Уфологын международный кечӹжӹ
| Уфологын международный кечӹжӹ | |
|---|---|
.jpg) | |
| Вес семӹнь | НЛО-н кечӹжӹ |
| Кечӹ | 2 июль |
| Пӓлемдӹмӓш | и йӹде |
| Овуца | фестивальвлӓ, костюм доно ашкедмӓш, научный экмпозицивлӓ |
| Кӹлдӓлтӹн | НЛО |
Уфологын международный кечӹжӹ ӓли НЛО-н кечӹжӹ — мӱлӓндӹ дорц ӧрдӹж гӹц толшы паранормальный явлени дон объектвлӓм ланзылышы специалиствлӓн профессиональный айошты. Ти кечӹ и йӹде 2 июльын пӓлемдӓлтеш.
«Уфологи» термин английский йӹлмӹ UFO (Unidentified Flying Object) аббревиатура гӹц шачын, руш йӹлмӹштӹ тӹдӹ НЛО (пӓлӹдӹмӹ чонгештӹлшӹ объект) аббревиатура доно икань ылеш.
Истори
Айо кечӹ 1947 ин Нью-Мексико штатышты лишӹ событивлӓ доно кӹлдӓлтӹн, тӹнӓм США-штӹ Розуэлл хала гӹц мӹндӹрнӹ агыл, пустыньышты, пӓлӹдӹмӹ объект кенвазын[1]. Тӹнӓм тидӹ инопланетянинвлӓ доно "чонгештӹлшӹ тарелка" ылеш машаненӹт. Тӹнге гӹнят, ӓрня эртӹмӹкӹ, военныйвлӓ Брейзелым лыктыныт, тӹдӹ, ти объект ранчожы сага анзыц кенвацшы метеозонд доно икань агыл манын отмечӓен гӹнят, момы объект вуйта зондын кодшыжы ылеш манын радио доно увертӓрен. Ымбакыжы, ти пӓшӓ гишӓн информацим, общественностьын ышыжым лыгаш агыл манын, шӹлтенӹт. Тӹлец вара Мӱлӓндӹштӹ ӹлӹшӹвлӓ кок тӧр тӹшкӓэш пайылалтыныт: иктӹжӹ мӓмнӓн планета гӹц ӧрдӹжтӹ ышан ӹлӹмӓш улы манын ӹнянӓ, весӹвлӓ ти шанымашым отрицаят[2].
Айымаш
Нинӹ событивлӓ уфологи гишӓн историлӓн тӹнгӓлтӹшӹм пиштенӹт. Кӹзӹт НЛО-н цилӓ сӓндӓлӹк лошты кечӹжӹ лӹмеш фестивальвлӓ (тӹштӹ 200 тӹжем якте эдем погына) эртӓрӓлтӹт, костюм доно ашкедмӓш эртӓ, лӹмӹн йӓмдӹлӹмӹ экспозицивлӓ анжыкталтыт. Ти айо тенгеок вес сӓндӓлӹквлӓштӹ пӓлемдӓлтеш[3].
Уфологын кечӹжӹ официально ак пӓлемдӓлт гӹнят, ыш доно ынгылдараш лидӹмӹ явленивлӓм ланзылышы специалиствлӓ анзыкыжым ти айом керӓлеш шотлаш тӹнгӓлӹт манын ӹнянӓт.
Тенгеок анжы
Примечани
- ↑ История уфологии началась с событий 1947 года, когда житель маленького городка Розуэлл нашел странные обломки после грозы. sputnik-georgia. Дата обращения: 23 июньын 2024.
- ↑ 2 июля — Всемирный день НЛО. Российская государственная библиотека для слепых. Дата обращения: 23 июньын 2024.
- ↑ Всемирный день НЛО. Дата обращения: 23 июньын 2024.