Вӹдйоктарышы (чеканка)

Россий Федерацин культура министерствыжы

Россий Федерацин культура министерствыжы

Козьмин, Анатолий Владимирович[d]

Вӹдйоктарышы. 1982

Номенклатура семӹнь: Водолей. Чеканка

вӹргеньӹ, чеканка[d]

Республикӹштӹшӹ изобразительный искусство музей

(инв. С-110)

Вӹдйоктарышы (руш. Водолей) – чеканка йӧнӹм кычылтын (шин, темден), вӹргеньӹ гӹц ӹштӹмӹ чеканка. 1982-шы ин скульптор Анатолий Владимирович Козьмин ӹштен. Объектӹн номенклатурный лӹмжӹ: Вӹдйоктарышы. Чеканка (руш. Водолей. Чеканка).

Чеканкын сӹнжӹ

Чеканка нӹл лыкан ылеш. Покшалны – крӱгӓ. Крӱгӓ кӧргӹштӹ кувшин гӹц вӹдӹм йоктарышы пӱэргӹ шӹнзӓ. Пӱэргӹн лицӓжӹм айыртемӹн анжыктымы. Ӱпшӹм, ӧршӹжӹм дӓ пандашыжым вӹкӹлӓ лыктын (рельефно) ӹштӹмӹ. Вуйжы вургымлашкыла кымыкрак. Кувшин гӹц вӹд ладнан йога дӓ вуй мычаш якте коэлӓ лыпшалт куза, вӹд коэвлӓм рельефно анжыктымы. Чеканкын тӹржӹм кушкышан орнамент цеверемдӓ.

Материал дӓ техника

Чеканкым вӹргеньӹ гӹц ӹштӹмӹ. Чеканка йӧнӹм кычылтмы – кӹртним шин дӓ темден тӹдӹлӓн керӓл формым дӓ рисункым йӧнештӓрӹмӹ. Ти йӧн рисункын пасна лаштыквлӓжӹм яргатан, сӹнзӓш керӹлтшӹн анжыкташ палша. Тӹдӹ эдемлӓн ӓкрӓм годымок дӓ Покшал курымыштат яжон пӓлӹмӹ ылын дӓ кӹзӹтӓт искусствышты кычылталтеш.

Вӓрлӓнӹмӹжӹ

Произведени Республикӹштӹшӹ изобразительный искусство музейӹн экспозициштӹжӹ ылеш. Музей Йошкар-Олашты вӓрлӓнен. Тӹдӹм 1981-шӹ ин 17-шӹ августын Анжыктымы (выставочный) зал семӹнь пачыныт, а 1990-шы ин музейӹм ӹштенӹт. Музей кымдемӹн историжӹ дӓ культурыжы доно кӹлдӓлтшӹ хӓдӹрвлӓм перегӓш дӓ халыклан анжыкташ йӧнӹм ӹштӓ.

Примечани