Ытарышын кечӹжӹ (Россий)

Ирӹкӓн энциклопеди Википеди гӹц материал
Тергӹмӹ статья
Тидӹ терминӹн вес кынжат улы, Ытарышын кечӹжӹ анж.
Россий Федерацин
ытарышын кечӹжӹ
«Ытарышын кечӹжӹ-2000»: Российӹн Президентшӹ Владимир Путин Ногинскӹштӹ Россий МЧС-ын международный классан ытарышывлӓ доно вӓшлимӓштӹ
«Ытарышын кечӹжӹ-2000»: Российӹн Президентшӹ Владимир Путин Ногинскӹштӹ Россий МЧС-ын международный классан ытарышывлӓ доно вӓшлимӓштӹ
Тип Профессиональный айо
Вес семӹнь Ытарышын кечӹжӹ
Ӹштӓлтӹн РФ-ын Президентшӹн Указшы семӹнь
1995 и 26 ноябрь
Пӓлемдӓт Россий Федераци
Кечӹ 27 декабрь
Кӹлдӓлтӹн РСФСР-ын Совминӹн
1990 ин 27 декабрьын лӓкшӹ
«Российӹштӹшӹ ытарышывлӓн корпусым пачмы гишӓн...» указшы доно
2023 ин декабрьын Российӹн МЧС Газа сектор гӹц РФ-н гражданвлӓм ытарымы пӓшӓм яжон пӹтӓрен

Россий Федерацин ытарышын кечӹжӹ — росийӹштӹшӹ ытарышывлӓн профессиональный айошты[1].

Российӹштӹ ытарышывлӓ профессиональный аварийно-спасательный формированивлӓштӹ пӓшӓм ӹштӓт дӓ служат, тенгеок кӹчӓл-ытарышы службавлӓштӹ, субъектвлӓн аварийно-спасательный службавлӓштӹ, муниципальный ытарышы службавлӓштӹ, ик дежурно-диспетчерский службавлӓштӹ, ытарышы воинский формированивлӓштӹ, пожарым оролымашты, штатдымы ытарышы организацивлӓштӹ, Российӹн МЧС-н вес учрежденивлӓштӹ, частный ытарышы отряд дон службавлӓштӹ, профильный дӓ общественный ушемвлӓштӹ служат[2][3][4].

Айон кечӹжӹ семӹнь — 27 декабрьым — Ытарышывлӓн российӹштӹшӹ корпусым ӹштӹмӹ кечӹм айырымы. Ти кечӹ Российӹн МЧС-ӹм ӹштӹмӹ кечеш шотлалтеш[1].

Истори

1995 ин 26 ноябрьын Россий Федерацин пӹтӓришӹ Президент Борис Ельцин «Россий Федерацин Ытарышын кечӹм ӹштӹмӹ» гишӓн Указым подписӓен, тӹштӹ айом 27 декабрьын пӓлемдӹмӹ гишӓн сирӹмӹ ылын[5][6].

Айолан кечӹм такеш агыл айырымы. 1990 ин 27 декабрьын РСФСР-н Министрвлӓн совет «РСФСР Кугижӓншӹ комитетшӹн праважы негӹцеш Российӹштӹшӹ ытарышывлӓн корпусым ӹштӹмӹ, тенгеок прогнозировани шотышты дӓ чрезвычайный ситуацивлӓ гӹц пакыла лишӹм анзыцок карангдымы шотышты ик кугижӓншӹ-общественный система гишӓн» постановленим пыртен[1][5][7].

Российӹн МЧС-м ӹштӹмӹ гишӓн истори

Российӹштӹшӹ ытарышывлӓн корпус 1990 ин ӹштӹмӹ ылын. Вара тӹдӹм Чрезвычайный ситуацивлӓ шотышты кугижӓншӹ комитет манын лӹмденӹт. Тидӹ негӹцеш РСФСР Президент сагашы Гражданский оборона, чрезвычайный ситуаци дӓ стихийный бедстви паштек ма лишӹм карангдымы шотышты кугижӓншӹ комитетӹм ӹштӹмӹ. Тӹдӹ вара Россий Федерацин Гражданский оборона, чрезвычайный ситуаци дӓ стихийный бедстви паштек ма лишӹм карангдымы шотышты кугижӓншӹ комитет лин. 1994 ин 10 январьын церотан реорганизаци паштек Россий Федерацин Гражданский оборона, чрезвычайный ситуаци дӓ стихийный бедстви паштек ма лишӹм карангдымаш шотышты министерство (МЧС) лин[1].

Российӹштӹшӹ кугижӓншӹ агыл ытарышы отрядвлӓ

Российӹштӹ икманяр кугижӓншӹ агыл ытарышы отряд улы. Нӹнӹ лошты дипломан сотрудниквлӓ дӓ доброволецвлӓ ылыт. Ытарышы отрядвлӓ логӹц ик кымдан пӓлӹмӹ Liza Alert кӹчӓл-ытарышы отряд ылеш. Отряд доброволецвлӓ шотеш ӹштӹмӹ ылеш гӹнят, пӓшӓжӹм кугижӓншӹ структурывлӓ доно видӓ[8][9].

Вес кугижӓншӹ агыл ытарышы отрядвлӓ лошты «СпасРезерв» дӓ Ытарышывлӓн всероссийский студенческий корпус улы[10][11][12].

Айом пӓлемдӹмӓш

Ытарышын кечӹ МЧС-н подразделенивлӓштӹ дӓ тематический культурный мероприятивлӓштӹ пӓлемдӓлтеш. Шукы сотрудник айом дежурствышты вӓшлиэш. Нӹнӹ айо кечӹнӓт службаштым ак шагалтеп. Ти кечӹн айыртемӓлтшӹ сотрудниквлӓлӓн наградывлӓм кычыктат[13]. Айо лӹмеш концертвлӓ эртӓрӓлтӹт[14].

МЧС-н руководство Москвашты Кременчугский ӧлицӓштӹ «Пожарный дӓ ытарышывлӓлӓн», «Российӹн МЧС ветеранвлӓлӓн» памятниквлӓн комплекс докы пеледӹшвлӓм пиштӓш толеш. Тенгеок колышы ытарышывлӓ лӹмеш мемориальный мероприятивлӓ подразделенивлӓштӓт эртӓрӓлтӹт[13].

Ытарышы вольыквлӓ

МЧС-ын ик отрядыштыжы коти

Ытарышывлӓ ӹшке пӓшӓштӹштӹ кинолог дон йори тымдымы пивлӓм кычылтыт[15]. Ытарышывлӓн пӓшӓштӹ сек когон пивлӓ палшат, нӹнӹ завал лӹвӓлнӹ эдемвлӓм кӹчӓлӓш тымдымы, тенгеок ССВ (Вӹд гӹц ытарымы служба) система семӹнь йӓмдӹлӹмӓшӹм эртӹшӹ ылыт[16].

Кынамжы ытарышывлӓ пивлӓ гӹц пасна имнивлӓм кычылтыт[17]. Кышты машинӓвлӓ кыдал ак кердеп, тӹштӹ ытарышывлӓ имни доно каштыт[18].

Тенгеок Российӹн МЧС пожарно-спасательный отрядвлӓштӹ котивлӓм кычылтмы практика вӓшлиӓлтеш. Котивлӓ снаряженим грызунвлӓ гӹц ытарат. Тенгеок котивлӓ пожарныйвлӓлӓн стрессым карангдаш, нагрузкым валташ палшат[19].

Культурышты

Семён коти

Тюменский пожарный частьышты символ семӹнь ылшы Семён коти лӹмеш Российӹн МЧС, котин колымыжы паштек[20], клип дон мырым лыктын[21]. Семён пожарный частьышты ӹлӹмӹжӹ годым новостной сюжетӹн героеш шукы гӓнӓ лӓктӹн[22].

Семён лӹмеш йори «Семёнычвлӓ» подразделеним ӹштӹмӹ. Ти отрядын составыш Российӹн сакой халавлӓштӹ 8 коти пырен. МЧС отрядыш Москва, Смоленск, Курск, Архангельск, Вологодск, Коми Ресбулика вӓрвлӓ гӹц вольыквлӓ пыренӹт[20].

Россий МЧС-н пожарно-спасательный подразделенивлӓн шӹргӹ пожар доно кредӓлмӓштӹштӹ лӹмеш «Огонь» кино посвящӓйӹмӹ[23].

МЧС ытарышывлӓлӓн «Мы живём по сигналу тревоги» /«Мӓ тыргыж юк доно ӹленӓ» мырым посвящӓйӹмӹ. Ти мырым традици семӹнь ведомственный айо мероприятивлӓштӹ Россий МЧС-ӹн хор дон оркестр мыра[24].

Тенгеок анжы

Примечани

  1. ↑ 1 2 3 4 27 декабря – День спасателя Российской Федерации. МЧС России (27 декабрьын 2017). Тергӹмӹ кечӹ: 25 декабрьын 2023.
  2. ↑ Профессиональные аварийно-спасательные формирования. МЧС России. Тергӹмӹ кечӹ: 26 декабрьын 2023.
  3. ↑ Аттестованные аварийно-спасательные службы и аварийно-спасательные формирования. МЧС России. Тергӹмӹ кечӹ: 26 декабрьын 2023.
  4. ↑ Федеральный закон от 22.08.1995 N 151-ФЗ (ред. от 14.07.2022) "Об аварийно-спасательных службах и статусе спасателей". Консультант плюс. Тергӹмӹ кечӹ: 26 декабрьын 2023.
  5. ↑ 1 2 Образован российский корпус спасателей. День спасателя России. Президентская библиотека имени Б. Н. Ельцина. Тергӹмӹ кечӹ: 26 декабрьын 2023.
  6. ↑ Указ Президента РФ от 26.12.1995 N 1306 "Об установлении Дня спасателя Российской Федерации". Консультант Плюс. Тергӹмӹ кечӹ: 26 декабрьын 2023.
  7. ↑ Надежда Пономаренко. Праздник 27 декабря. День спасателя Российской Федерации. InMoment.ru. Тергӹмӹ кечӹ: 26 декабрьын 2023.
  8. ↑ Илья Титов. Стать волонтёром. Как присоединиться к поисковым отрядам. Аргументы и факты (12 майын 2021). Тергӹмӹ кечӹ: 25 декабрьын 2023.
  9. ↑ Отряд имени Лизы Фомкиной. LizaAlert. Тергӹмӹ кечӹ: 26 декабрьын 2023.
  10. ↑ Региональная общественная организация «Общественный поисково-спасательный отряд „Спасрезерв“». Агентство социальной информации. Тергӹмӹ кечӹ: 26 декабрьын 2023.
  11. ↑ "Ребята, вызов!" Один день из жизни добровольцев "СпасРезерва". ТАСС (6 июньын 2022). Тергӹмӹ кечӹ: 25 декабрьын 2023.
  12. ↑ О ВСКС. История. Всероссийский студенческий корпус спасателей. Тергӹмӹ кечӹ: 26 декабрьын 2023.
  13. ↑ 1 2 День спасателя в 2023 году: история и традиции праздника. Комсомольская правда. Тергӹмӹ кечӹ: 25 декабрьын 2023.
  14. ↑ Праздничный концерт ко Дню спасателя. Первый канал (26 декабрьын 2021). Тергӹмӹ кечӹ: 25 декабрьын 2023.
  15. ↑ Кинологические службы в системе МЧС. Портал Правительства Москвы (21 январьын 2016). Тергӹмӹ кечӹ: 25 декабрьын 2023.
  16. ↑ Четвероногие спасатели – особая категория «сотрудников» МЧС России. МЧС России (20 июньын 2015). Тергӹмӹ кечӹ: 25 декабрьын 2023.
  17. ↑ Методические рекомендации по применению Конной службы МЧС России.
  18. ↑ Любить зверей и людей. О конно-кинологическом спасательном центре МЧС. ТАСС (20 июньын 2022). Тергӹмӹ кечӹ: 25 декабрьын 2023.
  19. ↑ Татьяна Солдатова. Усы, лапы, хвост. В пожарном отряде МЧС служат двое московских котов. Аргументы и факты (19 июльын 2023). Тергӹмӹ кечӹ: 25 декабрьын 2023.
  20. ↑ 1 2 Ева Беловецкая. В России создали первый кошачий отряд спасателей МЧС. Комсомольская правда (13 майын 2023). Тергӹмӹ кечӹ: 25 декабрьын 2023.
  21. ↑ Памяти кота-пожарного Семёна посвящается. YouTube. Тергӹмӹ кечӹ: 25 декабрьын 2023.
  22. ↑ Талисман и сослуживец: кот Семен из пожарной части. РИА Новости (24 январьын 2022). Тергӹмӹ кечӹ: 25 декабрьын 2023.
  23. ↑ Огонь (2020). Кинопоиск. Тергӹмӹ кечӹ: 25 декабрьын 2023.
  24. ↑ "Мы живём по сигналу тревоги". Группа "Кватро"/хор и оркестр МЧС России. YouTube (26 декабрьын 2016). Тергӹмӹ кечӹ: 25 декабрьын 2023.

Литература

  • Гражданская защита. Энциклопедия / Под общ. ред. Шойгу С.К.; МЧС России. — Москва: Московская типография № 2, 2006. — Т. 1. — 568 с. — 3000 экз. — ISBN 5-86472-158-1.

Ссылкывлӓ

«https://mrj.ruwiki.ru/w/index.php?title=Ытарышын_кечӹжӹ_(Россий)&oldid=312439» гӹц нӓлмӹ