Майоров-Шкетан, Яков Павлович

Ирӹкӓн энциклопеди Википеди гӹц материал
М. Шкетан
M-shketan.jpg
Шачмы годшы лӹм Яков Павлович Майоров
Псевдоним Умдо[1]
Шачмы кечӹ 29 октябрь 1898(1898-10-29)
Шачмы вӓр Тошты Крешӹн
Колымы кечӹ 16 май 1937(1937-05-16) (38 и)
Колымы вӓр
Пӓшӓн типшӹ
мары писатель дӓ драматург, сӓрӹшӹ, журналист
Логотип РУВИКИ.Медиа Медиафайлы на РУВИКИ.Медиа

М. Шкета́н (а. м. ӹшкет; тӧр лӹмжӹ Яков Павлович Майоров, 29 октябрь 1898, Оршанский район[d] — 16 май 1937, Оршанка[d], Мары АССР[d]) — мары журналист, писатель, сӓрӹшӹ дӓ общественный пӓшӓзӹ. Мары драматургилӓн негӹцӹм пиштӹшӹвлӓ логӹц иктӹжӹ.

Ӹлӹмӓш корныжы

Вӓткӓ губерништӹшӹ Яран уезд Ернур волость Тошты Крешӹн солаэш шачын. Хресӓнь семня гӹц. 2-классан Ернур училищӹштӹ тыменьӹн (1910—1912), ӓтяжӹн хозяйствыштыжы пӓшӓм ӹштен. Йӓрӓ жепшӹм лыдаш айырен, руш классик докы шӱмӓнгӹн.

1917-шӹ и гӹц кугижӓншӹ армин, Пӹтӓришӹ мировой вырсын (руш) (мар. участникшӹ.

1918-шӹ и гӹц советский учрежденивлӓн пӓшӓзӹжӹ, Ернур волисполкомын отделжӹм вуйлатен, Оршанский районышты Советский властьын политикӹжӹм ӹлӹмӓшӹш пӓсӹн пыртен, тидӹ гишӓн тӹдӹм 1920-шы ин Ернур солашты бунт годым кулаквлӓ шинӹт. 1920-шы и гӹц М. Шкетан — секретарь, Яран уездӹн национальностьвлӓн отделӹм вуйлатышы.

1921-шӹ и гӹц Краснококшайскышты: областной мӱлӓндӹ отделӹн пӓшӓзӹжӹ; «Йошкар кече» газетӹн сӹлнӹшая пӓшӓзӹжӹ, секретарьжы, редакторын пӓшӓжӹм шоктышы. «Ӓрлӓн дон Кестен» сатирический журналын, «Ончыко» сӹлнӹшая журналын ик организаторжы дӓ авторжы.

Мары кугижӓншӹ театрын актёржы, драматургшы дӓ режиссёржы. 1922-шы и гӹц передвижной театрын сценӹштӹштӹжӹ тӹдӹн «Сардай», «Ӓтижӓт-ӓвижӓт» (1923), «Шошым сӹнген» (1924), «Шурны» (1933) дӓ вес пьесӹвлӓжӹ семӹнь спектакльвлӓ шӹндӓлтӹнӹт, постановкывлӓштӹ шӹренок тӹнг рольым ӹшкеок мадын.

1929-шӹ ин Оршанский районыш пӧртӹлӹн, колхозын (кӹзӹт тӹдӹн лӹмжӹм намалеш) ик организаторжы, тӹшток ревизи комиссин председательжӹ, сола драмкружокым вуйлатышы.

«Троцкист» дӓ «буржуазин националиствлӓжӹ» ваштареш манмы кампаништӹ мыскылымашыш вӓрештӹн, «политический хулиган» манын лӹмдӓлтӹн (06.05.1937), тидӹжӹ тӹдӹн тенгеок слабка шулыкшым кӹрӹн. 1937-шӹ ин 16-шы майын Оршанский больницӹштӹ колен, кӹзӹт тӹдӹн лӹмжӹм намалшы паркышты тайымы[2].

Сӹлнӹшая пӓшӓ

1934-шӹ и гӹц СССР сирӹзӹвлӓ ушемӹн членжӹ.

Журналист семӹнь сатира дон юморым мастарын сирӹмӹ доно айыртемӓлтӹн: 1920-шы ивлӓн веле 300 нӓрӹ публикацим дӓ 80 фельетоным сирен.

Сӹлнӹшая пӓшӓжӹм 1919-шӹ и гӹц тӹнгӓлӹн. 1920-шы ивлӓн сирӹзӹ ик актан икманяр пьесӹм сирен: «Утышы», «Ороды», «Важык вуян йыдал» дӓ молат. Тӹгодымок проза жанрыштат пӓшӓм ӹштен. 1924-шӹ ин Центриздатышты (Москва) пасна книгӓ доно лачок лиӓлтшӹ событи негӹцеш сирӹмӹ «Йымын сулыкшы» шайыштмаш лӓктӹн[3].

1923-шы и гӹц пецӓтлӓлтӓш тӹнгӓлӹн. «Ӓтижӓт-ӓвижӓт!» (1928), «Кодшы пыдыранзык» (1932) дӓ вес пьесӹвлӓштӹжӹ у ӹлӹмӓшлӓн корным кӹчӓлшӹ мары пӓшӓзӹвлӓн яргата образыштым анжыктен[4]. Цилӓжӹ драматург 13 пьесӹм сирен.

Сек пӓлӹмӹ произведенижӹ — мары солашты колхозым пачмы гишӓн «Эренгер» роман (марла 1933-шы ин, рушла 1936-шы ин лӓктӹн). Произведеништӹ 1920-шы ивлӓӓш мары халыкын ӹлӹмӓшӹжӹ дон овуцажы анжыкталтыт.

Сӓрӹмӹ пӓшӓм ӹштен. 1931-шӹ ин тӹдӹн сӓрӹмӹ А. Серафимовичӹн «Железный поток» романжы пецӓтлӓлтӹн.

Ӹлӹмӹжӹ годым 15 книгӓ нӓрӹм лыктын, вара тӹдӹн произведенивлӓжӹ ик гӓнӓ веле агыл угӹц пецӓтлӓлтӹнӹт, кок гӓнӓ погымы цицмӓш пӓшӓжӹ сотым ужын.

Газет дон журналвлӓштӹ М. Шкетан шукы йиш псевдоним доно пецӓтлӓлтӹн: И. Майор, Майорын, Кугу Шадыртан, Й. Шартан, Нӧга, Товат, Озыркан, Умдо, Пагул Япак, М. Ошлан, Ошламари, Ошлинский, Крешын, Кокшага, Наган, М. Агур, Тортамортин, Лупе-Тор дӓ тӹлец молат[5].

Тӹнг произведенивлӓ

М. Шкетанын марла дӓ вес йӹлмӹвлӓшкӹ сӓрӹмӹ произведенивлӓжӹ[6]:

Марла

  • Юмын языкше: илыш гыч ойлымаш (Божий грех: рассказы из жизни). М., 1924. 40 с.
  • Ачийжат, авийжат: драма (Эх, родители!..: драма). М., 1928. 64 с.
  • Ораде: мыскылчык (Безумный: комедия). Йошкар-Ола, 1928. 28 с.
  • Мичун уке ачажат: ойлымаш (У Мичу нет отца: рассказ). М., 1928. 32 с.
  • Яку: йоча ойлымаш (Яку: рассказ для детей). М., 1928. 24 с.
  • Юмын языкше: илыш гӹц ойлымаш (Божий грех: рассказы из жизни). Йошкар-Ола, 1929. 32 с.
  • Важык вуян йыдал: оҥарчык (Кривоносый лапоть: комедия). Йошкар-Ола, 1929. 20 с.
  • Ойлымаш-влак (Рассказы). Йошкар-Ола, 1929. 68 с.
  • Ме тоштым сеҥена: ойлымаш (Мы старое победим: рассказ). Йошкар-Ола, 1931. 56 с.
  • Эреҥер: роман. Йошкар-Ола, 1933. 188 с.
  • Шурно: драма (Урожай: драма). Йошкар-Ола, 1934. 52 с.
  • Илыш ÿжеш: ойлымаш-влак (Жизнь зовёт: рассказы). М., 1935. 136 с.
  • Лапчык Каритон: койдарчык (Лапчык Харитон: комедия). Йошкар-Ола, 1935. 48 с.
  • Мыскара ойлымаш-влак (Юмористические рассказы). М., 1936.
  • Ойырен налме произведений-шамыч (Избранные произведения). Йошкар-Ола, 1940. 408 с.
  • Якшывай: ойлымаш (Якшывай: рассказ). Йошкар-Ола, 1943. 24 с.
  • Мыскара ойлымаш-влак (Юмористические рассказы). Йошкар-Ола, 1944. 128 с.
  • Корнышто: ойлымаш (В дороге: рассказ). Йошкар-Ола, 1950. 24 с.
  • Мераҥ лу: ойлымаш (Заячья кость: рассказ). Йошкар-Ола, 1950. 8 с.
  • Мыйын упшем: ойлымаш (Моя шапка: рассказ). Йошкар-Ола, 1950. 4 с.
  • Пьеса-шамыч (Пьесы). Йошкар-Ола, 1950. 264 с.
  • Эреҥер: роман. Йошкар-Ола, 1953. 228 с.
  • Мыскара ойлымаш-влак (Юмористические рассказы). Йошкар-Ола, 1954. 156 с.
  • Юмын языкше; Аракан осалже: ойлымашвлӓ (Божий грех; Вред алкоголя: рассказы). Йошкар-Ола, 1955. 80 с.
  • Роман, пьеса, ойлымаш да статья-влак.: 4 т. доно печатлалтыт (Собрание сочинений в 4-х т.), Йошкар-Ола, 1962. 1-ше. т. : Пьесе-влак. 396 с.; 2-шо т.: Ойлымаш ден очерквлӓ. 552 с.; 3-шо т.: Мыскара, ойлымаш, фельетон, почеламут да статья-влак. 440 с.; 4-ше т.: Эреҥер: роман. 340 с.
  • М. Шкетанын публицистикыже: писательын творчествыже гыч лит.-документ. материал-влак / сост. С. Я. Черных. Йошкар-Ола, 1966. 340 с.
  • Эреҥер: роман. Йошкар-Ола, 1986. 224 с.
  • Чумырен лукмо ойпого: 3 т. доно савыкталтеш (Собрание сочинений в 3-х т.). Йошкар-Ола, 1990—1991. 1-ше т.: Почеламут, пьесе-влак. 392 с.; 2-шо т.: Ойлымаш, мыскара, новелла, очерк, статья, корреспонденций, фельетон-влак. 608 с.; 3-шо т.: Роман, ойлымаш, повесть, очерк, фельетон, новелла, статья, серыш-влак. 624 с.
  • Роман, повесть, ойлымаш-влак. Йошкар-Ола, 2001. 368 с.

Руш йӹлмӹш сӓрӹмӹ

  • Эренгер: роман / пер. на рус. А. Айзенворта. Горький, 1936. 168 с.
  • Рассказы / пер. на рус. А. Докукина. Йошкар-Ола, 1948. 80 с.
  • Эренгер: роман / пер. на рус. А. Докукина. Йошкар-Ола, 1950; 1953; 1955.
  • Детям: рассказы. Йошкар-Ола, 1953. 64 с.
  • Жизнь зовёт: рассказы. Йошкар-Ола, 1953. 232 с.; Йошкар-Ола, 1955. 232 с.
  • Восход солнца: пьесы / пер. на рус. М. Шамбадала. Йошкар-Ола, 1954. 160 с.
  • Эренгер: роман / пер. на рус. В. Муравьёва. М., 1971; 1979; Йошкар-Ола, 1975, 1989.
  • Суасламары йӹлмӹш сӓрӹмӹ
  • Эренгер: роман / пер. на чуваш. В. Рзая. Шупашкар, 1957. 236 с.
  • Латыш йӹлмӹш сӓрӹмӹ
  • Эренгер: роман / пер. на латыш. Рига. 1973. 278 с.

Театр постановкывлӓ

Театр постановкывлӓн спискӹ[7]:

  • Сардай: драма. (Мар. театр). 1922, 1927.
  • Ачийжат-авийжат!.. (Эх, родители…: драма). (Мар. театр). 1923, 1952, 1970, 1981, 1998.
  • Шошым сеҥен (Весна победила: драма). (Мар. театр). 1924.
  • Шурно (Урожай: драма). (Мар. театр). 1933.
  • Важык вуян йыдал (Кривоносый лапоть: комедия). (мар. театр). 1933.
  • Кодшо румбык (Муть пролшого: драма). (Мар. театр). 1949.
  • Лапчык Каритон; Кок сӱанат пеле; Важык вуян йыдал (Лапчык Харитон; Две с половиной свадьбы; Кривоносый лапоть: одноактные комедии). (Мар. театр). 1949, 1978.

Ӓшӹндӓрӹмӓш

Мары Эл Республикӹштӹ Оршанский районын Тошты Крешӹн солаштыжы мары сӹлнӹшаян классикшӹ М. Шкетанын пӧрт-музейжӹ
Яранышты ӓшӹндӓрӹмӓш ханга

М. Шкетанын лӹмжӹм икманяр объект намалеш:

  • М. Шкетан лӹмӓн мары кугижӓншӹ драма театр (1948);
  • Йошкар-Олашты ӧлицӓ;
  • Волжск халашты ӧлицӓ;
  • Оршанкашты ӧлицӓ дон лык;
  • Моркышты ӧлицӓ;
  • Писательӹн шачмы вӓрӹштӹжӹ, Оршанский район Тошты Крешӹн солашты ӧлицӓ[8];
  • Оршанкашты тӹнг библиотека (2002);
  • Театр искусствышты Мары Элӹ Кугижӓншӹ премижӹ (1999 и гӹц);
  • Йошкар-Олашты бюст (Мары национальный драма театрын зданижӹ сага);
  • Писательӹн шачмы вӓрӹштӹжӹ, Тошты Крешӹн солашты бюст дон (1960 ий 3 ноябрь) пӧрт-музей (1992)[9];
  • Бюст в Оршанке (1967[10];
  • Оршанкашты бюст (1967)[10], скульптор В. М. Козьмин).
  • И йӹде шӹжӹм Оршанский районышты «Шкетан лыдмаш» лыдмаш конкурс эртӓрӓлтеш, тишкӹ Оршанка вел школвлӓн тыменьшӹвлӓштӹ погынат[11].

Примечани

  1. ↑ Сануков К. Н., Григорьева Л. А. Голод в Марийской автономной области в 1921—1922 гг. // Марийский археографический вестник.— № 6.— Йошкар-Ола, 1996.— С. 72.
  2. ↑ Мочаев, 2007, с. 406.
  3. ↑ Писатели МЭ, 2008, с. 677.
  4. ↑ Шкетан М. // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  5. ↑ Писатели МЭ, 2008, с. 677—678.
  6. ↑ Писатели МЭ, 2008, с. 678—680.
  7. ↑ Писатели МЭ, 2008, с. 680.
  8. ↑ Краеведческий портал "Родная Вятка" (руш.) (5 ноябрьын 2015). Тергӹмӹ кечӹ: 30 октябрьын 2025. Архивируйымы 9 мартын 2017 года.
  9. ↑ Очерки истории марийской литературы / Отв. ред. М. А. Георгина. — Йошкар-Ола: Маркнигоиздат, 1963. — С. 410. — 424 с.
  10. ↑ Посёлок Оршанка // Оршанский район. — Йошкар-Ола, 2006. — С. 145—159. — 304 с. — (История сёл и деревень Республики Марий Эл). — 1500 экз. — ISBN 5-87898-358-3.
  11. ↑ В Марий Эл прошли Шкетановские чтения. Дата обращения: 30 октябрьын 2025.

Литература

  • Асылбаев А. А. М. Шкетанын драматургийже; М. Шкетанын ойлымашыже-шамыч нерген; Первый марий роман [Драматургия М. Шкетана; Рассказы М. Шкетана; Первый марийский роман] // Марий литература: литературно.-критические статья-шамыч. — Йошкар-Ола, 1950. — С. 117—187.
  • М. Шкетан // Краткая литературная энциклопедия / Гл. ред. А. А. Сурков. — М. : Советская энциклопедия, 1962—1978.
  • Шкетан М. // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  • Александров А. М., Беспалова Г. Е., Васин К. К. М. Шкетан // Писатели Марийской АССР: биобиблиографический справочник. — Йошкар-Ола: Марийское книжное издательство, 1976. — С. 308—314. — 368 с. — 5000 экз.
  • Беспалова Г. Е., Васин К. К., Зайниев Г. З. М. Шкетан // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 311—320. — 376 с. — 5000 экз.
  • М. Шкетан // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 406. — 2032 экз. — ISBN 5-87898-357-0.
  • М. Шкетан // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 676—681. — 752 с. — 3000 экз. — ISBN 978-5-7590-0966-5.
  • Шкетан М. // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 824—825. — 872 с. — 3505 экз. — ISBN 978-5-94950-049-1.
  • Зайниев Г. З., Черных С. Я., Мочаев В. А. М. Шкетан (Майоров Яков Павлович) // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 503. — 606 с. — 1500 экз. — ISBN 978-5-905314-35-3.
  • М. Шкетан (Майоров Яков Павлович) // Писатели Марий Эл: биобиблиографический справочник / Сост. Г. Сабанцев, Ю. Соловьёв и др. — Йошкар-Ола: Марийское книжное издательство, 2020. — С. 386—390. — 423 с. — 1000 экз. — ISBN 978-5-7590-1285-6.

Ссылкывлӓ

«https://mrj.ruwiki.ru/w/index.php?title=Майоров-Шкетан,_Яков_Павлович&oldid=315202» гӹц нӓлмӹ