Архипов, Василий Степанович

Василий Степанович Архипов
Василий Степанович Архипов
Шачмы кечӹ	1920 и 26 март
Шачмы вӓр	Княжна йӓл, Вараксинский волость, Царевококшайский уезд, Азан губерни, Советский Россий
Колымы кечӹ	1941 и 30 декабрь (21 и)
Колымы вӓр	Ямны йӓл, Юхновский район, Смоленскский область, РСФСР, СССР
Пырымаш	СССР
Войскан йиш	кавалери
Служымы жеп	1939—1941
Звани	гвардин изирӓк сержантшы
Кредӓлмӓш/вырсы	Советско-финский вырсы, Кого Отечественный вырсы

Василий Степанович Архипов (26 март 1920 — 30 декабрь 1941) — Советский Союзын Геройжы (12.04.1942), советский-финский вырсын дä Кого Отечественный вырсын салтакшы, Кого Отечественный вырсы жепӹштӹ — Вадывел фронтыштышы 1-шӹ гвардейский кавалерийский корпусын, 160-шы гвардейский кавалерийский дивизин 160-шы гвардейский кавалерийский полкын пулемет расчет эскадронын командиржӹ, гвардин изирäк сержантшы.

Ӹлӹмӓш корны

1920 ин 26 мартын Княжна йäлӹштӹ шачын, кӹзӹт «Йошкар-Ола хала» халаштышы округын Семёновский территориальный управлениш пырышы Данилово йäл. Руш.

Йошкар-Олаштышы педагогический училищӹм тымень лäктӹн. Йошкар-Олаштышы Мары кугижäнӹш педагогический институтышты тыменьӹн, но 1939 ин Якшар Армиш нäлӹнӹт.

1939—1940 ивлäштӹ советско-финский вырсын салтакшы. 1941 и сентябрь гӹц Кого Отечественный вырсышты 5-шӹ кавалерийский дивизин 131-шӹ кавалерийский полкшын пулеметчикэшӹжӹ служен, кыдыжы Москвам переген дä 1941 и 26 ноябрь гӹц гвардейский лин.

Гвардин изирäк сержантшы Вадывел фронтын (1-шӹ гвардейский кавалерийский корпусын, 1-шӹ гвардейский кавалерийский дивизи) 160-шы гвардейский кавалерийский полкын кавалерийский эскадронын пулеметный расчетын командиржӹ, гвардин изирäк сержантшы Василий Архипов 1941 ин 30 декабрьын Смоленский районыштышы (кӹзӹт Калужский) областьышты, Юхновский районыштышы Ямны йäл сага ӹшке подразделенижӹн шалахай флангшым ӹшӹклен.

Тышманын контратакыжым шагалтымы годым изирäк сержант Архипов В. С. икманяр лу гитлеровецӹм пӹтäрен. Тышманвлä цилä йӹрвäш ылыныт гӹнят, лӱддӹмӹ советский салтак-гвардеец ӹшкӹлäнжӹ плен вäреш колымашым айырен. СССР Кӱшӹл Совет Президиумын 1942 и 12 апрельӹштӹшӹ «Советский Союзыштышы Якшар Армим вуйлатышы дä рядовойвлäлäн Советский Союзын Геройжы лӹмӹм пумы гишäн» указжы негӹцеш «военный заданим шот доно ӹштӹмӹ гишäн, тидӹ годым лӱдмäшӹм анжыктыде дä патырлыкым анжыктымы гишäн» колымыкыжы, Советский Союзын Геройжы лӹмӹм нäлӹн^[1].

Смоленскский кымдемӹштӹшӹ Сычёвка халашты тайымы.

Наградывлӓ

Советский Союзын Геройын «Шӧртньӹ Шӹдӹр» медальжы
Ленин орден

Ӓш

Советский Союзын Геройжы В. С. Архиповын лӹмжӹм Семёновка кӹдäлäш школ намалеш^[2], Йошкар-Олаштышы дä Семёновкаштышы öлицäлäн тӹдӹн лӹмжӹм пумы.
2019 ин 30 декабрьын Геройым äштӹмӹ кечӹн Мары Эл Республикӹн Семёновка солаштышы аллейыштыжы Василий Архиповын бюстым айен пачыныт (автор — скульптор В. Карпеев)^[3].
Советский Союзын Геройжы Архипов Василий Степановичым äшӹш пиштӹшӹ мемориальный ханга Мары педагогический институтын пӓрт стенäштӹжӹ улы (Йошкар-Ола, Кремлёвский öлицä, 44)
.
В. С. Архиповын подвигшӹ лӹмеш пӹтäриш Халык поэт Миклай Казаков «Пулемётчик Архипов» (1942) поэмӹжӹм сирен, М. Матусовский сäрен.

Примечани

↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 12 апреля 1942 года // Ведомости Верховного Совета Союза Советских Социалистических Республик : газета. — 1942. — 24 апрельӹн (№ 13 (172)). — С. 1. Архивировано 11 ноябрьын 2021 года.
↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.
↑ В Йошкар-Оле открыли бюст солдату-герою Отечественной войны (руш.). Официальный сайт ГТРК "Марий Эл" (4 январьын 2020). Тергӹмӹ кечӹ: 9 январьын 2020.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Архипов Василий Степанович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 33. — 2032 экз. — ISBN 5-87898-357-0.
Архипов Василий Степанович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 232—233. — 872 с. — 3505 экз. — ISBN 978-5-94950-049-1.
Архипов Василий Степанович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 32—34. — 374 с. — 500 экз. — ISBN 978-5-94950-070-5.

Ссылкывлӓ

Василий Степанович Архипов (руш.). Сайт «Герои страны». (Дата обращения: 12 сентябрьын 2011)

[1] Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 12 апреля 1942 года // Ведомости Верховного Совета Союза Советских Социалистических Республик : газета. — 1942. — 24 апрельӹн (№ 13 (172)). — С. 1. Архивировано 11 ноябрьын 2021 года.

[2] Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.

[3] В Йошкар-Оле открыли бюст солдату-герою Отечественной войны (руш.). Официальный сайт ГТРК "Марий Эл" (4 январьын 2020). Тергӹмӹ кечӹ: 9 январьын 2020.

[1]

[2]

[3]