Скулкина, Екатерина Анатольевна
| Екатерина Скулкина | |
|---|---|
 | |
| Шачмы кечӹ | 3 июнь 1976 (50 и) |
| Шачмы вӓр | |
| Гражданство |
 Россий |
| Професси |
актриса, телевидӹшӹ |
| Карьера | 2003 и гӹц |
| Направлени | КВН, юмор, театр |
| IMDb | ID 5478816 |
| Кинопоиск | 1810328 |
 Медиафайлы на РУВИКИ.Медиа | |
Екатерина Анатольевна Скулкина (шач. 3 июнь 1976, Йошкар-Ола) — российӹштӹшӹ киноактриса, «Нӹл тадар» КВН командын участницӹжӹ дӓ капитанвлӓ логӹц иктӹжӹ (2003—2006), 2006 и гӹц — «Comedy Woman» юморан ӹдӹрӓмӓш телешоун участница. 2013 ин Дмитрий Харатьян доно иквӓреш «Икшӹ каналышты» «Сек яжо мары» прграммым виден, а 2022 ин «Ӹдӹрӓмӓш клуб» ток-шоум видӹшӹвлӓ логӹц иктӹжӹ ылын.
Сӓмӹрӹк ивлӓ
Ӓтяжӹ — военный, ӓвӓжӹ — филолог, руш йӹлмӹм дӓ сӹлнӹшаям тымдышы. Изижӹ годым Скулкина сакой пӓшӓш пижшӹ дӓ когон активный ылын, шукы кружок дон секциш каштын, самодеятельностьышты участвуен. Роды дӓ лишӹлвлӓжӹлӓн ӹшке шанен лыкмы спектакльвлӓжӹм анжыктен[1][2].
1983-1993 ивлӓн «Т. И. Александрова лӹмӓн 11 №-ӓн лицей» МБОУ-шты гуманитарный классышты тыменьӹн. Общественный пӓшӓм ӹштен, школ концерт дон айовлӓм йӓмдӹлӹмӓштӹ дӓ эртӓрӹмӓштӹ участвуен. 1993 ин Йошкар-Олаштышы медицина училищӹш «Лицӹмӹ дела» отделениш тыменяш пырен, тӹдӹм пӹтӓрӹмӹкӹ, 1996 ин операциштӹшӹ медсестраэш пӓшӓш пырен.
1997 ин Казань халаш ӹлӓш ванжен, тӹштӹ Казаньыштышы кугижӓншӹ медицина университетӹш стоматологи факултетӹш тыменяш пырен, тӹдӹм 2002 ин тымень пӹтӓрен. 2002—2003 ивлӓн терапиӓн стоматологи кафедрӹн интернатурышты тыменьӹн. 2003—2005 ивлӓн «Ортопеди стоматологи» специальность доно ординатурышты тыменьӹн.
1999 ин, КГМУ-шты 2-шы курсышты тыменьмӹжӹ годым, ӹшке университетшӹн сборныйжы верц республика кӱкшӹцӓн КВН лигӹштӹ мадаш тӹнгӓлӹн.
КВН
2003 ин кокшы, уэмдӹмӹ составан «Нӹл тадар» КВН командын (Казань хала) участницӹжӹ дӓ капитанвлӓ логӹц иктӹжӹ лин. Тӹ инок команда Казаньышты эртӹшӹ КВН-ын Икшӹ лигӹн чемпион лин. Тӹнӓмок командын кокшы составшы пӹтӓришӹ составын сӹнгӹмӓшӹжӹм пачаштарен дӓ Юрмалышты «Шӧртнян Кого КиВиН»-ӹм нӓлӹн. 2004 ин «Нӹл тадар» Высший лигӹштӹ мадыныт, тӹштӹ полуфинал якте шоныт. 2005 ин команда эчеӓт Высший лига сезонышты мадын, кышты финалышты кокшы вӓрӹм нӓлӹн, «Мегаполислӓн» (Москва) дӓ «Абхази гӹц Нартам» (Сухум) командывлӓлӓн веле мадын колтенӹт. 2006 ин КВН-ын 45 иӓш юбилейӹштӹжӹ «Нӹл тадар» командын кокшы составшы эчеӓт ик сценеш погынен. 2011 ин команда Юрмалышты «Голосящий КиВин» кӓнгӹжшӹ музыка фестивальышты участвуен дӓ «Шимӓн Кого КиВиН»-ым нӓлӹн[3].
2011 ин Скулкина «XX курымын сборный» верц мадын[4].
Comedy Woman
2006 и гӹц Скулкина «Made in Woman» клубный юморан проектӹн участницӹжӹ лин. 2008 и гӹц проект ТНТ каналышты лӓктӓш тӹнгӓлӹн[5], а варарак лӹмжӹм «Comedy Woman»-ыш вашталтен.
Театр
2010 ин Скулкина театр сценӹштӹ пӓшӓжӹм тӹнгӓлӹн[6]. «Цӓшӓн номер» спектакльын премьерӹжӹ 2010 ин шӹжӹм ылын. Скулкина Валентина Захаровнам мадын — тӹнг герой Игорьын (Гавриил Гордеев) ӓвӓжӹм. 2011 ин постановка «Вӓтӹм кӹчӓлӓм. Шергӹ агыл!» маналташ тӹнгӓлӹн[7].
Телевидӹшӹ
2013 ин Дмитрий Харатьянов доно иквӓреш Икшӹ каналышты «Самый лучший муж» программын видӹшӹжӹ лин. 2022 ин «Женский клуб» ток-шоун видӹшӹжӹвлӓ логӹц иктӹжӹ лин[8]. 2023 ин Икшӹ каналышты «Мечталлион» лотерей шоун ик выпускшын видӹшӹжӹ лин.
Фильмографи
| И | Лӹм | Роль | |
|---|---|---|---|
| 2012 | мс | Алиса пӓлӓ, мам ӹштӓш! | Марина госпожа (юк, 6 сери) |
| 2013 | ф | Пӱэргӹвлӓ мам ӹштӹлӹт! | проститутка[9] |
| 2014 | с | Халыквлӓн келшӹмӓшӹштӹ | Лена |
| 2016 | ф | Пӱэргӹвлӓ гишӓн цилӓ | Максимычын вӓтӹжӹ |
| 2017 | ф | Zомбоящик | аптекарь / Петян ӓвӓжӹ |
Личный ӹлӹмӓш
Эргӹжӹ Олег (шач. 2008)[10]. 2023 и гӹц айырлышы.
Примечани
- ↑ Екатерина Скулкина - актриса театра и кино, телеведущая, юмористка, участница шоу «Comedy Woman» - биография | Последние новости жизни звезд 7Дней.ру (руш.). 7Дней.ру. Тергӹмӹ кечӹ: 19 ноябрьын 2025. Архивируйымы 18 ноябрьын 2021 года.
- ↑ Звезда Камеди вумен Екатерина Скулкина - именинница: 10 ярких образов 44-летней актрисы, Joinfo Новости (3 июньын 2020). Дата обращения: 19 ноябрьын 2025.
- ↑ Голосящий КиВиН 2011.Итоги (руш.). Архивировано из оригинала 4 мартын 2014 года.
- ↑ Спецпроект «50 лет КВН» (руш.). Тергӹмӹ кечӹ: 19 ноябрьын 2025. Архивировано из оригинала 4 мартын 2014 года.
- ↑ Made in Woman. Женское юмористическое шоу (руш.). Тергӹмӹ кечӹ: 19 ноябрьын 2025. Архивируйымы 7 ноябрьын 2017 года.
- ↑ Екатерина Скулкина: «Я - мечта генерала»(неопр.). Geometria. Тергӹмӹ кечӹ: 19 ноябрьын 2025. Архивируйымы 5 декабрьын 2023 года.
- ↑ Екатерина Скулкина из Comedy woman: «Знаю, как провести стоматологическую операцию!», КП. Дата обращения: 19 ноябрьын 2025.
- ↑ Екатерина Скулкина: «Думающую женщину волнует всё!», Журнал OK!. Дата обращения: 19 ноябрьын 2025.
- ↑ Официальный сайт фильма «Что творят мужчины» (руш.). Тергӹмӹ кечӹ: 19 ноябрьын 2025. Архивировано из оригинала 30 апрельӹн 2013 года.
- ↑ «Олег уже взрослый»: звезда Comedy Woman Екатерина Скулкина показала сына в день рождения(неопр.). thevoicemag.ru. Тергӹмӹ кечӹ: 19 ноябрьын 2025. Архивируйымы 25 февральын 2023 года.
 | |
|---|---|
| Тематический сайтвлӓ |
