Кинон международный кечӹжӹ
Кинон международный кечӹжӹ — цилӓ сӓндӓлӹк мычкы кинематографист дӓ кином яратышывлӓн айошты. И йӹде 28 декабрьын пӓлемдӓлтеш[1].
Айон историжӹ
1895 ин французвлӓ Луи дон Огюст Люмьер ӹшке шанен лыкмы «Синематограф» аппаратыштылан патентӹм нӓлӹнӹт.
Тӹ инок 22 мартын французский фотопромышленностьым виӓнгдӹмӹ шотышты конференциштӹ Люмьер ӹзӓк-шоляк анжаш толшывлӓлӓн «Пӓшӓзӹвлӓн фабрика гӹц лӓкмӹштӹ» лӹмӓн икшӹ фильмым кого экранышты анжыктенӹт. Ти фильмок 1895 ин 28 декабрьын Парижӹштӹшӹ Капуцинок бульварышты «Гран-кафен» подвалыштыжы кымдан пӓлӹмӹ пӹтӓришӹ тӱлӹмӹ, 10 кино гӹц шалгышы, киносеансым пачын. Лачок тидӹ дата «Кинон международный кечӹжӹм» пӓлемдӹмӹ кечӹ лиӓш тӹнгӓлӹн.
«Кинон российский кечӹжӹ» перестройка жеп годым «Кинон международный кечӹжӹ» доно иквӓреш уштарымы лин, тенге гӹнят, 2002 ин РФ-н культура министерствӹн Кинематографий шотышты службыжын инициативӹжӹ семӹнь угӹц пасна айо лин. Тӹдӹ 27 августын пӓлемдӓлтеш.
Примечани
- ↑ Международный день кино, РИА Новости (28 декабрьын 2019). Дата обращения: 2 январьын 2020.