Гайсин, Ахметсафа Гайсинович

Ахметсафа Гайсинович Гайсин
Ахметсафа Гайсинович Гайсин
	тат. Әхмәтсафа Гайсә улы Гайсин
Шачмы кечӹ	1918
Шачмы вӓр	Пӧртчара[d], Уржум уезд[d], Вятка губерня[d], РСФСР[d];
Колымы кечӹ	27 ноябрь 1943
Колымы вӓр	Запорожский район[d], Запорожский область[d], Украинский ССР[d], СССР[d];
Пырымаш	СССР
Звани
Часть	185-шӹ гвардейский стрелковый полк
Командуен	взвод доно
Кредӓлмӓш/вырсы	Кого Ӓтямӱлӓндӹ вырсы;

Ахметсафа Гайсинович Гайсин (1918, Пöртчара, Вятка губерня — 1943 и 27 ноябрь, Запорожский район) — Кого Отечественный вырсын салтакшы, 3-шы Украинский фронтыштышы 12-шы армин 60-шы гвардейский стрелковый дивизин 185-шӹ гвардейский стрелковый полкын взводын командиржӹ, гвардин изирӓк лейтенантшы. Советский Союзын Геройжы.

Ӹлӹмäш корныжы

1918 ин Пӧртчара йäлӹштӹ (кӹзӹт — Марий Эл Республикӹн Параньга районжы) хресäнь семняштӹ шачын. Тадар.

5 классым тымень пӹтäрен, колхозышты пäшäм ӹштен. ВЛКСМ-ын членжӹ.

1938 ин Якшар Армиш нäлӹнӹт. 1943 ин изирӓк лейтенантвлäн курсыштым тымень пӹтӓрен. 1943 ин июльын действующий армиш 60-шы гвардейский стрелковый дивизин 185-шӹ гвардейский стрелковый полкын взводын командирешӹжӹ колтенӹт. 1943 ин августын дивизи 12-шы армиш пырен, Донбассский операци годым Павлоградым ытарен, вара Днепропетровск гӹц кечӹвäлвелӹштӹрäк Днепр докы лäктӹн, äнгӹр кытын Запорожье верц кредäлӹн.

Гвардин изирӓк лейтенант Ахметсафа Гайсин Днепрым форсируйымы годым кредäлӹн, Хортица островышты (Запорожье) плацдарм верц кредäлмäштӹ лин. 1943 ин 25–26 ноябрьын взвод Днепрым Запорожье кындемӹштӹ ванжен^[1] дä тышманын траншейӹшкӹжӹ ик сек анзыц керӹлт пырен. Гайсин кредäлмäштӹ ротын командиржӹм вашталтен. Тушманын 13 контратакыжым цäрӹмӹкӹ, рота äнгӹрӹн вургымла сирӹштӹжӹ плацдармым когоэмдӹмäштӹ ӹшкӹмжӹм пиш яжон анжыктен.

1943 ин 27 ноябрьын пакылашы кредäлмäшвлӓ логӹц иктӹштӹжӹ Ахметсафа Гайсин колен. Тӹдӹм Запорожский областьыштышы Капустяный хуторышты тайымы.

Наградывлä

СССР Кӱшӹл Совет Президиумын 1944 ишӹ 22 февральыштышы Указшы доно немецко-фашистский роалтышывлӓ ваштареш кредäлмäштӹ лӱддӹмӓшӹм, патыр ылмым, героизмӹм анжыктымыжы гишӓн гвардин изирӓк лейтенантшы Гайсин Ахметсафа Советский Союзын Геройжы шотеш пиштӹмӹ званим пумы.
Ленин орден доно награждайымы.

Äшӹндäрӹмäш

Геройын лӹмжӹ доно Параньга поселкышты öлицäм лӹмдӹмӹ, тӹшток тӹдӹлäн бюстым шагалтымы.

Примечани

↑ Славетні запоріжці — Гайсин Ахмед Саффа Архивный копи от 23 апрельӹн 2018 на Wayback Machine.(укр.)

Литература

Гайсин Ахмед-Сафа // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 299. — 872 с. — 3505 экз. — ISBN 978-5-94950-049-1.
Гайсин Ахметсафа Гайсинович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 62—63. — 374 с. — 500 экз. — ISBN 978-5-94950-070-5.
Мочаев В. А. Гайсин Ахмед-Сафа // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 93—94. — 606 с. — 1500 экз. — ISBN 978-5-905314-35-3.

Ссылкывлӓ

Гайсин Ахмед-Саффа (руш.). Сайт «Герои страны».

[1] Славетні запоріжці — Гайсин Ахмед Саффа Архивный копи от 23 апрельӹн 2018 на Wayback Machine.(укр.)

[1]