Александрова, Таисия Ивановна

Ирӹкӓн энциклопеди Википеди гӹц материал

РАН-ын экспертизӹжӹ

Logo-ran.png
Российӹн наука Академи
экспертизым эртарен
Кымданрак
Aprove.svg

РАН-ын экспертизӹжӹ

Arrow-Right.png
Logo-ran.png
Российӹн наука Академи
экспертизӹм эртӓрен
Кымданрак
РУВИКИ-штӹ техень фамили доно вес эдемвлӓ гишӓн статьявлӓ ылыт Александров.
Таисия Ивановна Александрова
Aleksandrova TI.jpg
Шачмы кечӹ 6 (19) октябрь 1909
Шачмы вӓр Кожваж сола
Цикмӓ уезд
Казанский губерни
Российский импери кӹзӹт Кырык мары район
Мары Эл
Колымы кечӹ 25 октябрь 1992(1992-10-25) (83 и)
Колымы вӓр Йошкар-Ола
Мары ССР
Россий
Сӓндӓлӹк
Награда дӓ премивлӓ
Герой Социалистического Труда
Орден Ленина — 1960 Орден Ленина — 1968 Орден «Знак Почёта»  — 1944

Мары АССР Кӱшӹл Совет Президиумын Почётан грамотшы (1944, 1957, 1959)

Таисия Ивановна Александровна (1909 6 [19] октябрь , Кожваж — 25 октябрь 1992, Йошкар-Ола) — Йошкар-Олаштышы 11-шӹ №-ӓн кӹдӓлӓш школын математикӹм тымдышы, Социалистический Пӓшӓн Геройжы (1968). Ленин орденӹн кок гана кавалержӹ (1960, 1968).

Ӹлӹмӓш корныжы

1909 ин 6 (19) октябрьын Кожваж солашты, кӹзӹт Мары Эл Республикӹн Кырык мары районжы, тымдышын семняэш шачын. Халык шот доно марын ылеш[1].

1919 и гӹц Ронга солашты ӹлен (кӹзӹт Мары Эл Республикӹн Советский районжы), тиштӹ ӓтяжӹ школ директорын пӓшӓм ӹштен. 1926 ин Ронга шӹм иӓш школым тымень пӹтӓрен. Тыменьмӹ годым математикӹм яраташ тӹнгӓлӹн, пионервожатый ылын.

1931 ин Йошкар-Олаштышы педагогика техникумым тымень пӹтӓрен, направлени семӹнь У Торъял солаштышы колхозыш каштыш самырыквлӓн школышты математикӹм тымдышын пӓшӓм ӹштен. Вара Н. К. Крупская лӹмӓн Мары кугижӓншӹ педагогика институтын физика-математика факультетӹштӹжӹ тыменьӹн. МГПИ-н рабфакыштыжы математикӹм тымден, а Кого Ӓтямӱлӓндӹ вырсы годым — Йошкар-Олаштышы 10-шы №-ӓн кӹдӓлӓш школышты математикӹм тымдышы[2].

1945 и гӹц Йошкар-Олаштышы 11-шӹ №-ӓн кӹдӓлӓш школышты математикӹм тымдышын пӓшӓм ӹштен. Ти школышты 30 и утла пӓшӓлен.

1958 и гӹц КПСС-н членжӹ. Мары АССР-н Кӱшӹл Советӹн депутатшы (1959–1963).

1960 ин Всероссийский тымдышывлӓн съездӹн делегатшы, а 1968 ин — Всесоюзный тымдышывлӓн съездӹн делегатшы ылын.

1976 и гӹц заслуженный кӓнӹшӹштӹ. Йошкар-Олашты ӹлен.

Александрова Таисия Ивановнан мыгилӓжӹ Йошкар-Олаштышы Турун шӹгерлӓштӹ

1992 ин колен. Йошкар-Олаштышы Турун шӹгерлӓштӹ тайымы[3].

Ӓшӹндӓрӹмӓш

  • 2004 ин Т. И. Александрован лӹмжӹм Йошкар-Олан 11-шӹ №-ӓн лицейлӓн пумы[4].
  • 2009 ин октябрьын, педагогын шачмыжлан 100 и теммӹ лӹмеш, 11-шӹ №-ӓн лицейӹн кудывичӹштӹжӹ анзыкылашы памятниклӓн негӹцӹм пиштӹмӹ. 2011 ин 1 сентябрьын лицей тома анзылны памятник-бюстым пачмы[5].
  • 11-шӹ №-ӓн лицейӹштӹ и йӹде «Александрова лӹмеш лыдмаш» научно-практический конференци эртӓ[6].
  • Т. И. Александрован 110 и теммӹжӹ лӹмеш Мары Эл Республикӹштӹшӹ Т. Евсеев лӹмӓн халык музей «Кого буква доно Тымдышы» /«Педагог с большой буквы» виртуальный выставкым йӓмдӹлен[7].

Мактымашвлӓ

  • СССР Кӱшӹл Совет Президиумын указшы доно Александрова Таисия Ивановналан тыменьшӹвлӓм тымдымы дӓ коммунизм семӹнь анжен-куштымы пӓшӓштӹ кого заслуга гишӓн Социалистический Пӓшӓн Геройжы званим пумы, Ленин орден дон «Сарла дон Молот» Шӧртньӹ медальым кычыктымы[8].
  • Кок Ленин орден доно (1960, 1968), «Почётан Знак» орден (1944), медальвлӓ доно пӓлдӹртӓлтӹн.
  • «Мары АССР-ын заслуженный тымдышыжы» лӹмӹм (1952) дӓ «РСФСР школын заслуженный тымдышыжы» (1958) званивлӓ доно пӓлдӹртӓлтӹн.
  • «Йошкар-Олан почётан гражданинжӹ» званим пумы.
  • Мары АССР Кӱшӹл Совет Президиумын Почётан грамотшы (1944, 1957, 1959).

Примечани

  1. ↑ 100 лет Марий Эл. Такая есть профессия – Учитель | Национальная библиотека имени С.Г. Чавайна Республики Марий Эл (руш.). nbmariel.ru. Тергӹмӹ кечӹ: 17 мартын 2025.
  2. ↑ Пятьдесят с плюсом. Дата обращения: 17 мартын 2025.
  3. ↑ Александрова Таисия Ивановна (руш.). Тергӹмӹ кечӹ: 27 ноябрьын 2020. Архивировано из оригинала 5 декабрьын 2020 года.
  4. ↑ Мочаев, 2007, с. 20.
  5. ↑ День знаний! (2 январьын 2011). Тергӹмӹ кечӹ: 20 июльын 2017.(недоступная ссылка)
  6. ↑ «Александровские чтения» (руш.). МОУ «Лицей № 11 им. Т. И. Александровой г. Йошкар-Олы». Тергӹмӹ кечӹ: 19 майын 2017. Архивировано из оригинала 5 январьын 2017 года.
  7. ↑ Свечников С. К. «Педагог с большой буквы» (к 110-летию со дня рождения Т. И. Александровой) (руш.). Официальный сайт Национального музея РМЭ им. Т. Евсеева (30 сентябрьын 2019). Тергӹмӹ кечӹ: 28 ноябрьын 2019. Архивируйымы 11 октябрьын 2019 года.
  8. ↑ День национального героя в Музее, Новости музея. i-ola-museum.ru. Тергӹмӹ кечӹ: 17 мартын 2025.

Литература

  • Муравьёв А. В. Учителями жива Россия: Учителя Республики Марий Эл — заслуженные учителя Российской Федерации. — Йошкар-Ола, 2004. — С. 6—8.
  • Александрова Таисия Ивановна // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 20. — 2032 экз. — ISBN 5-87898-357-0.
  • Александрова Таисия Ивановна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 220. — 872 с. — 3505 экз. — ISBN 978-5-94950-049-1.
  • Сануков К. Н. Народная учительница / Сануков К. Н. // НАШИ ЗЕМЛЯКИ: ПУТИ И СУДЬБЫ. Очерки. — Йошкар-Ола: ООО «Издательство Мари Книга», 2011. — С. 318—321. — ISBN 978-5-91895-006-7.
  • Колесников А. Ю., Муравьёв Ан. В., Мочаев В. А., Кутюков В. Г. Александрова Таисия Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 19. — 606 с. — 1500 экз. — ISBN 978-5-905314-35-3.
«https://mrj.ruwiki.ru/w/index.php?title=Александрова,_Таисия_Ивановна&oldid=314594» гӹц нӓлмӹ