Интервидени (мыры конкурс)

Ирӹкӓн энциклопеди Википеди гӹц материал
«Интервидени» мыры конкурс
руш. Конкурс песни «Интервидение»
пол. Konkurs Piosenki Interwizji
Изображение логотипа
1977–1980-шӹ ивлӓн Интервиденин сетьӹштӹжӹ кычылтмы икманяр логотип гӹц иктӹжӹ
1977–1980-шӹ ивлӓн Интервиденин сетьӹштӹжӹ кычылтмы икманяр логотип гӹц иктӹжӹ
Жанр Мыры конкурс
Ӹштӹшӹ TVP Польша телевидени
Программым вуйлатышывлӓ «Pagart» (1977—1980)
Юрий Аксюта, Лариса Синельщикова (2008)
Видӹшӹвлӓ Ирена Дзедзиц дӓ Яцек Бромский (1977—1980)
Андрей Малахов, Яна Чурикова, Иосиф Кобзон, Анна Седакова, Иван Ургант, Александр Цекало дӓ Дмитрий Шепелев (2008)
Композитор Анджей Курылевич
Эртӓрӹшӹ сӓндӓлӹквлӓ  Польша,  Россий
Йӹлмӹ польский, руш
Выпуск шот 4 конкурс
Йӓмдӹлӹмӓш
Студи Радиовещани дӓ телевидени международный организаци (OIRT)(1977—1980)
Первый канал дӓ Якшар Квадрат (телекомпани) (2008)
Трансляци
Трансляци жеп 24 августын 1977 и гӹц 23 августын 1980 и якте
28 августын 2008 и — 31 августын 2008 и
Хронологи
Андакшы передачывлӓ Сопотышты Международный мыры фестиваль(1961—1980; 1984—2009; 2012—)
Вӹц шӹдӹр (2004—2008)
Иканьрак передачывлӓ Евровидени мыры конкурс (1956—)
Бундесвидени мыры конкурс (2005—)
Азиатско-Тихоокеанский мыры фестиваль (2012—)
Тюрквидени мыры конкурс (2013—)
Логотип РУВИКИ.Медиа Медиафайлы на РУВИКИ.Медиа

«Интервидени» мыры конкурс — Радиовещанин дӓ телевиденин международный организацижӹ (OIRT) доно пачмы эстрадный мырын конкурсшы. 1977-шӹ–1980-шы ивлӓн Сопот халашты эртӓрӓлтшӹ 4 международный мыры фестиваль кӧргӹштӹ эртӓрӓлтӹн[1].

2008-шӹ ин «Якшар Квадрат» компани Сочи халашты конкурсым угӹц эртӓрӹмӓшӹм тӓрвӓтен[2]. 2014-шӹ ин май тӹлзӹн увер лӓктӹн — конкурс угӹц пӧртӹлеш, тӹшкӹ экс-советский сӓндӓлӹквлӓ дӓ Келшӹмӓш шанхайский организаци ушнат[3]. 2024-шӹ ин конкурс Москвашты эртӓрӓлтшӓшлык ылын[4].

2024-шӹ ин 13 июньын Россий Федерацин президентшӹн сӓндӓлӹквлӓ лоштышы келшӹмӓш шотышты специальный представительжӹ Михаил Швыдкой конкурсым эртӓрӹмӹ жепӹм весӹм пӓлдӹртен — 2025-шы ин тӹнгӓлтӹшӹштӹ[5].

2025-шӹ ин 3 февральын Россий Федерацин президентшӹ Владимир Путин «Интервидени» мыры конкурсым 2025-шӹ ин эртӓрӹмӹ гишӓн Указышкы кидшӹм пиштен[6], конкурс 20 сентябрьын Москвашты «Live Аренӹштӹ» эртӓ лиэш[7].

Истори

Музыкальный конкурслан негӹцӹм «Интервидени» международный организаци пиштен. Ти организацижӹм 1960-шы ин февральын Радиовещанин дӓ телевиденин международный организацижӹ шачыктен. Интервиденишкӹ тӹнг шотышты социалистический лагерьӹн сӓндӓлӹквлӓ пыренӹт. Интервиденин соокшы органвлӓжӹ — Интервиденин Советшӹ, Координационный технический центр, Программывлӓм координируйышы центр Прага халашты вӓрлӓненӹт. Сек анзыц Интервиденишкӹ СССР, ГДР, Польша, Венгри, Чехословаки пыренӹт. Организацин самостоятельный членеш тенгеок Украина, Эстони, Латви шотлалтыныт. Ти сӓндӓлӹквлӓн 1962-шы и гӹц ӹшке лоштышты телевизионный программывлӓм, трансляцивлӓм нӓнгемӹм вӓш-вӓш вашталтылаш йӧнӹштӹ ылын. 1963-шы ин апрель тӹлзӹ гӹц Интервиденишкӹ Болгари дӓ Румыни ушненӹт. Варарак Интервиденишкӹ Литва, Белорусси, Молдави, Куба, Монголи, Финлянди, Вьетнам, Афганистан пыренӹт. Интервиденин пӓшӓшкӹжӹ тенгеок Югославин телевизионный организацивлӓжӹ пижынӹт. Интервиденин программывлӓжӹ лошты айыртемӹн репортажвлӓ дӓ спортивный соревнованивлӓм анжыктышы трансляцивлӓ шалгенӹт, тӹлец пасна тетявлӓлӓн, музыкальный, сусура передачывлӓм анжыктенӹт. И гӹц ишкӹ Сопот польский халашты мыры конкурс эртӓрӓлтӹн, 1977-шӹ ин тӹдӹлӓн «Интервидени» официальный лӹмӹм пумы. Фестивальышты шукы хына мырен, нӹны лошты Глория Гейнор, Петула Кларк, «Бони М» группа дӓ молат.

Мыры конкурслан виӓнгмӹжӹлӓн Польшыштышы политический событивлӓ цӓрӓкӹм ӹштенӹт: 1980-шы ин кӓнгӹжеш «Солидарность» движенин вуйлатымыжы доно Гданьск халашты таманяр тӹжем пӓшӓлӹшӹ бастуенӹт. Вес иэш польский вуйлатышывлӓ военный положеним пыртенӹт, ӧлицӓвлӓштӹ танквлӓ дӓ вооружённый полици кашташ тӹнгӓлӹнӹт, Сопотышты конкурс эртӓрӓлтде.

1983-шы ин «Интервидени»-м пачыныт дӓ шӹм халашты эртӓренӹт, нӹнӹ лошты Тампере, Москва, Варшава, София, Прага (тӹштӹ кок гӓнӓ эртӓрӓлтӹн, финалат тӹштӹ лин) халавлӓ. Гран-Прим «Мӹнь перви ылмы вӓрвлӓшкӹ пӧртӹлӓш яратем» (Lubie wracac tam gdzie bylem)[8][9] мыры доно польский мырызы Збигнев Водецкий сӹнген нӓлӹн, лауреатвлӓ лошты — Марина Флореа (Румыни), Маргарита Горанова (Болгари), Карел Чернох (Чехословаки). Конкурсым 1984-шӹ ин Польшышты эртӓрӹмӹкӹ, тӹдӹ угӹц Сопотыштышы музыкальный фестиваль маналташ тӹнгӓлӹн[10].

Интервидени социалистический лагерь пыжгайалтмы паштек пӹтен[11]. Тидӹ паштек конкурсым угӹц ӹлӹжтӓш шанымаш икӓнӓк агыл лӓктӹн. Келшӹмӓш шанхайский организацин палшен кердмӹмӓт шӹкӓлделыт.

«Вӹц шӹдӹр. Интервидени»

2008-шӹ ин «Якшар Квадрат» компани Первый канал доно иквӓреш конкурсым Сочи халашты ӹлӹжтӓш цаценӹт[2]. Сӓмӹрӹк мырызывлӓн «Вӹц шӹдӹр» россий кӱкшӹцӓн конкурсым международный кӱкшӹцӓнӹм ӹштӓш шанымаш тагынамок пӧрдӹн каштын. Первый канал ти конкурсым кым и национальный форматышты эртӓрен, цилӓ инок оргкомитетӹшкӹ вес сӓндӓлӹквлӓ гӹц заявкывлӓ пырен шалгенӹт. Нӹлӹмшӹ гӓнӓ эртӓрӹмӹ годым правилывлӓм вашталтенӹт. «Вӹц шӹдӹр» докы шукырак эдемӹм кымылангдаш манын, конкурсын форматшым дӓ лӹмжӹм «Вӹц шӹдӹр. Интервидени»-шкӹ вашталташ шанымаш лӓктӹн.

Дӓ уэш мычаш

Первый каналын 2008-шӹ ин у правилывлӓм пыртымы велдӹк вес «Интервидени» конкурсышты сӹнгӹшӹ сӓндӓлӹкӹштӹ эртӓрӓлтшӓшлык ылын. 2009-шӹ ин шошым конкурсым йӓмдӹлӹшӹвлӓ Душанбе халашты ылыныт, нӹнӹ таджиквлӓ сага конкурсым «Кохи Борбад» культурно-развлекательный комплексӹштӹ эртӓрӓш шанен пиштенӹт. Тенге гӹнят, эртӓрӹмӹ жеп август тӹлзӹ гӹц октябрь тӹлзӹшкӹ вашталтын[12]. 2009 ин октябрь тӹлзӹн Таджикистанышты Телевидени да радовещани комитетӹн вуйлатышын икшӹ вашталтышыжы Абдурахмон Абдуманнонов пӓлдӹртен — российский монгыр гӹц официальный сирмӓш конкурсым йӓмдӹлӹшӹ «Якшар квадрат» дӓ Первый канал дорц пырен, тӹштӹ нӹнӹ «конкурсым Душанбе халашты тене эртарӓш йӧн уке» лимӹ гишӓн увертӓренӹт[13]. Тӹлец пасна, «Интервидени»-м ӹштӹшӹвлӓ конкурсышкы Келшӹмӓш шанхайский организацишкӹ пырышы сӓндӓлӹквлӓм ушаш шанен пиштенӹт, седӹндон эртарӹмӹ пӓшӓм 2010-шы ишкӹ ваштенӹт.

Уэш шачмаш

2009-шӹ ин российский премьер-министр Владимир Путин конкурсым угӹц тӓрвӓтӓш шанымашым лыктын, тидӹ гӓнӓ пӓшӓм Россий, Китай дӓ Центральный Азишкӹ пырышы сӓндӓлӹквлӓ (тӹнг шотышты Келшӹмӓш шанхайский организацишкӹ (ШОС) пырышывлӓ) лошты эртӓрӓш шанымы[14][15][16]. 2014-шӹ ин май тӹлзӹн увертӓрӹмӹ — конкурс октябрь тӹлзӹн пӧртӹлеш, тӹшкӹ экс-советский сӓндӓлӹквлӓ дӓ ШОС-ын членвлӓжӹ ушнат[3]. Тенге угӹц пӧртӹлшӹ сӓмӹрӹк мырызывлӓн «2014 иӓш Интервидени» сӓндӓлӹквлӓ лошты тӓнгӓшӹшӹ конкурсым 2014-шӹ ин октябрь тӹлзӹн Сочи халашты эртӓрӓш шанен пиштӹмӹ[17]. Российский айырышы тур музыкальный конкурс семӹнь «Вӹц шӹдӹр» лӹм доно 2014-шӹ ин июнь тӹлзӹн Ялта халашты эртен. Варарак конкурсым шошым векӹлӓ шӹкӓлӹнӹт, конкурсым эртӓрӹшӹ Владимир Дробыш попымы доно — политический ситуаци гишӓн[18]. Жеп эртӹмӹкӹ, эртӓрӹшӹвлӓ нимахань официальный уверӹм лыкделыт — конкурс лиде.

2025 иӓш Интервидени

2025-шӹ ин 3 февральын Россий Федерацин президентшӹ Владимир Путин «Интервидени» музыкальный конкурсым 2025-шӹ ин эртӓрӹмӹ гишӓн Указышкы кидшӹм пиштен, тӹдӹ Москвашты дӓ Московский областьышты эртӓрӓлтеш лиэш[6]. Конкурсышкы ушнымышты гишӓн 20 утла сӓндӓлӹк пӓлдӹртенӹт[19].

25 февральын Россий Федерацин правительствыжы конкурсын оргкомитетшӹм пингӹдемден. Тӹшкӹ Россий Федерацин культура министр Ольга Любимова, Первый каналын генеральный директоржы Константин Эрнст дӓ Россий Федерацин президентшӹн сӓндӓлӹквлӓ лоштышы келшӹмӓш шотышты специальный представительжӹ Михаил Швыдкой пыренӹт[20].

20 мартын пӓлӹмӹ лин — «Интервидени»-м эртӓрӹмӓшкӹ правительство 750 миллион тӓнгӓм пуа[21].

12 июньын Манежный площадьышты «2025 иӓш Интервидени» тӹнгӓлмӹ якте жепӹм шотлышы цӓшӹм колтымы лӹмеш торжественный церемони лин[22].

Конкурсышты Россий верц Российӹн заслуженный артистшӹ Ярослав Дронов лӓктеш, тӹдӹ Shaman псевдоним доно пӓлӹмӹ ылеш[23]. Сӓндӓлӹквлӓ лоштышы музыкальный «Интервидени» конкурсышкы Россий гӹц пырышы участникшӹ гишӓн Первый каналын «Пусть говорят» программын эфирӹштӹжӹ 19 майын увертӓрӹмӹ ылын[24].

Эртӓрӹмӹ жеп — 20 сентябрьын Москваштышы «Live Арена»-шты[7].

Конкурсыш ушнышы сӓндӓлӹквлӓ

См. также: Список стран на конкурсе песни Интервидение
Интервиденин картшы. 1977 и гӹц участвуят:      Конкурсыш хоть ик гӓнӓ ушнышы сӓндӓлӹквлӓ      Конкурсыш ушнен кердшӹ сӓндӓлӹквлӓ, но ушнаш кымылышты уке.      Конкурсыш ушнаш шанышы дӓ участиштӹм пингӹдемдӹшӹ, но тамахань вир гишӓн ядмашыштым карангдышы сӓндӓлӹквлӓ.

«Интервидени» мыры конкурсышкы Независимый сӓндӓлӹквлӓн ушемӹшкӹ, Келшӹмӓш шанхайский организацишкӹ пырышы сӓндӓлӹквлӓ дӓ молнамшы СССР-ын республикӹвлӓжӹ (Балтия сӓндӓлӹквлӓ хӓлӓ) ушнен кердӹт, тенгеок Южный Корей дӓ Япони пырат. Блок ШОС гӹц анжышы сӓндӓлӹквлӓ (Инди, Иран, Монголи, Пакистан дӓ Афганистан) ӱжмӹ шотышты кӹзӹт раш агыл. Перви Восточный блок гӹц сӓндӓлӹквлӓ дӓ молы вес сӓндӓлӹквлӓӓт ушнен кердӹнӹт[25][26][27].

Ӹшке жепыштӹжӹ конкурсышты цилӓжӹ 30 сӓндӓлӹк лин: Армени, Азербайджан, Беларусь, Бельги, Болгари, Канада, Китай, Куба, Финлянди, Венгри, Казахстан, Киргизи, Латви, Молдави, Марокко, Нидерланды, Польша, Португали, Румыни, Россий, Испани, Швейцари, Таджикистан, Туркменистан, Украина, Узбекистан; тенгеок эче тагачшы кечеш укелӓн шотлалтшы Чехословаки, ГДР, СССР дӓ Югослави.

2025 ин июньын США «2025 иӓш Интервидени» конкурсышты участим пингӹдемден[28].

Перви конкурсышкы ушнышы сӓндӓлӹквлӓ лошты Армени, Азербайджан, Беларусь, Бельги, Болгари, Канада, Куба, Финлянди, Венгри, Латви, Молдави, Марокко, Нидерланды, Польша, Португали, Румыни, Испани, Швейцари, Туркменистан, Украина линӹт, кӹзӹтшӹ жепӹн нӹнӹ тӹшкӹ ак пыреп.

Эче конкурсышкы ушнен кердшӹ вӹц сӓндӓлӹк лошкы Грузи, Литва, Эстони, Южный Корей дӓ Япони пырат, тагачшы жепеш нӹны тышкӹ эче ушныделыт[25][26][27].

Кемӓш, пӧртӹлмӓш дӓ дебют

Ушымы ячейкывлӓм шӓлӓтӓш манын, «И» ячейкӹш темдӓлдӓ.
И Эртӓрӹмӹ вӓр Дата ЦУ Дебют Пӧртӹлмӓш Кемӓш Сӹнгӹшӹ
1977  ПНР 24-27 август 20 / 11 11:  Болгари,  Венгри,  ГДР,  Испани,  Куба,  ПНР,  Румыни,  СССР,  Финлянди,  Чехословаки,  Югослави — —  Чехословаки
1978  ПНР 23-26 август 12 / 10 1:  Канада 2:  Куба,  Югослави  СССР,
 Чехословаки
1979  ПНР 22-25 август 13 3:  Бельги,  Марокко,  Португали 1:  Куба 1:  Канада  ПНР
1980  ПНР 20-23 август 14 / 13 2:  Нидерланд,  Швейцари 1:  Югослави 3:  Бельги,  Марокко,  Португали  СССР,
 Финлянди,
 Чехословаки
1983  СССР,
 Финлянди,
 Чехословаки,
 ПНР,
 Болгари 		 ПНР
2008  Россия 28-31 август 11 11:  Азербайджан,  Армени,  Белорусси,  Казахстан,  Киргизи,  Латви,  Молдави,  Россия,  Таджикистан,  Туркменистан,  Украина — 13:  Болгари,  Венгри,  ГДР (воксешок),  Испани,  Куба,  Нидерланд,  Польша,  Румыни,  СССР (воксешок),  Финлянди,  Чехословаки (воксешок),  Швейцари,  Югослави (воксешок)  Таджикистан

Конкурсыш ушнышы сӓндӓлӹквлӓн рейтингӹштӹ

№ Сӓндӓлӹк Ⅰ Ⅱ Ⅲ Ⅳ Ⅴ
1  Чехословаки 3 0 0 0 0
2  СССР 2 0 0 1 1
3  Польша 1 0 2 1 0
4  Таджикистан 1 0 0 0 0
 Финлянди 1 0 0 0 0
5  Испани 0 2 0 0 0
6  ГДР 0 1 0 1 2
7  Куба 0 1 0 0 0
8  Россий 0 1 0 0 0
9  Румыни 0 0 1 1 0
10  Венгри 0 0 1 0 1
11  Армени 0 0 1 0 0
12  Болгари 0 0 0 2 0
13  Киргизи 0 0 0 1 0
 Нидерланд 0 0 0 1 0
14  Казахстан 0 0 0 0 1

Сӹнгӹшӹвлӓ

Ӱлнӹ «Интервидени» мыры конкурсын кемӹ лоштыжы цилӓ жепӓш сӹнгӹшӹвлӓн спискӹм анжыктымы.

И Сӓндӓлӹк Мырызы Мыры Балл Айырлымаш Кокшы вӓр Дата Эртӓрӹмӹ вӓр
1977  Чехословаки Гелена Вондрачкова Malovaný džbánku 174 24  Куба 27 август Флаг Польши Сопот
1978[29]  СССР Алла Пугачёва «Всё могут короли» 88 24  ГДР[30] 26 август Флаг Польши Сопот
 Чехословаки Вацлав Нецкарж Patrik
1979  ПНР Чеслав Немен Nim przyjdzie wiosna 82 16  Испани 25 август Флаг Польши Сопот
1980[31]  СССР Николай Гнатюк На ветрах осенних 30 6  Испани[32] 23 август Флаг Польши Сопот
 Финлянди Марион Рунг Where Is The love
 Чехословаки Марика Гомбитова I Want to Share With You
1981 гӹц 2007 и якте конкурс эртӓрӓлтде
2008  Таджикистан Тахмина Ниязова Hero 216 1  Россий[33] 31 август Флаг России Сочи
2009 и гӹц кӹзӹтшӹ жеп якте конкурс ак эртӓрӓлт

Примечани

  1. ↑ История фестиваля в Сопоте. Тергӹмӹ кечӹ: 2 январьын 2013. Архивировано из оригинала 19 январьын 2010 года.
  2. ↑ 1 2 Пять звёзд. Интервидение в Сочи (2008). Красный квадрат. Тергӹмӹ кечӹ: 23 июльын 2017. Архивировано из оригинала 6 мартын 2019 года.
  3. ↑ 1 2 Russia: Intervision To Return This October. Тергӹмӹ кечӹ: 7 июльын 2014. Архивируйымы 17 октябрьын 2015 года.
  4. ↑ Конкурс песни "Интервидение" пройдет в Москве в 2024 году, РИА Новости (21.03.2024). Дата обращения: 21 мартын 2024.
  5. ↑ "Интервидение" могут провести в Москве в начале 2025 года. ТАСС (13 июньын 2024). Тергӹмӹ кечӹ: 13 июньын 2024.
  6. ↑ 1 2 Музыкальный конкурс "Интервидение" пройдет в 2025 году в Московском регионе. interfax.ru (3 февральын 2025). Тергӹмӹ кечӹ: 3 февральын 2025.
  7. ↑ 1 2 "Интервидение" пройдет 20 сентября, TACC (30 апрельӹн 2025). Дата обращения: 30 апрельӹн 2025.
  8. ↑ Lubię wracać tam gdzie byłem - Utwory - Cyfrowa Biblioteka Polskiej Piosenki. Тергӹмӹ кечӹ: 17 декабрьын 2018. Архивируйымы 16 мартын 2021 года.
  9. ↑ Мелодии и ритмы зарубежной эстрады. Тергӹмӹ кечӹ: 23 апрельӹн 2018. Архивируйымы 27 октябрьын 2020 года.
  10. ↑ Политические скандалы. Тергӹмӹ кечӹ: 28 майын 2014. Архивируйымы 29 майын 2014 года.
  11. ↑ Международная организация «Интервидение»
  12. ↑ Сроки проведения конкурса «Пять звезд. Интервидение» переносятся (руш.). Тергӹмӹ кечӹ: 24 майын 2014. Архивировано из оригинала 25 июльын 2014 года.
  13. ↑ Международный конкурс «Пять звезд. Интервидение» в этом году не состоится, - КТР (руш.). Тергӹмӹ кечӹ: 24 майын 2014. Архивировано из оригинала 25 июльын 2014 года.
  14. ↑ Intervision: The Russian proposed song contest with China, Central Asia Архивный копи от 13 ноябрьын 2017 на Wayback Machine (Shanghaiist: Shanghai News, Food, Arts & Events)
  15. ↑ Putin mulls Intervision Song Contest Архивный копи от 16 июльын 2013 на Wayback Machine (BBC World Service)
  16. ↑ Vladimir Putin proposes rival to Eurovision Song Contest between Russia and central Asian countries Архивный копи от 13 июльын 2015 на Wayback Machine (Daily Mail)
  17. ↑ Федоткина, Татьяна На каждое «Евровидение» у России найдется своё «Интервидение» (руш.). Московский комсомолец (21 майын 2014). Тергӹмӹ кечӹ: 24 майын 2014. Архивируйымы 24 майын 2014 года.
  18. ↑ Конкурс «Интервидение» откладывается из-за политической ситуации (руш.). Русская служба новостей (26 августын 2014). Тергӹмӹ кечӹ: 2 сентябрьын 2014. Архивировано из оригинала 3 сентябрьын 2014 года.
  19. ↑ Более 20 стран подтвердили участие в конкуре «Интервидение» в Москве
  20. ↑ Правительство утвердило состав оргкомитета "Интервидения", РИА Новости (25 февральын 2025). Дата обращения: 25 февральын 2025.
  21. ↑ МИД получит 750 млн руб. на проведение песенного «Интервидения», РБК (21 мартын 2025). Дата обращения: 21 мартын 2025.
  22. ↑ МИД получит 750 млн руб. на проведение песенного «Интервидения», РБК (21 мартын 2025). Дата обращения: 21 мартын 2025.
  23. ↑ Shaman представит Россию на «Интервидении», РБК (19 майын 2025). Дата обращения: 19 майын 2025.
  24. ↑ Представителя РФ на "Интервидении" объявят 19 мая на Первом канале, TACC (18.05.2025). Дата обращения: 18 майын 2025.
  25. ↑ 1 2 Granger, Anthony Russia: Intervision To Return This October. Eurovoix (23 майын 2014). Тергӹмӹ кечӹ: 26 майын 2014. Архивируйымы 17 октябрьын 2015 года.
  26. ↑ 1 2 Bartlett, Paul Bearded Lady Spurs Russia to Revive Soviet-Era Song Contest. eurasianet.org (23 майын 2014). Тергӹмӹ кечӹ: 30 майын 2014. Архивируйымы 25 майын 2014 года.
  27. ↑ 1 2 Россия нашла замену "Евровидению" (Russian). Архивировано 9 январьын 2019 года. Дата обращения: 1 июньын 2014.
  28. ↑ США примут участие в "Интервидении", TACC (11 июньын 2025). Дата обращения: 11 июньын 2025.
  29. ↑ В 1978 году было два победителя, так как СССР и Чехословакия набрали равное количество баллов, а тогда правила не предусматривали дальнейших действий в этом случае.
  30. ↑ Из-за того, что победителями было объявлено две страны, ГДР заняла третье место
  31. ↑ В 1980 году было три победителя, так как СССР, Финляндия и Чехословакия набрали равное количество баллов, а тогда правила не предусматривали дальнейших действий в этом случае.
  32. ↑ Из-за того, что победителями было объявлено три страны, Испания заняла четвёртое место
  33. ↑ Победитель "Интервидения" - Тахмина Ниязова (Таджикистан) (руш.). Первый канал (31 августын 2008). Тергӹмӹ кечӹ: 13 августын 2014. Архивируйымы 25 февральын 2014 года.

Ссылкывлӓ

«https://mrj.ruwiki.ru/w/index.php?title=Интервидени_(мыры_конкурс)&oldid=314830» гӹц нӓлмӹ