Кошкин, Андрей Евдокимович
| Андрей Евдокимович Кошкин | ||||
|---|---|---|---|---|
 | ||||
| Шачмы кечӹ | 1922 и 18 декабрь | |||
| Шачмы вӓр | Кого Подберезье сола, Кайбицкий район, Татарский АССР | |||
| Колымы кечӹ | 1958 и 30 январь (35 и) | |||
| Колымы вӓр | Волжск | |||
| Пырымаш |
 СССР |
|||
| Войскан йиш | пехота | |||
| Служымы жеп | 1941—1945 | |||
| Звани |
 |
|||
| Кредӓлмӓш/вырсы | Кого Отчественный вырсы | |||
| Награда дӓ преми |
|
|||
 Медиафайлы на РУВИКИ.Медиа | ||||
Андрей Евдокимович Кошкин (1922–1958) — Пӓшӓзӹ-хресӓнь Якшар Армин изирӓк сержантшы, Кого Отечественный вырсын салтакшы, Совет Союзын Геройжы (1944).
Ӹлӹмӓш корныжы
1922 ин 18 декабрьын Кого Подберезье солашты шачын (кӹзӹт Татарстанын Кайбицкий район). Сола школым тымень пӹтӓрӹмӹкӹ, колхозышты пӓшӓлен. Вара Мары АССР-н Волжск халаш ванжен, пумага комбинатышты пӓшӓм ӹштен.
1941 ин июньын Пӓшӓзӹ-хресӓнь Якшар Армиш служаш нӓлӹнӹт. 1942 и август гӹц Кого Отечесвтенный вырсын фронтышты ылын. 1943 ин сентябрьын изирӓк сержант Андрей Кошкин Степь фронтын 37-шӹ армин 110-шы гвардейский стрелковый дивизижӹн 106-шы пасна разведротын разведчикшӹ лин. Днепр верц кредӓлмӓштӹ айыртемӓлтӹн[1].
1943 ин 5 сентябрьын тышманын тылыш пырен дӓ разведчиквлӓ доно иквӓреш боеприпасвлӓн складым пӹтӓрен, тенгеок 15 тышман салтак дон офицерӹм. Мӹнгеш толмы годым нӹнӹн вӹкӹ тышманын засадыжы атакуен, но нӹнӹ сӹнген ытленӹт дӓ 5 немӹц салтаквлӓм пленӹш нӓлӹнӹт. 1943 ин 29 сентябрьын салтак тӹшкӓ доно иквӓреш Днепр гач ванженӹт дӓ тышманын огневой системӹм ланзыленӹт. 1943 ин 5 октябрьын Украин ССР Кировоградский областьын Онуфриевский районын Куцеволовка сола сага разведгруппа боеприпасвлӓн дӓ топливӹн складым пӹтӓрен, тенгеок икманяр немӹц салтакым пленӹш нӓлӹн. 8-шӹ гӹц 9-шӹ октябрь йыдым Андрей Кошкин ти районышток тышманын вӓрлӓнӹмӹ вӓрӹш шынгалт пырен дӓ тышманын огневой точкыжым дӓ пулемётшӹм, тенгеок 3 тышман салтакым пӓтӓрен[1].
СССР-н Кӱшӹл Совет Президиумын 1944 ишӹ 22 февральыштышы «Якшар Армин офицер, сержант дӓ рядовойвлӓлӓн Совет Союзын Геройжы лӹмӹм пумы гишӓн» указшы семӹнь «Днепр ӓнгӹрӹм форсируйымы годым боевой заданим яжон шоктымы гишӓн, ӓнгӹрӹн вургымла сирӹштӹжӹ боевой сӹнгӹмӓшӹм виӓнгдӹмӹ дӓ тидӹн годым отвага дон геройствым анжыктышы» Андрей Кошкин Совет Союзын Геройжы лӹмӹм, Ленин орден дон «Шӧртньӹ Шӹдӹр» медальым нӓлӹн[1][2].
Вырсы паштек демобилизацим эртен. Волжскыш пӧртӹлӹн, угӹц пумага комбинатышты пӓшӓм ӹштӓш тӹнгӓлӹн. Трӱк 1958 ин 30 январьын колен[1].
Тенгеок Якшар знамя орден доно дӓ икманяр медаль орден доно награждайымы ылын[1].
Ӓшӹндӓрӹмӓш
- Тӹдӹн лӹмеш ӧлица лӹмдӹмӹ ылын да Волжскышты бюстым шагалтымы[1].
- Российӹштӹшӹ военно-исторический обществом Андрей Кошкинӹм ӓшӹндӓрӹмы лӹмеш, тӹдӹн тыменьмӹ Кайбиц районын Кого Подберезовский ӓшӹндӓрӹмӹ лӹмеш школжын оралте стенӓэш мемориал ангам вӓрӓнгден.
Примечани
- ↑ 1 2 3 4 5 6 Андрей Евдокимович Кошкин (руш.). Сайт «Герои страны».
- ↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 мартын (№ 13 (273)). — С. 1. Архивировано 3 февральын 2022 года.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Кошкин Андрей Евдокимович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 451—452. — 872 с. — 3505 экз. — ISBN 978-5-94950-049-1.
- Кошкин Андрей Евдокимович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 115—117. — 374 с. — 500 экз. — ISBN 978-5-94950-070-5.
- Мочаев В. А. Кошкин Андрей Евдокимович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 222. — 606 с. — 1500 экз. — ISBN 978-5-905314-35-3.
Ссылкывлӓ
- Андрей Евдокимович Кошкин (руш.). Сайт «Герои страны».