Шереметевӹн замок
| Дворец дӓ паркан ансамбль | |
| Шереметевӹн замок | |
|---|---|
 Кечӹвӓлвел фасад кӱшӹц | |
| 56°17′10″ с. ш. 46°17′40″ в. д.GЯO | |
| Сӓндӓлӹк | |
| Хала типӓн посёлкы | Юрино |
| Архитектура стиль | позда неоготика, барокко, тошты руш дӓ ирвел стиль |
| Архитектор | Р. Мюллер, А. Штерн, А. Парланд, А. Корш, С. К. Родионов, П. П. Малиновский |
| Негӹцӹм пиштӹшӹ | Василий Сергеевич Шереметев |
| Негӹцӹм пиштӹмӹ | 1812 ин |
| Стройымаш | 1874 — 1915 ивлӓ |
| Статус |
 РФ-н халыквлӓн культурный наследин объектшӹ регион кӱкшӹцӓн. Рег. № 121520382720005 (ЕГРОКН). Объект № 1210006000 (БД Викигида) |
| Сайт | zamoksheremeteva.com |
 |
|
 Медиафайлы на РУВИКИ.Медиа | |
Шереметевӹн замок — Мары Эл Республикӹштӹ Йӱрнӹ посёлкышты Йыл тӹрӹштӹ вӓрлӓнӹшӹ дворцово-парковый ансамбль. Мары Эл Республикӹн Кугижӓншӹ бюджет культура учреждени. Регионыштышы значениӓн архитектура памятник ылеш.
Истори
Замкын историжӹ 1812 ин тӹнгӓлӹн, кынам Йӱрнӹ солам Нижегородский губернин сек паян помещикшӹ Василий Сергеевич Шереметев нӓлӹн, граф Шереметевӹн йых ыныкажы, Петр I-ын фельдмаршалжы ылын. Тӹ жеп гӹц у поместьем чангымаш тӹнгӓлӹн, ти пӓшӓ Сергей Васильевич Шереметев годымат эче ӹштӓлтӹн. Тенге гӹнят, замокын тӹнг чангышыжывлӓ Василий Петрович Шереметев, тӹдӹн вӓтӹжӹ Ольга Дмитриевна Шереметева (Скобелева) дӓ нӹнӹн эргӹштӹ Пётр Васильевич Шереметев ылыныт. Замокым строяш 1874 ин тӹнгӓлмӹ дӓ Петр Васильевичӹн колымешкӹжӹ ик и анзыц, 1915 ин[1][2], пӹтӓрӹмӹ.
Замокым 1880 иэш немӹц ахитектор Р.Мюллерын проектшӹ семӹнь неоготика стиль доно изиш чанген шоктымы. Проектӹм ӹштӹмӓштӹ тенгеок архитекторвлӓ А. Штерн, А. Парланд, А. Корш участвуенӹт. 1890-шы ивлӓн зданим ӹштӹмӓштӹ архитектор С. К. Родионов ровотаен[3]. 1905 гӹц 1914 и якте замокын проектшӹ доно П. П. Малиновский труен.
Замок хозавлӓ Василий Петрович дӓ Ольга Дмитриенва Шереметеввлӓ ылыныт. О. Д. Шереметева кымдан пӓлӹмӹ генерал М. Д. Скобелевын ӓкӓжӹ ылын, тӹдӹ шӹренок нӹнӹ доны хынален. Хозавлӓ ӹшке замокышты тыл доно лӱшӹ тотшы пичӓл дон ӱштӹ оружин кого коллекцим погенӹт, тенгеок Скобелевӹн личный хӓдӹрвлӓжӹм. 1916 ин, тӹ жепеш хоза ылшы эргӹштӹ колымкы, наследниквлӓ Йӱрнӹ гӹц кыдалыныт.
Замокышты шукы кӹдеж улы: «Картин галерей», «Ирвел кабинет», «Тумын кӹдеж», «Скобелевӹн залжы». Дворец гӹц пасна, кӱ пичӹ дӓ служебный корпусвлӓ, партерный дӓ пейзажан пӱӓӓн парквлӓ перегӓлт кодыныт. Усадьбын парк доно цымыр площадьшы — 60 гектар утла.
Революци паштек замокышты ылыныт: санаторий, кӓнӹм пӧрт. Кого Отечественный вырсы годым замокышты госпиталь ылын, дӓ вуйлатышы пӓшӓзӹвлӓн Москва гӹц эвакуируйымы родывлӓштӹ ӹленӹт.
Замокышты тӹдӹн достопримечательноствлӓжӹм описывайышы Владимир Галактионович Короленко, художник Иван Константинович Айвазовский ылыныт[4].
Кӹзӹт
1990-шы ивлӓн замокын кӧргӹ кӹдежвлӓжӹ пиш худа состояништӹ ылыныт. Анжалаш толшывлӓм охыр кӹдежвлӓн кедӓрӓлтшӹ чиӓӓн стенӓвлӓ вӓшлинӹт, тидӹжӹ шоэн веле толшы туриствлӓм сусуэмдӹде. Кӹзӹт замок реставрируялтеш, зданин частьшы гостиничный комплекс вӓреш кычылталтеш. И йӹде руш армин лӹмлӹ полководец лӹмеш «Скобелев лыдмаш» эртӓрӓлтеш.
Реставрацим тӹнгӓлмӹ паштек замокыш ик иштӹ 20 тӹжем нӓрӹ турист дон экскурсант толыт.
2024 ин ноябрьын 2024 и тӹнгӓлтӹш гӹц замкым 55 тӹжемшӹ экскурсант анжалаш толын[5].
Галерей
Замок дӓ Йыл сир
Замокын кечӹвӓлвел фасадшы
Замокын йыдпелвел фасадшы
Анзыл ташкалтыш
Скобелевӹн зал
Картин галерей
Ирвел кабинет, мавританский стиль (реставрируйымы агыл)
Каминӓн зал
Кечӹвӓлвел фасадын фрагмент
Дворец йӹр кӱ стенӓ. 1909-1913. Стереопара
.jpg)
Транспорт каштмаш
Шереметевӹн замок Шывашар гӹц автотрасса доно180 уштышышты (Йыл гач паром доно ванжымым шотлен), Йошкар-Ола гӹц 198 уштышышты, Угарман гӹц 240 уштышышты вӓрлӓнӓ; остатка кок хала гӹц маршрутный таксивлӓ каштыт. Шокшы жепӹн кӓнӹм кечӹвлӓн Шавашар гӹц Йыл мычкы туриствлӓлӓн теплоход каштеш — ӓнгӹр мычкы 80 уштыш.
2022 и июнь гӹц Угарман гӹц Йӱрнӹш «Валдай 45Р» пышвлӓм колташ тӹнгӓлӹнӹт.
Примечани
- ↑ Посёлок Юрино // Юринский район. — Йошкар-Ола, 2007. — С. 182—183. — 304 с. — (История сёл и деревень Республики Марий Эл). — 1500 экз. — ISBN 978-5-87898-377-8.
- ↑ Юрино // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 839. — 872 с. — 3505 экз. — ISBN 978-5-94950-049-1.
- ↑ Нащокина М. B. Архитекторы московского модерна. Творческие портреты. — 3-е изд. — М.: Жираф, 2005 год. — С. 382—387. — 2500 экз. — ISBN 5-89832-043-1.
- ↑ Шереметевский парк // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 822. — 872 с. — 3505 экз. — ISBN 978-5-94950-049-1.
- ↑ ВКонтакте | ВКонтакте (руш.). vk.com. Тергӹмӹ кечӹ: 22 ноябрьын 2024.
Литература
- Тарасова В. М. Юринская вотчина Шереметевых в первой половине XIX в. // Труды Марийского научно-исследовательского института. — Вып. 14. — Йошкар-Ола, 1959.
- Кислов К. А. Юрино. Усадебно-архитектурный памятник. — Йошкар-Ола, 1995.
- Кислов К. А. Усадебно-парковый комплекс помещиков Шереметевых в посёлке Юрино Республики Марий Эл // Очерки Юринской жизни. — Козьмодемьянск, 1998.
- Капустина В. А. Последние великие романтики. Повествование о строителях Юринского замка Василии Петровиче и Ольге Дмитриевне Шереметевых. — СПб.: НИИХ СПбГУ, 2003. — С. 60.
- Иудин А. И., Иудина С. А. Замок Шереметевых. — Нижний Новгород, 2007.
- Капустина В. А. Пётр Васильевич Шереметев. — СПб.: НИИХ СПбГУ, 2001. — С. 16.
- Кислов К. А. Путешественники. — Горький: Волго-Вятское книжное издательство, 1986. — 238 с.
Ссылкывлӓ
- zamoksheremeteva.com/ru/ — официальный сайт ГБУК РМЭ «Замок Шереметева»
- Историческая усадьба Юрино
- Фотогалерея
- Фотографии
- https://www.instagram.com/zamoksheremeteva/ - инстаграм замка Шереметева
- Видео
Ти статьяш РУВИКИ-н вес статьявлӓжӹ ак колтеп. |
.svg){kind=link}