Крысов, Василий Иванович

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Крысов.
Василий Иванович Крысов
Крысов, Василий Иванович.jpg
Шачмы кечӹ 1928 и 14 март(1928-03-14)
Шачмы вӓр Симоновск, Мари-Турек район, Мары автономный область, РСФСР, СССР
Колымы кечӹ 2017 и 17 июнь(2017-06-17) (89 и)
Колымы вӓр Йошкар-Ола, Россий
Гражданство  СССР,
 Россий
Пӓшӓн типшӹ скотник, саснам анжышы
Награда дӓ премивлӓ
Герой Социалистического Труда — 1976
Орден Ленина — 1973 Орден Ленина — 1976 Орден Трудового Красного Знамени — 1965
Серебряная медаль на синей ленте.png Бронзовая медаль на красной ленте.png Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина»
Почётная грамота Президиума Верховного Совета РСФСР — 1960

Василий Иванович Крысов (14 март 1928, Симоновск[d], Мари-Турек район[d], Мары АССР[d], РСФСР[d], СССР[d] — 17 июнь 2017, Йошкар-Ола, Россий) — Мары АССР-ӹштӹшӹ Мари-Турек районышты С. Киров лӹмӓн колхозын саснам анжышыжы (1958–1988). Социалистический Пӓшӓн Геройжы (1976). Кок гӓнӓ Ленин орденӹн кавалержӹ (1973, 1976).

Ӹлӹмӓш корныжы

1928-шӹ ин 14-шӹ мартын кӹзӹт Мары Элӹн Мари-Турек районын[1] Симоновск солаштыжы мары хресӓнь семняэш шачын[2][3][4].

Тыменьмӓш — 6 класс[2][3][4].

1947–1959-шӹ ивлӓн ― «Павловский» совхозын вольык анжышыжы, 1958–1988-шы ивлӓн, совхозым пыжен ӹштӹмӹ паштек, Мары АССР-ӹн Мари-Турек районжын С. Киров лӹмӓн колхозшын саснам анжышыжы[5]. Саснам ӧрдӹктӓрӹмӓштӹ интенсивный йӧнӹм кычылтмы доно сӓндӓлӹклӓн пайым ӹштен лыкмашты дӓ кугижӓншӹлӓн пумашты кого лӓктӹшӹш шон[2][3]. 1960-шы ин 1070 вуй саснам пукшен, 11 тӹлзӹштӹ 115 тонн ире пайым нӓлӹн. Тидӹ гишӓн 1961-шӹ ин Йошкар-Олашты Мары книгӓ издательствышты лӓкшӹ «Кыце мӹнь 2000 вуй саснам пукшен лыктынам» книгӓштӹ шайыштын[6]. 1962-шы ин пелӓшӹжӹ Лидия Петровна доно иквӓреш 2076 вуйым пукшен лыктын дӓ 793 центнер привесӹм нӓлӹн. 1963-шы ин 22-шы январьын «РСФСР-ӹн сола хозяйствыжын социалистический тӓнгӓшӹмӓшӹн отличникшӹ» лин. 1962-шы ин сасна ферма пӓшӓзӹвлӓн социалистический тӓнгӓшӹмӓшӹштӹн лӓктӹшӹжӹм анжен лӓкмӹкӹ, КПСС Мары обком бюро дӓ Республикӹн министрвлӓн кӓнгӓшӹштӹ тӹдӹлӓн «Мары АССР-ӹн сек яжо сасна анжышыжы» лӹмӹм пуэнӹт. 1966-шы ин тӹдӹ 422 центнер привесӹм нӓлӹн, кечӹ йӹде икпоратка привесшӹ 444 грамм ылын, кугижӓншӹлӓн пумы ик вуй саснан нелӹцшӹ 82 килограмм ылын. 1967-шӹ ин январьын ин лӓктӹшӹжӹм иктешлӹмӹкӹ, тӹдӹлӓн социалистический тӓнгӓшӹмӓштӹ кого лӓктӹшӹжӹм пӓлемден, «Вольыкым пӹсӹн куштышы мастар» лӹмӹм пуэнӹт[7]. 1988-шӹ ин союзный значениӓн пенсионер статус доно пенсиш лӓктӹн[4].

1985–1990-шы ивлӓн Мары АССР-ӹн Кӱшӹл Кӓнгӓшӹжӹн депутатешӹжӹ (XI созыв) айыралтын[2][3][4].

1976-шы ин тӹдӹлӓн «Социалистический Пӓшӓн Геройжы» кого лӹмӹм пумы. Ленин, Пӓшӓн Якшар Знамӹжӹн орденвлӓ, ВДНХ-н медальвлӓжӹ доно, РСФСР дон Мары АССР-ӹн Кӱшӹл Кӓнгӓшӹжӹн Президиумжын почётный грамотывлҗӓ доно пӓлемдӓлтӹн[2][3][4].

2017-шӹ ин 17-шӹ июньын Йошкар-Олашты колен[2][3][4].

Пӓшӓ лӹм дон наградывлӓ

  • Социалистический Пӓшӓн Геройжы (1976-шы и 23-шы декабрь)[2][3] — Всесоюзный социалистический тӓнгӓшӹмӓштӹ шомы кого сӹнгӹмӓшлӓн, сӓндӓлӹклӓн пӹрцӹм дӓ сола хозяйствын молы йӓрвӓржӹм ӹштен лыкмы дӓ выжалымы шотышты планым дӓ социалистический сӧрӹмӓшӹм шоктымашты пӓшӓ патырлыкым анжыктымылан[4];
  • Ленин Орден (6.09.1973, 23.12.1976)[2][3][4];
  • Пӓшӓн Якшар Знамӹжӹн орденжӹ (26.11.1965)[2][3][4];
  • ВДНХ-ан ши медальжы (1962)[2][3][4];
  • ВДНХ-ан бронзовый медальжы (1969)[2][3][4];
  • «Пыт пӓшӓлӹмӹ гишӓн. В. И. Ленинӹн шачмыжылан 100 и теммӹ лӹмеш» (1970)[4];
  • РСФСР-ӹн Кӱшӹл Кӓнгӓшӹжӹн Президиумжын Почётный грамотыжы (1960)[2][3];
  • Мары АССР-ӹн Кӱшӹл Кӓнгӓшӹжӹн Президиумжын Почётный грамотыжы (1960, 1978)[2][3].

Ӓшӹндӓрӹмӓш

Социалистический Пӓшӓн Геройжы В. И. Крысов гишӓн материалвлӓ В. П. Мосолов лӹмӓн Краеведческий музейӹштӹ дӓ Мари-Турек тӹнг библиотекӹн фондвлӓштӹжӹ перегӓлтӹт[4].

Примечани

  1. ↑ Симоновск (Немытый, Красный Ключ) | Родная Вятка. rodnaya-vyatka.ru. Тергӹмӹ кечӹ: 14 апрельӹн 2024. Архивируйымы 30 апрельӹн 2023 года.
  2. ↑ 1 2 3 4 5 6 7 8 9 10 11 12 13 Мочаев, 2017, с. 229.
  3. ↑ 1 2 3 4 5 6 7 8 9 10 11 12 13 Энциклопедия Республики Марий Эл, 2009, с. 462.
  4. ↑ 1 2 3 4 5 6 7 8 9 10 11 12 13 Крысов Василий Иванович. warheroes.ru. Тергӹмӹ кечӹ: 14 апрельӹн 2024. Архивируйымы 29 октябрьын 2023 года.
  5. ↑ Мари-Турекский район, Республика Марий Эл, Сайт газеты Знамя, Герой десятой пятилетки. moyaokruga.ru. Тергӹмӹ кечӹ: 14 апрельӹн 2024.
  6. ↑ Как я откормил 2000 свиней : Совхоз им. Кирова - книга 1961 года.
  7. ↑ КРЫСОВ Василий Иванович(неопр.). Марийская история в лицах. Тергӹмӹ кечӹ: 14 апрельӹн 2024. Архивируйымы 15 сентябрьын 2019 года.

Литература

  • Опарина Т. Т. Крысов Василий Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 194. — 2032 экз. — ISBN 5-87898-357-0.
  • Крысов Василий Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 462. — 872 с. — 3505 экз. — ISBN 978-5-94950-049-1.
  • Опарина Т. Т., Мочаев В. А. Крысов Василий Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 229. — 606 с. — 1500 экз. — ISBN 978-5-905314-35-3.
  • Меркушева Л. Герой десятой пятилетки // Знамя. ― 2022. ― 7 октября.

Ссылкывлӓ

«https://mrj.ruwiki.ru/w/index.php?title=Крысов,_Василий_Иванович&oldid=305049» гӹц нӓлмӹ