Соловьёв, Василий Иванович
| Василий Иванович Соловьёв | |||
|---|---|---|---|
 | |||
| Шачмы кечӹ | 1915 и 9 март | ||
| Шачмы вӓр | Изи Корамас сола, Моркы район, Мары Эл | ||
| Колымы кечӹ | 1943 и 28 август (28 и) | ||
| Колымы вӓр | Жуково сола сага, Духовщино район, Смоленский область | ||
| Пырымаш |
 СССР |
||
| Войскан йиш | пехота | ||
| Служымы жеп | 1942—1943 | ||
| Звани |
 |
||
| Кредӓлмӓш/вырсы | Кого Ӓтямӱлӓндӹ вырсы | ||
| Награда дӓ преми |
|
||
Василий Иванович Соловьёв (1915–1943) — Пӓшӓзӹ-хресӓнь Якшар Армин якшарармеецшӹ, Кого Ӓтямӱлӓндӹ вырсын салтакшы, Совет Ушемӹн Геройжы (1944).
Ӹлӹмӓш корныжы
Василий Соловьёв 1915 ин 9 мартын Изи Корамас солашты (Мары Эл Республикӹн Моркы районжы) шачын. Тӹнгӓлтӹш школ дон мастарвлӓн курсым тымень лӓкмӹкӹжӹ, сола хозяйствышты пӓшӓм ӹштен. 1942 ин Соловьёв Пӓшӓзӹ-хресӓнь Якшар Армиш служаш кен. Тӹ инок март гӹц — Кого Ӓтямӱлӓндӹ вырсын фронтыштыжы. 1943 ин август шошашеш якшарармеец Василий Соловьёв 3-шы Белорусский фронтыштышы 39-шӹ армин 9-шӹ гварди стрелковый дивизин 31-шӹ гварди стрелковый полкшын стрелокшы ылын. Смоленский кымдемӹм ытарымы годым айыртемӓлтӹн[1].
1943 ин 28 августын Духовщино вел Жуково сола сагашы кӱкшикӓ верц кредӓлмӓштӹ Соловьёв немецкий траншейӹш шынгалт пырен дӓ кок пулемёт расчётым пӹтӓрен. Тӹдӹн подразделенижӹм тышман дзот гӹц пулемёт тыл доно темдӓлмӹ годым Соловьёв ӹшке кӓпшӹ доно амбразурым питӹрен, ӹшке ӹлӹмӓшӹжӹ доно кӱкшикӓм сӹнген нӓлӓш пуэн. Духовщина халан тӹнг площадьыштыжы, шӱмбел мыгилӓэш тайымы[1].
СССР Верховный Совет Президиумын 1944 иӓш 4 июняш указшы доно «немецкий захватчиквлӓ доно кредӓлмӹ фронтышты командованин шӱдӹмжӹм яжон ӹштӹмӹжӹ гишӓн дӓ тидӹн годым патырлыкым дӓ лӱддӹмӓшӹм анжыктымыжылан гвардин якшарармеецшӹ Василий Соловьёв Совет Ушемӹн геройжы лӹмӹм сылен нӓлӹн. Тенгеок, колымыкыжы, Ленин орден доно пӓлемдӓлтӹн[1].
Соловьёв лӹмеш шачмы вӓрӹштӹжӹ школым, Йошкар-Олашты ӧлицӓм лӹмденӹт, Морко посёлкышты бюстым вӓрӓнгдӹмӹ[1].
Примечани
- ↑ 1 2 3 4 Василий Иванович Соловьёв (руш.). Сайт «Герои страны».
Литература
- Наши Герои. — 2-е изд., перераб. и доп. — Йошкар-Ола, 1985.
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Соловьёв Василий Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 341. — 2032 экз. — ISBN 5-87898-357-0.
- Соловьёв Василий Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 723. — 872 с. — 3505 экз. — ISBN 978-5-94950-049-1.
- Соловьёв Василий Иванович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 238—241. — 374 с. — 500 экз. — ISBN 978-5-94950-070-5.
Ти статьяш РУВИКИ-н вес статьявлӓжӹ ак колтеп. |
.svg){kind=link}