Рябинин, Николай Сергеевич

Николай Сергеевич Рябинин
Николай Сергеевич Рябинин
Шачмы кечӹ	1909 и 5 май
Шачмы вӓр	Когоныр (Кугунур) сола, Оршанка район, Мары Эл
Колымы кечӹ	1975 и 2 март (65 и)
Колымы вӓр	Москва
Пырымаш	СССР
Войскан йиш	пехота
Служымы жеп	1931—1946 (кӹрӹлтӹш доно)
Звани
Кредӓлмӓш/вырсы	Кого Отечественный вырсы

Николай Сергеевич Рябинин (5 май 1909, Кугунур (Ӧрша кундем)^[d], Оршанский район^[d] — 1975, Москва) — Советский Армин когорак лейтенантшы, Кого Отечественный вырсын салтакшы, Совет Союзын Геройжы (1945).

Ӹлӹмӓш корныжы

Николай Рябинин 1909 ин 5 майын Когоныр (Кугунур) солашты шачын (кӹзӹт — Мары Элӹн Оршанка район). Кӹдӓлӓш школым, рабфакым тымень пӹтӓрӹмӹкӹ, колхозышты пӓшӓм ӹштен. 1931—1932 ивлӓ годым Пӓшӓзӹ-хресӓньӹк Якшар Армиштӹ служен. 1942 ин Рябининӹм угӹц армиш нӓлӹнӹт. Тӹ ишток командын составым уэмдӹмӹ шотышты курсым тымень лӓктын. 1944 и март гӹц — Кого Отечественный вырсын фронтыштыжы. Кредӓлмӓштӹ кок гӓнӓ шушырген^[1].

1945 ин январеш когорак лейтенант Николай Рябинин 2-шы Белорусский фронтын 70-шы армин 1-шӹ стрелоковый дивизижӹн 412-шы стрелковый полкшын пулемётный взводшы доно командуен. Польшым ытарымыжы годым айыртемӓлтӹн. 1945 ин 27 январьын Рябининӹн взводшы Быдгоща лишнӹ Висла ӓнгыр гач ванжен дӓ тӹдӹн сирӹштӹжӹ плацдармым роалтен нӓлмӓштӹ, переген кодымашты яжон кредӓлӹн, тышман пехотын кок взвод нӓрӹ вим пӹтӓрен. 1945 и 28 январь гӹц Рябинин пулемёт доно лӱэден, икманяр лу тушман салтак дон офицервлӓм пӹтӓрен. Тӹ кредӓлмӓштӹ тӹдӹ нелӹн шушырген, киддӹмӹ кодын, шукы жеп госпитальышты лицӓлтӹн^[1].

СССР Кӱшӹл Совет Президиумын 1945 ишӹ 29 июняш указшы доно «немецкий захватчиквлӓ доно кредӓлмы фронтышты командованин боевой заданижӹм яжон шуктымы дӓ тидӹн годым лӱддӹмӓшӹм дӓ героизмӹм анжыктымы гишӓн» когорак лейтенант Николай Рябинин Ленин орден дон 7540 номерӓн «Шӧртньӹ шӹдӹр» медаль доно Совет Союзын Геройжы званим нӓлӓш стойышеш шотлымы ылын^[1].

1946 ин Рябининӹм инвалид ылмыжы гишӓн Вооружённый Сила гӹц лыктын колтенӹт. Москвашты ӹлен дӓ пӓшӓм ӹштен. 1975 ин 2 мартын колен, Москван Люблинский шӹгерлӓштӹ таенӹт^[1].

Тенгеок Якшар Шӹдӹр орден дӓ икманяр медаль доно награждайымы ылын^[1].

Йошкар-Олашты Рябинин лӹмеш ӧлицӓм лӹмденӹт^[1], Москвашты тӹдӹн ӹлӹмӹ томашты (Окский ӧлицӓ) мемориальный ханга кечӓ.

Примечани

↑ ¹ ² ³ ⁴ ⁵ ⁶ Николай Сергеевич Рябинин (руш.). Сайт «Герои страны».

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

[wh-1] ¹ ² ³ ⁴ ⁵ ⁶ Николай Сергеевич Рябинин (руш.). Сайт «Герои страны».

[1]