Шарпатов, Владимир Ильич

Ирӹкӓн энциклопеди Википеди гӹц материал
Владимир Ильич Шарпатов
Vladimir Sharpatov.jpg
Шачмы кечӹ 21 март 1940(1940-03-21) (86 и)
Шачмы вӓр Красногорский посёлкы
Звениговский район, Мары АССР, РСФСР, СССР
Пӓшӓн типшӹ Тюмень областьыштышы Думын депутатшы,
перви Pilot Captain, Gold Strips Epaulettes, Pilot Airline, Merchant Marine First Officer 4 Bars.jpg Гражданский авиацин воздушный судныжын командиржӹ.
Воинский звани
Погон подполковника ВКС с 2010 года.png
подполковник отставкышты
Награда дӓ премивлӓ
Логотип РУВИКИ.Медиа Медиафайлы на РУВИКИ.Медиа

Владимир Ильич Шарпатов (шач. 21 март 1940, Красногорский[d], Мары АССР[d]) — совет дӓ российӹштӹшӹ гражданский авиацин лётчик, отставкыштышы подполковник, Россий Федерацин Герой (1996)[1].

Афганистанышты Кандагар хала лишнӹшӹ аэродромыш неволя шӹндӹктмӹ Ил-76 самолётын командиржӹ семӹнь пӓлӹмӹ. Ик иштӹ, 1996 ин августын, самолёт экипаж плен гӹц шӹлӹн.

Ӹлӹмӓш корныжы

Вӹлвӓл медиафайлвлӓ
Владимир Ильич Шарпатов

Владимир Шарпатов 1940 ин 21 мартын Мары АССР-ӹштӹ Звенигово район Красногорский посёлкышты шофёр семняэш шачын. Школ паштек лётный училищӹш пыраш цацен, но пырен кертде. Столяр, шофёр семӹнь пӓшӓлен[2][3][4], Азаныштышы авиаци институтын кечӹвӓлӹн тыменьмӹ отделениш тыменяш пырен. Автоклубышты занимаен, планерист лин. Институтын кымшы курсым пӹтӓрӹмӹкӹ, гражданский авиацин Краснокутскыштышы лётный училищӹш тыменяш пырен.

1965 ин училищӹм тыменнь пӹтӓрен, дӓ распределени доно тӹдӹм Тюменьӹш колтенӹт, тӹштӹ шукы и пӓшӓлен, международный маршрутвлӓштӓт чонгештӹлӹн.

Роалтымы Ил-76ТД борт RA-76842

1971 ин Ленинградыштышы Ленин Орденӓн гражданский авиаци Академиш тыменяш пырен. 1976 ин тӹдӹм инженер-пилот специальность доно пӹтӓрен.

1995 ин 3 августын «Аэростан» (Азан) компанин Ил-76 самолётшым Афганистанышты Кандагар хала лишнӹшӹ аэродромеш неволя вазалыктенӹт. Воздушный суднон командиржӹ Владимир Шарпатов ылын. Самолёт экипаж пленӹш попазен. Ик и дӓ 13 кечӹштӹ, 1996 ин 16 августын, самолёт экипаж плен гӹц шӹлӹн кердӹн.

Российӹн Геройжы званим Россий президентӹн 1225 №-ӓн указшы доно 1996 ин 22 августын пумы. Россий Геройын Шӹдӹржӹм В. И. Шарпатовлан Кремльӹштӹ премьер-министр В. С. Черномырдин кычыктен[2].

Плен гӹц пӧртӹлмӹкӹ, В. И. Шарпатов тамахань веремӓ «Аэростан» компаништӹ пакыла пӓшӓлен, но 1998 ин 1 декабрьын 58 иӓшӹм «штат чӹдемдӹмӹ шот доно» пӓшӓ гӹц карангденӹт. Пӓшӓш суд гач моло мӹнгеш шагалаш цацен, но кердде[2].

Тюмень халаш кыдалын, тӹштӹ Тюменьӹн губернаторжын шӱдӹмӹ доно В. И. Шарпатовлан хала покшалны кого квартирӹм пуэнӹт. Лётчик «Тюменьавиа» компанин Ил-78 штурвалыш угӹц шӹнзӹн. Тенгеок Турциш, ОАЭ-ш чонгештӹлӹн. 62 иӓш ылмыжы годым чонгештӹлмӹ пӓшӓ гӹц карангын[2].

2010 иэш В. И Шарпатов — Тюмень областьын территориштӹ ӹлӹшӹ Российӹн Геройжы ӹшкетшӹ веле ылын[2].

2010 ин 21 мартын Россий президент Дмитрий Медведев Владмир Ильич Шарпатовым 70 ижӹ доно кымылангден:

«Ӹлӹмӓш корныдам авиаци доно кӹлден, Тӓ кӱкшӹ уровенян лётчик линдӓ, коллегыдавлӓн авторитет дон шотеш пиштӹмӓшӹштӹм сылен нӓлӹндӓ».

«Патыр эдем, Родина гӹц мӹндӹрнӹ экстремальный условиштӹ ылмыда годым кого цӹтӹмӓшӹм, патырым дӓ профессионализмӹм анжыктендӓ, Российӹн Геройжы званим права доно сылен нӓлӹндӓ»

— Дмитрий Медведев[5]

2014 ин декабрьын Владимир Шарпатов 1996 ин цилӓлӓн пӓлӹмӹ Кандагар гӹц ытаралтмы Ил-76 самолётшы доно вӓшлин кердӹн[6].

2015 ин 26 февральын Владимир Шарпатовын лӹмжӹм «Ямал» авиакомпанин Airbus А320 самолётшылан пумы (борт номержӹ VP-ВНХ)[7].

Кӹзӹт пенсиштӹ ылеш. Активный политика ӹлӹмӓшӹм видӓ. Тюмень областьын «Тӧр Россий» партин регионыштышы отделени Ушемӹн членжӹ[2].

Политический карьера

Тюмень областьыштышы Думын V созывын депутат, Тюмень область Думын социальный политика шотышты комитет член, «Тӧр Россий» партин член[8].

РФ Федеральный собранин Кугижӓншӹ думыш VII созыв (2016 и) айырымашышты ӹшке вижӹм терген, Тюмень областьын 186 номерӓн Заводоуковск ик мандатан айырымы округышты баллотируялтын[9][10], 13,6 % юк доно кокшы вӓрӹм нӓлӹн.

2021 ин «Тӧр Россий» гӹц Кугижӓншӹ Думыш депутатеш айырымашкы лӓктӹн.

Наградывлӓ

СССР дӓ Россий Федерацин наградывлӓ:

  • «Россий Федераци Герой» лӹм — Афганистан территори гӹц ви доно кычымаш гӹц ытаралтмы годым героизмӹм, патырым дӓ цӹтӹмӓшӹм анжыктымыжы гишӓн (1996 и 22 августаш 1225 №-ӓн РФ президентӹн Указшы, 334 №-ӓн медаль);
  • «Яжо пӓшӓ гишӓн» медаль;
  • «Владимир Ильич Ленинлӓн 100 и теммӹ лӹмеш» медаль (СССР, 1970);
  • «Российӹн патыржы» медаль (РФ Правительство сагашы Росвоенцентр);
  • «Афганистанышты сӓр пӓшӓ пӹтӹмӹлӓн 25 и теммӹ лӹмеш» медаль (Россий оборона Министерство);
  • «Уверӹм перегӹмӹ шотышты кугижӓншӹ системӹм пингӹдемдӹмӹ гишӓн» I степенян медаль (Россий ФСТЭК);
  • «Россий МВД-лан 200 и» медаль (Россий МВД);
  • «ЧС последствивлӓм пӹтӓрӹмӓштӹ ылшылан» онгеш пижӹктӹмӹ знак (Россий МЧС);
  • «Воин-интернационалистлӓн» онгеш пижӹктӹмӹ знак;
  • Россий Минтранс ведомствын знаквлӓ: «Аваридӹмӹ цӓшвлӓм чонгештен ситӓрӹмӹ гишӓн» I степенян дӓ «Воздушный транспортын отличник»;
  • шукы общественный награда дӓ КПРФ медальвлӓ.

Вескид наградывлӓ:

  • «Шотеш пиштӹшӹ афган халык гӹц воин-интернационалистлӓн» медаль (Афганистан);
  • «Беларусь республикӹм немӹц-фашист захватчиквлӓ гӹц ытарымылан 60 и» медаль (Белорусси).

Званивлӓ:

  • «Мары Эл Республикӹн Звенигово районыштышы Красногорский посёлкын почётан гражданин» почётан звани;
  • Воинский звани: подполковник (РФ оборона министерствӹн 2015 и 13 марташ 150 №-ӓн приказ)[11].

Молывлӓ:

  • Россий Герой В. И. Шарпатовын лӹмжӹм Мары Эл Республикӹн 1-шӹ №-ӓн Красногорский кӹдӓлӓш школлан пумы[12].
  • Геройын лӹмжӹ доно Мары Эл Республикӹн Звенигово районыштышы Кожласола солан ӧлицӓжӹм лӹмдӹмӹ[13];
  • Ямало-Ненецкий АО-н У Уренгой халашты «Россий Федерацин Геройжы В. И. Шарпатов лӹмеш кӹдӓлӓш общеобразовательный кадетский школ» пӓшӓм ӹштӓ[13].

Искусствышты

2010 ин лӓкшӹ «Кандагар» россий киношты Шарпатов рольым Алесандр Балуев мадын (фильмӹштӹ корабль командирӹн фамилижӹ — Карпатов, а отчествыжы — Иванович). 2010 ин 4 майын дӓ 2017 ин 15 ноябрьын Влдимир Ильич Шарпатов Гражданский авиаци университетӹштӹ выступаен, тӹштӹ кок цӓш лачок кыце ылмы гишӓн шайыштын, тенгеок кинон сюжетӹштӹшӹ событивлӓ дӓ лачок ма ылмы лошты икань чӹдӹ манын пӓлемден.

Примечани

  1. ↑ Указ Президента Российской Федерации от 22.08.1996 г. № 1225, Президент России. Дата обращения: 27 ноябрьын 2025.
  2. ↑ 1 2 3 4 5 6 Владимир Ильич Шарпатов (руш.). Сайт «Герои страны».
  3. ↑ Шарпатов Владимир Ильич (руш.). Тергӹмӹ кечӹ: 27 ноябрьын 2025. Архивируйымы 15 апрельӹн 2021 года.
  4. ↑ 100 лет Марий Эл. Герой России из Красногорска. (руш.). Национальная библиотека им. С. Г. Чавайна Республики Марий Эл (25 мартын 2020). Тергӹмӹ кечӹ: 27 ноябрьын 2025. Архивируйымы 14 апрельӹн 2021 года.
  5. ↑ Президент России. Тергӹмӹ кечӹ: 27 ноябрьын 2025. Архивируйымы 15 декабрьын 2014 года.
  6. ↑ Вести. Ru: Владимир Шарпатов и Ил-76. Встреча спустя 10 лет. Тергӹмӹ кечӹ: 27 ноябрьын 2025. Архивируйымы 9 декабрьын 2014 года.
  7. ↑ Воздушному судну авиакомпании «Ямал» Airbus А-320 присвоено имя Владимира Шарпатова. Тергӹмӹ кечӹ: 27 ноябрьын 2025. Архивировано из оригинала 12 апрельӹн 2015 года.
  8. ↑ Тюменская областная Дума: Шарпатов Владимир Ильич. web.archive.org. Тергӹмӹ кечӹ: 27 ноябрьын 2025.
  9. ↑ Сведения о проводящихся выборах и референдумах. web.archive.org. Тергӹмӹ кечӹ: 27 ноябрьын 2025.
  10. ↑ Список кандидатов в депутаты Государственной Думы Федерального Собрания Российской Федерации седьмого созыва по одномандатным избирательным округам 27 июня 2016. Справедливая Россия (14 июльын 2016). Тергӹмӹ кечӹ: 27 ноябрьын 2025. Архивируйымы 23 августын 2016 года.
  11. ↑ О присвоении В. И. Шарпатову воинского звания — «подполковник» / газета «Тюменская Губерния». Тергӹмӹ кечӹ: 27 ноябрьын 2025. Архивируйымы 11 январьын 2020 года.
  12. ↑ Школа в Красногорском теперь носит имя Героя России Владимира Шарпатова. Тергӹмӹ кечӹ: 27 ноябрьын 2025. Архивируйымы 11 январьын 2020 года.
  13. ↑ 1 2 100 лет Марий Эл. Герой России из Красногорска. | Национальная библиотека имени С.Г. Чавайна Республики Марий Эл (руш.). nbmariel.ru. Тергӹмӹ кечӹ: 27 ноябрьын 2025.

Литература

  • Шарпатов Владимир Ильич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 400—401. — 2032 экз. — ISBN 5-87898-357-0.
  • Шарпатов Владимир Ильич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 820. — 872 с. — 3505 экз. — ISBN 978-5-94950-049-1.
  • Мочаев В. А. Шарпатов Владимир Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 495. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Шарпатов,_Владимир_Ильич&oldid=309529» гӹц нӓлмӹ