Калистов, Анатолий Михайлович
| Анатолий Михайлович Калистов | ||||||
|---|---|---|---|---|---|---|
 | ||||||
| Шачмы кечӹ | 1925 и 14 апрель | |||||
| Шачмы вӓр | Ращеп Новгородский область | |||||
| Колымы кечӹ | 1997 и 5 февраль (71 и) | |||||
| Колымы вӓр | Йошкар-Ола Мары Эл | |||||
| Гражданство |
 СССР, Россий |
|||||
| Пӓшӓн типшӹ | когорак мастар | |||||
| Награда дӓ премивлӓ |
|
|||||
Анатолий Михайлович Калистов (1925 и 14 апрель — 1997 и 5 февраль) — совет машиностроенин передовикшӹ, СССР-н радиопромышленность министерствын Мары машиностроени заводын когорак мастаржы, Йошкар-Ола, Социалистический Пӓшӓн Геройжы (1975).
Ӹлӹмӓш корныжы
1925 ин Рощеп солаэш шачын, кӹзӹт Новгородский областьын Новгородский районжы.
Кого Ӓтямӱлӓндӹ вырсы тӹнгӓлмӹкӹ, Йошкар-Олаш эвакуируэнӹт. 1942 ин 26 февральын толын дӓ ремесленный училищӹш тыменяш колтенӹт. 1942 ин тымень пӹтӓрӹмӹкӹ, токарьын пӓшӓм ӹштӓш тӹнгӓлӹн, пакыла наладчикӹнӹм ӹштен дӓ 297 №-ӓн заводын 20-шо №-ӓн цехшӹн мастаржы лин. 1957 ин Мары радиотехнический техникумым тымень пӹтӓрен.
1964 и гӹц 1977 якте СССР-ын радиопромышленность министерствын Мары машиностроени заводын когорак мастаржы. Яжон мыштымыжы дӓ пӓшӓ мастар ылмыжы доно айыртемӓлтӹн.
СССР-н Кӱшӹл Кӓнгӓш Президиумын 1975 ин 8 сентябрьын лыкмы указшы семӹнь (питӹрӹмӹ) Анатолий Михайлович Калистовлан производствышты кӱкшӹ сӹнгӹмӓшӹш шомылан Социалистический Пӓшӓн Геройжы званим пумы, Ленин орден дон «Сарла дон Молот» медальым кычыктымы.
1976 ин Йошкар-Олаштышы сӓмӹрӹквлӓм тымдымы шотышты общественный университетӹм вуйлатен. Заводышты заслуженный кӓнӹмӓшкӹ лӓкмӹ якте пӓшӓм ӹштен. 1985 и гӹц пенсиштӹ ылын.
Йошкар-Олаште ӹлен. 1997 ин 5 февральын колен. Туруновский шӹгерлӓштӹ тайымы.
Мактымашвлӓ
Пӓшӓ дӓ боевой сӹнгӹмӓшлӓн сылен нӓлӹн:
- «Сарла дон Молот» шӧртньӹ медаль (08.09.1975)
- Ленин орден (08.09.1975)
- Пӓшӓ Якшар Знамӹн орден (20.06.1951)
- вес медальвлӓ.
Ӓшӹндӓрӹмӓш
- «Мары машиностроени завод» АО-н зданиэш (Йошкар-Ола, Суворов ӧлицӓ, 15) Герой Калистов А. М. лӹмеш мемориальный хангам пижӹктӹмӹ.
Литература
- Калистов Анатолий Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 415. — 872 с. — 3505 экз. — ISBN 978-5-94950-049-1.
- Алтышева Л. М. Калистов Анатолий Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 189. — 606 с. — 1500 экз. — ISBN 978-5-905314-35-3.
Ссылкывлӓ
- Анатолий Михайлович Калистов (руш.). Сайт «Герои страны».
Ти статьяш РУВИКИ-н вес статьявлӓжӹ ак колтеп. |
.svg){kind=link}