Max (приложени)

Ирӹкӓн энциклопеди Википеди гӹц материал
Max
Скриншот программы Max
Тип программа[d]
Ӹштӹшӹ «Коммуникаци платформа» ООО
Операционный системӹвлӓ iOS, Android, macOS, Windows
Интерфейсӹн йӹлмӹжӹ английский, руш дӓ молывлӓӓт
Пӹтӓришӹ лыкмаш 27 март 2025
Состояни активный
Сайт max.ru

Max (MAX семӹнь стилизуйымы) — «ВК» компани гӹц цифрвой платформа, тӹдӹ мессенджерӹн, изи приложенивлӓн, тӱлӹмӹ системӹн дӓ кугижӓншӹ сервисвлӓн функциштӹм уша[1]. Мессенджерӓн бета-версим 2025 ин 27 мартын iOS, Android, macOS, Windows негӹцеш пӓшӓм ӹштӹшӹ устройствывлӓлӓн вебсайт дӓ приложени семӹнь анжыктымы[2]. 2025 ин июльын VK корпораци Max-ышты самыньым момы гишӓн 5 млн тӓнгӓ якте тӱлӓш йӓмдӹ ылмыжы гишӓн увертӓрен[3].

2025 и 1 сентябрь гӹц Max, законодательство доно келшӹшӹн, Российӹштӹ цилӓ у устройствыш анзыцок вӓрӓнгдӹмӹ лиэш. Анзыкыжым штрафым тӱлӓш, документӹм оформляйӓш дӓ молы кугижӓншӹ сервисӹм кычылташ «Кугижӓншӹ палшык» (руш. «Госуслуги») сервис докы ушаш пӓлемдӹмӹ[4].

Истори

Max мессенджерӹм пӓшӓм ӹштӓш тӹнгӓлӓш йӓмдӹлӹмӹ гишӓн увер 2025 ин 25 мартын лӓктӹн. Тӹнӓм СМИ инсайдервлӓн ажёдмӹштӹ доно приложенивлӓн (App Store, Google Play) лапкавлӓштӹ мессенджерӹн «лишӹл жепӹштӹ» бета-версижӹ лӓкмӹ гишӓн увертӓрен, тӹдӹ сирмӓшвлӓм вӓшӓ-вӓш колтылаш, звоняш дӓ 4 ГБ якте шӹнгӹцӓн файлым колташ йӧнӹм пуа. Сӓндӓлӹк мычкы онлайн-звонокым ӹштен кердӓш медиасервервлӓм вӓрӓнгдӹмӹ, а колтымы юкым яжоэмдӓш машинӓӓн тымдымаш шотышты технологим пыртымы. Пӹтӓришӹ версиш финанс сервисӹм, палшык службым дӓ молы продуктым ӹштӓш йӧнӹм пушы корпоративный чат-ботвлӓм йӓмдӹлӓш инструментвлӓ пырат манын попымы. Тенгеок цифровой платформыш изи приложенивлӓм, тӱлӹмӹ системӹм дӓ кугижӓншӹ сервисвлӓм пыртымы гишӓн, а приложени Китайыштышы WeChat-ын (руш) (мар. аналогшы лин кердеш манын увертӓрӹмӹ[5].

Финанс экспертвлӓн ӓклӹмӹштӹ семӹнь, икшӹ этапышты проектлӓн айырымы инвестици 1 млрд тӓнгӓ якте шон кердӹн[5].

27 мартын платформа iOS, Android, macOS, Windows негӹцеш ӹштӹшӹ устройствывлӓлӓн йӧнештӓрӹмӹ приложени, тенгеок веб-сайт семӹнь кычылташ ярал лин. Бета-версиш личный дӓ тӹшкӓ чатвлӓ, юкан сирмӓшӹм, медиафайлым, 4 ГБ якте шӹнгӹцӓн документӹм, стикер дон сирмӓшлӓн кымылым анжыктымым колташ, аудио- дӓ видеозвонокым ӹштӓш, чат-бот дон изи приложенивлӓм ӹштӓш йӧн пыренӹт[2].

2025 ин 14 апрельӹн Max сервисӹш GigaChat 2.0 (руш) (мар. искусственный интеллектӹм пыртымы гишӓн увертӓрӹмӹ. ИИ доно кӹл личный чат гач кеӓ, пользователь тӹшкӹ юкан дӓ текстӓн сермӓшӹм, аудиофайлым, изображеним дӓ документӹм колтен кердеш, а ваштареш вычымы информацим такеш нӓлӹн кердеш (тенгеок йӹлмӹ модельӹн интернетӹштӹ момыжым). Max-ын бизнес-клиентвлӓжӹ ИИ-н версивлӓм айырен кердӹт — GigaChat 2 Pro али GigaChat 2 MAX[6].

2025 ин июньын лыкмы данный семӹнь, российӹштӹшӹ Max мессенджерӹштӹ мобильный устройствывлӓ дон компьютервлӓштӹ аккаунтвлӓн шотышты 1 млн шон[7]. 2025 иӓш июль тӹнгӓлтӹшеш Mах-шты регистрацим эртӹшӹвлӓ 2 млн утла линӹт[8].

2025 ин 1 сентябрьын Max мессенджерӹм Российӹштӹ угӹц лыкмы цилӓ мобильный устройствыш шӹндӓш шанат[9].

2025 ин июльын Т2 (руш) (мар. Max мессенджерӹш мычашдымы интернет-трафикӹм колтен[10].

2025 и 21 август гӹц Max национальный мессенджерӹшкӹ Кугижӓншӹ дӓ муниципальный услугывлӓн единый порталыш (Госуслуги) пыраш ик гӓнӓ пуалтшы кодым нӓлӓш йӧнӹм пыртымы. Тестировани пӹтӹмӹкӹ, йӧн цилӓ пользовательлӓн пӓшӓм ӹштӓш тӹнгӓлеш[11].

Функционал

Max-ым мобильный устройствыш (iOS, Android), пасна эдемӹн компьютерӹш (Windows, macOS), тенгеок веб-интерфейс гач кычылташ лиэш. Приложеним App Store, Google Play, RuStore дӓ AppGallery цифровой лапкавлӓ гӹц шӹндӓш лиэш. Пользовательвлӓ регистрацим российӹштӹшы ӓли белорусский телефон номер доно эртен кердӹт. Кычылташ тӹнгӓлмӹ анзыц лӹмӹм сирӓш дӓ профильӹн изображеним вӓрӓнгдӓш келеш[2][12].

Интерфейс нӹл тӹнг раздел гӹц шалга: «Контакт», «Чат», «Звонок», «Настройкывлӓ». Кӧргӹштӹ чатын вӹлвӓл сӹнжӹм вашталташ, папкывлӓ семӹнь сортируяш, увертӓрӹмӓшӹм йӧнештӓрӓш дӓ конфиденциальностьым виктӓрӓш лиэш[12].

  • Max мобильный приложенин интерфейсшӹ
  • Регистрацин икшӹ ашкылжы

    Регистрацин икшӹ ашкылжы

  • Регистрацим эртӹмӹ годым аватарым айырымаш

    Регистрацим эртӹмӹ годым аватарым айырымаш

  • Max доно пӹтӓришӹ гӓнӓ пӓлӹмӹ лимӓш

    Max доно пӹтӓришӹ гӓнӓ пӓлӹмӹ лимӓш

  • Чатвлӓ доно папка

    Чатвлӓ доно папка

  • Чат-бот

    Чат-бот

  • Изи приложени

    Изи приложени

2025 и 9 июль 12:46 жепӹн Mах платформышты жеп дӓ участник шот семӹнь цикдӹмӹ тӹшкӓ видеозвонок лӓктӹн. Звонокым ӹштӓш манын пользовательлӓн «Звонок»-ым темдӓлӓш дӓ ӱжмӹ ссылкым генерируяш келеш. Видеоконференци годым экраным дӓ участниквлӓм сетка доно анжыкташ лиэш. Лишӹл жепӹштӹ чатым, администраторын праважым весӹлӓн пуаш, нейроаватар, маска дӓ виртуальный фоным уштараш шанымаш улы[13].

Коммуникаци

Платформышты сирмӓшӹм[2][14] личный дӓ тӹшкӓ чатвлӓштӹ колташ лиэш, текстӓн дӓ юкан сирмӓшӹм, изображеним, видеом дӓ 4 ГБ якте шӹнгӹцӓн документӹм колташ лиэш; стикер дон эмодзи сӹнӓн реакцим кычылташ лиэш[2][14].

Пыртымы аудио- дӓ видеозвоноквлӓ сетьӹштӹ кого ӓли изи сигнал доно ӹштӓт. СМИ-н увертӓрӹмӹжӹ семӹнь, звонокышты кӹл пингӹдӹ дӓ юк дон изображениӓт яжон кеӓт[2][14].

Весӹ доно сирӹмӹ годым контактым, геолокацим, тенгеок СБП гач оксам колташ лиэш. Приложенин пӹтӓришӹ версиштӹжӹ Альфа-банк дӓ ВТБ гӹц оксам колташ лиэш: Max-шты ярал банкым айырымы паштек финанс организацин мобильный приложенишкӹжӹ ванжымаш ӹштӓлтеш, кышты оксам колтымым мычашлыман[15].

Чат-бот дӓ изи приложенивлӓ

Max чат-бот дон изи приложенивлӓм уштараш йӧнӹм пуа. Ӹлӹмӓшӹш пыртымаш Max Bot API-м (ботым ӹштӹмӓш дӓ виктӓрӹмӓш), Max Bridge-м (клиентский изи приложенивлӓм иктӹш цымырышы библиотека) дӓ MasterBot-ым — пӹсӹн лыкташ дӓ API-ключым нӓлӓш йӧнештӓрӹмӹ служебный ботым кычылтмы доно ӹштӓлтеш. Йӓмдӹлӹмӹ пӓшӓ программа донат, визуальный конструкторвлӓ, тенгеок BotMother, JetBot, ChatForma, SaleBot дӓ молы гачок кен кердеш. Ботвлӓн лӹмӹштӹ, Telegram статянок, bot шамак доно пӹтӹшӓш ылыт (шамак толшеш, @examplebot)[16].

Изи приложенивлӓ мессенджер кӧргӹштӹ интерфейсӹштӹ колталтыт, нӹнӹн ӹшке графикӹшт дӓ бизнес-логикӹшт лин кердеш дӓ чат-ботвлӓ гач инициируялт кердӹт[14][16].

Искусственный интеллект

2025 и 14 апрель гӹц Max-ышты GigaChat 2.0 ИИ-платформа доно интеграци ӹштӓлтӹн. Платформыш пыртымы нейросеть текстӹм генерируяш, изображеним ӹштӓш, юкан сирмӓшӹм ынгылен нӓлӓш, видеом, статьям дӓ контентӹн сакой формыжым кӹтӹкӹн шайышт пуаш, изображеним ланзылаш дӓ ынгылдараш, A4 форматан 200 страницӓ якте шӹнгӹцӓн документвлӓ доно пӓшӓм ӹштӓш палша[6].

ИИ икодым икманяр файлым колтымы годым диалогым кыча, вӓрӓнгдӹмӹ информаци негӹцеш аналитический вӓшештӹшӹм пуэн кердеш дӓ кычылтмы источниквлӓн ссылкым пуа[6].

Виӓнгмӓш

«ВК Компани» ООО-ын ӹштӹмӹ, «Коммуникационный платформа» ООО-ын йӓмдӹлӹмӹ Max платформа ик интерфейсӹштӹ кечӹнь шоктымы шукы цифровой задачым иктӹш цымырышы «супер-приложеним» («супераппым») ӹштӓш лин кердшӹ негӹц семӹнь анжыкталтеш. 2025 ин апрель ӹрдӹн анзыкыжым техень функцивлӓм ӹштӓш пӓлемдӹмӹ[6][5]:

  • изи приложенивлӓн экосистемӹштӹ гач бренд дон разработчиквлӓлӓн палшыкым пумым кымдаэмдӹмӓш;
  • ӹшке тӱлӹмӹ системӹм колташ;
  • кугижӓншӹ сервисвлӓ (тенгеок «Кугижӓншӹ палшык») доно ушнаш[6][5].

Критика

Max-ым кычылтшывлӓ «ВК» холдингӹн, шамак толшеш «ВКонтакте» ӓли VK Музыка, сервисвлӓ доно тӧрӧк ушнымашын уке ылмыжым пӓлемдӓт. Нӹнӹм тенгеок кок факторан аутентификацин дӓ данныйвлӓм перегӹмӓшӹн уке ылмышты тыргыжландара — тидӹ лӱдӹшдӹмӹлык дӓ информацин конфиденциальностьшы шотышты тыргыжланымашым лыктеш[17][18].

Платформа Telegram мессенджер доно икань ылмыжы шотышты критика доно тӹкнен — пользовательвлӓ бот дон изи приложенивлӓм ик семӹнь кычылтмы гишӓн попат. Тенгеок пользовательвлӓ у мессенджерӹм ӹштӓш келмӹ шотышты коктелӓнен хытырат, вет ӹнде кымдан пӓлӹмӹ платформывлӓ ылыт. Кыды-тидӹжӹ ӹшке сӓндӓлӹкӹштӹшӹ платформа вескид аналогвлӓм вашталтен кердӹт машанат[14][19].

2025 ин 7 июльын VK MAX мессенджерӹн, тенгеок Санкт-Петербургышты VK Fest (руш) (мар. спецмероприятивлӓн, агрессивный рекламный кампаним пӓшӓш колтен. Блогервлӓ, Инстасамка доно иквӓреш, сервисӹм пыт шӓрӹкӓлӓт. Мессенджерӹн рейтингшӹ пиш айыртемӓлтеш: App Store — 4.1, Google Play — 1.1, тидӹ Telegram-ым кычылтшывлӓн конкурентӹн циклен кердмӹжӹ гишӓн негативный реакциштӹ доно кӹлдӓлтӹн. MAX кугижӓншӹ палшык дӓ официальный сервисвлӓ доно ушнымылан ӹнянӓ, а Telegram тидӹн годым йӧнӓн функционал гишӓн аудиторин тӹдӹ докы ӹнян лимӹжӹм переген кода. Платформывлӓ лошты конкуренци пакыла виӓнг шалга[20].

Примечани

  1. ↑ VK создает аналог китайского мессенджера с госуслугами и платежами WeChat. Ведомости. Тергӹмӹ кечӹ: 15 апрельӹн 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Тергӹмӹ кечӹ: 15 апрельӹн 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Дата обращения: 9 июльын 2025.
  4. ↑ Всё о Max: российский национальный мессенджер запустят в 2025 году. Дата обращения: 9 июльын 2025.
  5. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Тергӹмӹ кечӹ: 15 апрельӹн 2025.
  6. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Тергӹмӹ кечӹ: 15 апрельӹн 2025.
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 июньын 2025). Дата обращения: 9 июльын 2025.
  8. ↑ Пользователям МАХ стали доступны групповые видеозвонки, Известия (9 июльын 2025). Дата обращения: 9 июльын 2025.
  9. ↑ Новый мессенджер Max: что это такое, зачем нужен и где скачать, РБК Life. Дата обращения: 9 июльын 2025.
  10. ↑ Т2 запускает безлимитный интернет-трафик на мессенджер Max, TACC. Дата обращения: 16 июльын 2025.
  11. ↑ Код для входа на "Госуслуги" можно будет получить в мессенджер Max, Interfax.ru (20 августын 2025). Дата обращения: 21 августын 2025.
  12. ↑ 1 2 Max: что известно о новом приложении ВК и аналоге WeChat. РБК. Тергӹмӹ кечӹ: 15 апрельӹн 2025.
  13. ↑ Платформа MAX запустила неограниченные групповые видеозвонки, ВЗГЛЯД.РУ. Дата обращения: 9 июльын 2025.
  14. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Тергӹмӹ кечӹ: 15 апрельӹн 2025.
  15. ↑ Протестировал MAX от VK, iPhones.ru. Дата обращения: 16 апрельӹн 2025.
  16. ↑ 1 2 MAX для разработчиков. Max Docs. Тергӹмӹ кечӹ: 15 апрельӹн 2025.
  17. ↑ MAX: общение, полезные сервисы. RuStore. Тергӹмӹ кечӹ: 16 апрельӹн 2025.
  18. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Тергӹмӹ кечӹ: 14 апрельӹн 2025.
  19. ↑ Компания VK выпустила приложение MAX — обещают сделать аналог китайского WeChat. Клуб DNS. Тергӹмӹ кечӹ: 16 апрельӹн 2025.
  20. ↑ Мессенджер МАХ - борьба за пользователя — Малкин про MAX на vc.ru, vc.ru. Дата обращения: 9 июльын 2025.
«https://mrj.ruwiki.ru/w/index.php?title=Max_(приложени)&oldid=314938» гӹц нӓлмӹ