Серов, Константин Иванович

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Серов.
Константин Иванович Серов
Серов Константин Иванович.jpg
Шачмы кечӹ 1907 и 29 июнь(1907-06-29)
Шачмы вӓр Марьино сола, Йӱрнӹ район, Мары Эл
Колымы кечӹ 1968 и 30 апрель(1968-04-30) (60 и)
Колымы вӓр Волгоград
Пырымаш  СССР
Войскан йиш артиллери
Служымы жеп 1929—1952
Звани
Полковник
Кредӓлмӓш/вырсы Басмаческий формированим пӹтӓрӹмӓш,
Кого Ӓтямӱлӓндӹ вырсы
Награда дӓ преми
Герой Советского Союза
Орден Ленина Орден Красного Знамени Орден Красного Знамени Орден Отечественной войны I степени
Орден Отечественной войны I степени Орден Красной Звезды Орден Красной Звезды Медаль «За оборону Ленинграда»
Медаль «За оборону Москвы» SU Medal For the Defence of Stalingrad ribbon.svg Медаль «За победу над Германией в Великой Отечественной войне 1941—1945 гг.» Медаль «За взятие Берлина»
SU Medal For the Liberation of Warsaw ribbon.svg

Константин Иванович Серов (1907–1968) — Совет Армин полковникшӹ, Кого Ӓтямӱлӓндӹ вырсын участникшӹ, Советский Союзын геройжы (1945).

Ӹлӹмӓш корныжы

Константин Серов 1907 ин 29 июньын Марьино солашты (кӹзӹт Мары Эл Республикӹн Йӱрнӹ районжы) шачын. Шӹм классым тымень пӹтӓрен. 1929 ин октябрь тӹлзӹн Серов халашкы Пӓшӓзӹ-хресӓнь Якшар Армишкӹ служаш кеен. 1932 ин тӹдӹ Среднеазиатский военно-политический школым пӹтӓрен, 1941 ин — артиллери курсым тымень лӓктӹн. Кого Ӓтямӱлӓндӹ вырсы тӹнгӓлтӹш гӹцок — тӹдӹн фронтвлӓштӹжӹ[1].

1945 ин январь тӹлзеш подполковник Константин Серов 1-шӹ Белорусский фронтын 33-шы армин 873-шы танк ваштареш шалгышы истребитель артиллери полкым вуйлатен. Польшым ытарымы годым айыртемӓлтӹн. 1945 ин 14 январьын Серовын полкшы Пулавский плацдармышты немӹц обороным кӹрмӓштӹ кредӓлӹн. 1945 ин 23 январьын 339-шӹ стрелковый дивизим ӓрен нӹлмӹ гӹц ытарен, тышманын вӹц контратакыжым цӓктӓрен, тышман шукы вижӹм ямден[1].

СССР-ын Верховный Советшӹн Президиумжын 1945 ин 27 февральын лӓкшӹ Указшы дон «полк доно мыштен вуйлатымыжылан дӓ Висло-Одерский операциштӹ кого патырлыкым анжыктымыжылан» подполковник Константин Серовлан Герой Советского Союза кӱкшӹ званим пумы, Ленин лӹмӓн орден дӓ 4698 номерӓн «Шӧртньӹ Шӹдӹр» медальым кычыктымы[2].

Вырсы пӹтӹмӹкӹ, Серов Советский Армиштӹ пакыла служен. 1947 ин тӹдӹ Кӱшӹл артиллерийский школым тымень пӹтӓрен. 1952 ин Серов полковник звани доно запасыш лӓктӹн. Волгоград халашты ӹлен дӓ пӓшӓлен. 1968 ин 30 апрельӹн колен[1]. Волгоградын Дмитриевский шӹгерлӓштӹжӹ тайымы[1].

Тенгеок кок Якшар Знамя орден доно, кок 1-шӹ степенян Кого Ӓтямӱлӓндӹ вырсы орден доно, кок Якшар Шӹдӹр орден доно, икманяр медаль доно пӓлемдӓлтӹн[3][4][5][6][1].

Волгоград дон Марьиношты Серов лӹмеш ӧлицӓвлӓм лӹмдӹмӹ, Марьиношты бюстым шагалтымы[1].

Ӓшӹндӓрӹмӓш

  • Российский военно-исторический обществын шытыржы велдӹк Йӱрнӹ районын Марьино кӹдӓлӓш школышты, кышты Серов тыменьӹн, тӹдӹн лӹмеш Ӓшӹндӓрӹмӓш хангам сӓкӹмӹ.

Примечани

  1. ↑ 1 2 3 4 5 6 Константин Иванович Серов (руш.). Сайт «Герои страны».
  2. ↑ Электронный банк документов «Подвиг народа в Великой Отечественной войне 1941—1945 гг.».
  3. ↑ Электронный банк документов «Подвиг народа в Великой Отечественной войне 1941—1945 гг.».
  4. ↑ Электронный банк документов «Подвиг народа в Великой Отечественной войне 1941—1945 гг.».
  5. ↑ Электронный банк документов «Подвиг народа в Великой Отечественной войне 1941—1945 гг.».
  6. ↑ Электронный банк документов «Подвиг народа в Великой Отечественной войне 1941—1945 гг.».

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Исаев А. В. Берлин 45-го. Сражения в логове зверя. — М.: Яуза, Эксмо, 2007.
  • Воробьёв В. П., Ефимов Н. В. Герои Советского Союза: справ. — СПб., 2010.

Ссылкывлӓ

«https://mrj.ruwiki.ru/w/index.php?title=Серов,_Константин_Иванович&oldid=310884» гӹц нӓлмӹ