Васютин, Михаил Зиновьевич
| Михаил Зиновьевич Васютин | |
|---|---|
 | |
| Шачмы кечӹ | 1959 и 16 июнь (66 и) |
| Шачмы вӓр | РСФСР, Мары АССР, Кырык мары кымдем, Микрӓк сола |
| Гражданство |
 СССР  Россий |
| Пӓшӓн типшӹ | общественный дӓ культура пӓшӓзӹ |
| Тетявлӓ | Илья, Семён |
| Награда дӓ премивлӓ |
|
.png){kind=small}
Михаил Зиновьевич Васютин (шач. 16 июнь 1959, Микрäк) — российӹштӹшӹ кугижӓншӹ деятель, Мары Эл Республикӹн Кугижӓншӹ Погынымашыжын председательжӹ. Мары Эл Республикӹн дӓ Россий Федерацин заслуженный культура пӓшӓзӹжӹ[1].
Биографи
1959-шӹ ин 16-шы июньын Мары СССР-шты Кырык мары районын Микрӓк солаэш шачын. Школым пӹтӓрӹмӹкӹ, Казаньыштышы кугижӓншӹ культура институтыш тыменяш пырен, тӹдӹм 1981-шӹ ин «Клуб пӓшӓн организатор-методистшӹ» семӹнь тымень пӹтӓрен[2].
1981-шӹ и гӹц Республикӹштӹшӹ халык творчество дӓ культпросветпӓшӓн научно-методический центрӹштӹ пӓшӓм ӹштен. Тӹштӹ научный методика дӓ социологи отделӹм вуйлатен. Икманярышты вуйлатышын вашталтышыжы, а вара вуйлатышы лин[3].
1990-шы и гӹц Йошкар-Олаштышы горисполком отделӹн вуйлатышыжы лин[3].
1992-шы ин Российӹн искусство, культура дӓ туризм пӓшӓзӹвлӓн институтын культура дӓ искусство сферӹштӹ менеджер дипломым нӓлӹн[3][2].
1997-шӹ ин Мары Эл Республикӹн Культура, печать дӓ халыквлӓ лоштышы пӓшӓм ӹштӹшӹ министреш шагалтымы[3].
2002-шы и гӹц Мары Эл Республикӹн Правительствын вуйлатышыжын вашталтышеш шагалтымы. Тенгеок министрӹн пӓшӓжӹм пакыла виден[3].
2017-шӹ и 21-шӹ ноябрь гӹц Мары Эл Республикӹн Правительствын председательжӹн икшӹ вашталтышыжы лин[3].
2024-шӹ ин 1-шӹ октябрьын Мары Эл Республикӹн Кугижӓншӹ Погынымашыжын 8-шӹ созывшын председателеш Михаил Васютинӹм айырымы[4].
«Единый Россий» политический партин членжӹ ылеш[5].
Семня
Вӓтӹжӹ — Васютина Любовь Владимировна.
Тетявлӓ:
- Васютин Илья Михайлович (авиаконструктор)
- Васютин Семён Михайлович (инженер)[3]
Наградывлӓ
- Мары Эл Республикӹн заслуженный культура пӓшӓзӹжӹ (1994)
- Россий Федерацин заслуженный культура пӓшӓзӹжӹ (2005)
- Мары Эл Правительствын Почётан грамота (2000)
- Мары Эл Республикӹн президентшӹн благодарностьвлӓ (2003; 2005)
- РФ-н Культура дӓ массовый коммуникаци министерствын яжо пӓшӓ дӓ искусствым переген кодымашкы дӓ виӓнгдӹмӓшкӹ пиштӹмӹ вкладшы гишӓн благодарностьвлӓ (2002; 2005)
- «Мары Эл анзылны заслуга гишӓн» II степенян орден (2007)
- «Мары Эл анзылны заслуга гишӓн» I степенян орден (2017)
- Российӹштӹшӹ Исторический Халавлӓн дӓ Регионвлӓн Ушемӹн Российӹштӹшӹ халыквлӓн историко-культурный дӓ пӧрттӱ касаштым переген кодымы дӓ шукемдӹмӹ йылашты заслуга гишӓн медаль (2002 г.)
- Улы Российӹштӹшӹ халык переписьӹм эртӓрӹмӓштӹ заслуга гишӓн медаль (2002)
- «Российӹштӹшӹ муниципальный академи» улы Российӹштӹшӹ общественный организацин «М. А. Шолоховлан 100 и теммӹ лӹмеш» ӓштӹмӹ медаль (2005)
- «Российӹштӹшӹ Мӱлӓндӹм йӧндӓрӹмӹ гишӓн» II степенян орден (2008)
- «Идӓлыкын министржӹ» – Общественный наукывлӓн международный академи гӹц «Шӧртьнӹ Лавр Укшым» кычыктымы доно звани – «Российӹштӹшӹ Мӱлӓндӹм йӧндӓрӹмӹ гишӓн» Национальный Премин Гран-при (2009)
- Мары кугижӓншӹ университетӹн почётан профессоржы (2023)
- «Мары Эл анзылны заслуга гишӓн» орденӹн медаль (2024)[2][3][6]
Примечани
- ↑ Васютин Михаил Зиновьевич (руш.). mari-el.gov.ru. Официальный сайт Правительства Республики Марий Эл. Тергӹмӹ кечӹ: 11 сентябрьын 2025.
- ↑ 1 2 3 Васютин Михаил Зиновьевич (руш.). Минкультуры Республики Марий Эл (12 декабрьын 2023). Тергӹмӹ кечӹ: 11 сентябрьын 2025.
- ↑ 1 2 3 4 5 6 7 8 Васютин Михаил Зиновьевич(неопр.). kidsher.ru (30 сентябрьын 2024). Тергӹмӹ кечӹ: 11 сентябрьын 2025.
- ↑ Дарья Богданова. Председателем Государственного собрания Марий Эл восьмого созыва избран Михаил Васютин (1 октябрьын 2024). Дата обращения: 11 сентябрьын 2025.
- ↑ Васютин Михаил Зиновьевич, Единая Россия. Дата обращения: 11 сентябрьын 2025.
- ↑ Медалью ордена «За заслуги перед Марий Эл» награжден первый заместитель председателя правительства, МЭТР - Марий Эл Телерадио (11 июньын 2024). Дата обращения: 11 сентябрьын 2025.