Battlefield 6

Ирӹкӓн энциклопеди Википеди гӹц материал
Battlefield 6
Battlefield 6.png
Ӹштӹшӹ Battlefield Studios
Лыкшы Electronic Arts
Серин лаштыкшы Battlefield
Анонс кечӹ 2025 и 24 июль
Лыкмы кечӹ 2025 и 10 октябрь
Компьютерный мадмашын классификацижӹ икшӹ лицӓ гӹц шутер
Технический данныйвлӓ
Платформа Windows, PlayStation 5, Xbox Series X/S
Мадмаш движок Frostbite
Мадмашын режимжӹ многопользовательский, однопользовательский, кооперативный
Виктӓрӹмӓш компьютерный клавиатура, компьютерный каля[d] дӓ геймпад[d]
Официальный сайт
Логотип РУВИКИ.Медиа Медиафайлы на РУВИКИ.Медиа

Battlefield 6 (кӹтӹкӹн BF6) — икшӹ лицӓ гӹц шутер жанран компьютер мадыш, DICE студи Criterion Games, Motive Studio дӓ Ripple Effect доно иквӓреш Battlefield Studios ик бренд лӹм доно ӹштен лыктын. PlayStation 5, Xbox Series X/S дӓ Windows доно виктӓрӹмӹ ПК-лан ӹштӹмӹ[1]. Лӓкмӹ кечӹ — 2025 и 10 октябрь[2].

Мадышышты действи лишӹл анзыкылашы жепӹн, 2027 и дон 2028 и лошты, лиӓлтеш, тӹштӹ НАТО-н шӓлӓнӹшӹ ушемжӹ дон альянсын молнамшы кугижӓншӹ-членвлӓжӹ доно финансируйымы Pax Armata частный военный корпораци лошты пиш кого конфликт шачеш.[3]. Battlefield 2042 серин анзыцшы частьшы доно тӓнгӓштӓрӹмӓштӹ, BF6-ыш ӹшкетӹн эртӹмӹ цела сюжетан кампани пӧртӹлӹн. Мадышын пӹтӓришӹ сезонжы лӓкмӹ доно иктӧр Battlefield Redsec-ӹм — «королевский кредӓлмӓшӹн» йӓрӓ режимӹм — колтымы.[4].

Сюжет

Мадышын событивлӓжӹ кӹзӹтшӹ сеттингӹштӹ эртӓт, тӹштӹ тӹнг вӓрӹм НАТО дон Pax Armata лӹмӓн частный военный корпораци (руш) (мар. лоштышы конфликт нӓлеш. Ти компанилӓн НАТО-штышы молнамшы кугижӓншӹвлӓжӹ, шамак толшеш, Франци, окса доно палшат, тӹдӹ мирӹштӹшӹ пораткан анзыкылашыжы шотышты лӱдӹктӹмӓшӹм лыктеш[1][5].

Мадыш кого военный конфликтвлӓлӓн кого внимани айыра, тӹштӹ тӹнг вӓрӹштӹ танк, истребитель дӓ вес военный техника лоштышы кӹл ылеш. Шайыштмашын центрӹштӹжӹ — цилӓм ӓвӓлтӹшӹ вырсы жепӹн мадшын отрядшы колымашым кандышы сек лӱдӹш оружиэш шотлалтеш манмы идей[1][5].

Мадмы процесс

Battlefield 6 — икшӹ лицӓ гӹц шукы ползователян шутер, пиш кого кредӓлмӓшлӓн дӓ мадшывлӓ лоштышы тактический кӹллӓн келӹштӓрӓлтӹн. Йӓмдӹлӹшӹвлӓ традиционный класс системӹш пӧртӹлӹнӹт, специалиствлӓ концепци гӹц карангыныт, — мадшывлӓ икманяр роль гӹц иктӹжӹм айырен нӓлӹн кердӹт, нӹнӹ логӹц каждыйжын ӹшкӹмжӹн когон ӹшке статян тыменьмӓшӹжӹ, чимӓшӹжӹ дӓ оружижӹ улы. Техень система, Battlefield 2042 (руш) (мар. мадышышты анжыктымы специалиствлӓн система доно тӓнгӓштӓрӹмӓштӹ, отряд кӧргӹштӹ утларак келгӹ тактика кӹлӓн дӓ специаоизацилӓн палша. Классыш пӧртӹлмӓш команда доно мадмым виӓнгдӓш дӓ каждый роль кредӓлмӓш нырыштыутларак керӓл лижӹ манын ӹштӓлтӹн[1][6]. 4 класс улы[7]:

  1. Штурмовик: штурмовой винтовкым кычылтеш; кыргыжмӓш гӹц лӱмӓшкӹ йӹле ванжа дӓ кидӹштӹжӹ оружим вашталта.
  2. Инженер: пистолет-пулемётым кычылтеш; ПП гӹц ӓрдӹ гӹц лӱмӹжӹ годым тӧр попаза;
  3. Палшышы: кидпулемётым кычылтеш; РП-м кычылтмыжы годым стандартный кыргыжталмы скоростьым переген кода;
  4. Разведчик: снайперский винтовкым кычылтеш; прицелжӹ изиш веле мыльга, прицелӹштӹ шӱлӹшӹм кычымы жеп кужемӹн дӓ «снайперкым» кычылтмы годым скростьшы кушкын[7].
  • Battlefield 6 гӹц официальный скриншотвлӓ
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Шукы пользователян режим

Battlefield 6 сетевой мадыш хоть-маняр мадшы дӓ мадмы стильлӓн келшӹшӹ шукы йиш режимӹм кычылташ йӧнӹм пуа. Матчвлӓм айырен нӓлӓш йӧнӓнрӓк лижӹ манын, режимвлӓм икманяр плейлистеш пайылымы[8].

Тӹнг режимвлӓ[8]:

  • Conquest (Роалтен нӓлмӓш) — серин классический режимжӹ, тӹштӹ кок команда кого картышты икманяр тӹнг точкым ӹшке контрольышкышты нӓлмӹ верц кредӓлӹт. Кыды команда тышманын палшыкшын очкажым пӹтӓришӹ пӹтӓрӓ, тӹдӹ сӹнгӓ.
  • Breakthrough (Анзыкы лӓкмӓш) — асимметриӓн режим, тӹштӹ ик команда, секторвлӓм роалтен нӓлӹн, атакуя, а весӹжӹ, позицивлӓм кычаш цацен, перегӓлт шалга.
  • Rush (Штурм) — ти режимӹштӹ атакуйышы команда икманяр мыжыр коммуникационный станцим пӹтӓрӹшӓшлык, а перегӓлтшӹжӹ, атакуйышывлӓн цилӓ палшышы билетӹштӹм пӹтӓрен, тӹдӹлӓн мешӓйӹшӓшлык.
  • Escalation (Эскалаци) — «канатым шыпшмым» ӓшӹндӓрӹктӹшӹ режим, командывлӓ картышты вӓржӹм вашталтен мишӹ тӹнг зоным контролируйымы верц кредӓлӹт.
  • Domination (Анзылны кемӓш) — изирӓк картывлӓштӹ йӹле кешӹ пехотный режим, тӹштӹ тӹнг задача контрольный точкывлӓм кычымаш ылеш.
  • King of the Hill (Кырык кугижӓ) — ти режимӹштӹ командывлӓ картышты вычыдымын активируялтшы точкым контролируйымы верц кредӓлӹт.
  • Team Deathmatch (Командан кредӓлмӓш) — стандартан режим, тиштӹ кок команда иктӓ-кыдыжы пӓлемден пиштӹмӹ пуштмашым шомешкӹжӹ кредӓлӹт.
  • Squad Deathmatch (Отрядвлӓн командан кредӓлмӓшӹштӹ) — нӹл эдемӓн нӹл отряд иктӹ-весӹштӹ доно кредӓлӹт. Остатка ӹлӹшеш кодшы отряд сӹнгӓ[8].

Redsec

Battlefield Redsec — тидӹ йӓрӓ мадмы режим, тӹдӹм 2025 ин 28 октябрьын колтымы, тишкӹ «королевский кредӓлмӓш» дӓ молы тӓнгӓшӹмӓш форматвлӓ пырат. Redsec-ӹн действижӹ Fort Lyndon картышты, серин историштӹжӹ сек когошты, эртӓ[4].

Redsec-ӹштӹ режимвлӓ[9]:

  • Battle Royale (Королевский кредӓлмӓш) — 100 эдемлӓн пиш кого кредӓлмӓш, тиштӹ нӹл эдемӓн отрядвлӓ (25 отряд) ӓль кок эдемӓн отрядвлӓ (50 дуэт) мадын кердӹт. Мадшывлӓ картыш десант доно валат, оружим дӓ снаряженим кӹчӓлӹт дӓ ик отряд веле кодмешкӹ кредӓлӹт. Тӹнг айыртем — тидӹ ландшафтым вашталташ дӓ у тактика йӧнвлӓм ӹштӓш волям пушы тактикӓн шӓлӓтӹмӓш; боевой техникӹм кычылташ лиэш[4];
  • Gauntlet (Перчӓткӹ) — 32 мадшылан (4 эдемӓн 8 отряд) тӓнгӓшӹмӓш турнир режим. Командывлӓ мытык раундвлӓн сериштӹ (5 минут рӓдӹ) сакой лӓктӹн вацмы задачым ӹштен тӓнгӓшӓт. Каждый раунд айыртемӓлтшӹ услови дон цельӹм пуа, тидӹжӹ отрядвлӓ гӹц пӹсӹ адаптацим ядеш[9];
  • Portal (Портал) — мадшывлӓлӓн Fort Lyndon картышты скриптинг дон кастомизацилӓн хӓдӹрвлӓн наборым кычылтын, ӹшкӹмӹштӹн мадмы режимӹштӹм ӹштӓш йӧнӹм пушы редактор[4].

Кампани

BF6-ын ӹшке кампанижӹ сюжетан ӹндекш мисси гӹц ӹштӓлтӹн дӓ сакой персонажвлӓ доно — элитный диверсантвлӓ гӹц тӹнгӓлӹн, пилот дон инженервлӓ якте — виктӓрӹмӹ гач глобальный мадмы конфликт вӹкӹ сакой монгыр гӹц анжалаш йӧнӹм ӹштӓ. Кампаним покшал уровеньӹштӹ эртӓш 4 гӹц 6 цӓш якте келеш, а цилӓ коллекци хӓдӹрӹм (30 вырсы жетоным — Dog Tags-ым) поген, тӹрӹс пӹтӓрӓш 8 цӓш якте келӹн кердеш[10][11].

Сюжет миссивлӓ сакой ылыт: мадшывлӓ йӹвӹрт йыд операцивлӓштӓт, тенгеок нелӹ техникӹм кычылтмы пиш кого штурмвлӓштӓт участвуят. Каждый мисси сакой ӹшке статян вӓрӹштӹ эртӓ: кырык вуй гӹц хала зданивлӓ дон вӹд якте. Коллекционный жетоным момы гишӓн мадшывлӓ косметический наградывлӓм нӓлӹт, тӹдӹм шукы эдемӓн мадмы режимӹштӹ кычылташ лиэш[10].

Кампанин мисси спискӹжӹ:

№ Миссин лӹмжӹ Жетон шот
1 Со ӹнян (Always Faithful) 3
2 Кырык кӱ (The Rock) 3
3 «Гладиус» операци (Operation Gladius) 3
4 Йыд рейд (Night Raid) 4
5 Амалыде (No Sleep) 3
6 Кырыкым сӓрӓлшӹлӓ (Moving Mountains) 4
7 Нилым оролышы (Nile Guard) 2
8 «Пӓнгшӹ севӓлтӹш» операци (Operation Ember Strike) 4
9 Со анзыкы (Always Forward) 4

Анжыктымы оружи

Battlefield 6 стартышты кычылташ лимӹ 8 категориэш пайылымы 45 йиш оружи ылын. Юж анзыцшы частьвлӓ доно тӓнгӓштӓрӹмӓштӹ, мадышышты оружим кычылташ классовый айырымаш уке. У кредӓлмӹ хӓдӹрвлӓ мадшын рангшы кузен мимӹ семӹнь дӓ лӹмӹн заданивлӓм ӹштӹмӹкӹ пачылтыт[12].

Категори Оружи
Штурмовой винтовкывлӓ M433, B36A4, SOR-556 MK2, AK4D, TR7, KORD 6P67, NVO-228E, L85A3
Карабинвлӓ M4A1, M277, AK-205, M417 A2, GRT-BC, QBZ-192, SG 553R
Пистолет-пулемётвлӓ SGX, PW5A3, PW7A2, UMG-40, USG-90, KV9, SCW-10, SL9
Куштылгы пулемётвлӓ L110, DRS-IAR, M/60, RPKM, M123K, M250, KTS100 MK8, M240L
Марксманский винтовкывлӓ M39 EMR, LMR27, SVK-8.6, SVDM
Снайпер винтовкывлӓ M2010 ESR, SV-98, PSR
Дробовиквлӓ M87A1, M1014, 18.5KS-K
Пистолетвлӓ P18, ES 5.7, M45A1, M44

Пӹтӓришӹ сезон лӓкмӹкӹ, мадышыш оружин у видвлӓм привайымы: SOR-300SC карабин, GGH-22 пистолет дӓ Mini Scout снайпер винтовка[13].

Истори дӓ анзыкы кемӓш

Battlefield сериштӹштӹ вес мадмаш гишӓн пӹтӓришӹ гӓнӓ увер 2024 ин 16 сентябрьын лӓктӹн: тӹнӓм EA Studios группын генеральный менеджержӹ Винс Зампелла у мадышын событижӹ кӹзӹтшӹ сеттингӹштӹ эртӓш тӹнгӓлеш манын увертӓрен. Тӹдӹ тенгеок мадышым ЕА-н историштӹжӹ ик сек яжо проект ылеш манын дӓ тӹдӹм йӓмдӹлӹмӓштӹ пӓшӓм ӹштӹшӹ 4 мадмы студи доно пӓлдӓрен: DICE, Motive, Ripple Effect дӓ Criterion (ӹшкетӹн мадмы режимӹм йӓмдӹлӹмӓштӹ тенгеок Ridgeline Games пӓшӓлен, но 2024 и тӹнгӓлтӹшӹн тӹдӹм чӱчӹнӹт)[14].

2025 ин 3 февральын ЕА пингӹдемден: у мадышым йӓмдӹлӹмӹ пӓшӓм Battlefield Studios лӹмӓн ушем ӹштӓ. Мадмы проектлӓн Battlefield Labs кодовый лӹмӹм пуэнӹт; мадмы процессӹм анжыктышы пӹтӓришӹ трейлер анжыкталтын[15]. Тӹ жепӹнок питӹрӹмӹ тергӹмӓш тӹнгӓлӹн, тӹштӹшӹ кадр-влӓм 2025 ин мартын сетьӹш «йоктаренӹт»[16].

Мадышын официальный лӹмжӹ 19 июльын пӓлӹ лин[17]; 21 июльын рашемӹн: тӹнгӓлтӹш жепӹн мадышыш пачмы бета-тергӹмӓш (руш) (мар. гач пыраш лиэш[18]. Вес кечӹнжӹ ЕА студи увертӓрен: мадыш гишӓн анонс официально 24 июльын лиэш[19], а «ревил» вадын йӓмдӹлӹшӹвлӓ мадышыштышы тӹнг тышманвлӓ Pax Armata дон НАТО организацивлӓ лит[20]. Пӓлемдӹмӹ кечӹн трейлерӹм лыкмы, тӹдӹн доно иквӓреш шукы пользователян режим доно пӓлдӓрӹмӓш 31 июльын эртӓ манын пӓлемдӹмӹ[21].

Battlefield 6 анонсируйышы трейлер

30 гӹц 31 июль йыдым мадыш серин эдемвлӓжӹ «мультиплеерӹн» 15 секундан тизержӹм лыктыныт, но вӓшке тӹдӹм карангдентӹт. Видеошты геймплейӹн кадрвлӓжӹ дӓ мадыш лӓкмӹ кечӹ — 2025 и 10 октябрь — ылыныт[2]. Тидӹн гӹц пасна, 31 июльын инсайдервлӓ августын халыклан келӹштӓрӹмӹ бета-тергӹмӓш кым гӓнӓ эртӓрӓлтшӓшлыкым пӓлемденӹт; пӹтӓришӹжӹ 7 августын тӹнгӓлеш, 48 цӓш жепӹштӹ пырен кердмӹ сыравач доно попазаш лиэш (тӹдӹм анзыцок ядмы доно ӓли Twitch-ӹштӹ стримӹм анжымы гишӓн нӓлӹт); кокшыжы цилӓ кымыланлан 9 гӹц 11 август якте пачмы лиэш; кымшыжы — 14 гӹц 17 август якте[22].

2025 ин 28 августын Electronic Arts дӓ Battlefield Studios объединеништӹшӹ разработчиквлӓ мадышын ПК-версижӹн трейлержӹм [23]. Тенгеок мадыш докы технический требованивлӓ пӓлӹ линӹт. 4К разрешени, кадрын хоть-махань шӹре ылмыжы, ультракымда мониторвлӓ (21:9, 32:9) дӓ 600 утла сакой настройка шотышты палшыкым пуаш сӧрӓт[24].

2025 и сентябрь тӹнгӓлтӹшӹн сетьӹштӹ Battlefield 6-ын геймплейжӹ изиш лӓктӹн, тӹштӹ оружиэш лявӹрӓ дон пырак погынымы механика угӹц лӓктӹн кердмӹм анжыктымы, Battlefield 2042-шты тӹдӹ ылде. Кужы агыл лаштыкышты кредӓлмӹ годым оружиэш сакой лявӹрӓ дон пырак погынымы анжыкталтын[25].

Мадыш 2025 ин 10 октябрьын цилӓ платформышты икӓнӓштӹ лӓктӹн. Battlefield-ӹн генеральный менеджержӹ Байрон Бид попымы семынь, релиз яжон эртен: пӹтӓришӹ кок ӓрня лошты мадыш франшизӹн цилӓ рекордшым шин дӓ 2025 ин сек кого колтымашвлӓ логӹц иктӹжӹ лин[4].

2025 ин 21-22 октябрьын мадышын официальный сообществыштыжы Steam-ӹштӹ СНГ гӹц мадшывлӓ гӹц пиш шукы вуй шимӓн пырен. Нӹнӹ кужы жеп Battlefield 6-ын сервервлӓшкӹжӹ ушнен кердделыт, тидӹн гишӓн вес технический форумвлӓштӓт попенӹт[26].

2025 ин 28 октябрьын 1.1.1.0 кого уэмдӹмӓш лӓктӹн, тӹдӹ мадмы процессӹм яжоэмден: тӓрвӓнӹлмӹн анимацижӹм, оружин балансшым, сотемдӓрӹмӓш дон юкым вашталтымаш. Тӹ кечӹнок «Rogue Operations» лӹмӓн пӹтӓришӹ сезон тӹнгӓлӹн, тӹдӹ кым фазеш пайылымы ылын[27].

  • 1-шӹ фаза (28 октябрь): Blackwell Fields картым, Strikepoint режимӹм, оружин кым у видӹм привайымы; Battlefield Redsec-ӹм колтымы.
  • «California Resistance» 2-шы фаза (18 ноябрь): Eastwood картым, Sabotage режимӹм привайымы дӓ Battle Pickups механикӹм пӧртӹлтӹмӹ.
  • «Winter Offensive» 3-шы фаза (9 декабрь): лӹмӹн ӹштӹмӹ сезонный событим привайымы[27].

Бета-тергӹмӓш (август 2025)

2025 ин 4 августын мадышыш анзыцок темӹмӓшкӹжӹ попазаш лин. Вӓшке мадшывлӓ пӓлен нӓлӹнӹт: Windows-ышты мадышым колташ манын Secure Boot функцим чӱктӓш келеш, тӹдӹ икманяр пользовательӹн шӹп ылмы донок йӧртӓлтӹн[28]. ЕА функцим активируйымы шотышты ынгылдарымашым анзыцок лыктын, тӹдӹм ссылка семӹнь кычылташ лиэш.

Battlefield 6-ын пачмы бета-тергӹмӓшӹжӹ сериштӹ сек кого ылын. 9 августын сек пик жепӹн Battlefield 6 «бетӹштӹ» 521 079 эдем ылын. Ти показатель доно предврительный версижӹ Steam-ӹштӹ цилӓ жепӓш коклы сек пӓлӹмӹ мадыш лошкы пырен[29].

Критика

Battlefield 6 критиквлӓ гӹц тӹнг шотышты яжо ӓкӹм нӓлӹн. Metacritic агрегаторышты мадыш 62 рецензи семӹнь ПК доно мадмы версиэш 100 гӹц 82 баллым поген. Критиквлӓ осовынок Battlefield 2042-шты ылдымы ӹшкет лимӹ кампаним пӧртӹлтӹмӹм пӓлемденӹт, тенгеок шӓлӓтӹшӹ оружиӓн шукы пользователян кого кредӓлмӓшвлӓм[30].

IGN издани мадышлан 10 гӹц 8 ӓкӹм пуэн, тенге пӓлемден: «Battlefield 6 серим важвлӓжӹ докы пӧртӹлтӓ, кымылангдышы тӹшкӓм дӓ кого сетевой кредӓлмӓшвлӓм пуа, тидӹжӹ Battlefield 3 дон 4-ӹн сек яжо жепӹштӹм ӓшӹндӓрӹктӓ». Рецензент ӹшкет мадмы режимӹштӹ шукы йиш мисси дӓ визуальный оформленим хвален, но колтымы годым лӓкшӹ икманяр технический проблема донат пӓлдӓрен[30].

GameSpot мадышлан 10 гӹц 7 ӓкӹм пуэн, тӹдӹм «франшиза формыш кого пӧртӹлмӓш, хоть ситӹдӹмӓшвлӓжӓт уке агыл» манын лӹмден. Критик пӓлемден: «шукы пользователь мадмы режимвлӓ кого кредӓлмӓшӓн дӓ кредӓлмӹ нырышты кого хаосан классический Battlefield мадмашым предлагаят, но оружин балансыжым яжоэмдӹмӹлӓ»[30].

Технический требованивлӓ

Минимальныйвлӓ (1080р, секундышты 30 кадр, графикӹн ӱл настройкывлӓ)

  • ОС: Windows 10 (64 бит);
  • процессор: Intel Core i5-8400 ӓль AMD Ryzen 5 2600;
  • видеокарта: Nvidia GeForce RTX 2060, AMD Radeon RX 5600 XT ӓль Intel Arc A380;
  • видеоӓш: 6 Гбайт;
  • оперативный ӓш: 16 Гбайт;
  • DirectX: 12;
  • Накопительӹштӹ вӓр: 55 Гбайт на HDD.

Рекомендуемые (1440p, секундышты 60 кадров, кӱкшӹ настройкывлӓ / 1080p, секундышты 80+ кадр, ӱл настройкывлӓ)

  • ОС: Windows 11 (64 бит);
  • процессор: Intel Core i7-10700 ӓль AMD Ryzen 7 3700X;
  • видеокарта: Nvidia GeForce RTX 3060 Ti, AMD Radeon RX 6700 XT ӓль Intel Arc B580;
  • видеоӓш: 8 Гбайт;
  • оперативный ӓш: 16 Гбайт;
  • DirectX: 12;
  • Накопительӹштӹ вӓр: 90 Гбайт на SSD.

«Ультра» требованивлӓ (4K, секундышты 60 кадр, «Ультра» настройкывлӓ/ 1440p, секундышты 144 кадр, кӱкшӹ настройкывлӓ)

  • ОС: Windows 11 (64 бит);
  • процессор: Intel Core i9-12900K ӓль AMD Ryzen 7 7800X3D;
  • видеокарта: Nvidia GeForce RTX 4080 ӓль AMD Radeon RX 7900 XTX;
  • видеӓш: 16 Гбайт;
  • оперативный ӓш: 32 Гбайт;
  • DirectX: 12;
  • Накопительӹштӹ вӓр: 90 Гбайт на SSD[24].

Примечани

  1. ↑ 1 2 3 4 Battlefield™ 6 в Steam. Steam. Тергӹмӹ кечӹ: 14 ноябрьын 2025.
  2. ↑ 1 2 Утечка подтвердила дату выхода Battlefield 6 — Electronic Arts раньше времени показала тизер нового трейлера. 3DNews.ru. Тергӹмӹ кечӹ: 14 ноябрьын 2025.
  3. ↑ Дебютный видеоролик Battlefield 6 раскрывает захватывающее будущее культовой серии. Electronic Arts. Тергӹмӹ кечӹ: 14 ноябрьын 2025.
  4. ↑ 1 2 3 4 5 Battlefield REDSEC стартует одновременно с первым сезоном Battlefield 6. Electronic Arts. Тергӹмӹ кечӹ: 14 ноябрьын 2025.
  5. ↑ 1 2 Battlefield 6 first trailer reveals the thrilling future of the iconic series. Electronic Arts. Тергӹмӹ кечӹ: 14 ноябрьын 2025.
  6. ↑ Prepare for Battlefield 6 - Coming Soon! Electronic Arts. Тергӹмӹ кечӹ: 14 ноябрьын 2025.
  7. ↑ 1 2 Battlefield 6: All the info on the new shooter, Red Bull. Дата обращения: 14 ноябрьын 2025.
  8. ↑ 1 2 3 BF6 Multiplayer Modes. IGN. Тергӹмӹ кечӹ: 14 ноябрьын 2025.
  9. ↑ 1 2 REDSEC Game Modes Explained: BR, Gauntlet, and Portal. IGN. Тергӹмӹ кечӹ: 14 ноябрьын 2025.
  10. ↑ 1 2 Список миссий и продолжительность сюжетной кампании Battlefield 6. Playground.ru. Тергӹмӹ кечӹ: 14 ноябрьын 2025.
  11. ↑ Battlefield 6. Всё, что нужно знать для полного прохождения. IGM. Тергӹмӹ кечӹ: 14 ноябрьын 2025.
  12. ↑ Weapons List. IGN. Тергӹмӹ кечӹ: 14 ноябрьын 2025.
  13. ↑ Все новое оружие Battlefield 6 в 1 сезоне и как его разблокировать. Rutab.net. Тергӹмӹ кечӹ: 14 ноябрьын 2025.
  14. ↑ Exclusive: Vince Zampella Confirms Next Battlefield Will Use Modern Setting, First Concept Art Revealed. IGN. Тергӹмӹ кечӹ: 14 ноябрьын 2025.
  15. ↑ First Official Look at New Battlefield Gameplay as EA Reveals Battlefield Labs. IGN. Тергӹмӹ кечӹ: 14 ноябрьын 2025.
  16. ↑ PSA: Early Battlefield 6 Footage Seems to Have Leaked Online. IGN. Тергӹмӹ кечӹ: 14 ноябрьын 2025.
  17. ↑ Battlefield 6 is seemingly just called Battlefield 6, according to leaked packages sent to content creators that might signal a reveal from EA soon. Games Radar. Тергӹмӹ кечӹ: 14 ноябрьын 2025.
  18. ↑ Battlefield 6 Open Beta Confirmed, Will Include This Key Change. GameSpot. Тергӹмӹ кечӹ: 14 ноябрьын 2025.
  19. ↑ Battlefield 6 to Be Officially Revealed This Week. IGN. Тергӹмӹ кечӹ: 14 ноябрьын 2025.
  20. ↑ Battlefield 6 Campaign Teaser Shows NATO Under Attack, and Includes the Return of the Series' Classic Theme. IGN. Тергӹмӹ кечӹ: 14 ноябрьын 2025.
  21. ↑ Battlefield 6 - Official Reveal Trailer. IGN. Тергӹмӹ кечӹ: 14 ноябрьын 2025.
  22. ↑ Battlefield 6 Suffers Significant Leaks Ahead of Official Multiplayer Reveal. IGN. Тергӹмӹ кечӹ: 14 ноябрьын 2025.
  23. ↑ Steam :: Battlefield™ 6 :: THE POWER OF PC MEETS THE POTENTIAL OF PORTAL (28 августын 2025). Дата обращения: 5 ноябрьын 2025.
  24. ↑ 1 2 «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 3DNews - Daily Digital Digest (28 августын 2025). Дата обращения: 14 ноябрьын 2025.
  25. ↑ Утечка геймплея Battlefield 6 показала возвращение реалистичного загрязнения оружия (9 сентябрьын 2025). Дата обращения: 14 ноябрьын 2025.
  26. ↑ Российские игроки в Battlefield 6 пожаловались на проблемы с доступом к игре, Cybersport.ru (22 октябрьын 2025). Дата обращения: 14 ноябрьын 2025.
  27. ↑ 1 2 EA поделилась подробностями крупного обновления 1.1.1.0 для Battlefield 6 - патч выйдет 28 октября. Playground.ru. Тергӹмӹ кечӹ: 14 ноябрьын 2025.
  28. ↑ Любавин, Игорь. Для Battlefield 6 на ПК необходима функция Secure Boot — в EA рассказали, как её включить. Дата обращения: 14 ноябрьын 2025.
  29. ↑ Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 3DNews - Daily Digital Digest (11 августын 2025). Дата обращения: 26 августын 2025.
  30. ↑ 1 2 3 Battlefield 6 critic reviews. Metacritic. Тергӹмӹ кечӹ: 14 ноябрьын 2025.

Ссылкывлӓ

«https://mrj.ruwiki.ru/w/index.php?title=Battlefield_6&oldid=315001» гӹц нӓлмӹ