Рыжов, Иван Тихонович
| Иван Тихонович Рыжов | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| Шачмы кечӹ | 19 октябрь 1914 | |||||||||||||||||
| Шачмы вӓр | Черниково сола, Малоархангельский уезд, Орловский губерни, Российский импери | |||||||||||||||||
| Колымы кечӹ | 8 апрель 2004 (89 и) | |||||||||||||||||
| Колымы вӓр | ||||||||||||||||||
| Пырымаш |
 СССР |
|||||||||||||||||
| Войскан йиш | пехота | |||||||||||||||||
| Служымы жеп | 1938—1945 | |||||||||||||||||
| Звани |
 |
|||||||||||||||||
| Кредӓлмӓш/вырсы |
РККА-н Польский походшы, Советско-финский вырсы, Кого Отечественный вырсы |
|||||||||||||||||
| Награда дӓ преми |
|
|||||||||||||||||
Иван Тихонович Рыжов (19 октябрь 1914, Малоархангельский уезд[d], Орловский губерни[d] — 8 апрель 2004, Йошкар-Ола) — Пӓшӓзӹ-хресӓнь Якшар Армин старшинажы, Кого Отечественный вырсын салтакшы, Совет Союзын Геройжы (1945).
Ӹлӹмӓш корныжы
Иван Рыжов 1914 ин 19 октябрьын Черниково солашты шачын (кӹзӹт Орловский областьын Колпнянский район). Тӹнгӓлтӹш школым тымень пӹтӓрӹмӹкӹ, Уссурийск халашты ӹлен дӓ пӓшӓлен. 1938–1940 ивлӓн Пӓшӓзӹ-хресӓнь Якшар Армиштӹ служен, польский походышты дӓ советско-финский вырсышты лин. 1941 ин Рыжовым кокшы гӓнӓ армиш нӓлӹнӹт. Тӹ и гӹцок Кого Отечественный вырсын фронтыштыжы лин. Кредӓлмӓштӹ кым гӓнӓ шушырген[1].
1944 ий июнеш когорак сержант Иван Рыжов 2-шы Белорусский форонтын 50-шӹ армин 238-шӹ стрелковый дивизин 830-шы стрелковый полкын разведкӹш ялын каштшы взвод командирӹн палышкалышыжы ылын. Белорусский ССР-ӹн Могилёвский областьшым ытарымашты айыртемӓлтӹн. 1944 ин 27 июньын Рыжовын взводшы сек анзыц Луполово сола сага (кӹзӹт Могилёв велнӹ) Днепр гач ванжен дӓ тӹдӹн вадывел сирӹштӹжӹ плацдармым сӹнген нӓлӓш дӓ тӹдӹм переген кодаш манын когон шалген. Плацдармышты кредӓлмӹ годым Рыжов ӹшке разведчиквлӓ тӹшкӓ доно тышманын вӓрлӓнӹмӹ кымдыкыш керӹлт пырен дӓ 4 автомашинам, 20 нӓрӹ салтак доно офицерӹм пӹтӓрӹмӹжӹ доно немецкий колонным шӓлӓтен. Плацдарма гӹц анзыкы кемӹ годым Рыжов немецкий дотым граната доно ӹшкеок пӹтӓрен, а Могилёвым ытарымы гишӓн кредӓлмӓштӹ тышман снайперым пуштын[1].
СССР Кӱшӹл Совет Президиумын 1945 ишӹ 24 марташ указшы семӹнь «Днепрым форсируйымы дӓ Могилёвым ытарымы годым патырлыкым дӓ героизмӹм анжыктымы гишӓн кугурак сержант Иван Рыжовлан Совет Союзын Геройжы званим пумы дӓ Ленин орден дон «Шӧртньӹ Шӹдӹр» медальым кычыктымы[1].
Вырсы пӹтӹмӹкӹ, Рыжов старшина звани доно демобилизуйымы ылын. Перви Джизакышты ӹлен дӓ пӓшӓлен, вара Йошкар-Олашты. 2004 ин 8 апрельӹн колен[1].
Тенгеок Якшар Знамя, Кого Отечественный вырсын I дӓ II орденвлӓ доно награждайымы ылын, икманяр медальжы лин[1].
Ӓшӹндӓрӹмӓш
.jpg)
Йошкар-Олашты тӹдӹн ӹлӹмӹ пӧртеш (Йошкар-Ола, 158-шӹ Первомайский ӧлицӓ) мемориальный хангам вӓрӓнгӹмӹ.
Примечани
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Воробьёв В. П., Ефимов Н. В. Герои Советского Союза: справ. — СПб., 2010.