Анна Ахматова (кӓп хӓлӓ анжыктымы скульптура)

Россий Федерацин культура министерствыжы

Россий Федерацин культура министерствыжы

Медведева, Галина Петровна[d]

Анна Ахматова. 2001

Номенклатура семӹнь: Анна Ахматова. Скульптур

литьё[d], металл[d]

Республикӹштӹшӹ изобразительный искусство музей

(инв. С-120)

Анна Ахматова — 2001-шӹ ин скульптор Галина Петровна Медведеван ӹштӹмӹ статуйжы. Объектӹн номенклатурный лӹмжӹ: Анна Ахматова.

Скульптурын сӹнжӹ

Скульптура — кӓп хӓлӓ анжыктымы ӹдӹрӓмӓш. Кужы платьыжы итӹрӓ кӓпшӹ семеш вазын. Вургымла ялжым пылвуйышты какляртымы дӓ ӧрдӹжкӹрӓк шӹндӹмӹ. Пулышышкыжы шарфым пиштӹмӹ. Цевер парняан пел кидшӹ — кӹдӓлӹштӹжӹ, а весӹжӹм, шарфым кычышыжыла, кӹнервуйышты какляртымы дӓ кӓп кыт мычкы валтымы. Пачылтшы онган платье шер доно сӹлнештӓрӹмӹ итӹрӓ шӱжӹм пӓлемден анжыкта. Вуйжым изиш шалахай покашкыла сӓрӓлмӹ. Ӱпшӹ кӹтӹк, ныгыды челкыжы лепкӓжӹм питӹрӓ. Кымдан пачылтшы шанышан сӹнзӓ анжалтышыжым мӹндӹркӹ виктӓрен. Нерӹм, тӹрвӹм, онгылашым раш, изирӓк детальвлӓлӓн айырен анжыктымы.

Материал дӓ ӹштӹмӹ йӧн

Статуйым металлым шӹрӓтен йоктарымы йӧн доно ӹштӹмӹ. Металлым шӹрӓтен йоктарымы йӧн пӓшӓн тыгыды айыртемвлӓжӹм кӱкшӹ мастарлык доно анжыкташ йӧнӹм пачеш дӓ тӹдӹм пингӹдӹм ӹштӓ. Ти йӧн гач выргемӹн куштылгылыкшым, кидӹн тӓрвӓнӹмӹжӹм дӓ лицӓ сӹн айыртемӹм раш анжыктымы. Статуйын размержӹ 53×13×18 см.

Вӓрлӓнӹмӹжӹ

Экспонат Республикӹштӹшӹ изобразительный искусство музейӹштӹ перегӓлтеш. Музей Йошкар-Олашты вӓрлӓнен. Тӹдӹ 1981-шӹ ин Анжыктымы (выставочный) зал семӹнь пачылтын дӓ 1990-шы и гӹц музей семӹнь пӓшӓлӓш тӹнгӓлӹн. Ӹшке фондыштыжы российский дӓ советский художниквлӓн произведенивлӓштӹм, тенгеок мары художниквлӓн пӓшӓвлӓштӹм перегӓ.

Примечани