Евтюхин, Марк Николаевич
| Марк Николаевич Евтюхин | |
|---|---|
 | |
| Шачмы кечӹ | 1964 и 1 май |
| Шачмы вӓр |
Йошкар-Ола, Мары АССР, СССР |
| Колымы кечӹ | 2000 и 1 март (35 и) |
| Колымы вӓр | 776 кӱкшӹц, Шатойский район, Чечня, Россий |
| Пырымаш |
 СССР (1985—1991) Россий (1991—2000) |
| Войскан йиш | ВДВ |
| Служымы жеп | 1985—2000 |
| Звани |
 |
| Часть | ВДВ-н 76-шы дивизи |
| Кредӓлмӓш/вырсы |
Афганский вырсы,
|
| Награда дӓ преми |
 |
 Медиафайлы на РУВИКИ.Медиа | |
Марк Николаевич Евтюхин (1 май 1964, Йошкар-Ола — 1 март 2000, Аргунское ущелье[d], Чечня[d]) — Черниговыштышы 76-шы Якшар знамян гварди воздушно-десантный дивизин 104-шӹ гварди Якшар знамян парашют-десант полкын 2-шы парашют-десантн батальонын командиржӹ, гвардин подполковник, Россий Федерацин Геройжы.
Ӹлӹмӓш корныжы
1964 ин 1 майын Йошкар-Олашты военный чангышын семняэш шачын. Йиш шӹреш ӹлӓш сакой вӓрӹш ванжен: Анадырь, Тбилиси, Североморск. Североморск халашты 7 №-ӓн кӹдӓлӓш школым тымень пӹтӓрен[1].
1985 ин Рязаньыштышы Ленин комсомол лӹмӓш кӱшӹл воздушно-десантный командный училищӹм тымень пӹтӓрен. Училищӹм пӹтӓрӹмӹкӹ, 1988 и якте Афганистанышты кредӓрмӓшвлӓштӹ участвуен. Абхазиштӹ дӓ Босништӹ миротворческий миссивлӓштӹ ылын[2].
2000 ин 31 январьын ӹшке батальонжы доно иквӓреш М. Н. Евтюхин Кокшы Чечняштышы вырсы годым Чечняш командировкыш толын. 9 февральын кредӓлмӓш годым батальон 30 якте боевикӹм дӓ тышманын кок машинӓм пӹтӓрен.
Остатка кредӓлмӓш
2000 ин 28 февральын Евтюхин батальонын 6-шы ротын командиржӹ майор С. Г. Молодов Улус-Керт донышы Исты-Корд кӱкшӹцӹм нӓлӓш приказым нӓлӹн. Но, Молодов частьӹш токо веле толын дӓ личный состав донат пӓлӹмӹ лин шоктыдеӓт, Марк Евтюхин операциштӹ ӹшке участвуяш решеним нӓлӹн.
29 февральын 6-шы рота 776 кӱкшӹцӹш шон, тӹштӹ Аргун кырык ӓнгӹшкӹлӓ кешӹ бандформированин отрядвлӓ доно кредӓлмӓш тӹнгӓлӹн.
М. Н. Евтюхин разведдозорлан ротын опорный пункт докы цӓкнӓшӹштӹ йӧнӹм ӹштен. Тышман ви нӹнӹ гӹц когон шукы ылын гӹнят, тышманын сдаялташ ӓль нӹнӹм анзыкы колташ ядмашеш отказен. Кредӓлмӓш годым, майор Молодов колымыкы, десантиквлӓн обороным вуйлатен. Ик гӓнӓ веле агыл шушырген гӹнят, салтаквлӓ доно пакыла командуен.
1 мартын ирок кӱкшӹцӹштӹ оружим кычен кердшӹ лач 4 десантник-гвардеец веле кодын. Сек нелӹ выртын подполковник Евтюхин дӓ артиллери виктӓрӹшӹ капитан Романов тышман тылым ӹшке вӹкӹштӹ нӓлӹнӹт[3].
Псковышты (Орлецы-2) халашты колышы десантниквлӓ сага ӹзӓк-шоляк шӹгерлӓэш тайымы[4].
Наградывлӓ
Россий Федераци Президентӹн 2000 и 12 марташ 484 №-ӓн указшы доно Йыдпелвел-Кавказ регионышты законан агыл вооружённый формированивлӓм пӹтӓрӹмӹ годым патыр дӓ лӱддӹмӹ ылмыжы гишӓн гварди полковник Евтюхин Марк Николаевичлӓн Россий Федерацин Герой званим пумы (колымыкыжы).
Йиш
Вӓтӓн ылын, вӓтӹжӹ — Лилия, ӹдӹржӹ — Оля[1].
Пӹтӓришӹ Чечняштышы вырсы годым Марк Евтюхинӹн ӓтя-ӓвӓжӹ шоляжы, тангыж пехотын офицер Игорь Евтюхин колымы гишӓн уверӹм нӓлӹнӹт; но варарак пӓлӹ лин: тӹдӹ шушырген веле ылын. Ӓтяжӹн, Николай Евтюхинӹн, инфаркт ылын[5][6].
Ӓшӹндӓрӹмӓш
2001 ин 26 декабрьын Оборона министрын приказшы доно курымеш Рязаньыштышы ВВДКУ-н 3-шы ротын спискӹш пыртымы.
2019 и гӹц Йошкар-Олаштышы у ӧлицӓвлӓ логӹц иктӹжӹ Марк Евтюхинӹн лӹмжӹм намалеш[7][8].
2004 ин 1 майын Йошкар-Олашты Гагарин проспектӹштӹшӹ 18 томаэш, тӹштӹ Марк Евтюхин шачын дӓ кушкын, мемориальный хангам вӓрӓнгдӹмӹ[4].
Марк Евтюхинӹм ӓштӹмӹ лӹмеш Йошкар-Олашты и йӹде дзюдо доно сӓмӹрӹквлӓн турнирӹм эртӓрӓт.
Североморск халашты Марк Николаевич Евтюхин лӹмӹм 7-шӹ №-ӓн кӹдӓлӓш общеобразовательный школ намалеш, тӹдӹм тӹдӹ тымень пӹтӓрен. Школ зданиэш 2001 ин мемориальный хангам вӓрӓнгдӹмӹ[9].
Псков халашты 6-шы рота герой-десантниквлӓлӓн монументӹм шагалтымы, тӹдӹн доран 2013 ин 1 мартын Россий президент В. В. Путин трауран венокым пиштен[10].
Грозный халашты Старопромыслов районышты ӧлицӓ «Псковыштышы 84 десантникӹн ӧлицӓ» маналтеш[11].
Санкт-Петербургышты 6-шы рота герой-десантниквлӓлӓн памятникӹм шагалтымы[12].
Йошкар-Олашты Сӹнгӹмӓш бульварышты 2017 ин 2-шы августын Россий Федераци Герой Марк Евтюхинлӓн бюстым пачмы[13].
2000 ин Псков халашты 5-шӹ №-ӓн кӹдӹлӓш общеобразовательный школ Российӹн Герой Марк Евтюхин лӹмӹм намалаш тӹнгӓлӹн[14]. 2018 ин зданиэш мемориальный ангам вӓрӓнгдӹмӹ[15].
2004 ин «Шӱлӹшӹн воинвлӓ» сем спектакль лӓктӹн, Марк Евтюхинӹн рольжым Российӹн заслуженный артистшӹ Дмитрий Дюжев мадеш[16].
РФ Герой М. Евтюхинӹн дӓ 6-шы ротыштышы десантниквлӓн боевой подвигӹштӹлӓн пасна лыдыш произведенивлӓм сирӹмӹ. Тенге, Мары Эл гӹц поэт А. Шурыгин М. Евтюхинлӓн «Мӓмнӓн геройна» лыдышым сирен[17].
Российӹн Геройжы, гварди подполковник М. Н. Евтюхинлӓн Йошкар-Олашты мемориальный ханга (Гагарин пр., 18)
Россий Почтын Марк Евтюхинӹм ӓшӹндӓрӹмӹ лӹмеш лыкмы марка
.jpg)
Примечани
- ↑ 1 2 Марк Евтюхин — Герой, Союз ветеранов спецназа ГРУ имени Героя Российской Федерации Шектаева Д. А. (20 февральын 2020). Дата обращения: 25 сентябрьын 2025.
- ↑ Евтюхин Марк Николаевич. Герой России, подполковник. Централизованная библиотечная система города Пскова. Тергӹмӹ кечӹ: 25 сентябрьын 2025.
- ↑ Игорь Алексеев. Последняя высота Марка Евтюхина, уроженца Йошкар-Олы. «Йошкар-Ола», городская газета (8 майын 2024). Тергӹмӹ кечӹ: 25 сентябрьын 2025.
- ↑ 1 2 Евтюхин Марк Николаевич. Сайт «Герои страны». Тергӹмӹ кечӹ: 25 сентябрьын 2025. Архивируйымы 18 ноябрьын 2018 года.
- ↑ Ирина Павлюткина. Жила-была семья... Газета «Красная звезда» (19 октябрьын 2002). Тергӹмӹ кечӹ: 25 сентябрьын 2025. Архивируйымы 17 декабрьын 2018 года.
- ↑ Елена Василькова. Шестая рота. Российская газета (17 майын 2012). Тергӹмӹ кечӹ: 25 сентябрьын 2025. Архивируйымы 17 декабрьын 2018 года.
- ↑ 2GIS Captcha. captcha.2gis.ru. Тергӹмӹ кечӹ: 25 сентябрьын 2025. Архивируйымы 10 апрельӹн 2022 года.
- ↑ Новая улица на карте Йошкар-Олы (руш.). Свежие новости Марий Эл и Йошкар-Олы – Ваш новый день. Тергӹмӹ кечӹ: 25 сентябрьын 2025. Архивируйымы 9 февральын 2020 года.
- ↑ Официальный отдел. Пресс-служба ВМФ сообщает. // Морской сборник. — 2001. — № 4. — С.10—11.
- ↑ Александр Юнашев. Путин почтил память 6-й роты псковских десантников. Life.ru (1 мартын 2013). Тергӹмӹ кечӹ: 25 сентябрьын 2025. Архивируйымы 18 ноябрьын 2018 года.
- ↑ Легендарная псковская 6-ая рота. Официальный сайт г. Пскова. Тергӹмӹ кечӹ: 25 сентябрьын 2025. Архивируйымы 19 майын 2011 года.
- ↑ В Петербурге поставят памятник 6-й роте Псковской десантной дивизии. ПЛН - Псковская лента новостей (4 мартын 2010). Тергӹмӹ кечӹ: 25 сентябрьын 2025. Архивируйымы 24 августын 2013 года.
- ↑ В столице Марий Эл в День ВДВ открыт бюст Героя России Марка Евтюхина. Дата обращения: 25 сентябрьын 2025.
- ↑ Андрей Турчак уверен, что вице-премьеру РФ понравилось бы дошкольное отделение при псковской школе №5. Псковское агентство информации (12 мартын 2015). Тергӹмӹ кечӹ: 25 сентябрьын 2025. Архивируйымы 24 мартын 2015 года.
- ↑ Виталий Суриков. На фасаде школы № 5 в Пскове открыли памятную доску подполковнику Марку Евтюхину. Комсомольская правда (5 сентябрьын 2018). Тергӹмӹ кечӹ: 25 сентябрьын 2025. Архивируйымы 15 декабрьын 2018 года.
- ↑ «Воины духа» — мюзикл про российских десантников (руш.). InterMedia (4 апрельӹн 2004). Тергӹмӹ кечӹ: 25 сентябрьын 2025. Архивируйымы 19 мартын 2019 года.
- ↑ Поэт из Марий Эл посвятил стихи герою-десантнику Марку Евтюхину (руш.). Официальный сайт газеты «Марийская правда» (18 августын 2017). Тергӹмӹ кечӹ: 25 сентябрьын 2025. Архивируйымы 10 ноябрьын 2017 года.
Литература
- Дементьев О. В., Клевцов В. В. Шаг в бессмертие. — М.: Звонница-МГ, 2007. — 336 с. — ISBN 978-5-88093-146-0.
- Евтюхин Марк Николаевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 116. — 2032 экз. — ISBN 5-87898-357-0.
- Евтюхин Марк Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 349. — 872 с. — 3505 экз. — ISBN 978-5-94950-049-1.
- Айплатов Г. Н., Изергин В. И., Мочаев В. А. Евтюхин Марк Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 529. — 606 с. — 1500 экз. — ISBN 978-5-905314-35-3.