Цилӓ сӓндӓлӹкӹштӹшӹ метеорологический кечӹ
Цилӓ сӓндӓлӹкӹштӹшӹ метеорологический кечӹ ( ООН-ын вес официальный йӹлмӹвлӓ доно: англ. World Meteorological Day, араб. اليوم العالمي للأرصاد الجوية, исп. Día Meteorológico Mundial, кит. 世界气象日, франц. Journée météorologique mondiale ) — ООН-ын международный кечӹвлӓ логӹц иктӹжӹ, и йӹде, 1961 и гӹц тӹнгӓлӹн, 23 мартын пӓлемдӓлтеш. Ти кечӹн 1950 ин Цилӓ сӓндӓлӹкӹштӹшӹ метеорологический организацим (ВМО) пачмы. Тӹдӹм ООН-ыш пырышы сӓндӓлӹквлӓн метеорологи дӓ гидрологи шотышты пӓшӓштӹм виктӓрӓш ӹштӹмӹ.
ВМО и йӹде эртӓрӹмӹ Цилӓ сӓндӓлӹкӹштӹшӹ метеорологический кечӹ лӹмеш иктӓ-махань темым увертӓрӓ дӓ яралеш толшы мероприятивлӓм эртӓрӓ.
ВМО-н Генеральный директоржы каждый ин колтымы послаништӹжӹ Цилӓ сӓндӓлӹкӹштӹшӹ метеорологический кечӹн тематикӹжӹм ланзылен нӓлеш.
Цилӓ сӓндӓлӹкӹштӹшӹ метеорологический кечӹн и йӹде увертӓрӹмӹ тематика
- 2022 и — «Ирӹ шижтӓрӹмӓш дӓ ирӹ ӹштӹмӹ действивлӓ»
- 2021 и — «Океан, мӓмнӓн климат дӓ мӓмнӓн жеп»
- 2020 и — «Климат дӓ вӹд ресурс»
- 2019 и — «Кечӹ, Мӱлӓндӹ дӓ игечӹ»
- 2018 и — «Игечеш йӓмдӹлӓлтӹнӓ, климатым шотыш нӓлӹнӓ»
- 2017 и — «Пӹлӹм ланзылен»
- 2016 и — «Шокшырак, кукшырак, вӹдӹжгӹрӓк. Анзыкы анжаш»
- 2015 и — «Климат гишӓн пӓлӹмӓш — климат шотышты действим ӹштӓш негӹц»
- 2014 и — «Игечӹ дӓ климат: сӓмӹрӹквлӓм лишемдӹмӓш»
- 2013 и — «Ӹлӹмӓш дон пурлыкым переген кодаш манын игечӹм тӹшлен анжымаш»
- 2012 и — «Игечӹ, климат дӓ вӹд — мӓмнӓн анзыкылашым видӹшӹ ви»
- 2011 и — «Климат тӹлӓндӓ»
- 2010 и — «Тӓмдӓн безопасность дӓ цӓш гишӓн 60 и служымаш»
- 2009 и — «Игечӹ, климат дӓ юж, кыдым мӓ шӱленӓ»
- 2008 и — «Яжо анзыкылашы гишӓн мӓмнӓн планетӹм тӹшлен анжымаш»
- 2007 и — «Полярный метеорологи: глобальный воздействим ынгылымаш»
- 2006 и — «Пӧрттӱ лӱдӹшӹм сӹнгӹмӓш дӓ пакыла ма ылшым пышкыдемдӹмӓш»
- 2005 и — «Игечӹ, климат, вӹд дӓ пингӹдӹ виӓнгмӓш»
- 2004 и — «Игечӹ, климат дӓ вӹд информаци курымышты»
- 2003 и — «Анзыкылаш климатна»
- 2002 и — «Экстремальный метеорологи дӓ климатический явлени дорц перегӓлтмӓшӹм виӓнгмӓш»
- 2001 и — «Игечӹ, вӹд дӓ климат — ти пӓшӓштӹ ӹшке кымылын ушнышывлӓ»
Ссылкывлӓ
- Всемирная метеорологическая организация Архивный копи от 3 июльын 2009 на Wayback Machine
- Послание Генерального секретаря ВМО по случаю Всемирного метеорологического дня 2008 года(недоступная ссылка)
- Праздник метеорологов