Аталаева, Ольга Тихоновна

Ольга Тихоновна Аталаева
Ольга Тихоновна Аталаева
Шачмы кечӹ	1920 и 21 июль
Шачмы вӓр	Шӹндӹрйӓл (кӹзӹт — Кырык мары район, Мары Эл, Россий)
Колымы кечӹ	2002 и 11 январь (81 и)
Колымы вӓр	Виловат, Кырык мары кымдем;
Пӓшӓн типшӹ	цӹвӹ анжышыжы

Ольга Тихоновна Аталаева (1920 и 21 июль, Шӹндӹрйӓл, Изи Шӹндӹр район, Цикмӓ кантон, Азан губерня — 2002 и 11 январь, Виловат сола, Кырык мары район, Мары Эл Республика) — «Сила» колхозын цӹвӹ анжышыжы, Социалистический Пӓшӓн геройжы (22 март 1966).

Ӹлӹмӓш корныжы

Тӹнгӓлтӹш сӹнзӹмӓшӓн.

1939–1973 ивлӓн «Видӹшӹ» колхозышты пӓшӓм ӹштен (когоэмдӹмӹ паштек «Прогресс», «Сила»): сакой пӓшӓм ӹштен, 1942 и гӹц цӹвӹ анжышы, когорак цӹвӹ анжышы. 1957 ин «Мары АССР-ӹн сек яжо цӹвӹ анжышы» лӹмӹм пумы (тӹ ин 1100 цӹвигӹ гӹц 1033 якте анжен куштен дӓ мынзышы цӹвӹ гӹц икпоратка шот доно 108 мыным нӓлӹн).

1959 ин 4580 цӹвигӹм анжен дӓ 4480 цӹвӹм куштен, нӹны вес ин икпоратка шот доно 1388 мыным пуэнӹт. Вара пӓшӓ лӓктӹшӹжӹм эче утларак уэмден толын.

10 и жепӹштӹ (1962–1972) колхоз кугижӓншӹлӓн мыным выжалымашым 60 гӓнӓ шукемден. Мары АССР-ын халык поэтшӹ Геннадий Матюковский тӹдӹм «Аламнер хоза вӓтӹ» манын.

КПСС-ын 22-шы погынымашыжын делегатшы (1961). РСФСР ВС-ын депутатшы (1963–1967).

Звани дон наградывлӓ

Социалистический Пӓшӓ Герой (1966)
ВДНХ-ан ши медальжы (1966)
РСФСР Кӱшӹл Совет Президиумын Грамотыжы (1960)
Мары АССР-ын Кӱшӹл Совет Президиумын Грамотыжы (1955, 1956, 1957, 1959)

Ӓшӹндӓрӹмӓш

2004 и гӹц — тӹдӹн лымеш куштылгы атлетика доно кыргыжталмаш (Виловат — Шӹндӹрйӓл Кырык мары район Мары Эл)^[1].

Примечани

↑ Мочаев, 2017, с. 37.

Литература

40 лет Марийской АССР, 1920—1960. Марийское книжное изд-во, 1960 — 207 с.
Женщины Марийской АССР. Марийский обком КПСС. Партийный архив. Марийское кн. изд-во, 1968 — 201 с.
Аталаева Ольга Тихоновна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 234. — 872 с. — 3505 экз. — ISBN 978-5-94950-049-1.
Мочаев В. А., Опарина Т. Т. Аталаева Ольга Тихоновна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 36—37. — 606 с. — 1500 экз. — ISBN 978-5-905314-35-3.

Ссылкывлӓ

Аталаева Ольга Тихоновна (руш.). Сайт «Герои страны».

[_8acc014055000ca2-1] Мочаев, 2017, с. 37.

[1]