Семенюк, Захар Владимирович

Захар Владимирович Семенюк
Захар Владимирович Семенюк
	; З. В. Семенюк, 1957-1958 ивлӓ годым
Шачмы кечӹ	1919 и 24 март
Шачмы вӓр	Бейзимовка сола, кӹзӹт Чудновский район, Житомирский область, Украина
Колымы кечӹ	1958 и 17 май (39 и)
Колымы вӓр	Йошкар-Ола, РСФСР[d], СССР[d];
Пырымаш	СССР
Войскан йиш	ВВС
Служымы жеп	1938—1958
Звани
Часть	153 ИАП, 512 ИАП, 220 ИАД, 1 ГИАД
Кредӓлмӓш/вырсы	Советско-финляндский вырсы; Кого Отечественный вырсы

Захар Владимирович Семенюк (1919 и 24 март; Бейзимовка сола, кӹзӹт Украина, Житомирский областьын Чудновский район — 1958 и 17 май) — Совет Союзын Геройжы (1943 и 28 январь), полковник (1949); 1956 ин подполковникӹш валтымы, 1957 ин угӹц пӧртӹлтӹмӹ. 1-шӹ классан военный лётчик (1954).

Ӹлӹмӓш корныжы

1919 ин 24 мартын Бейзимовка солашты (кӹзӹт Житомирский областьын Чудновский районжы, (Украина) шачын. Украинец. 1933 ин Карповцы солашты (Чудновский район) 7 классым тымень пӹтӓрен, 1935 ин — ФЗУ-м (Фабрично-заводской тымдымашын школ). Бердичев халашты «Прогресс» заводышты котельщик-сборщикӹн пӓшӓм ӹштен (Житомирский область). 1937 ин Винницкий аэроклубым тымень лӓктӹн.

Армиштӹ 1938 и март гӹц. 1938 ин Лётчиквлӓн Одесский военный авиаци школым тымень пӹтӓрен. ВВС-ын строевой частьвлӓштӹ (Москваштышы дон Ленинградыштышы военный округвлӓ) служен.

Советско-финляндский вырсын участникшӹ: 1940-шӹ ин февраль-мартын — 153-шы истребительный авиаци полкын командиржӹ. И-153 истребитель доно икманяр гӓнӓ боевой чонгештӹлмӓшӹм ӹштен, «Лӱддӹмӹ ылмы гишӓн» медаль доно награждайымы ылын.

1941 ин ВВС-ын Штурманвлӓм яжоэмден йӓмдӹлӹшӹ Полтавский курсым тымень пӹтӓрен.

Кого Отечественный вырсын салтакшы: 1941 ин июль-октябрьын — Полтавский авиакурсвлӓн истребительный авиаэскадрилин звено командиржӹ; 1941 октябрь — 1943 январь — авиаэскадрили командирӹн вашталтышыжы дӓ 512-шы истребительный авиаци полкын штурманжы. Кечӹвӓлвел—Вадывел, Донской дӓ Сталинградский фронтвлӓштӹ кредӓлӹн. Украинӹштӹ, Ростов-на-Дону, Харьков сага перегӓлтмӹ кредӓлмӓштӹ участвуен, Сталинградский кредӓлмӓштӹ лин. 1942 ин 5 августын воздушный бойышты самолётшым кенвацтаренӹт, седӹндон фронтын анзыл линишкӹжӹ вален шӹнзӹн. 1943 и январеш 357 гӓнӓ боевой чонгештӹлмӓшӹм ӹштен, нӹнӹн логӹц штурмовик дон бомбардировщиквлӓ сага — 149, разведкӹш — 67, аэродром дон войскавлӓм штурмуяш — 22, молы чонгештӹлмӓш ӹшке войскавлӓм нырышты пӹлгом гӹц перегӹмӓш лин. 95 воздушный кредӓлмӓшӹм эртӓрен, тидӹн годым тышманын 14 самолётшым ӹшкеток кенвацтарен, тӹшкӓ доно иквӓреш — 4 самолётым. 23 гӓнӓ айыртемӹн керӓл обьектӹм ланзылаш чонгештӹлӹн.

СССР Кӱшӹл Совет Президиумын 1942 ишӹ 28 январяш «Якшар Армин Военно-Воздушных силан начальниквлӓлӓн Совет Союзын Геройжы званим пумы гишӓн» указшы семӹнь «немецкий захватчиквлӓ доно кредӓлмӹ фронтышты командованин боевой заданижӹм яжон шоктымы дӓ тидӹн годым лӱддӹмӓшӹм, геройствым анжыктымы гишӓн» Совет Союзын Геройжы званим пумы, Ленин орден дон «Шӧртньӹ Шӹдӹр» медальым кычыктымы^[1].

1943 и январь гӹц 1945 и март якте (1944 и октябрь гӹц слабка шулык гишӓн чонгештӹлде) — 220-шы истребительный авиаци дивизин (1943 и февраль гӹц — 1-шӹ гвардейский) пилотировани шотышты лётчик-инспекторжы. Кечӹвӓлвел, Степной, Тӹнг дӓ 1-шӹ Белорусский фронтвлӓштӹ кредӓлӹн. Курский кредӓлмӓштӹ, Украинӹн шалахай сиржӹм дӓ Белоруссим ытарымашты участвуен. Вырсы жепӹн И-16, ЛаГГ-3, Як-1, Як-7 дӓ Р-39 «Аэрокобра» самолётвлӓ доно цилӓжӹ 453 гӓнӓ пӹлгомыш лӱктӓлӓлтӹн, 107 воздушный кредӓлмӓштӹ тышманын 16 самолётшым ӹшкеток, тӹшкӓ доно иквӓреш 5 самолётым кенвацтарен (награждайымы документвлӓ семӹнь, но М. Ю. Быковын «Все асы Сталина» ланзылымыжы семӹнь оперативный дӓ отчётан документвлӓ семӹнь асын ӹшке сӹнгӹмӓшӹжӹ 12, тӹшкӓ доно 5 пенгӹдемдӹмӹ).

1945 и март гӹц Военно-воздушный академиштӹ (Монино) тыменьӹн, но 1945 ин октябрьын слабка шулык гишӓн тӹдӹм тыменьмӓш гӹц карангденӹт. 1945—1947 ивлӓ годым — Таврический военный округын ВВС-н штаб виктӓрӹмӓштӹ чонгештӹлмӓш шотышты отделенин вуйлатышы.

1947 ин чонгештӹлмӹ пӓшӓш пӧртӹлӹн, истребительный авиаполкын командиржӹн вашталтышыжы лин (Таврический военный округышты). 1949 ин Липецкий кӱшӹл офицерский лётно-тактический курсым тымень пӹтӓрен. ПВО авиациштӹ (Мӹндӹр Ирвел) истребительный авиаполк доно командуен. 1954 и гӹц — командирӹн вашталтышыжы, а 1955 и гӹц — 254-шӹ истребительный авиадивизин командиржӹ (ПВО-н Амурский арми). 1956 и июнь гӹц — командирӹн вашталтышыжы должность гӹц (Амурский арми, Хабаровск) Йошкар-Олаш 82-шы истребительный авиадивизин командиржӹн чонгештӹлмӹ шотышты вашталтышеш ваштымы.

Хабаровскышты ӹлен, 1956 и гӹц — Куйбышев халашты (кӹзӹт Самара), пӹтӓртӹш ивлӓм — Йошкар-Олашты. Полковник З. В. Семенюк 1958 ин 17 майын истребитель МИГ-15 доно чонгештӹлмӹжӹ годым колен. Йошкар-Олашты (Мары Эл Республика) Марково шӹгерлӓэш тайымы.

Наградывлӓ

Совет Союзын Геройжы (28.01.1943);
кок Ленин орден (18.07.1942, 28.01.1943);
кок Якшар Знамя орден (6.11.1941, 9.11.1942);
Отечественный вырсын I степенян орден;
кок Якшар Шӹдӹр орден (21.08.1953, 22.02.1955);
«Лӱддӹмӹ ылмы гишӓн» медаль (1940);
«Боевой заслугывлӓ гишӓн» медаль (1948);
вес медальвлӓ;
«Китайский-советский дружымаш» китайский медаль (19.10.1955).

Ӓшӹндӓрӹмӓш

1947 ин художник М. П. Крошицкий тӹдӹн портретшӹм рисуен — «Совет Союзын Геройжы С. В. Семенюк»^[2].

Тӹдӹн лӹмжӹ доно Йошкар-Олашты (Мары Эл Республика) ӧлицӓм лӹмдӹмӹ.

Йошкар-Олаштышы Волков ӧлицӓштӹ 164-шӹ томан стенӓштӹжӹ Мемориальный ханга кечӓ.

Примечани

↑ Указ Президиума Верховного Совета СССР «О присвоении звания Героя Советского Союза начальствующему составу Военно-Воздушных сил Красной Армии» от 28 января 1942 года // Ведомости Верховного Совета Союза Советских Социалистических Республик : газета. — 1943. — 31 январьын (№ 5 (211)). — С. 1. Архивировано 18 ноябрьын 2021 года.
↑ Бащенко Г. Д., Гаврилюк М. И. // Семенюк, Захар Владимирович // Енциклопедія сучасної України : [укр.] : у 30 т. / НАН України, Наукове товариство ім. Шевченка, Институт энциклопедических исследований НАН Украины. — К., 2001—…. — ISBN 944-02-3354-X.

Литература

Андреев С. А. Совершённое ими бессмертно. Книга 1. М.: Высшая школа, 1976.
Бодрихин Н. Г. Советские асы. М., 1998. — 272 с. ISBN 5-89883-001-4.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Золотые Звёзды Полесья. 3-е изд., Киев, 1985.
Иду на таран. Волгоград: Нижне-Волж. кн. изд., 1978.
Наши Герои. 2-е изд., перераб. и доп. Йошкар-Ола, 1985.
Советские асы 1941—1945. Автор-составитель М. Ю. Быков. М.: Яуза Эксмо, 2008. — 608 с. ISBN 978-5-699-30919-1.
Сталинградская битва. Хроника, факты, люди. 2 кн. — Москва: ОЛМА-ПРЕСС, 2002.

Ссылкывлӓ

Захар Владимирович Семенюк (руш.). Сайт «Герои страны».

[1] Указ Президиума Верховного Совета СССР «О присвоении звания Героя Советского Союза начальствующему составу Военно-Воздушных сил Красной Армии» от 28 января 1942 года // Ведомости Верховного Совета Союза Советских Социалистических Республик : газета. — 1943. — 31 январьын (№ 5 (211)). — С. 1. Архивировано 18 ноябрьын 2021 года.

[:3-2] Бащенко Г. Д., Гаврилюк М. И. // Семенюк, Захар Владимирович // Енциклопедія сучасної України : [укр.] : у 30 т. / НАН України, Наукове товариство ім. Шевченка, Институт энциклопедических исследований НАН Украины. — К., 2001—…. — ISBN 944-02-3354-X.

[1]

[2]