Щелкунчик

Б.Н. Ельцин лӹмӓн библиотекӹн материалвлӓ

В данной статье использованы материалы из фондов Президентской библиотеки имени Б.Н. Ельцина

Подробнее

Щелкунчик
1892 ин 6 (18) декабрьын Санкт-Петербургышты Мариинский театрышты балетын премьерӹжӹ
Композитор	Пётр Ильич Чайковский
Либреттон авторжы	Мариус Иванович Петипа[d]
Источникӹн сюжетшӹ	Э. Т. А. Гофманын «Щелкунчик дӓ калявлӓн король» лӹмӓн ямакшы Александр Дюман тӧрлӓтӹмӹжӹ доно
Хореограф	Мариус Петипӹн разработкыжы семӹнь Лев Иванов
Пакылашы редакцивлӓ	Лев Иванов, Александр Горский, Фёдор Лопухов, Василий Вайнонен, Юрий Григорович
Ӹштӹмӹ и	1892
Первишӹ постановка	18 декабрь 1892
Первишӹ постановкын вӓржӹ	Мариинский театр, Санкт-Петербург
Медиафайлы на РУВИКИ.Медиа

Императорский Мариинский театрын шӹндӹмӹ «Щелкунчик» спектакльын фрагментшӹ, 1892: Марианна — Лидия Рубцова, Клара — Станислава Белинская, Фриц — Василий Стуколкин

П. И. Чайковскин «Щелкунчик» лӹмӓн балетшӹ лӹмеш лыкмы Российӹн 1992 ишӹ нӹл почтыштышы марка гӹц сцепка (ЦФА [АО «Марка»] № 50—53)

«Щелкунчик» — соч. 71, Э.Т.А Гофманын «Щелкунчик дӓ калявлӓн король» лӹмӓн ямак семеш Мариус Петипӹн кынештӓрӹмӹ либретто семӹнь П.И. Чайковскин сирӹмӹ кок актан балетшӹ. Балетмейстер-постановщик Лев Иванов.

Истори

Либреттӹн негӹцеш Александр Дюма-ӓтян 1844 ин сирӹмӹ дӓ тӹ инок «Щелкунчикӹн историжӹ» лӹм доно лыкмы ямакшын вес семӹнь кынештӓрӹмӹ версижӹ вазын (театральный энциклопеди вес семӹнь кынештӓрӹмӹ текстӹн авторешӹжӹ Дюма-эргӹм) самынь шотла). Ямакын тӹнг сюжетшӹм переген кодымы гӹнят, Дюман сӓрӹмӹжӹ ориганл гӹц айыртемалтшӹ у верси ылын. Гофманын ямакшын сюжетшӹм изишок вашталтымы гишӓн либреттон сюжетшӹ пышкыдырак дӓ ямак-символика сӹнӓн ылеш.

Балетӹн премьерӹжӹ 1892 ин 6 (18) декабрьын Санкт-Петербургыштышы Мариинский театрӹштӹ Лев Ивановын шӹндӹмӹжӹ семӹнь анжыкталтын. Тӹ вадынок Чайковскийӹн «Иоланта» оперӹжӹ кеен. Премьера доно Риккардо Дриго дирижируен. Декорацим Михаил Бочаров дӓ К. Иванов ӹштенӹт. Костюмвлӓм Императорский театрвлӓн директоржын Иван Всеволожскин дӓ Евгений Пономаревӹн эскизвлӓ семеш ыргымы. Тӹнг рольвлӓм мадыныт: Щелкунчик — Сергей Легат, фея Драже — Антониетта Дель-Эра, принц Коклюш — Павел Гердт, Дроссельмейер — Тимофей Стуколкин, племянница Марианна — Лидия Рубцова. Клара дӓ Фриц рольвлӓм тетявлӓ мадыныт. Нӹнӹ Петербургский театральный училищӹн тыменьшӹвлӓжӹ Станислава Белинская дӓ Василий Стуколкин ылыныт (нӹнӹ премьера паштек 1899 ин шӹм иштӹ веле училище гӹц лӓктӹнӹт).

1892 ин «Щелкунчик» балет гӹц Антон Степанович Аренскин фортепиано доно нӹл кидӓ шакташ кӹнештӓрӹмӹ сюитшӹ лыкмы ылын. Кок и эртӹмӹкӹ, тӹдок балетӹн цилӓ партитурыжым весемден.

Ланзылышывлӓ балетӹн сюжет дон пачын анжыктымы образвлӓм Чайковскийӹн ӹлӹмӹшӓжӹ доно дӓ тӹдӹн Давыдовмыт родняжӹ доно кӹлдӓш цаценӹт. Сек анзыц композиторын Александра ӓкӓжӹ дӓ тӹдӹн тетявлӓжӹ Владимир дон Татьяна доно тӓнгӓштӓренӹт. Балет критик Павел Ященковын шанымыжы семӹнь, Давыдовмытын Каменка именьяштӹ «композиторын ышешӹжӹ Конфитюренбург утопиштӹ ылшы мӱӓн качкышан тетя кугижӓншӹш сӓрнен, а именьян хоза вӓтӹжы композиторын ӓкӓжӹ Александра Ильинична — пуры королева, тӹдӹн якте 5 и анзы колышы Татьяна — Клара, а тӹдӹн „идолжы“… Боб „яратымы принц“» линӹт; «„Щелкунчикӹн“ тӹнг геройвлӓжӹн вӓрештмӹ Конфитюренбург кугижӓншӹ ... тамахань наркотикӓн ужмаш доно икток», тидӹ, шанымыжы семӹнь, Давыдовмыт семнян морфин доно «мадмыжы» доно кӹлдӓлтӹн, «принц-Щелкунчик, анзыцшы „Амалышы цевер ӹдӹр“ гӹц Дезире (сӓрӓш гӹнь, „шанымы“ анжыкта) семӹньок цилӓ тидӹ — тӹдӹ, пиш когон яратымы да шанымы племянник».

«Щелкунчик» П. И. Чайковскийӹн позда произведенивлӓжӹ лошты айыртемӓлтшӹ вӓрӹм нӓлӹн. Тӹдӹ балет жанр гӹц пасна шалга, тӹштӹ музыкальный образвлӓм новаторский йӧн доно кычылтмы. Балетӹштӹ пӹтӓриш гӓнӓ челеста — композиторын ядмашыжы доно Париж гӹц кандымы музыкальный инструмент доно шактенӹт. «Щелкунчикӹштӹшӹ» музыкым балетлӓн утла серьезныеш, шӱмӹм кӹрӹштшеш шотлат.

Мадшывлӓ

Сакой редакцивлӓштӹ тӹнг героинян лӹмжӹм тӹрлӹн лыдыт: Клара дӓ Мари. Гофманын книгӓштӹжӹ тӹнг героинян лӹмжӹ Мари, а Клара — яратымы поханяжӹ ылеш. Российӹштӹ, Икӹмшӹ мировой вырсы тӹнгӓлмӹкӹ (1914), дӓ патриотический кымыл когоэммӹ гишӓн, балетӹн сюжетшӹ русифицируялтын. Тенге тӹнг героинян лӹмжӹ Маша лин. Фриц отрицательный герой ылешӓт, лӹмжӹ тенгеок кодын. Ти традици кӹзӹт якте кодын.

• Штальбаум
• Тӹдӹн вӓтӹжӹ

Нӹнӹн тетявлӓ:

• Мари (Маша, кынам-тинӓм — Клара), принцесса
• Фриц (Миша)

• Марианна, племянница
• Няня
• Дроссельмейер
• Щелкунчик, изи принц
• Драже фея
• Принц Коклюш
• Поханя
• Паяц (шатьыртан)
• Калявлӓн король
• Кордебалет: хынавлӓ, родывлӓ, слугавлӓ, маскывлӓ, пажвлӓ, пеледӹшвлӓ, мадышвлӓ, изи салтаквлӓ дӓ молӹвлӓӓт.

Либретто

Пролог доно кок действиӓн балет

Шартял анзыц доктор Штальбаумын томаштыжы хынавлӓ погынат. Изи ӹдӹрвлӓ коговлӓ сага поханявлӓ доно, а изи эргӓшвлӓ сабльывлӓ доно маршируят.

I действи

Штальбаум докторын Мари дӓ Фриц тетявлӓжӹ подаркавлӓм пиш вычат. Остатка хынавлӓ логӹц — Дроссельмейер. Тӹдӹн мадышвлӓм ӹлӹжтен кердмӹжӹ тетявлӓм сусуэмдӓ дӓ эче лӱдӹктӓ. Дроссельмейер маскым кыдашеш. Мари дӓ Фриц ӹшке яратымы кума ӓтяштӹм пӓлен нӓлӹт. Мари поханявлӓ доно маднежӹ, но цилӓ мадыш карангдымы ылын.

Ӹдӹрӓшӹм ладнангдараш манын, кума ӓтяжӹ Щелкунчикӹм подара. Поханян ӧрӹктӓрӹшӹ лицӓжӹ тетям сусуэмдӓ. Фриц вычыдымын поханям пыдырта. Мари сылыклана. Поханяжӹм амалташ пиштӓ. Фриц тӓнгвлӓжӹ доно, каля маскывлӓм чиен, Марим йӹмдӹлӓ. Айо пӹтӓ. Хынавлӓ традиционный гросссфатер куштымашым куштат. Тӹдӹн паштек цилӓн токышкы кеӓт. Йыд шоэш. Кӹдеж, кышты кож шалга, тӹлзӹ соты доно темеш.

Мари пӧртӹлеш дӓ Щелкунчикӹм элтӓлӓ. Тишток Дроссельмейер лӓктеш. Тӹдӹ ӹнде кума ӓтя статян агыл, а пуры волшебниклӓ толын. Тӹдӹ кидшӹ доно кӹдежӹштӹ цилӓ вашталташ тӹнгӓлеш: стенӓвлӓ шӓрлӓт, кожвлӓ кушкаш тӹнгӓлӹт, а вӹлнӹшӹ мадышвлӓ салтаквлӓэш сӓрнӓлтӹт. Трӱк Каля Король калявлӓ доно лӓктеш. Патыр Щелкунчик салтаквлӓм кычедӓлмӓшӹш видӓ.

Щелкунчик дон Калявлӓн Король колымаш кредӓлмӓшӹштӹ вӓшлит. Мари Калявлӓн арми салтаквлӓ гӹц шукырак ылмым ужеш. Тӹдӹ туфльыжым улы-уке силажы доно Калявлӓн Король вӹкӹ шуа. Тӹдӹ войскажы доно лӱдӹн шӹлеш. Салтаквлӓн арми сӹнген. Нӹнӹ сусун пулышвлӓэшӹштӹ Щелкунчик докы Марим намалыт. Щелкунчик принцӹш сӓрнӓлтеш. Мари дӓ ӹлӹжшӹ мадышвлӓ цевер кож сага дӓ шӹдӹрӓн пӹлгом лӹвӓлнӹ ылыт. Йӹрвӓш ош лым вала.

II действи

Мари дӓ принц шӹдӹрӓн пӹлгомын цевержӹм анжат. Калявлӓн атакыштым дӓ принц сӹнгӹмӹ гишӓ ӓштӓт. Калявлӓн войскам сӹнгӹмӹ гишӓн цилӓн куштат. Марилӓн Испанский, Арабский, Китайский дӓ Русский поханявлӓ ытарымы гишӓн таум келесӓт. Йӹрвӓш фея дон пажвлӓ куштат. Дроссельмейер лӓктеш дӓ угӹц йӹрвӓш цилӓ вашталта. Цилӓн Мари дон Принцӹн сӱӓнӹш йӓмдӹлӓлтӹт. Мари понгыжалтеш, а Щелкунчик тенгеок кидӹштӹжӹ ылеш.

Интерпретацивлӓ

Балетӹн фрейдистский вариантшы улы. Тӹдӹм Рудольф Нуреев ӹштен. Ти верси семӹнь Мари понгыжалтеш, дӓ Щелкунчик вӓреш сӓмӹрӹкем кешӹ Дроссельмейерӹм ужеш.

Мэтью Борнын постановкыштыжы Клара ӹжӓл ӓтя-ӓвӓдӹмӹ тетя. Тӹдӹ Щелкунчик доно иквӓреш лин ак керд. Щелкунчикӹн весӹ доно куштымыжым пока гӹцӹн анжен шалга. Айырымаш гишӓн темым Морис Бежарын версиштӹжӓт цаклаш лиэш. Тӹдӹн балетӹштыжӹ тӹнг персонаж ирӹ ӓвӓжӹм ямдышы Бим эргӓш ылеш.

Музыкальный драматургим дӓ либреттом кӹнештӓрӹмӓш

Хореографвлӓ кокшы акт гӹц вальсын музыкыжын вашталтмым шотыш ак нӓлеп. Трӱк тӹштӹ пиш сылык сем лӓктеш. Куштышывлӓ тӹдӹмӓт ак цаклеп.

Балетӹн составшы

Состав:

1. Увертюра
2. Икӹмшӹ действи.
   1. 1-шӹ картина.
      1. Кожым сӧрастӓрӹмӓш дӓ чӱктӹмӓш
      2. Марш
      3. Тетявлӓн тӹргештӹлмӹштӹ дӓ ӓтя-ӓвӓн лӓкмӹштӹ
      4. Куштымаш доно сцена
         1. Дроссельмейерӹн лӓкмӹжӹ
         2. Заводитлӹмӹ поханявлӓн куштымашышты (мазурка)
         3. Демон гань куштымаш
      5. Сцена дӓ Гросфатер
         1. Щелкунчик-поханян лӓкмӹжӹ
         2. Щелкунчикӹн полькыжы
         3. Марин колыбельный дӓ Фрицӹн мадмыжы
         4. Ӓтя-ӓвӓ дӓ хынавлӓн куштымашышты (Гросфатер)
      6. Сцена (Мари дон Щелкунчик)
         1. Колыбельный
         2. Тетя кӹдежӹн вашталтмыжы
         3. Кожын кушмыжы
      7. Колявлӓн лӓкмӹштӹ дӓ кредӓлмӓш
   2. 2-шы картина.
      1. Кожерлӓ телӹм
      2. Лым пӹрцвлӓн вальсышты
3. Кокшы действи.
   1. Конфитюренбург мӱӓн качкышан тетя кугижӓншӹ
   2. Мари дон Щелкунчикӹн толмышты
   3. Дивертисмент
      1. Шоколад (испан куштымаш)
      2. Кофе (араб куштымаш)
      3. Чай (китай куштымаш)
      4. Трепак (руш куштымаш; карамелян кидтоя)
      5. Изи кӹтӧзӹвлӓн куштымаш (датский марципан)
      6. Гигонь (Жигонь) ӓвӓ дӓ паяцвлӓ
   4. Пеледӹш вальс
   5. Па-де-де
      1. Фея Драже дон принц Оршад
      2. I вариаци: тарантелла
      3. II вариаци: Драже Феян куштымашыжы
      4. Кода
   6. Кашартышы вальс
   7. Апофеоз

Инструментвлӓ

• Пун духовой:
  • 3 флейта (3-шы флейта = флейта-пикколо);
  • 2 гобой;
  • 1 англичан пыч;
  • 2 кларнет;
  • 1 бас-кларнет;
  • 2 фагот.
• Той духовой:
  • 4 валторн;
  • 2 пыч;
  • 2 тенор-тромбон;
  • 1 бас-тромбон;
  • 1 туба.
• Перӹмӹ:
  • литаврвлӓ;
  • изи тӹмӹр;
  • тарелка;
  • кого тӹмӹр;
  • треугольник;
  • бубен;
  • кастаньетвлӓ;
  • там-там;
  • изи йӹнгӹлвлӓ;
  • «мадыш инструментвлӓ» (шамак толшеш, мырыш-куку).
• Челеста;
• 2 арфа;
• Тетя хор
• Кӹлӓн инструментвлӓ:
  • I скрипка;
  • II скрипка;
  • альтвлӓ;
  • виолончельвлӓ;
  • контрабасвлӓ.

Российӹштӹ кого постановкывлӓ

Мариинский театр

• 1892 и 6 (18) декабрь — премьера:
  • Балетмейстер: Лев Иванов
  • Дирижёр: Рикардо Дриго
  • Художниквлӓ: Михаил Бочаров ден К. Иванов
  • Костюмвлӓ: Иван Всеволожский да Евгений Пономарёв;
  • Мари — Станислава Белинская
  • Фриц — Василий Стуколкин
  • Щелкунчик — Сергей Легат
  • Фея Драже — Антониетта Дель-Эра
  • Принц Коклюш — Павел Гердт
  • Дроссельмейер — Тимофей Стуколкин
  • Шатьыртан — Александр Ширяев
  • Марианна — Лидия Рубцова
• 1923 — Лев Ивановын тӹдӹ декораци донок уэмдӹмӹ постановкыжы; балетмейстервлӓ Фёдор Лопухов дон Александр Ширяев, дирижёр Александр Гаук; фея Драже — Елизавета Гердт, принц Коклюш — Михаил Дудко, Дросельмейер — Николай Солянников.
• 1929 — у редакци; балетмейстер Фёдор Лопухов, дирижёр Александр Гаук, худ. Владимир Дмитриев; Маша — Ольга Мунгалова, Щелкунчик — Пётр Гусев, Дроссельмейер — Леонид Леонтьев.
• 1934 — балетмейстер Василий Вайнонен, дирижёр Евгений Мравинский, худ. Иван Селезнёв; Маша — Галина Уланова, Щелкунчик-принц — Константин Сергеев.
• 2001 — балетмейстер — Симонов Кирилл, музыкальный вуйлатышы — Валерий Гергиев, декораци, костюм, либретто, постановка — Михаил Шемякин. Маша — Наталья Сологуб, Щелкунчик-принц — Александр Сергеев, Андриан Фадеев, Дроссельмейер — Антон Адасинский.

Кого театр

• 1919 — балетмейстер Александр Горский, дирижёр Н. А. Фёдоров, художник Константин Коровин; Клара — Валентина Кудрявцева, Фриц — Шокоров 2-шы, Щелкунчик-принц — Ефим Ефимов, Дроссельмейер — Алексей Булгаков. Тидӹ постановкышты сцена кого кофе сервиз доно сервироватлымы стӧл гань каеш, сервиз гӹц куштышывлӓ лӓктӹнӹт.
• 1932 — ГАБТ сага балет техникумын спектакльжы; балетмейстер Л. И. Иванов, Александр Чекрыгин дон Александр Монаховын уэмдӹмӓш, дирижёр Юрий Файер, художник Панфилов; Клара — Евгения Фарманянц, Щелкунчик — Юрий Папко, Фриц — Ю. Гербер, Дроссельмейер — Александр Чекрыгин, Фея Драже — Ольга Лепешинская.
• 1939 — балетмейстер В. И. Вайнонен, дирижёр Юрий Файер, худ. Владимир Дмитриев; Маша — Марина Семёнова, Щелкунчик — Алексей Ермолаев, Дроссельмейер — Владимир Рябцев.
• 1966 и 12 март — у постановка; балетмейстер Юрий Григорович, дирижёр Геннадий Рождественский, художник Симон Вирсаладзе; Маша — Екатерина Максимова, Щелкунчик-принц — Владимир Васильев, Дроссельмейер — Владимир Левашев, Колявлӓн король — Герман Ситников, Щелкунчик—курчак — Елена Ватуля, Француз поханя — Татьяна Попко.

Кымдан пӓлӹмӹ аудиозаписьвлӓ

• 1960 — дирижёр Геннадий Рождественский, Кого театрын оркестржӹ дӓ тетя хор, СССР.

[Д 06583-6; С 06977-80; СМ 0169-72; MEL CD 1000665]

• 1986 — дирижёр Владимир Федосеев, «Шошым» тетя хор школ, Тӹнг телевидени дон Всесоюзный радион Кого симфони оркестр.

[А10 00347 005]

• 1988 — дирижёр Евгений Светланов, «Шошым» тетя музыкальный хор школ, ГАСО.

[А10 00605-8; MEL CD 1000409]

Примечани

Литература

• Васильев И. В., Краснова Л. Е. Методология исследования хореографических трактовок литературного произведения Э.Т.А. Гофмана "Щелкунчик и мышиный король" на балетной сцене в конце XX - начале XXI столетий // Вестник Академии русского балета им. А. Я. Вагановой. — 2024. — № 1 (90).
• Гендова Марья Юрьевна. Балет «Щелкунчик» — нетривиальный способ знакомства с бытовой Рождественской культурой России второй половины XIX века // Вестник Саратовской консерватории. Вопросы искусствознания. — 2019. — № 4.
• Рыжкова А. С. Балет Московского хореографического училища "Щелкунчик" П. И. Чайковского (1950 год) // Театр. Живопись. Кино. Музыка. — 2013. — № 2.
• Слонимский, Ю. И. Щелкунчик: [балет в 3-х действиях и 7 картинах] / Ю. Слонимский; музыка П. И. Чайковского ; Ленингр. Государст. академ. театр оперы и балета; [марка театра на обложке работы художника Л. С. Хижинского]. — 2-е издание. — Ленинград : издание Лен. Гос. Акад. театра оперы и балета, 1934.
• Юлия Яковлева. Глава 5. Рождение театра. // Создатели и зрители. Русские балеты эпохи шедевров. — М.: Новое литературное обозрение, 2017. — С. 143—149. — ISBN 978-5-4448-0689-0.

Ссылкывлӓ

• Чайковский, Пётр Ильич // Театральная энциклопедия / гл. ред. П. А. Марков. — М.: Советская энциклопедия, 1967. — Т. 5. Табакова — Яшугин. — 38 000 экз.
• балет «Щелкунчик» Театра Санкт-Петербургской консерватории на сцене Михайловского театра на телеканале «Искусство ТВ»
• Щелкунчик — либретто и фотографии балета в постановке Театра классического балета п/р Н. Касаткиной и В. Василёва
• ЩЕЛКУНЧИК. Либретто
• Tchaikovsky Research
• The Nutcracker ballet
• Скворцова И. А. Балет П. И. Чайковского «Щелкунчик»: опыт характеристики // Учебное пособие. — М.: Научно-издательский центр «Московская консерватория», 2011. — 68 с. ISBN 978-5-89598-264-8