Курайын кечӹжӹ
| Курайын кечӹжӹ | |
|---|---|
 Курайым шактышы Айбулат Рахматуллин | |
| Кын | музыкальный инструментӹм лӹмлештӓрӹмӓш |
| Пӓлемдӓт | 10 октябрь |
| Пӓлемдӹмӓш | концерт, конкурс, мастар-классвлӓ эртӓрӓлтӹт |
| Кӹлдӓлтӹн | Башкортостан Республикӹн Курайым шактышывлäн кугижӓншӹ ансамбльын икшӹ концертшӹ доно |
Курайын кечӹжӹ — Башкортостанын символвлӓ логӹц иктӹжӹ — курай — лӹмеш шанен лыкмы айо. У айом ӹштӹмӹ гишäн Указеш кымдемӹм вуйлатышы Радий Хабиров кидӹм пиштен дä Курайым шактышывлäн кугижӓншӹ ансамбльын концерт-презентациштӹ 2024 ин 10 октябрьын увертäрен[1]. Айон шанымашыжы — курайым, башкирский национальный музыкальный инструментӹм, переген кодаш дä макташ[2].
Айон историжӹ
Курай — башкирвлäн халык овуца дä культурышты доно цат кӹлдäлтшӹ музыкальный инструмент. 2021 ин Башкортостан кымдемӹн брендшӹ семӹнь сирäлтӹн[3][4]. 2024 ин апрельӹн Башкортостан Республикӹн Вуйлатышыжы Р. Ф. Хабировын Указжы семӹнь Башкортостан Республикӹн Курайым шактышывлäн кугижäншӹ ансамбльым ӹштӹмӹ. Ансамбльын художественный видӹшӹжӹ семӹнь Российӹн заслуженный, Башкортостанын халык артистшӹм Азат Айткуловым шагалтымы. У коллектив ӹшкӹмжӹн пӹтäриш концертшӹм «Башкортостан» лӹмӓн кугижäншӹ концерт залышты эртäрен[5].
Курайым шактышывлäн кугижäншӹ ансамбльын концерт-презентациштӹжӹ Радий Хабиров, 10 октябрьын у айо — Курайын кечӹжӹ — пäлемдäлтäш тӹнгäлеш, манын увертӓрен. Анжаш толшывлä кымдем вуйлатышын тидӹ увержӹм, лапам шин, вäшлинӹт[1][6].
Курайын кечӹжӹ национальный музыкальный инструментӹм халыкышты шäрӹкӓлäш дä виäнгдӓш виктäрäлтӹн. Айо мероприятивлä сäмӹрӹквлäм курай доно шакташ тыменяш, тенгеок сӓмӹрӹквлӓн мастарлык шӱлӹшӹм виäнгдäш палшат. Тидӹ кечӹн республикӹштӹ концерт, выставка дä мастар-классвлä эртäрӓлтӹт.
Примечани
- ↑ 1 2 Глава Башкирии учредил новый праздник - День курая. Башинформ (10 октябрьын 2024).
- ↑ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан». Официальный Интернет-портал правовой информации Республики Башкортостан (10 октябрьын 2024). Тергӹмӹ кечӹ: 10 октябрьын 2024.
- ↑ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) Архивный копи от 25 апрельӹн 2021 на Wayback Machine // Роспатент
- ↑ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март(руш)(Дата обращения: 2 мартын 2018)
- ↑ Государственный ансамбль кураистов Республики Башкортостан. Башкирская государственная филармония имени Хусаина Ахметова.
- ↑ В Башкирии учредят новый праздник. УфаLIVE.