Гвоздев, Алексей Фёдорович

Ирӹкӓн энциклопеди Википеди гӹц материал
Алексей Фёдорович Гвоздев
Гвоздев Алексей Федорович.jpg
Шачмы кечӹ 18 август 1923(1923-08-18)
Шачмы вӓр Изи Коршун йäл (кӹзӹт Мари Турек район, Мары Эл)
Колымы кечӹ 25 январь 1984(1984-01-25) (60 и)
Колымы вӓр Самара
Войскан йиш бронетанковы1 войска
Служымы жеп 1941—1953
Звани
Старший лейтенант ВС СССР
Часть 3-шы танковый бригада
Кредӓлмӓш/вырсы
Награда дӓ преми
Герой Советского Союза
Орден Ленина Орден Красной Звезды Медаль «За боевые заслуги»

Алексей Фёдорович Гвоздев (1923 и 18 август, Изи Коршун, кӹзӹт Мари Турек район, Мары Эл Республика — 1984 и 25 январь, Самара) — Советский Армин когорак лейтенантшы, Кого Отечественный вырсын салтакшы, Советский Союзын Геройжы (1945).

Ӹлӹмäш корныжы

[тӧрлӓтӓш | вики-текстӹм тӧрлӓтӓш]

Хресäнь йишӹштӹ шачын. Алексейӹн äтяжӹ Фёдор Гвоздев Гражданский вырсышты лин, ӹшке халык лошты пиш шотеш пиштӹмӹ ылын, шачмы йäлӹштӹжӹ «У ӹлӹмäш» колхозым пачын[1]. 1937 ин пашкудывлä паштек тӹдӹ семня иквӓреш Куйбышев областьыш ӹлäш ванжен.

Алексейлӓн Косолоп кӹдäлäш школым коден кеäш вäрештӹн, тӹштӹ тӹдӹ Пумарий тӹнгäлтӹш школ паштек тыменьӹн. Шӹмиäш школым тымень пӹтäрӹмӹкӹ, Куйбышевӹштӹшӹ механический техникумыш тыменяш пырен. 1941 ин тӹдӹлäн 18 и темӹн, техникумын кок курсшым тымень пӹтäрӹшӹ, лётный училищӹш пыраш шанен пиштен, но медицинский комиссим эртӹде, кäп кӱкшӹц — ик сантиметр ситӹде. Седӹндон тӹдӹ, Ульяновский танковый училищӹм тымень пӹтäрӹшӹ, тӹ жепӹн Якшар Армиштӹ служышы Миклай ӹзäжӹ семӹнь Саратовыштышы танковый училищӹш тыменяш пырен[2].

Боевой подвигшӹ

[тӧрлӓтӓш | вики-текстӹм тӧрлӓтӓш]

1941 ин 16 июньын Алексей Гвоздевӹм Якшар Армиш служаш нäлӹнӹт. 1942 ин тӹдӹ Саратовыштышы танковый училищӹм тымень пӹтӓрен. Тидӹ жепеш Николай ӹзäжӹ, танковый батальонын командиржӹ, Москва лӹвӓлнӹ кредäлмäштӹ колен, а 1942 ин шошымын — äтяжӹ[3].

1943 и 22 январь гӹц танкист Алексей Фёдорович Гвоздев Кого Отечественный вырсын фронтышты лин. Боевой крещеним тӹдӹ Воронежский фронтышты, Каменка дä Ровеньки лӹвӓлнӹ, эртен. 1943 ин октябрьын, Запорожьем ытарымы годым, тӹдӹ пӹтäриш гäнä йыдым танк доно кредäлмäшкӹ ушнен. Ти кредäлмäштӹ тӹдӹн танкшы минеш пыдештӹн. 1944 и шошым Кривой Рог халам ытарымашты кредäлӹн[4].

1944 и август шомы годым когорак лейтенант Алексей Гвоздев 2-шы Украинский фронтын 23-шы танковый корпусын имни-танковый тӹшкäн 3-шы танковый бригадыжы доно командуен. Ясский-Кишинёвский операци жепӹштӹ айыртемäлтӹн[5].

1944 ин 22 августын Гвоздевӹн танковый взводшы пӹтаришӹвлӓ логӹц икӹмшӹ Тыргу-Фрумос румын халашкы керӹлт пырен, хала верц кредäлмäштӹ 6 дзотым, 6 артиллерийский орудим дä 9 пулемётым пӹтäрен. 23 августын взвод Серет äнгӹрӹм ванжен, Роман румын хала гӹц ирвелӹштӹ икманяр дзотым дä тыл точкым пӹтӓрен. Ти кредäлмäштӹ Гвоздев шушырген, но кредäлӓш цäрнӹде[5].

СССР Кӱшӹл Совет Президиумын 1945 ишӹ 24 мартыштышы указшы доно «немӹц захватчиквлӓ доно кредäлмӹ фронтышты командованин боевой заданижӹм яжон ӹштӹмӹ гишäн дä тӹгодым лӱддӹмӓш, героизмӹм анжыктымы гишäн» гвардин когорак лейтенантшы Алексей Гвоздев Совесткий Союзын Геройжы кӱкшӹ шотеш пиштӹмӹ званим Ленин орден дӓ «Шӧртньӹ Шӹдӹр» медальым 7293 номер доно нäлӹн[5].

Вырсы паштек ӹлӹмäш

[тӧрлӓтӓш | вики-текстӹм тӧрлӓтӓш]

Кого Отечественный вырсы пӹтӹмӹкӹ, Алексей Гвозев ӹндекш и Советский Армиштӹ служен. 1953 ин декабрьын запасыш кеен.

1954 ин демобилизаци паштек Куйбышевӹш пӧртӹлӹн. Тӹштӹ М. В. Фрунзе лӹмеш Куйбышевӹштӹшӹ моторым ӹштӹшӹ объединеништӹ токарь-наладчикӹн пäшäжӹм ӹштен[6].

Валерия Викторовна пелäшӹжӹ доно иквäреш кок тетям анжен куштен. Миклай эргӹ, колышы ӹзäжӹ лӹмеш лӹмдӹмӹ, техникумӹм тымень лäктӹн, ӹдӹржӹ институт паштек инженер лин[7].

Алексей Гвоздев 1984 ин 25 январьын колен, тӹдӹм Самарын Рубежный шӹгерлäштӹ тайымы[5].

Наградывлä

[тӧрлӓтӓш | вики-текстӹм тӧрлӓтӓш]

Якшар Шӹдӹр орден доно дä икманяр медаль[5], тенгеок «Боевой заслуга верц» медаль донат награждайымы[8].

Äшӹндäрӹмäш

[тӧрлӓтӓш | вики-текстӹм тӧрлӓтӓш]
  • Мары Эл Республикӹштӹшӹ Мари Турек районын Косолоп кӹдäлäш школын стенäштӹжӹ Гвоздев лӹмеш мемориальный хангам сäкӹмӹ[7].
  • 2021 ин 23 июньын Мари-Турек район Суворов лӹмеш Сысоево кӹдäлäш школ зданин стенäштӹжӹ Гвоздев лӹмеш мемориальный хангам пачыныт[9].
  • Гвоздевӹн лӹмжӹм Куйбышев халаштышы 85-шӹ №-äн школын пионерский дружинӹжӹ намалын[7].

Примечани

[тӧрлӓтӓш | вики-текстӹм тӧрлӓтӓш]
  1. ↑ Помним, скорбим, гордимся, 2016, с. 36.
  2. ↑ Помним, скорбим, гордимся, 2016, с. 36—37.
  3. ↑ Помним, скорбим, гордимся, 2016, с. 37.
  4. ↑ История Марийского края в лицах, 2015, с. 64.
  5. ↑ 1 2 3 4 5 Алексей Фёдорович Гвоздев. Сайт «Герои страны».
  6. ↑ История Марийского края в лицах, 2015, с. 65.
  7. ↑ 1 2 3 Помним, скорбим, гордимся, 2016, с. 39.
  8. ↑ Мочаев, 2007, с. 86.
  9. ↑ В Марий Эл открыли мемориальную доску Герою Советского Союза(неопр.). Новости Марий Эл - Новости Йошкар-Олы - ГТРК «Марий Эл». Дата обращения: 24 июньын 2021. Архивировано 30 июньын 2021 года.

Литература

[тӧрлӓтӓш | вики-текстӹм тӧрлӓтӓш]
  • Подвиг во имя Родины. Книга 3. Куйбышев, 1975.
  • Наши Герои. 2-е изд., перераб. и доп. — Йошкар-Ола, 1985.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Гвоздев Алексей Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 85—86. — 2032 экз. — ISBN 5-87898-357-0.
  • Гвоздев Алексей Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 301. — 872 с. — 3505 экз. — ISBN 978-5-94950-049-1.
  • Гвоздев Алексей Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 64—65. — 374 с. — 500 экз. — ISBN 978-5-94950-070-5.
  • Помним, скорбим, гордимся / сост. С. В. Ягодарова, отв. ред. В. С. Соловьев. — Йошкар-Ола: ООО ИПФ "СТРИНГ", 2016. — С. 36—39. — 112 с.
«https://mrj.ruwiki.ru/w/index.php?title=Гвоздев,_Алексей_Фёдорович&oldid=151567» гӹц нӓлмӹ