Международный Олимпиада кечӹ
| Международный Олимпиада кечӹ | |
|---|---|
 МОК-ын эмблемӹжӹ | |
| Официально | международный |
| Ӹштӓлтӹн | 1948 и |
| Кечӹ | 23 июнь |
| Пӓлемдӹмӓш | и йӹде |
| Кӹлдӓлтӹн | МОК-ым ӹштӹмӹ кечӹ |
 Медиафайлы на РУВИКИ.Медиа | |
Международный Олимпиада кечӹ — цилӓ сӓндӓлӹкӹштӹшӹ айо, Международный Олимпиада комитетӹн кынештӓрӹмӹ семӹнь каждый ин сӓндӓлӹк мычкы шукы кугижӓнӹшӹштӹ 23 июньын эртӓрӓлтеш.
Истори
1948 ин январьын Международный Олимпиада комитет (МОК) Санкт-Морицӹштӹ 42 сессиштӹ Международный Олимпиада кечӹм и йӹде 23 июньын эртӓрӓш решеним лыктын. Ти кечӹн 1894 ин 23 июньын МОК-ым пачмы кечӹм курымеш ӓштӓш манын айырымы, тӹнӓм олимпиада движеним у гӹц тӓрвӓтӹшӹ энтузиаст француз барон Пьер де Кубертен Парижӹштӹ цилӓ международный атлетикӹн конгресс анзылны шке исторический докладшым шайыштын. Кынам конгресс икӹмшӹ Олимпиадым 1896 ин Грециштӹ эртӓрӓш решеним лыктын, Кубертен МОК-ым вуйлаташ шагалын.
Мероприятивлӓ
Международный Олимпиада кечӹн 23 июньын ӓли тӹдӹн лишнӹ ылшы кӓнӹмӹ кечӹн кужы корным кыргыжмы мероприяти эртӓрӓлтеш. МОК Национальный олимпиада комитетвлӓлӓн шукы йиш спортивный айовлӓм, лач когонжок кыргыжталмы видӹм, эртӓрӓш согоньла, тидӹ шукырак халыкым ӱжӓш, «Спорт цилӓлӓн» олимпиадын шанымашыжым шӓрӓш манын ӹштӓлтеш. МОК-ын Олимпиадын тошты сирмӓшӹжӹ тенге келесӓ:
«Олимпиадын движенижӹ самӹркӹвлӓм спорт палшымы доно дӓ икӹжӓк иктӹм ик шӱлӹш дон ынгылен анзыкыла тӧр ӹлӓш тымда, тенге тӹдӹ сӓндӓлӹкӹм яжоэмдӓш палша».