Вершинин, Константин Андреевич

Константин Андреевич Вершинин
Советский Союзын Геройжы авиацин генерал-полковник Константин Андреевич Вершинин. 1945
Шачмы кечӹ	21 май (3 июнь) 1900
Шачмы вӓр	Боркино[d], Яранский уезд[d], Вятка губерня[d], Российский импери[d]
Колымы кечӹ	30 декабрь 1973(1973-12-30) (73 и)
Колымы вӓр	Москва, СССР[d]
Пырымаш	Российский импери →  СССР
Войскан йиш	ВВС СССР
Служымы жеп	1919—1973
Звани
Командуен	Кечӹвӓлвел фронтын ВВС, 4-шӹ юж арми, Закавказский фронтын ВВС, ПВО-н Бакинский округ, 57-шӹ юж арми, 24-шӹ юж арми, СССР-ын ПВО войскажы, СССР-н военно-воздушный силӓжӹ
Кредӓлмӓш/вырсы	Российӹштӹ Гражданский вырсы[d] Кого Ӓтямӱлӓндӹ вырсы
Награда дӓ преми
Медиафайлы на РУВИКИ.Медиа

Константин Андреевич Вершинин (21 май (3 июнь) 1900, Боркино, Вятка губерни — 30 декабрь, 1973, Москва) — советский военачальник, СССР-н Военно-воздушный силӓн Тӹнг командывайышыжы, Авиацин Тӹнг маршалжы (1959), Советский Союзын Геройжы (1944). КПСС-ын Тӹнг комитетӹн членжӹ (1961—1971). СССР-н Кӱшӹл Советӹн депутатшы — II (1946—1950), IV—VII (1954 и гӹц) созыввлä.

Ӹлӹмäш корны

Ӓкрӓм годшы вятский роды гӹц ылеш. Яранский уезд Боркино йäлӹштӹ (кӹзӹт — Санчурск район, Киров область) шачын. Руш. Плотник йиш гӹц, ӹшкежӹ сäмӹрӹк жеп годшен шӹргӹ рошы семӹнь пӓшӓлен.

Церковный-приходской школым тымень пӹтӓрен. 1915 и гӹц тӹнгäлӹн, икманяр и Вятка губерништӹшӹ Звенигово затонышты сезонный пäшäзӹ семӹнь бригадышты плотник пäшäм ӹштен.

1919 и июнь гӹц Пäшäзӹ-хресäнь Якшар Армиштӹ ылын. Симбирскӹштӹшӹ пехотный командный курсым (1920), Коминтерн лӹмеш РККА-штышы командный составын «Выстрел» кӱшӹл тактический-стрелковый школжым (1923), профессор Н. Е. Жуковский лӹмеш РККА-штышы Военно-воздушный академим (1932) тымень пӹтäрен.

Гражданский вырсы

Гражданский вырсын салтакшы. РККА-шты икшӹ должность — Симбирскӹштӹшӹ пехотный запасной полкын якшарармеецшӹ, тидӹ тӹшкä доно Воронежcкий губерништӹшӹ хресäнь восстаним темдäлмäштӹ лин. Курсым тымень лäкмӹкӹ (1920) — Смоленский губерништӹшӹ Дорогобуж халашты маршевой пехотный полкыштышы стрелковый ротын командиржы, Польша пӹсмäн лишнӹшӹ губернивлäштӹ Булак-Балаховичӹн формированижӹ ваштареш кредäлӹн. 1921 ин полк Тамбовский губерниш колтымы ылын, кышты Тамбовский восстаним темдäлмӹ годым пиш кого шӹдӓн кредäлмäшӹм виден.

Вырсы лоштышы жеп

Гражданский вырсы паштек 1923 и гӹц Приволжский военный округын 12-шы Якшарзнаменян пехотный курсын тымдымы ротыжы доно вуйлатен, 1928 и гӹц — Азанышты стрелковый батальонын командиржы. 1929 ин М. В. Фрунзе лӹмеш Военный академиш пырен, икшӹ курсшым яжон тымень пӹтӓрен, варажы 1930 ин приказ семӹнь военно-воздушный силаш дä профессор Н. Е. Жуковский лӹмеш РККА-штышы военно-воздушный академиш пакыла тыменяш колтымы.

Академим тымень пӹтäрӹмӹкӹ, 1932 и гӹц РККА ВВС-ын Научно-исследовательский институтын технический отделжӹн видӓш тӹнгӓлеш. 1933 и январь гӹц — авиационный бригада штабын оперативный отделжӹн начальникшӹ, 1934 и гӹц — РККА-н Кӱшӹл лётно-тактический курсыштышы эскадрильын командиржы. Тӹшток, курсантвлä сага, бомбардировщикӹм видӓш тыменьӹн, а 1935 ин лётчиквлäн Качинский кӱшӹл авиационный школышты военный лётчик званим нӓлӓш манын экстерн доно экзаменӹм кычен. 1938 и август гӹц — чонгештӹлшӹвлäн моштымыштым яжоэмдӹмӹ шотышты Кӱшӹл авиационный курс вуйлатышын палшышы.

1940 ин ВВС штаб гӹц пӹсӹн шоктышашлык приказ негӹцеш, Москвашкы курсвлӓн персонал гӹц экипаж доно 5 бомбардировщикӹм колташ шӱден. Худа игечӹ гишäн, кым самолётшӹ катастрофыш вӓрештӹн, эдемвлäжäт коленӹт. Вершинин округын военный трибуналыш вäрештӹн, суд тӹдӹм цилä шотышты тöрӹш лыктын. Но дисциплинарный порядкы доно Вершининӹм полковник звани гӹц подполковникӹш валтымы дä авиационный дивизин командиржын вашталтышышкыжы ваштымы. Но 1941 ин майын Чонгештӹлшӹвлäн моштымыштым яжоэмдӹмӹ шотышты Кӱшӹл авиационный курсышкок пӧртӹлтенӹт, тидӹ годым нӹнӹн вуйлатышеш шагалтенӹт. Тӹнäмок воинский званим уэш пӧртӹлтӹмӹ.

Кого Отечественный вырсы

Кого Отечественный вырсым полковник Вершинин седӹ курсын начальникшӹ семӹньок вäшлин, нӹнӹн пäшäштӹм вырсы жепеш келӹштäрен уэмден. 1941 и 26 сентябрьын ВВС Кечӹвäлвел фронтын командиреш шагалтенӹт. 1941 и сентябрь-ноябрьын Донбассым обороняйӹмӹ операциштӹшӹ фронтыштышы ВВС военный пäшäм виктäрен, Ростовым обороняйӹмӹ годым (1941 и ноябрь) дä 1941 и ноябрь-декабрьын Ростов верц тышман доно кредäлмäштӹ операцим вуйлатен. ВВС фронтыштышы пӹтäртӹш операци пиш кӱкшӹн äклäлтӹн, вет Вершинин тӹнäм чӹдӹ шотан авиацин вижӹм сек керäл ик тӹшкäшкӹ цымырен, тенге тӹдӹ тӹнäмшӹ ВВС-ыштышы пасна армилäн лимӹ принципым пыдыртен дä фронтын тӹнг вäрӹштӹжӹ юж кымдыкым мäмнäнвлä перегенӹт. 1942 и пӹтäриш пелӹштӹжӹ Барвенков-Лозов дä Харьков оборонительный операцивлäштӹ лин. Авиацин генерал-майоржы (22.10.1941).

1942 и май гӹц — 4-шӹ юж армин командиржы (Кечӹвäлвел, Йыдвел-Кавказ дä Кавказ вес вел фронтвлä кредäлӹнӹт), 1942 ин кäнгӹжӹм дä шӹжӹм советский-германский фронтын кечӹвäлвел флангшым перегӹмӹ кредäлмäшвлäштӹ лин. 1942 и сентябрьын — 1943 и апрельын — Кавказ вес велӹштӹшӹ ВВС командиржы, нӹнӹ 4-шӹ дä 5-шӹ юж армиш пыренӹт, тенгеок, ВВС-ыштышы Шим Морской флотын. Кавказым перегӹмӹ дä тӹдӹ верц анзыкы атакыш кемӹ жепӹштӹ ӹшкенжӹм яжон анжыктен. Кавказышты советский сäрвлäн анзык эртӹмӹ годым К. А. Вершинин пӹсӹн агыл, но кӱкшӹ манёврым ӹштен кердшӹ И-153 («Чайка») самолёт кычылташ шӱден, дä тенге нӹнӹ тышманым изи кӱкшикä гӹч лыпшенӹт.

1943 ин майын авиацин майор К. А. Вершининым уэш Йыдвел-Кавказ фронтын кӹшкäрӹшкӹжӹ пырышы 4-шӹ юж армин вуйлатышеш шагалтымы. 1943 и апрель-июньын Армин вуйлатышыжы тӹ якте величина шотышты нигынам уждымы ӹлäш-колаш кого юж кредäлмäштӹ лин. Тӹштӹ Вершинин анзыл лиништӹ цäрнӹде авианаводчиквлäн анжымышты доно кымдан пайдаланен, юж кредäлмäштӹ вим иктӹш цымырымы (массирований) йӧнӹм кычылтын, (анзыц юж бойышты южгынам веле полк цилä лин гӹнь, Кубань ымбалны ик жепӹшток вӹц истребитель полк якте кредäлмäшкӹ ушнен) вырсым видӹмӹ мыштымы знани доно пайдаланен мыштымыжы тенгеок сӹнгäмäшкӹ канден (советский ас А. И. Покрышкин мемуарыштыжы К. А. Вершининын эртäрӹмӹ истребительвлäн армиштӹшӹ конференциштӹ гишäн сирä, вырсы паштек анзыцшы кок и жепӹштӹ ти гишäн нимат колмыат ылде ылын).

Вара 4-шӹ юж арми Новороссийск-Таман (сентябрь-октябрь 1943), Керченск-Эльтигенск десант (ноябрь-декабрь 1943), Крымский стратеги (апрель-май 1944) наступлеништӹшӹ операцивлäштӹ пиш когон цацен. 1944 и май-июньын армим советский-германский вырсын ӹрдӹ вäрӹшкӹжӹ ваштенӹт, тӹштӹ Белоруссиштӹштӹ, Эрвел-Пруссиштӹшӹ, Эрвел-Помераништӹшӹ, Берлиныштышы анзыц ти пäлемдӹмӹ операцивлäштӹ кредäлӹн. Авиацин генерал-лейтенантшы (17.03.1943). Кого Отечественный вырсы жепӹштӹ юж армин вуйлатышывлä логӹц сек анзыц Авиацин генерал-полковник званим нäлӹн (23.10.1943). Советский Союзын Геройжы лӹмӹм военный мастар ылмыжы гишäн дä 1944 иштӹшӹ белорусский операциштӹ сäрвлäм мыштен вуйлатымыжы гишäн пумы.

К. А. Вершинин оперативный искусство шотышты келгӹ ышыжы доно, соок ум кӹчäлмӹ, шӹндӹмӹ задачым ӹштӹмäштӹ творческий шот доно айыртемäлтӹн. Тидӹжӹ тӹдӹлäн мӱлäндӹштӹшӹ сäр доно кӹлӹм кычен мышташ, сухопутный сäрлäн дä танковый армилäн керäл палшыкым жепӹштӹжӹ пуэн шалгаш палшен.

Вырсы паштек жеп

1946 и март гӹц — Военный-юж ви доно Тӹнг вуйлатышы — СССР-ын оборона министржын вашталтышы. ВВС вооруженим реактивный техникыш ваштымы пäшäм вуйлатен. Авиаци маршал (1946 и 3 июнь).

1947 и 10 ноябрьын — обороно министрын распоряженижӹ паштек кок тӹлзäт пеле жеп гӹц — мӹндӹр авицин ядерный бомбардировщиквлä подразделеним ӹштӹмӹ гишäн указыш ӹшке кидпäлӹжӹм пиштä (71 испытательный полигон).

Константин Андреевич Вершинин Андрей ыныкажы доно. 1970 и.

1949 ин сентябрьын трӱк пäшä вäржӹм изиэмденӹт дä Баку кымдемӹштӹшӹ ПВО доно вуйлаташ колтат. 1950 и февраль гӹц сентябрь якте 57-шӹ юж армин командующийжы. 1950 гӹц 1951 и якте — ГСВГ 24-шӹ юж армин командующийжы.

1951 и сентябрь гӹц — пӹсмäнӹштӹшӹ линим перегӹшӹ юж войскан командующийжы, ВВС Тӹнг вуйлатышын вашталтышыжы. 1953 и июнь гӹц 1954 и май якте — Сäндäлӹкӹн ПВО войскажын командующийжы. 1954 и июнь гӹц 1956 и апрель якте — ПВО Баку округын сäржӹвлä доно командующийжы. 1956—1957 ивлäштӹ — ВВС-ын тӹнг вуйлатышын вашталтышыжы.

1957 и январь гӹц — угӹц Военный-юж ви доно вуйлатышы — СССР перегӹшӹ министржын вашталтышыжы.

Авиацин тӹнг маршалжы (1959 и 8 май). 1969 и март гӹц — СССР-ын оборона министерствыжын генеральный инспекторвлäн тӹшкäштӹ.

КПСС-ын членжы 1919 и гӹц. 1952—1956 ивлäштӹ — КПСС ЦК-ын членэшӹжӹ кандидат. 1961—1971 ивлäштӹ — КПСС ЦК-ын членжы. СССР-ыштышы Кӱшӹл Советын депутатшы II (1946—1950), IV—VII (1954 и гӹц) погынымашвлä.

Москошты ӹлен. Нелӹ цер паштек 1973 ин 30 декабрьын 74 иäш колен. Новодевичье шӹгерлäштӹ тайымы.

Йиш

• Вäтӹ — Валентина Александровна (8.V.1904 — 2.XII.2005), Ульяновскыштышы театрын балериныжы, балетмейстер.
• Елена Вершинина — когорак ӹдӹржӹ (1924), советский художник-мультипликатор.
• Изирäк ӹдӹржӹ — Инна (1927) — сäрӹшӹ.

Äшӹндäрӹмäш

Öлицä

Вершининын шӹгержӹ Новодевский шӹгерлäштӹ. К. А. Вершининын лӹмжӹ доно Российӹштӹшӹ дä Украиныштышы шукы ӹлем дон öлицäвлäм лӹмдӹмӹ: Маршал Вершинин лӹмеш — Москошты öлицä[11]. Маршал Вершинин лӹмеш — Кировышты öлицä. Вершинин лӹмеш — Кривой Рогышты öлицä. Вершинин лӹмеш — Крымскышты öлицä. Вершинин лӹмеш — Звениговышты öлицä [11]. Вершинин лӹмеш — Санчурскышты öлицä [11]. Санчурск вел Киров кымдемӹштӹ Кого Шишовка йäл öлицä.

Весӹ

• Авиацин тӹнг маршалжы Константин Вершининлан Кировышты памытньык-бюст, 2019 и
• Н. Е. Жуковский лӹмеш военный инженер академин здаништӹжӹ мемориальный ханга сäкäлтӹмӹ.
• К. А. Вершинин лӹмеш лётчиквлäн Барнаулыштышы кӱшӹл авиационный училище.
• Звенигово халашты С. Н. Бутяков лӹмеш судным чангымы дä тöрлӹмӹ заводышты мемориальный хангам сäкӹмӹ.
• Звенигово халашты Советский Союзын вӹч Геройвлäжӹн стеллышты тӹдӹн сӹнжӹм анжыктымы.
• Вершининын бюстшы Кировыштышы Сӹнгӹмäш Паркышты.

Наградывлäжӹ

• Советский Союзын Геройжы («Шӧртньӹ Шӹдӹр» медаль, 3869 №) 19.08.1944 иштӹшӹ указ.
• Куд Ленин Орден (23.12.1942, 21.07.1944, 19.08.1944, 21.02.1945, 20.05.1960, 22.05.1970)
• Октябрь Революцин орден (22.02.1968),
• Якшар Знамян кым орденжы (27.03.1942, 3.11.1944, 15.11.1950),
• I степенян Суворовын кым орденжы (16.05.1944, 10.04.1945, 29.05.1945),
• II степенян Суворовын орден (25.10.1943),
• I степенян Кого Отечественный вырсы орден (22.02.1943),
• СССР медальвлä,
• Вес вел кугижäнӹшвлäн орден дон медальышты.

Примечани

Литература

• Вавилон — «Гражданская война в Северной Америке» / [под общ. ред. Н. В. Огаркова]. — М. : Военное изд-во М-ва обороны СССР, 1979. — 654 с. — (Советская военная энциклопедия : [в 8 т.] ; 1976—1980, т. 2).
• Киселёв А. Н. «Главный маршал авиации К. А. Вершинин». В сб. «Полководцы и военачальники Великой Отечественной войны», выпуск 3. М.: Молодая гвардия. 1985. Серия «Жизнь замечательных людей».
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Вершинин Константин Андреевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 274. — 872 с. — 3505 экз. — ISBN 978-5-94950-049-1.
• Вершинин Константин Андреевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 45—48. — 374 с. — 500 экз. — ISBN 978-5-94950-070-5.
• Замков А. В., Никишин А. В., Задорожный В. Н. Маршал Вершинин: мир и война (по страницам семейного альбома). — М.: Музей техники Вадима Задорожного, 2017. — 116 с. — ISBN 5-87012-061-6.

• Колесников А. Ю., Краснов П. В. Вершинин Константин Андреевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 80. — 606 с. — 1500 экз. — ISBN 978-5-905314-35-3.

Ссылкывлӓ

• Константин Андреевич Вершинин  (руш.). Сайт «Герои страны».
• Биография К. А. Вершинина. На сайте «Хронос».