Кидӹштӹ ӓзӓм кычышы ӓвӓ (скульптура)

Россий Федерацин культура министерствыжы

Россий Федерацин культура министерствыжы

Кузнецова, Валентина Георгиевна[d]

Кидӹштӹ ӓзӓм кычышы ӓвӓ. 2013

Номенклатура семӹнь: Ава лиймаш. Скульптур

глазурь[d], шамот[d]

Республикӹштӹшӹ изобразительный искусство музей

(инв. С-154)

Кидӹштӹ ӓзӓм кычышы ӓвӓ — 2013-шы ин Валентина Георгиевна Кузнецован ӹштӹмӹ скульптурыжы. Произведени декоративно-прикладной искусствыш пыра дӓ ӓвӓ темеш ӹштӓлтӹн. Объектӹн номенклатурный лӹмжӹ: а. м. Ава лиймаш — ӓвӓ.

Скульптурын сӹнжӹ

Скульптура — куб вӹлнӹ шӹнзӹшӹ ӹдӹрӓмӓш. Ӹдӹрӓмӓш розовый, кловой, нарынзалгы-кӹрӓн, ыжар цӹреӓн виӓш корнан кужы шокшан платьым чиэн. Ӓвӓ вуйжым тетяжӹ докы кымык ӹштен, лицӓжӹ ладна, сӹнзӓжӹм кымен, а ӱпшӹм маклакаш пӹтӹрен шӹндӹмӹ. Ялыштыжы прӓжкӓӓн кӹрӓн туфльы. Ӓвӓн кидӹштӹжӹ ылшы якшар ӱпӓн тетя тӹдӹм цаткыдын шӱжӹ гӹц элтӓлен. Скульптурын негӹцшӹ уке. Произведенин размержӹ — 69×27×35 см.

Материал дӓ ӹштӹмӹ йӧн

Скульптурым, ангобировани дӓ глазурь йӧнӹм кычылтын, лӹмӹн йӓмдӹлӹмӹ шун (шамот) гӹц ӹштӹмӹ. Ангобировани йӧн скульптура вӹлвӓлӹм тӧр агылым (текстурированныйым) ӹштӓш палша, а глазурь яргата дӓ келгӹ цӹрем пуа. Ти материалвлӓм кычылтмаш хӓдӹрӹн тыгыды айыртемвлӓжӹм дӓ вӹлвӓл цеверлыкшым переген кодаш палша.

Вӓрлӓнӹмӹжӹ

Скульптура Йошкар-Олашты Республикӹштӹшӹ изобразительный искусство музейӹштӹ перегӓлтеш. Музейӹм 1981-шӹ ин Анжыктымы (выставочный) зал семӹнь пачмы, 1990-шы и гӹц тӹдӹ музей семӹнь пӓшӓлӓш тӹнгӓлӹн. Музейӹн фондышкыжы российский дӓ советский графикӹн произведенивлӓ, тенгеок мары искусствым пачын пушы художниквлӓн пӓшӓвлӓштӹ пырат.

Примечани