Григорьев, Андрей Николаевич
| Андрей Николаевич Григорьев | |
|---|---|
 | |
| Шачмы кечӹ | 12 май 1989 (37 и) |
| Шачмы вӓр | |
| Звани | Изирӓк сержант[d] |
| Кредӓлмӓш/вырсы | |
| Награда дӓ преми |
 |
Андрей Николаевич Григорьев (шач. 12 май 1989, Киров[d], Якутский Автономный Советский Социалистический Республика[d]) — российӹштӹшӹ военный, ефрейтор, Украинӹштӹ эртӹшӹ военный действин участникшӹ. Российӹн Геройжы (2025) ылеш[1].
Ӹлӹмӓш корныжы
Андрей Григорьев Якутиштӹ Киров солашты шукы тетяӓн семняштӹ шачын[2]. Шачмы Нюрбинский районыштыжы сельскохозяйственный кооперативӹштӹ трактористӹн пӓшӓм ӹштен[3].
Украинӹштӹ военный действиштӹ участвуен. Тӹдӹн ӱжмӹ лӹмжӹ — «Тута». РФ-н Вооружённый Силан «Ирвел» войска тӹшкӓн 39-шӹ мотострелковый бригадышты службым эртен[4][5].
2025 ин 23 февральын, Туан сӓндӓлӹкӹм перегӹшӹн кечӹн, российӹштӹшӹ военнослужащивлӓм награждайымы церемоништӹ РФ-н президентшӹ Владимир Путин Андрей Григорьевлан Россий Геройын «Шӧртньӹ шӹдӹржӹм» кычыктен[6].
Якутиштӹ Андрейлан районыштышы власть квартирӹм дӓ мӱлӓндӹ ӓнгӓм подарен, а фермервлӓ ӹшке фермӹжӹм ӹштӓш палшенӹт, 20 вольык вуйым дӓ якут вырлык имним подаренӹт[3].
Семня
Вӓтӓн ылеш, вӹц тетяжӹ улы[7].
Подвиг
2024 ин ноябрьын ВСУ-н ДНР-ын Трудовое солам мӹнгеш шыпшын нӓлмӹ годым Андрей Григорьев украинский военный доно кидӓ-кидӓ кредӓлӓш пижӹн ылын. Тышманын шлем вӹлнӹшӹ камерӹжӹ ти шиэдӓлмӓшӹм снимаен. 2025 ин тӹнгӓлтӹшӹн водео соцсетьыш попазен.
Андрей Григорьев попен: тӓнг дон когыньыштлан Трудовое солашты Российӹн флагшым лӱктӓлӓш шӱдӹмӹ ылын, но шӱдӹмӓшӹм шоктымы годым Григорьевӹн тӓнгшӹм украин пулемётчик пуштын. Украин салтак Григорьевлан пленӹш сдаялташ келеш манын ӹшке векӹ сӓрӓш цацен[8], но тӹдӹжӹ кредӓлӓш пижӹн[9]. Григорьев пеленжӹ якутский кӹзӹм намалын ылын, тӹдӹн палшымы донок тышманым сӹнген. Украин салтак тӹдӹлӓн, цилӓ сӓндӓлӹкӹштӹ сек яжо воин ылеш манын, ӓкӹм пуэн дӓ ӹшкӹмжӹм коден кеӓш дӓ «ладнан шӹлӹн кеӓш йӧнӹм пуаш» ядын. Григорьев ядмашыжым шоктен. Кредӓлмӓш паштек Григорьевлан тышманын тылышты эче куд кечӹ ӹшкеток ӹлен лӓктӓш вӓрештӹн[10]. Тӹдӹ стёкла кӓтӹк доно 14 вӓре, кӹзӹ доно кок вӓре шушырген, контузиялтын. Госпитальышты лицӓлтӹн.
РФ-н президентшӹ Владимир Путин 2025 ин 11 январьын Андрей Григорьевлан «воинский долгым шоктымы годым патырлыкым дӓ героизмӹм анжыктымы гишӓн» Российӹн Геройжы званим пуэн[11].
Тӹ кечӹнок Андрей Григорьев доно Якутин вуйлатышыжы Айсен Николаев вӓшлин ылын. Тӹдӹ пӓлемден: салтак — скромна сӓмӹрӹк эдем ылеш, ӹшкӹмжӹм героэш ак шотлы. Тӹдӹн подвигшӹ гишӓн видео ак ли ыльы гӹнь, тӹдӹм, векӓт, иктӓт ак пӓлӹ ыльы. Вӓшлимӓш мычашты Айсен Николаев Андрей Григорьевлан у якутский кӹзӹм пуэн[12].
Андрей Григорьевӹн украин военный доно кредӓлмӹм снимайымы видео гишӓн америкӹштӹшӹ миллиардер Илон Маск ӹшке шанымашыжым попен. Ӹшке Х соцсетьӹштӹжӹ тӹдӹ сирен:
«Иктӓ-ма ӹнжӹ ли манын, мӹньӹн амалымы кӹдежӹштӹ Икшӹ мировой вырсы жепӓш траншейный кӹзӹм сакалтымы. 1917 ин лыкмы ылын. Лишнӹшӹ шиэдӓлмӓштӹ пистолет дорц утла керӓл ылеш»[13].
Андрей Григорьевӹн сӹнгӹмӹ ВСУ-н военнослужащин лӹмжӹ пӓлӹ лин. Тӹдӹ Одесский областьын 30 иӓш уроженецшӹ, ВСУ-н 71-шӹ бригадын Кобра ӱжмӹ лӹмӓн салтакшы ылын[14]. 2025 ин 17 январьын Владимир Зеленский тӹдӹлӓн Украинӹн Геройжо званим пуэн[15].
Наградывлӓ
- Российӹн Геройжы (2025)[1].
Примечани
- ↑ 1 2 Указ о присвоении звания Героя Российской Федерации ефрейтору Андрею Григорьеву, Президент России. Дата обращения: 11 январьын 2025.
- ↑ Татьяна Цвенгер. Глава Якутска подарил Андрею Григорьеву снегоболотоход (руш.). yakutia.kp.ru - (11 январьын 2025). Тергӹмӹ кечӹ: 11 январьын 2025.
- ↑ 1 2 Игорь Рябов. В Якутии герой, победивший в рукопашной схватке бойца ВСУ, получил квартиру (руш.). gazeta.ru. Газета.Ru (11 мартын 2025). Тергӹмӹ кечӹ: 25 сентябрьын 2025.
- ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Дата обращения: 11 январьын 2025.
- ↑ Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 январьын 2025). Дата обращения: 11 январьын 2025.
- ↑ Путин наградил ефрейтора, победившего украинского солдата в рукопашной, РБК. Дата обращения: 23 февральын 2025.
- ↑ Российские ученые увеличили срок службы никелида титана с помощью наноструктурирования | Газета Балаково(неопр.). gazetabalakovo.ru. Тергӹмӹ кечӹ: 11 январьын 2025.
- ↑ Путин присвоил звание Героя России ефрейтору Григорьеву, Известия (11 январьын 2025). Дата обращения: 11 январьын 2025.
- ↑ Илон Маск прокомментировал схватку якутского военного с боевиком ВСУ, РЕН ТВ (4 январьын 2025). Дата обращения: 11 январьын 2025.
- ↑ Путин присвоил звание Героя РФ бойцу Григорьеву, победившему в рукопашной - Российская газета, Российская газета (11 январьын 2025). Дата обращения: 11 январьын 2025.
- ↑ Путин присвоил звание Героя РФ ефрейтору из Якутии Андрею Григорьеву, TACC. Дата обращения: 11 январьын 2025.
- ↑ Глава Якутии встретился с героем Андреем Григорьевым, прославившимся на поле боя. Дата обращения: 11 январьын 2025.
- ↑ Маск неожиданно высказался о схватке штурмовика из Якутии с военным ВСУ, РИА Новости (4 январьын 2025). Дата обращения: 11 январьын 2025.
- ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи, AiF. Дата обращения: 11 январьын 2025.
- ↑ Зеленский присвоил героя Украины проигравшему в рукопашном бою бойцу ВСУ, РБК. Дата обращения: 17 январьын 2025.