Йӓрмингӓ гӹц (скульптура)

Россий Федерацин культура министерствыжы

Россий Федерацин культура министерствыжы

Андрей Юрьевич Махинин[d]

Йӓрмингӓ гӹц. 2018

Номенклатура семӹнь: Ярмиҥга гыч. Скульптур

глазурь[d], пушӓнгӹ[d], керамика[d], тышкымаш[d], рисуйымаш[d]

Республикӹштӹшӹ изобразительный искусство музей

(инв. С-160)

Йӓрмингӓ гӹц — 2018-шӹ ин скульптор Андрей Юрьевич Махининӹн ӹштӹмӹ статуйжы. Произведеним реализм жанр доно ӹштӹмӹ, тӹдӹ эдемӹм дӓ пим кӓп хӓлӓ анжыкта. Объектӹн номенклатурный лӹмжӹ: Йӓрмингӓ гӹц. Скульптура а. м. Ярмиҥга гыч. Скульптур.

Скульптурын сӹнжӹ

Скульптура — кӹрӓн цӹреӓн яхнышы кужы пальтом чишӹ пӱэргӹ. Пальтом кого полдыш доно полдыштымы. Шӱжӹ йӹр ялаваан кловой шарфым пӹтӹрӓлмӹ. Вуйжым шалахай монгырышкыла комдыкрак ӹштӹмӹ. Вуйыштыжы лудикӓ-ыжар цӹреӓн шляпӓ, тӹдӹ лӹвец ӱпшӹ каеш. Лицӓжӹ ныгыды пандашан. Сӹнзӓжӹ изирӓк, нер дон пӹлӹшӹжӹ гӹнь кого. Вургымла кидӹштӹжӹ пӱэргӹ шукы йиш цӹреӓн книгӓ намалтышым кычен. Шалахай кидшӹм кӓпшӹ тервен пӹзӹрӓлмӹ. Шалахай монгыр гӹц эдем докы пи пӹзӹрген. Пин ик лапажы пальто пачым ташкалын, весӹжӹ — ботинкӹм. Тӹдӹн вуйжы кужикӓрӓк, а кӓпшӹм изиэмден анжыктымы. Скульптурым пу гӹц ӹштӹмӹ йӹргешкӹ негӹц вӹлӓн шӹндӹмӹ. Произведенин размержӹ 38×16×19 см.

Материал дӓ ӹштӹмӹ йӧн

Скульптурым, тышкымы дӓ рисуйымы йӧнвлӓм кычылтын, пу гӹц ӹштӹмӹ. Кычылтмы йӹлгӹжтӓрӹмӹ йӧн (глазурь) цӹрем яргатам дӓ ныгыдым ӹштӓш палша, тидӹжӹ выргем дон книгӓ лаштыквлӓм айырен пӓлемдӓ. Ӹштӹмӹ йӧн анжышылан скульптурын вӹлвӓлжӹм дӓ цӹре айыртемжӹм раш ужаш палша.

Вӓрлӓнӹмӹжӹ

Экспонат Республикӹштӹшӹ изобразительный искусство музейӹштӹ перегӓлтеш. Музей Йошкар-Олашты вӓрлӓнен. 1981-шӹ ин 17-шӹ августын пачылтшы музей ӹшке фондышкыжы графикӹм, фарфоровый пластикӹм дӓ кӹзӹтшӹ жепӓш произведенивлӓм цымырен. Экспозицин предметшӹ изобразительный искусствын дӓ скульптурын историжӹ доно кӹлдӓлтӹн.

Примечани