Ӱштӹ Кугуза докы сирмӓш

Ирӹкӓн энциклопеди Википеди гӹц материал
Письмо Деду Морозу.jpg

Ӱштӹ Кугуза докы сирмӓш — Российӹштӹ дӓ вес сӓндӓлӹквлӓштӹ когон пӓлӹмӹ У и анзыцшы овуца[1]. Ӱштӹ Кугуза докы сирмӓшвлӓштӹ, правило семӹнь, эртӹшӹ ин пӓшӓштӹ сӹнгӹмӓшӹш шомы гишӓн сирӓт, ма келеш, тӹдӹм дӓ подаркавлӓм ядыт[2].

Овуца гишӓн

Кынам дӓ кышты Ӱштӹ Кугуза докы сирмӓшӹм сирӓш овуца лӓктӹн, лачок пӓлӹ агыл. Техень шанымаш улы: тидӹ вашталтымы славянский обряд ылеш. Шартял гӹц анзыцшы йыдым эдемвлӓ когон шанен каштмы желаним пумагашты сиренӹт дӓ тӹдӹм йылатенӹт[3].

Вес верси семӹнь, овуца вадывел сӓндӓлӹквлӓ гӹц нӓлмӹ ылын. Тӹштӹ Санта-Клауслан сирмӓшӹм колтылыт[4].

1998 ин Кого Устюгышты (Вологда область) российӹштӹшӹ Ӱштӹ Кугузан официальный резиденцижӹ пачылтын[5]. Тӹдӹ ин йозын почтышкыжы пӹтӓриш 13 тӹжем сирмӓш пырен. Каждый ин нӹнӹн чотышты кузен[6]. 2024 и 1 январеш Ӱштӹ Кугуза 4 688 536 сирмӓшӹм нӓлӹн[7].

Статистика семӹнь (2024 ишӹ данныйвлӓ доно) российӹштӹшӹ Ӱштӹ Кугуза и йӹде Россий дӓ СНГ сӓндӓлӹквлӓ гӹц тетявлӓ дорц 400 тӹжем сирмӓшӹм дӓ 500 тӹжем нӓрӹ электронный посланим нӓлеш[8].

Овуца семӹнь йозы почта 18 ноябрьын[9] — Ӱштӹ Кугузан шачмы кечӹнжӹ[10] — пачылтеш. Тенге гӹнят, сирмӓшӹм ин хоть-махань жепӹн сирӓш лиэш[11].

Российӹштӹшӹ тӹнг Дед Мороз гӹц пасна РФ-н кымдемвлӓштӹ вӓрӹштӹшӹ йозывлӓ пӓшӓлӓт (Кыш Бабай, Тол Бабай, Урал Мороз дӓ молывлӓӓт). Нӹнӹлӓн тенгеок сирмӓшӹм колташ лиэш[2].

Ӱштӹ Кугуза докы сирмӓшвлӓлӓн йори ӹштӹмӹ йӓшӹк

4 декабрьын Российӹштӹ Подаркам ядмы дӓ Ӱштӹ Кугуза докы сирмӓшӹм сирӹмӹ кечӹ пӓлемдӓлтеш[12]. Ти кечӹн почтамтвлӓштӹ Ӱштӹ Кугуза докы сирмӓшвлӓлӓн йори йӓшӹкӹм шагалтат[13].

Ӱштӹ Кугуза докы сирмӓшӹн шаблонжы

Ӱштӹ Кугуза докы сирмӓшӹн ик образецшӹ уке. Тӹдӹм хоть-кыце сирӓш лиэш.

Сирмӓштӹ лин кердеш[2]:

  • шӓлӓм келесӹмӓш;
  • ӹшке гишӓн кӹтӹк шая;
  • эртӹшӹ и мычкы ӹшке пуры пӓшӓ гишӓн шайыштмаш;
  • ӹшке шанымаш гишӓн шая:
  • подаркам ядмаш;
  • Ӱштӹ Кугузам толшаш У и доно кымылангдымаш.
Образец письма Деду Морозу.jpg

Ӱштӹ Кугуза докы сирмӓшӹм веле агыл, открыткым, посылкым ӓли бандерольым колташ лиэш[3].

Сирмӓшӹм колтымы йӧнвлӓ

Стандартдымы йӧнвлӓ

Ӱштӹ Кугуза йозы ылешӓт, овуца семӹнь тӹдӹ ӹшкеок сирмӓшӹм нӓлӹн кердеш манын шанаш лиэш.

Сирмӓшӹм

  • кож лӹвӓлнӹ кодымы[14];
  • ӱштӹ вӓрӹш (морозилка, балкон) пиштӹмӹ;
  • фортычкыш шуэн колтымы гӹнь.
Ӱштӹ Кугуза докы сирмӓшвлӓ

Традиционный почта

Техень почта доно Ӱштӹ Кугуза докы шукы сирмӓшӹм тӹдӹн официальный адресӹш (162390, Вологда область, Кого Устюг хала, Октябрьский переулок, 1А п.) колтат[15][16].

Ӱштӹ Кугузан резиденцижӹ тенгеок Москвашты улы. Тӹшкӹ сирмӓшӹм ӹшкеок кандаш лиэш ӓли тенгеок почта доно колташ лиэш: 109472, Москва хала, Кузьмин шӹргӹ, Волгоград проспект, вл. 168д[17].

Тенгеок посланим йозын резиденциш РФ-н молы кымдемӹшток колташ лиэш ӓли вӓрӹштӹшӹ «коллега» докы сирӓш лиэш.

2024 ин Москвашты Ӱштӹ Кугуза докым сирмӓшӹм колташ манын почта йӓшӹквлӓм хала мычкы шагалтенӹт. Пӹтӓриш гӓнӓ нӹнӹ Москваштышы зоопаркышты «Зарядье», Космонавтикӹн музейӹштӹ дӓ «Москвариумышты» лӓктӹнӹт[18].

Электронный почта доно

Ӱштӹ Кугуза тенгеок электронный почта доно сирмӓшвлӓм нӓлеш: postcard@ao-dedmoroz.ru[16].

Примечани

  1. ↑ Вера в чудо: таджикистанцы пишут письма Деду Морозу. mir24.tv (4 декабрьын 2019). Тергӹмӹ кечӹ: 12 ноябрьын 2024.
  2. ↑ 1 2 3 Письмо Деду Морозу: как написать, адреса доставки, шаблоны, варианты оформления, КП. Дата обращения: 12 ноябрьын 2024.
  3. ↑ 1 2 Эдуард Юсупов. Как написать письмо Деду Морозу: на какой адрес отправить, шаблон правильного оформления, Lenta.RU (23 октябрьын 2023). Дата обращения: 12 ноябрьын 2024.
  4. ↑ This Is How Letters to Santa Were First Delivered by the U.S. Mail. time.com (21 декабрьын 2015). Тергӹмӹ кечӹ: 12 ноябрьын 2024.
  5. ↑ Банкротство Деда Мороза: почему главный волшебник стал убыточным проектом, РИА Новости (3 январьын 2022). Дата обращения: 12 ноябрьын 2024.
  6. ↑ Как правильно написать письмо дедушке Морозу, Халва медиа (27 ноябрьын 2023). Дата обращения: 12 ноябрьын 2024.
  7. ↑ Российский Дед Мороз. vk.com (1 январьын 2024). Тергӹмӹ кечӹ: 12 ноябрьын 2024.
  8. ↑ 4 декабря – День заказа подарков и написания писем Деду Морозу. www.dedmorozz.ru. Тергӹмӹ кечӹ: 12 ноябрьын 2024.
  9. ↑ Готовимся к Новому году: традиция писать письма Деду Морозу, Детское радио. Дата обращения: 12 ноябрьын 2024.
  10. ↑ День рождения Деда Мороза, РИА Новости (18 ноябрьын 2023). Дата обращения: 12 ноябрьын 2024.
  11. ↑ Дедушка мечты: что россияне пишут в письмах Деду Морозу, Известия (3 декабрьын 2020). Дата обращения: 12 ноябрьын 2024.
  12. ↑ Сегодня нужно написать письмо Деду Морозу, Парламентская газета (4 декабрьын 2019). Дата обращения: 12 ноябрьын 2024.
  13. ↑ День заказа подарков у Деда Мороза на Новый год 2023 - 2024, РЕН ТВ (4 декабрьын 2023). Дата обращения: 12 ноябрьын 2024.
  14. ↑ Елизавета Луговская. 6 способов отправить письмо Деду Морозу — и получить на него ответ. Инструкция для родителей, Мел. Дата обращения: 12 ноябрьын 2024.
  15. ↑ Письмо Деду Морозу: как правильно написать и куда отправлять, Известия (18 ноябрьын 2023). Дата обращения: 12 ноябрьын 2024.
  16. ↑ 1 2 Контакты. Российский Дед Мороз. Тергӹмӹ кечӹ: 12 ноябрьын 2024.
  17. ↑ Письмо Деду Морозу (руш.). Московская усадьба Деда Мороза. Тергӹмӹ кечӹ: 12 ноябрьын 2024.
  18. ↑ РСН МО. В Москве открывается почта Деда Мороза: более 150 ярких ящиков для писем по всему городу!**. www.rsnmo.ru (14 ноябрьын 2024). Тергӹмӹ кечӹ: 18 ноябрьын 2024.

Литература

  • Шарикова Г. Ю. Новогодние чудеса «Заповедной Мордовии» // Мордовский заповедник. 2018. № 15.
  • Сухотерина Т. П., Евсеева К. Р. Жанр праздничной коммуникации «новогоднее письмо» в пространстве естественной письменной речи // Мир науки, культуры, образования. 2016. № 6.
  • Сухотерина Т. П., Евсеева К. Р. «Детское письмо» как жанр естественной письменной речи // Культура и текст. 2016. № 1.
  • Липовка В. О. Анализ писем учащихся как способ выявления ценностных ориентаций подростков (на примере писем Деду Морозу) // Научно-педагогическое обозрение. Pedagogical Review. 2014. № 3.

Ссылкывлӓ

«https://mrj.ruwiki.ru/w/index.php?title=Ӱштӹ_Кугуза_докы_сирмӓш&oldid=304784» гӹц нӓлмӹ