Цилӓ сӓндӓлӹкӹштӹшӹ рок-н-ролл кечӹ
| Цилӓ сӓндӓлӹкӹштӹшӹ рок-н-ролл кечӹ | |
|---|---|
 | |
| Тип | Международный |
| Официально | World Rock-n-roll Day |
| Кын | рок-н-ролл музыкальный жанр дӓ тӹдӹн цилӓ сӓндӓлӹкӹштӹшӹ культурыш вашталтмашым пыртымыжы лӹмеш эртӓрӓлтеш |
| Пӓлемдӓт | и йӹде |
| Кечӹ | 13 апрель |
| Пӓлемдӹмӓш | концертвлӓ, фестивальвлӓ |
Цилӓ сӓндӓлӹкӹштӹшӹ рок-н-ролл кечӹ (англ. World Rock-n-roll Day) — рок-н-ролл музыкальный жанр дӓ тӹдӹн цилӓ сӓндӓлӹкӹштӹшӹ культурыш вашталтмашым пыртымыжы лӹмеш и йӹде 13 апрельӹн пӓлемдӹмӹ айо[1]. Ти кечӹн музыкантвлӓм дӓ рок-н-роллым яратышывлӓм иктӹш цымырышы шукы йиш концерт, фестиваль, выставка дӓ молы мероприяти эртӓрӓлтеш.
Цилӓ сӓндӓлӹкӹштӹшӹ рок-н-ролл кечӹ 1955 и гӹц аялтеш[2]. Айолан шачаш 1954 ин 12 апрельӹн лишӹ событи негӹцӹм пиштен. Билл Хейли у музыкальный направлеништӹ кого вӓрӹм нӓлшӹ «Rock Around The Clock» синглым сирен. Композици тӹ жепӹн ылшы музыкальный традицивлӓ ваштареш шагалын, пӹсӹн США-н цикшӹм ванжен дӓ молы сӓндӓлӹк мычкы шӓрлен[3].
Айо шачмы истори
У музыкальный направлени Кокшы мировой вырсы паштек лӓктӹн. XX курым покшалны США-шты обществын кымылжым, тӹнг шотышты, шижмӓшӹм тӓрвӓтӹшӹ дӓ тыпландарышы музыка пачын пуэн. Тенге гӹнят, тӹдӹн доно иктӧр, ваштареш жанр — ритман, кого юкан дӓ ӹлӓш кымылангдышы ритм-н-блюз лин.
1951 ин Кливленд халаштышы радиостанцин видӹшӹжӹ Алан Фрид айырен нӓлмӹ ритм-н-блюз композицивлӓм эфирӹш лыктын, нӹнӹм каждый ӓрнян лӓкшӹ программыжы семӹнь предлагаен. Тӹнӓмок диджей ти музыкым рок-н-ролл семӹнь лӹмден. Ынгай музыка колыштшывлӓн йӓнгеш вазын, Алан Фридӹн программыжы сӹнгӹмӓшӓн лин[4].
Рок-н-роллым мырышывлӓ логӹц икшӹ шӹдӹр мырызы-гитарист Билл Хейли лин. Тӹдӹн ирӹ сирӹмӹ композицивлӓ ритм-н-блюз, кантри дӓ ӧлицӓштӹшӹ сленгвлӓм иктӹш цымыренӹт[5]. 1954 ин тӹдӹ у жанр доно «Rock Around The Clock» икшӹ синглым сирен[6][7]. Кого кишӓм кодышы событи 12-шы гӹц 13-шы апрелеш йыдым лин. Композици мир мычкы шукы сӓндӓлӹкӹштӹ тӧрӧк культовыйеш сӓрнен.
Рок-н-ролл жанрышты у укш шачмы гишӓн у куштымы стиль дон направлени лӓктӹнӹт. Рок-н-роллан негӹцӹм пиштӹшӹвлӓ лошты тенгеок Элвис Пресли лин. Тӹдӹн чимӹ выргемжӹ, манержӹ дӓ тӓрвӓнӹлмӹжӹ молывлӓлӓн тӹдӹн семӹнь ӹштӓш пример лин[8][9][10].
1960-шы ивлӓ тӹнгӓлтӹшӹн рок-музыкышты у стиль — поп-рок — шачын. «The Beatles» ливерпульский группа музыкальный жанр дон йӧнвлӓм виӓнгдӹмаштӹ у тенденцим пачын.
1970-шӹ ивлӓн мычаш панк-рок жанрын шачмыжы доно пӓлемдӓлтӹн. Куштылгемдӹмӹ музыкальный схема вокал дон музыкальный композицивлӓн шамаквлӓм икшӹ вӓрӹш лыктын. Тӹ жапӹн «Sex Pistols», «The Clash», «Stooges» дӓ Игги Поп когон пӓлӹмӹ линӹт[11].
.
Российӹштӹ
СССР-ышты руш рок вадывел музыка гишӓн шачын. Ти жанрышты мырышы группывлӓ лошты Александр Градскин пачмы «Сокол» (1964), «Скифы» (1967), «Cкоморохи» (1966) дӓ «Славяне» (1964) линӹт.
«The Beatles»-ын яжон пӓлӹмӹ творчествыжы гишӓн каждый ганьок советский школышты ӹшке рок-группым цымыраш кымылым лыктын. Нинӹ коллективвлӓ логӹц южышты 70-шӹ ивлӓ годым рокын тӹнг лицӓжӹ линӹт, нӹнӹн лошты «Машина времени» лин.
1980-шӹ ивлӓ тӹнгӓлтӹшеш Советский Союзышты яжо рок-движени цымырген: тӹдӹ «ню-вэйв» стиль доно музыкальный группывлӓм ӹштӓш негӹц лин, — «Кино», «Алиса», «АукцЫон», «Оберманекен», «Странные игры» дӓ молат.
1985 ин Москваштышы рок-лаборатори пачылтын, тӹдӹ тӹнг халан группывлӓлӓн ӹшке творческий пӓшӓм официально оформляйӓш йӧнӹм ӹштен. Тӹ жепӹн яжон пӓлӹмӹ группывлӓ семӹнь «Nautilus Pompilius», «Зоопарк» дӓ «Бригада С» шотлалтыныт. 1980-шӹ и мычаш руш рокын когон шӓрлӹмӹжӹ доно пӓлемдӓлтӹн[12].
Пӓлемдӹмӓш традици
Цилӓ сӓндӓлӹкӹштӹшӹ рок-н-ролл кечӹм аяш официальный традици лиде гӹнят, эдемвлӓ цилӓ сӓндӓлӹк мычкы ик статян пӓлемдӓт. Веселӓйӹктӹшӹ заведенивлӓ логӹц шукынжы, тенгеок йыд клубвлӓ, рок-н-ролл стиль доно куштымы вадым эртӓрӓт. Тенгеок шукы сценический площадкышты ти жанрын у дӓ кодшы ивлӓн композицивлӓжӹм концертвлӓштӹ мырат. Тилец пасна музыкант дон куштышывлӓ лошты и йӹде конкурсвлӓ эртӓт[6][13][14].
Ынгай фактвлӓ
- Группын лыкмы «Rock Around the Clock» музыкальный сингл Гиннесӹн рекордвлӓн книгӓэш рок-н-ролл стиль доно сирӹмӹ сек яжон выжалымы трэк семӹнь пыртымы, дӓ цилӓ сандалӹк мычкы поп-музыкын историштыжӹ выжалымы шот доно кокшы лин. Ти пластинкӹн 25 миллион утла экземплярым выжалымы[15].
- 1995 ин Кливлендӹштӹ рок-н-роллым мактымаш гишӓн тематический музей ӹштӹмӹ ылын. Музейӹн зданижӹ айыртемӓлтшӹ кек сӹнӓн, шӓрӓлтӹмӹ шылдыран, у музыкальный стильӹн ирӹкшӹм пӓлемден анжыктышы пӓлӹк. Музей каждый ин цилӓ сӓндӓлӹк гӹц рок-музыкым яратышы шукы эдемӹм лишемдӓш цаца[16].
- Цилӓ сӓндӓлӹкӹштӹшӹ рок-н-ролл кечӹн техень музыкантвлӓ шачыныт: Сергей Шнуров, Эл Грин, Пибо Брайсон, Брюс Спрингстинӹн тӹмӹрӹм севӓлӹшӹ Макс Вайнберг, бас-гитарист Jefferson Airplane Джек Кэсэди, клавишник Blondie Джимми Дестри дӓ вокалист Staind Аарон Льюис.
- Сек кого рок-н-ролл концерт семӹнь 2003 ин Rolling Stones британский группын Торонтышты эртӓрӹмӹ концертшӹ шотлалтеш. Ти коммерциӓн мероприятиш 490 000 утла эдем толын[17].
Примечани
- ↑ Всемирный день рок-н-ролла. Центр культуры и театрального искусства" Театр Артиста". Дата обращения: 9 апрельӹн 2024.
- ↑ День в истории: 13 апреля. Праздники и памятные даты. Государственный интернет-канал "Россия" (13 апрельӹн 2022).
- ↑ Всемирный день рок-н-ролла. Оренбургское региональное телевидение. Дата обращения: 9 апрельӹн 2024.
- ↑ Всемирный день рока (англ.). rockndot.store. Дата обращения: 9 апрельӹн 2024.
- ↑ Всемирный день рок-н-ролла. Национальная библиотека им. А. С. Пушкина Республики Мордовия (12 апрельӹн 2022). Дата обращения: 9 апрельӹн 2024.
- ↑ 1 2 Всемирный день рок-н-ролла. Мир космоса. Дата обращения: 9 апрельӹн 2024.
- ↑ 13 апреля отмечается Всемирный день рок-н-ролла. Студия ВВЦ. Дата обращения: 9 апрельӹн 2024.
- ↑ Всемирный день рок — н- ролла. Культура.РФ (13 апрельӹн 2024). Дата обращения: 9 апрельӹн 2024.
- ↑ Всемирный день рок-н-ролла. Какой сегодня праздник. Дата обращения: 9 апрельӹн 2024.
- ↑ 13 апреля – Всемирный день рок-н-ролла. Заря Кубани. Дата обращения: 9 апрельӹн 2024.
- ↑ Всемирный день рок-н-ролла в 2024 году: история и традиции праздника. kp.ru. Комсомольская правда. Дата обращения: 9 апрельӹн 2024.
- ↑ 13 апреля — Всемирный день рок-н-ролла. Без формата. Дата обращения: 9 апрельӹн 2024.
- ↑ Сегодня Всемирный день рок-н-ролла. Филипп Кочетков (13 апрельӹн 2020). Дата обращения: 9 апрельӹн 2024.
- ↑ Традиции празднования всемирного дня рок-н-ролла. artist.ru. Дата обращения: 9 апрельӹн 2024.
- ↑ Рок-н-ролл как стиль жизни: самой бунтарской музыке мира – 55 лет. Мир 24. Дата обращения: 9 апрельӹн 2024.
- ↑ Посетите зал слав рон-н-ролла (англ.). rockhall.com. Дата обращения: 9 апрельӹн 2024.
- ↑ Когда Rolling Stones выступили в Торонто на благотворительном вечере "SARSstock" (англ.). udiscovermusic.com. Дата обращения: 9 апрельӹн 2024.
Литература
- Соловьёва Екатерина Валентиновна. Социокультурный аспект трансформаций рок-н-ролла в 1960-е гг // Ярославский педагогический вестник. — 2014. — № 2. — С. 234—238.
- Дюкин Сергей Габдульсаматович. Официальный советский рок-дискурс: исторические этапы и смысловое наполнение // Общество. Среда. Развитие (Terra Humana). — 2019. — № 3. — С. 57—65.
- Празднова О.С. Специфика проникновения рок-культуры в СССР // Ценности и смыслы. — 2017. — С. 111—118.
- О. Широков. Рок-н-ролл — танец бесноватых (Заметки по поводу) // Советская культура : газета. — 1956. — 4 октябрьын (№ 117). — С. 4.
- Усманов, О. В. Герои рок-н-ролла. — ОЛМА Медиа Групп, 2004. — 288 p. — ISBN 5-2240-4606-8.