Чӓйӹн международный кечӹ
| Чӓйӹн международный кечӹ | |
|---|---|
 Чӓй тӹшкӓ | |
| Тип | Профессиональный айо |
| Вес семӹнь | англ. International Tea Day |
| Ӹштӓлтӹн | World Social Forum, 2005 и. |
| Пӓлемдӓт | Инди,[Шри-Ланка дӓ чӓйӹм ӹштӹшӹ молы сӓндӓлӹквлӓ |
| Кечӹ | 21 май[1] |
| Пӓлемдӹмӓш | 15 декабрь |
| Кӹлдӓлтӹн | 1773 ин 16 декабрьын Бостонский чӓйӹм йӱмӓш дӓ «Чӓй индустрин пӓшӓзӹвлӓн правашты шотышты цилӓ сӓндӓлӹкӹштӹшӹ Декларацим» пыртымаш доно |
 Медиафайлы на РУВИКИ.Медиа | |
Чӓйӹн международный кечӹ (англ. International Tea Day) — официальный агыл айо, кыды и йӹде Образовани дӓ кӹлӹм кычымаш шотышты центрӹн инициативӹжӹ доно 21 майын пӓлемдӓлтеш. Пӓшӓм ӹштӹмӹ кечӹ ылеш.
Истори дӓ цельвлӓ
«Чӓйӹн международный кечӹ» сӓмӹрӹк айо ылеш.
«Чӓй кечӹм» шукы и эртӓрӓш шаненӹт, но цилӓ сӓндӓлӹкӹштӹшӹ общественный форумвлӓштӹ (англ. World Social Forum): 2004 ин — Индин Мумбаиштӹ, 2005 ин — Бразилин Порту-Алегриштӹ (Образовани дӓ кӹлӹм кычымаш шотышты центр (англ. Centre for Education and Communication)) лӹм доно) попымы паштек 15 декабрь «Чӓйӹн международный кечӹ» семӹнь маналташ тӹнгӓлӹн.
«Чӓйӹн международный кечӹ» чӓйӹм выжалымы шотышты политиквлӓн, обществын вниманим привлекаяш, чӓй ӹштӹшӹвлӓн положеништӹм цаклаш, изи дон кого корпорацивлӓ лошты нелӹ ылмы гишӓн, тенгеок ти напитокым кымдан пӓлӹштӹ манын эртӓрӓлтеш[2]. Айо 1773 ишӹ 16 декабрьыштышы событивлӓ ӹнжӹ лиэп манын эртӓрӓлтеш. Такеш агыл 15 декабрь айон датыжы лин. Тенгеок 1773 ин 15 декабрьын «Чӓй индустрин пӓшӓзӹвлӓн правашты шотышты цилӓ сӓндӓлӹкӹштӹшӹ Деклараци» пыртымы ылын.
Сек кымдан «Чӓйӹн международный кечӹм» Инди дон Шри-Ланкышты пӓлемдӓт[3]. Тенгеок чӓйӹм ӹштӹшӹ странавлӓ Бангладеш, Непал, Вьетнам, Индонези, Кения, Малайзия, Уганда дӓ Танзаништӹ ти айом пӓлемдӓт.
«Чӓйӹн международный кечӹм» Российӹштӹ пӓлемдӓш тӹнгӓлӹнӹт. Тидӹ кымдан пӓлӹмӹ напиток странаштына ылеш. Кӹзӹ РФ ти айо вӓрӹн-вӓрӹн веле пӓлемдӓлтеш. Тенге 11 декабрьын 2009 ин Иркутскышты йори ти кечӹ лӹмеш «Чӓйӹн жеп» выставка пачылтын[4].
ООН Генеральный Ассамблей 2019 ин 21 декабрьын «Чӓйӹн международный кечӹм» айом официально пингӹдемден. Ти кечӹ (International Tea Day) 21 май лин[5][6].
Тенгеок анжы
- Бостонский чӓйӹм йӱмӓш
- Цилӓ сӓндӓлӹкӹштӹ выжалымы хӓдӹрӹн кечӹ
- Шоколадын цилӓ сӓндӓлӹкӹштӹ кечӹ
- International Tea Day
Примечани
- ↑ https://undocs.org/en/A/74/386
- ↑ [www.calend.ru/holidays/0/0/2667/ Международный день чая — 15 декабря. История и особенности праздника в проекте Календарь Праздников 2010]
- ↑ 15 декабря — Международный День Чая. Тергӹмӹ кечӹ: 15 декабрьын 2009. Архивировано из оригинала 26 октябрьын 2013 года.
- ↑ Международный день чая отмечают в Приангарье. Аргументы и факты (11 декабрьын 2009). Тергӹмӹ кечӹ: 13 августын 2010.
- ↑ United Nations. Международный день чая | Организация Объединенных Наций (руш.). United Nations. Тергӹмӹ кечӹ: 4 июльын 2020.
- ↑ Международный день чая - International Tea Day - 21 мая (руш.). Какой Сегодня Праздник?. Тергӹмӹ кечӹ: 4 июльын 2020.
Ссылкывлӓ
- [www.calend.ru/holidays/0/0/2667/ «Международный день чая» в «Календаре праздников»]