикӹш пырташ лимӹ йӧн шотыш нӓлӓлтӹт.

Награждайымаш Петербургыштышы международный экономический форумын Сӓмӹрӹквлӓн кечӹнжӹ эртӓ.

Конкурсышты сӹнгӹшӹвлӓлӓн медальвлӓ (2025)

Конкурсышты сӹнгӹшӹвлӓ окса премим, вузыш тыменяш пырымы годым ситӓртӹш баллым, проектлӓн информаци палшыкым нӓлӹт.

Номинацивлӓ

2025 ишӹ номинацивлӓ
Кышец нӓлмӹ:

Номинацивлӓ	Тӹнг аспектвлӓ
	«Мӹньӹн сӓндӓлӹкем. Мӹньӹн историэм. Мӹньӹн Сӹнгӹмӓшем»	Кого Ӓтямӱлӓндӹ вырсы гишӓн Российӹштӹ дӓ вескид сӓндӓлӹквлӓштӹ историм ӓшӹндӓрӹмӹм пергӹмӓш, тӧрлӹмӓш, палшымаш дӓ шӓрӹмӓш; вырсы дӓ пӓшӓ ветеранвлӓлӓн палшымы шотышты кужы жепеш пӓлемдӹмӹ мероприятивлӓм эртӓрӹмӓш; военский памятник дон мемориалвлӓм, тенгеок тыл пӓшӓзӹвлӓлӓн памятник дон мемориалвлӓм перегӹмӓш; Совет Армин салтаквлӓжӹн кредӓлмӹ дӓ тайымы вӓрвлӓштӹ доно кӹлдӓлтшӹ кӹчӓлмӹ мероприятивлӓлӓн палшымаш; сӓмӹрӹквлӓ лошты патриотизм дӓ совет халыкын фашизмӹм сӹнгӹмӓшкӹ пиштӹмӹ ӓклӓш лидӹмӹ вкладшы доно когоэшнӹмӓш шижмӓшӹм втӓнгдӹшӹ мероприятивлӓм эртӓрӹмӓш; Кого Ӓтямӱлӓндӹ вырсын пӓлӹдӹмӹ лаштыквлӓжӹм шӹмлӹмӓш.
«Мӹньӹн йишем: йых кӹл дӓ керӓл ылмаш»	истори ӓшӹндӓрӹмӓшӹм перегӹмӓш, йиш кӹлӹм цаткыдемдӹмӓш, историм перегӹмӹ шотышты проект дон предложенивлӓм йӓмдӹлӹмӓш; сӓмӹрӹквлӓм йишӹм вояш дӓ шотан ӓтя-ӓвӓ лиӓш йишӹштӹ йыхвлӓ лоштышы тымден шалгымаш негӹцеш йӓмдӹлӹмӓш; социально-экономический процессвлӓм виӓнгдӹмӓш (шамак толшеш, йиш бизнес ӓли инфраструктурым виӓнгдӹмӓш); Российӹштӹшӹ хала дон солавлӓштӹ йиш институтлан йӧнӓн инфраструктурым ӹштӹмӓш дӓ виӓнгдӹмӓш; Ясы ӓли слабка шулыкан тетяӓн йишвлӓлӓн палшымаш.
«Мӹньӹн шукы халыкан Россиэм» (тенгеок «Мӹньӹн туан йӹлмем», «Мӓмнӓн сӓндӓлӹкнӓвлӓн келшӹмӓшӹштӹ», «Мӹньӹн ремеслоэм» направленивлӓм ӓвӓлтӓ)	халык лоштышы, культурывлӓ дӓ конфессивлӓ лоштышы кӹлӹм, тенгеок Россий доно келшен ӹлӹшӹ кугижӓншӹвлӓ доно экономика, научно-технический, гуманитарный пӓшӓм виӓнгдӹмӓш; Российӹштӹшӹ халыквлӓн цилӓ ӹлӹмӓш аспект шотышты истори доно кӹлдӓлтшӹ материалвлӓм погымаш, иктешлӹмӓш, систематизируйымаш, перегӹмӓш, научный оборотыш пыртымаш; тетя дон сӓмӹрӹквлӓн археологи пӓшӓштӹлӓн палшымаш; историко-культурный данныйвлӓм вӓрӹштӹшӹ турист-рекреаци пӓшӓшкӹ пыртымаш; Российӹштӹшӹ хала дон солавлӓн истриштӹм, искусствыштым, тӹштӹ ӹлӹшӹ халыквлӓн овуцаштым шӹмлӓш виктӓрӓлтшӹ пӓшӓм сӓмӹрӹквлӓ лошты виӓнгдӹмӓш; тетя дон сӓмӹрӹквлӓн духовно-нравственный куштымашышты, нӹнӹн социализациштӹ, патриотизм дӓ гражданский ответственность шижмӓшӹштӹм виӓнгдӹмӓштӹ кӧргӹ туризмӹн рольжым лӱктӹмӓш.
«Мӹньӹн когоэшнӹмӓшем. Мӹньӹн шачмы вӓрем (мӹньӹн халаэм, мӹньӹн солаэм)» (тенгеок «Мӹньӹн шачмы вӓрем (мӹньӹн халаэм, мӹньӹн солаэм)», «Мӹньнӹн Мӹндӹр Ирвелем. Мӹньӹн Арктикем» направленивлӓм ӓвӓлтӓ)	гражданвлӓн Российӹштӹшӹ хала дон солавлӓм виӓнгдӹмӓшкӹ ушнымыштын яжо примерӹштӹм халык лошкы шӓрӹмӓш, мӓмнӓн жепнӓн геройвлӓм анзыкы лыкмаш; вӓрӹштӹшӹ халыкым дӓ ушемвлӓм территорим виӓнгдӹмӹ процессӹш ушымаш, тенгеок кӓнгӓшӹмӓшкӹ дӓ айырымашкы ушнымын у форматвлӓжӹ гач пӧрт, ӧлицӓ, микрорайон кӱкшӹцӹштӹ пынзалтышым лыкмы гач; халавлӓн, тенгеок изи хала дон исторический ӹлӹмӹ вӓрвлӓн культурно-исторический пайдаштым перегӹмӓш; туан кымдемӹн историжӹм шӹмлӹмӓш дӓ тӹдӹм халык лошкы шӓрӹмӓш; территорим виӓнгдӹмӹ сферӹштӹ ӹшке кымылым (волонтёрство), халаштышы йӧнӓн ылмы вӓрвлӓм ӹштӹмӓшкӹ волонтёрвлӓн ушнымы практикӹм ӓвӓлтӹшӹ инициатива дон проектвлӓм виӓнгдӹмӓш; пашкудывлӓ лошты яжо кӹлӹм кычымы овуцам дӓ искусствым виӓнгдӹмӓш (пашкуды ватерӹштӹ, подъездӹштӹ, пӧртӹштӹ ӹлӹшӹвлӓ лошты).
«Мӹньӹн тымдымы инициативем»	школ гӹц анзыцшы дӓ тӹшкӓ образовани системӹм виӓнгдӹмӓш; мӹндӹрцӹн тымдымашым, электронный тымдымы материалвлӓм, информационный дӓ мультимедийный технологим, мобильный приложеним, тымыдымы онлайн курсвлӓм, электронный библиотека дон энциклопедивлӓм йӓмдӹлӹмӓш дӓ ӹлӹмӓшкӹ пырташ; тымдымы дӓ ӹшке вуя тыменьмӹ интеллектуальный системӹвлӓм ӹштӹмӓш; тетя дон сӓмӹрӹквлӓлӓн проект пӓшӓн негӹцшӹм тымдымаш, тенгеок социальный проектируйымаш сферӹштӹ пайдаан тымдымы методика дон практикӹм виӓнгдӹмӓш дӓ шӓрӹмӓш; регионыштышы дӓ муниципальный кӱкшӹцӹштӹ тетя дон сӓмӹрӹквлӓ доно проектный пӓшӓн модельжӹм ӹштӹмӓш дӓ виӓнгдӹмӓш.
«Мӹньӹн шулыкем»	худам ӹштӹшӹ факторвлӓм (табакым шыпшмаш, ӓрӓкӓм йӱмӓш, самынь качмаш дӓ чӹдӹ тӓрвӓтӹлмӓш) дӓ нӹнӹн эдемӹн шулыкшылан мам ӹштен кердмӹштӹм шӹмлӹмӓш; пӓшӓ вӓрвлӓштӹ шулыкым цаткыдемдӹмӹ шотышты корпоратив программывлӓм виӓнгдӹмӓш дӓ ӹлӹмӓшӹш пыртымаш; Российӹштӹшӹ халыквлӓн халык качкышыштын шулык вӹкӹ дӓ маняр ӹлӹмӹ вӹкӹ влиянижӹм шӹмлӹмӓш; инвалидностян эдем, социально ӹшӹклӹдӹмӹ гражданин, тылыкеш кодшы дӓ ӓтя-ӓвӓн анжымышты гӹц пасна кодшы тетявлӓн творческий, профессиональный дӓ молы мыштымашыштым, тидӹн шотышток нӹнӹн ӹшке вуя ӹштӹмӹ дӓ предприниматель пӓшӓштӹм виӓнгдӹмӓш; инвалидностян дӓ шулык шотышты чӹдӹ йӧнӓн эдемвлӓн социально ориентируялтшы коммерческий агыл организацивлӓм ӹштӹмӓш; инвалидностян, социально ӹшӹклӹдӹмӹ гражданвлӓлӓн, тылыкеш кодшы дӓ ӓтя-ӓвӓштӹн анжымышты гӹц пасна кодшы тетявлӓлӓн профориентацим эртӓрӹмӓш дӓ пӓшӓш пыраш палшымаш.
«Мӹньӹн сӓндӓлӹкемӹн экологижӹ»	экологический туризмӹм виӓнгдӹмӓш; сӱкӹм пасна погымы дӓ кокшы гӓнӓ кычылтмы технологим пыртымаш дӓ анзыкы шӹкӹмӓш, тенгеок Российӹштӹшӹ сӱклӹмӹ, кӹшкӹлтмӹ пӓшӓм виктӓрӹмӹ отрасльым ӹштӹмӓш; водородан (тенгеок метанан-водородан) технологим виӓнгдӹмӓш; Российӹштӹ газомоторный топливым дӓ газомотрный станцивлӓм виӓнгдӹмӓш; пӧрттӱ газ гӹц биопротеинӹм ӹштӹмӹ технологим виӓнгдӹмӓш; пӧрттӱ газым перегӓш дӓ кандаш-колташ инновациӓн материалым дӓ технологим виӓнгдӹмӓш.
«Мӹньӹн хынам вӓшлин мыштышы Россиэм»	сӓндӓлӹкӹн сӹнжӹм уэмдӹмӓш; территорин турист объект семӹнь инвестицим канден кердшӹ сӹнжӹм ӹштӹмӓш, турристический территорин брендшӹм виӓнгдӹмӓш; туризмӹн сакой видшӹм виӓнгдӹмӓш (космический, прмышленный, научный пӓшӓ, тымдымаш, спорт, искусство дӓ пӓлен нӓлмӓш, гастрономи, этнографи, ма лимӹ-ӹштӓлтмӹ, тетя, сола, приключени, агротуризм); кӓнӹм кечӹвлӓн маршрутым дӓ истори доно кӹлдӓлтшӹ вӓрвлӓ мычкы маршрутым йӓмдӹлӹмӓш дӓ анзыкы шӹкӹмӓш; «кымшы иӓш эдемвлӓлӓн» дӓ чӹдӹ тӓрвӓнӹл кердшӹ туриствлӓлӓн турист продуктым йӓмдӹлӹмӓш дӓ анзыкы шӹкӹмӓш; Российӹштӹшӹ халыквлӓн качкышыштым шӹмлӹмӓш дӓ халык лошкы шӓрӹмӓш.
«Мӹньӹн сӓндӓлӹкемӹн интеллектуальный собственностьшы» (тенгеок «Регионвлӓм виӓнгдӹмӹ цифровой среда», «Российӹн регионвлӓштӹжӹ интеллектуальный собственность шотышты тымдымы системӹм ӹштӹмӓш дӓ виӓнгдӹмӓш», «У цифровой технологи дӓ платформывлӓштӹ решӹмӓш контекстӹштӹ регионыштышы интеллектуальный собственность системӹм ӹштӹмӹ дӓ виӓнгдӹмӹ механизмӹм ӹштӹмӓш», «Интеллектуальный собственностьым перегӹмӓш — отрасльын ӹшке статян ылмыжы» направленивлӓм ӓвӓлтӓ)	кого данныйвлӓм дӓ искуственный интеллектӹм кычылтын, патентӓн интеллектуальный ланзылымаш негӹцеш регионыштышы дӓ муниципаитет кӧргӹштӹшӹ «Ышан территори» программылан пайдаан технологический решеним айырен нӓлмӓш; тымдымаш, регуляторан дӓ инвестициӓн механизмӹм кычылтын, у цифровой технологи дӓ платформан решӹмӹ контекстӹштӹ регионыштышы интеллектуальный собственностьын иквӓреш цымырымы системӹжӹм чангымаш; регионвлӓн научно-технологический монгыр гӹц виӓнгмӹштӹм анзыцок рашемдӹмӹ инструментвлӓм йӓмдӹлӹмӓш дӓ ӹлӹмӓшӹш пыртымаш; Российӹтӹшӹ регионвлӓштӹ интеллектуальный собственностьым комерческийӹм ӹштӹмӓш дӓ инновациӓн предприниматель пӓшӓм виӓнгдӹмӓш; Регионыштышы брендвлӓм анзыкы лыкмы дӓ нӹнӹм перегӹмӹ стратеги шотышты пайдаан механизмӹм чангымаш. «Регионвлӓштӹ гражданвлӓн ӹлӹмӓш качествышты лӱктӹмӓш цифровой среда» шулык шотышты йӧнӓн агыл ылшы эдемвлӓлӓн, тетяӓн йишвлӓлӓн, ӹлӓлшӹвлӓлӓн пуры кымылан йӓллом ӹштӹмӹ йӧн семӹнь цифровой технологим виӓнгдӹмӓш; Российӹн регионвлӓштӹжӹ гражданвлӓн цифровой пӓлӹмӓшӹштӹм лӱктӹмӓш; цифровой ресурсым пӓлӓш цацышы гражданвлӓлӓн палшымаш; регионышты ӹлӹшӹ гражданвлӓн йӧнӹштӹм кымдаэмдӓш лӹмӹн цифровой ресурсым ӹштӹмӓш, тишкӹ социальный задачым решӹмӓш дӓ у пӓшӓ вӓрӹм пачмаш пырат.
«Мӹньӹн сӓндӓлӹкемӹн технологи шотышты кого разведкӹжӹ» (тенгеок «Космосышты дӓ авиациштӹ инновацивлӓ», «Пӓшӓштӹ анзыл технологивлӓ», «Информационный технологи дон робототехника», «Промышленность дӓ энергетика», Химический технологи дӓ экологи», «”Ышан халалан” технологи дӓ креативный технологивлӓ», Медицинӹштӹшӹ био- дӓ сола хозанлык технологивлӓ», направленивлӓм ӓвӓлтӓ)	промышленность сферӹштӹ интернетӹм кычылтмы, промышленный предприятивлӓштӹ кого данныйвлӓм ланзылымы сферӹштӹ инструмент дон решеним йӓмдӹлӹмӓш дӓ ӹлӹмӓшкӹ пыртымаш; у матеиалвлӓм йӓмдӹлӹмӓш дӓ нӹнӹм промышленностьышты кычылтмаш; промышленностьыштышы робототехника дӓ сенсорика сферӹштӹ научный шӹмлӹмӓш дӓ опытно-конструктивный пӓшӓвлӓм шӹмлӹмӓш, йӓмдӹлӹмӓш дӓ ӹлӹмӓшкӹ пыртымаш; металлым перерабатывайымы сферӹштӹ проектвлӓм йӓмдӹлӹмӓш дӓ ӹлӹмӓшкӹ пыртымаш; мӱлӓндӹн пайдаан вӓржӹм йӓмдӹлӹмӹ, пайдам лыкмы дӓ перерабатывайымы технологи сферӹштӹ решеним йӓмдӹлӹмӓш дӓ ӹлӹмӓшӹш пыртымаш; энергогенераци сферӹштӹ решенивлӓм йӓмдӹлӹмӓш дӓ ӹлӹмӓшкӹ пыртымаш, персональный цымырымашым виӓнгдӹмӓш; у химический материалым, органический агыл дӓ органичнский веществавлӓм йӓмдӹлӹмӓш, тагачшы у химический материал негӹцеш продуктым йӓмдӹлӹмӓш; мӱлӓндӹм мӹндӹрц тӹшлӹмӹ технологи дон решеним йӓмдӹлӹмӓш дӓ ӹлӹмӓшкӹ пыртымаш; сырьён у источниквлӓжӹм йӓмдӹлӹмӓш, «у качкышым», тагачшы кечӓш селекцим йӓмдӹлӹмӓш; у лекӓрцӹ препаратвлӓм йӓмдӹлӹмӓш; тӧр диагностика система, церӹм тӹнгӓлтӹшӹшток карангдымы дӓ тӹдӹм персонально тӹшлӹмӹ шотышты ситӓртӹш сферӹштӹ научный шӹмлӹмӓш дӓ опытно-конструкторский проектвлӓм шӹмлӹмӓш, йӓмдӹлӹмӓш дӓ ӹлӹмӓшкӹ пыртымаш;
«Мӹньӹн предприниматель инициативем. Регионвлӓм виӓнгдӹшӹ креативный индустривлӓ»	ӹлӹмӓшӹштӹ предприниматель пӓшӓм виӓнгдӹмӓш; сӓмӹрӹквлӓн бизнес инициативӹштӹм виӓнгдӹмӓш; ремесло пӓшӓн овуцажым дӓ технологижӹм угӹц ӹлӹжтӹмӓш, халыкын традициш пырышы пӓшӓжӹм виӓнгдӹмӓш; Российӹштӹшӹ халыквлӓн историко-культурный пайдаштым перегӹмӹ, сувенир продукцим дӓ кычылтшышлык хӓдӹрвлӓм ӹштен лыкмы пока гӹцӓт ынгай ылшы шоэн вӓшлиӓлтшӹ дӓ мондалтшы промысел дон технологим угӹц шачыктымаш.
«Транспорт. Мӹньӹн сӓндӓлӹкемӹн кӹл кычымы корнывлӓжӹ»	автомобиль корным пиштӹмӹ технологим виӓнгдӹмӓш дӓ корны дӓ инженерный инфраструктурыш йӓмдӹлӹмӓшӹм ӹлӹмӓшӹш пыртымаш; рентабельностьым дӓ экономический пайдам негӹцлен, регионыштышы дӓ вӓрӹштӹшӹ керӓл корным проектируйымаш дӓ чангымаш; гражданвлӓн ӹшке оксаэшӹштӹ посёлкывлӓштӹшӹ корным ӹштӹмӓш; у техника дӓ технологи решӹмӓшӹм кычылтшы, тенгеок Сибирьӹштӹшӹ, Мӹндӹр Ирвелнӹшӹ, Россий Федерацин Арктика зоныштышы чӹдӹ шӹмлӹмӹ территоривлӓжӹн географический дӓ пӧрттӱ-климатический айыртемӹштӹм шотыш нӓлшӹ транспорт подсистемӹм йӓмдӹлӹмӓш; транспорт инфраструктурым шотыш канден виӓнгдӹмӹ негӹцеш Российӹн единый транспорт пространствыжым чангымаш.
«Мӹньӹн йых шӹртем»	лӹмӹн тетявлӓлӓн ӹштӹмӹ номинаци, Кого Ӓтямӱлӓндӹ вырсышты Сӹнгӹмӓшӹн 80 иӓш юбилейжӹ лӹмеш ӹштӓлтӹн

Вуйлатышывлӓ

• Дмитрий Турлаков — «Мӹньӹн сӓндӓлӹкем — мӹньӹн Россиэм» конкурсын исполнительный дирекцижӹм вуйлатышы;
• Лариса Пастухова — «Мӹньӹн сӓндӓлӹкем — мӹньӹн Россиэм» конкурсын научный вуйлатышыжы, концепцижӹн авторжы;
• Галина Сорокина — «Мӹньӹн сӓндӓлӹкем — мӹньӹн Россиэм» конкурсын экспертный ушемжӹн координаторжы;
• Владимир Берестецкий — «Мӹньӹн сӓндӓлӹкем — мӹньӹн Россиэм» конкурсын выпускникшӹвлӓн Ассоциациштӹн координаторжы.

Примечания