Стратеги назначениӓн ракета войскан кечӹжӹ

РВСН-н эмблемӹжӹ

Стратеги назначениӓн ракета войскан кечӹжӹ — ӓштӹмӹ кечӹ, Российӹштӹ 17 декабрьын пӓлемдӓлтеш^[1].

Профессиональный айо, РФ президентӹн указжы доно 1995 ин ӹштӹмӹ ылын. 2006 ин айо категори гӹц ӓштӹмӹ кечӹш ванжен. Ядерный паритетӹм ытарышывлӓн кечӹштӹ якте, Ракетный дӓ артиллери войскавлӓн кечӹм 19 ноябрьын пӓлемденӹт^[2].

Истори

1959 ин 17 декабрьын СССР Министрвлан Советӹн постановлени доно у вид СССР Вооруженный силаштыжы - Стратегический назначениӓн Ракетӹ войска (РВСН) ӹштӹмӹ ылын. Тенгеок нӹнӹн тӹнг штабышты, управлӓйӹмӹ органвлӓ ӹштӹмӹ ылыныт. Главнокомандующин должностьшы учреждӓйӹмӹ ылын. Тӹшкӹ маршал артиллерии Митрофан Неделин шагалтымы ылын^[3].

Вырсы паштек военно-политический обстановкы кашарген, седӹ доно Стратегический назначениӓн Ракетӹ войска ӹштӹмӹ ылын. НАТО членвлӓжӹ, США дӓ вес государствывлӓ наступательный вооруженим пӹсӹн ӹштӓш тӹнгӓлӹнӹт. Ти вооруженивлӓ СССР безопасностьлан кого угрозы ылыныт^[2].

Российӹн Минобороны РВСН развитиштӹ икманяр ключевой этапым анзыкы лыктеш^[2]:

1946 — 1959 — РВСН-ӹм ӹштӓш СССР базым йӓмдӹлӓт. Ракетно-ядерный оружи, управляемый балистически ракетывлӓм ӹштенӹт. Тынӓмок пӹтӓриш ракетный чӓсть дон соединенивлӓ ӹштӹмӹ ылыныт. 1957 икӹмшӹ межконтинентальный балистический ракеты Р-7 колтымы ылын. Кок и эртӹмӹкӹ 1959 ин декабрьын Плесецкӹштӹ ти ракетӹвлӓлӓн стартовый позицивлӓ пачмы ылыныт^[4].
1959 — 1965 - Стратегический назначениӓн Ракетӹ войска СССР Вооруженный Силан у вид статян ӹштӹмӹ ылын
1965 — 1973 — Ик стартан кокшы поколени МБР группировкы пачылтеш. РВСН тӹнг стратегический ядерный сила лин. СССР дон США лошты военно-стратегический паритет шотышты тӹнг вкладым ӹштенӹт.
1973 — 1985 — РВСН кымшы поеолени (РК) ракетный комплекс доно оснащӓйӓлтеш. Тӹдӹн лаштыквлӓж шкетӹн карангыт дӓ вероятный противникӹн противоракетный обороным цаклыде эртӓт. Тенгеок средний дальностьан мобильный балистический РК ракетывлӓ доно оснащӓйӓлтӹт. Вооружениш МБР РС-18, РС-20 дӓ РС-16, мобильный грунтовый ракетный комплекс РСД-10 («Пионер») принимайӹмӹ ылыныт.
1985 — 1992 — Вооружениш нӹлӹмшӹ поколени ракетный комплексвлӓ МБР-ӓн РС-22, РС-20В дӓ «Тополь» пыртымы ылыныт. Войска дон оруживлӓ доно у автоматизированный системы управляяш тӹнгӓлӹн.
1992 и гӹц РВСН ВС РФ лаштык линӹт. Российӹштӹ агыл ылшы ракетный комплексвлӓм пӹтӓренӹт. Боевой дежурствыш вӹзӹмшӹ поколени ракетный комплекс «Тополь-М» шагалтымы ылын.
1997 — РВСН Военно-космический силавлӓ дон дӓ ракетно-космический обороны воскавлӓ доно ушымы ылын.
2001 — РВСН кок самостоятельный Вооруженный Сила войскавлӓэш пайылалтын. Иктӹжӹ стратегический назначениӓн ракетӹ войска, весӹжӹ Космические войска линӹт. Ӹшке лоштышты лишнӹ взаимодействуят.
2009 — 2010 — Боевой дежурствыш ракетный полквлӓ, у подвижной ракетный комплексӓн (ПГРК) «Тополь-М» РТ-2ПМ2 ракетан шагалтымы ылыныт.
2010 ин июнь гӹц — ракетный группировкы сокращӓйӹмӹ; боевой готовность шотышты мероприятивлӓ. У ракетный комплексвлӓм ӹштӓт. Боевой управлени системым совершенствуят^[2].

РВСН кӹзӹтшӹ веремӓн

Кӹзӹтшӹ веремӓн ВС РФ РВСН отдельный войска роды ылеш. Главный штабшы подмосковный Власихӹштӹ вӓрлӓнен^[4]. РВСН 3 ракетный Владимирӹштӹ, Омскышты дӓ Оренбургышты ылшы арми гӹц ылеш. Постоянный йӓмдӹ ылшы 12 ракетный дивизим имея. Вооруженишты куд йиш ракетный комплекс 400 колтымы установкы улы. Нӹнӹ лошты стационарный дӓ мобильный комплексвлӓ ылыт^[2]. Основной российский стационарный ракетный группировкын «нелӹ» (РС-20в «Воевода») дӓ «куштылгы» (РС-18А «Стилет», РС-12М2 «Тополь-М») классан ракетывлӓ ылыт^[5]. РВСН-ӹш стратегический ядерный силан носитель дон ядерный зарядвлӓ 60% (СЯС) шоэш^[4]. Россий Федерацин 21 субъектӹштӹ Стратегический назначениӓн Ракетный войскавлӓ шалгат^[5].

РВСН войскавлӓ военный сила статян нигынамат применяйӹмӹ ылтелы. Вес отечественный СЯС компонентвлӓ сага военно-политический ядмашвлӓм решӓш палшенӹт^[5].

РВСН войскавлӓ со боевой дежурствышты ылыт. ВС Российӹн Верховный главнокомандующиййӹн приказ доно хоть кынам ӹшке задачыштым решен кердӹт. Каждый кечӹн боевой поствлӓштӹ куд тӹжем эдем дежура.

Айом эртӓрӹмӓш

Стратегический назначениӓн Ракетный войскавлӓ 1959 ин ӹштӹмӹ ылыныт, но айо кечӹштӹ 1995 ин веле лин. Тидӹ РФ Президентӹн 1239 №-ӓн 10 декабрьаш 1995 ишӹ указ паштек 36 иштӹ лиӓлтӹн^[6]. Но 2006 и гӹц Россий Федерацин Президентӹн 31 маяш 2006 ишӹ 549 №-ӓн Указ паштек айо гӹцӹн Стратегический назначениӓн Ракетный войскавлӓн ӓштӹмӹ кечӹ лин^[2].

РВСН кечӹ и йӹде цилӓ РВСН чӓствлӓштӹ дӓ тыменьмӹ вӓрвлӓштӹ пӓлемдӓлтеш. 17 декабрьын айо мероприятивлӓ дӓ строялтмашвлӓ эртӓрӓлтӹт. Кӱ яжон служен дӓ айыртемӓлтӹн, тӹ военныйвлӓлӓн наградым ӓли званим кычыктат^[3].

Тенгеок РВСН Кечӹн дивизионный храмвлӓшкӹ святой преподобный Илия Муромецӹн иконыжым пыртат. Тӹдӹ шачмы вӓржӹм тышманвлӓ гӹц ытарен дӓ Воздушно-космический воскавлӓн покровитель ылеш^[3]. Тенгеок 17 декабрьын святая великомученица Варваран кечӹжӹ ылеш, седӹн доно 1995 ин Русский православный церкӹн Москван дӓ Цилӓ Русьын Святейший Патриарх Алексий 2 благословенижӹ доно Варвара РВСН-ӹн покровительницӹжӹ лин^[4].

Тӹнг торжество РВСН лӹмеш — и йӹде Кремльӹштӹ эртӓ^[3].

Литература

Ракетные войска стратегического назначения: истоки и развитие / Под ред. Н. Е. Соловцова. — М.: ЦИПК, 2004. — 320 с.

Примечани

↑ Указ Президента Российской Федерации от 31 мая 2006 г. N 549 Об установлении профессиональных праздников и памятных дней в Вооруженных Силах Российской Федерации (руш.). Российская газета (3 июньын 2006). Тергӹмӹ кечӹ: 18 июньын 2019. Архивируйымы 19 январьын 2012 года.
↑ ¹ ² ³ ⁴ ⁵ ⁶ Ракетные войска стратегического назначения (неопр.). Министерство обороны Российской Федерации. Тергӹмӹ кечӹ: 11 декабрьын 2023.
↑ ¹ ² ³ ⁴ Дарья Ивашкина. День РВСН в 2023 году: история и традиции праздника (неопр.). Семья. Комсомольская правда. Тергӹмӹ кечӹ: 11 декабрьын 2023.
↑ ¹ ² ³ ⁴ Людмила Петрова. 17 декабря - День Ракетных войск стратегического назначения. История и традиции праздника (неопр.). Российская газета (17 декабрьын 2021). Тергӹмӹ кечӹ: 11 декабрьын 2023.
↑ ¹ ² ³ День Ракетных войск стратегического назначения (неопр.). Российское информационное агентство «Победа РФ» (17 декабрьын 2022). Тергӹмӹ кечӹ: 11 декабрьын 2023.
↑ Указ Президента России № 1239 от 10 декабря 1995 г. Архивный копи от 19 январьын 2010 на Wayback Machine

Ссылкывлӓ

Ракетные войска стратегического назначения на сайте МО РФ
Музей Ракетных войск стратегического назначения
М. Лукин, А. Стукалин (авторы-составители). На большом ракетном // Журнал «Власть». — ИД «Комерсантъ», 2009. — 14 декабрьын (№ 49 (853)).
Коваль В. РВСН — гарант безопасности Отечества // Российское военное обозрение : Ежемесячный журнал. Информационно-аналитическое издание Министерства обороны Российской Федерации. — М.: Агентство «Военинформ», 2011. — № 1 (81). — ISSN 0134-921X.

[1] Указ Президента Российской Федерации от 31 мая 2006 г. N 549 Об установлении профессиональных праздников и памятных дней в Вооруженных Силах Российской Федерации (руш.). Российская газета (3 июньын 2006). Тергӹмӹ кечӹ: 18 июньын 2019. Архивируйымы 19 январьын 2012 года.

[:1-2] ¹ ² ³ ⁴ ⁵ ⁶ Ракетные войска стратегического назначения (неопр.). Министерство обороны Российской Федерации. Тергӹмӹ кечӹ: 11 декабрьын 2023.

[:0-3] ¹ ² ³ ⁴ Дарья Ивашкина. День РВСН в 2023 году: история и традиции праздника (неопр.). Семья. Комсомольская правда. Тергӹмӹ кечӹ: 11 декабрьын 2023.

[:2-4] ¹ ² ³ ⁴ Людмила Петрова. 17 декабря - День Ракетных войск стратегического назначения. История и традиции праздника (неопр.). Российская газета (17 декабрьын 2021). Тергӹмӹ кечӹ: 11 декабрьын 2023.

[:3-5] ¹ ² ³ День Ракетных войск стратегического назначения (неопр.). Российское информационное агентство «Победа РФ» (17 декабрьын 2022). Тергӹмӹ кечӹ: 11 декабрьын 2023.

[6] Указ Президента России № 1239 от 10 декабря 1995 г. Архивный копи от 19 январьын 2010 на Wayback Machine

[1]

[2]

[3]

[4]

[5]

[6]