Россий Федерацин таможня пӓшӓзӹн кечӹжӹ
| Россий Федерацин таможня пäшäзӹн кечӹжӹ | |
|---|---|
 | |
| Тип | Кугижäншӹ айо |
| Ӹштӓлтӹн | 1995 ин 4 августын |
| Пӓлемдӓт | Россий Федераци |
| Кечӹ | 25 октябрь |
| Пӓлемдӹмӓш | 25 октябрьын |
| Кӹлдӓлтӹн | иктешлӹшӹ таможня устав лäкмӹ доно |
Россий Федерацин таможня пäшäзӹн кечӹжӹ — Россий Федерацин таможньышты цилä пäшäзӹн кугижäншӹ профессиональный айо. Ти кечӹ Российӹштӹ и йӹде 25 октябрьын пäлемдäлтеш[1].
Истори дон айымаш
«Россий Федерацин таможня пäшäзӹн кечӹжӹ» — молы айо доно тäнгäштäрäш гӹнь, сäмӹрӹк профессиональный айо. Тӹдӹ Советский Союз шäлäнӹмӹкӹ, 1995 ин 4 августын Россий Федерацин икшӹ президентшӹн «Россий Федерацин таможня пӓшӓзӹн кечӹм пäлемдӹмӹ гишäн» 811-шӹ №-ӓн указшы доно пингӹдемдäлтӹн[2]. Перви СССР-ышты «Советский таможня пӓшӓзӹн кечӹжӹ» лин, тӹдӹ 29 майын пäлемдäлтӹн (кӹзӹт тидӹ кечӹн «Таможня службыштышы ветеранвлäн кечӹштӹм» пäлемдäт).
«Россий Федерациштӹ таможня пӓшӓзӹн кечӹжӹм» лач тидӹ кечӹн пäлемдäш президент Борис Ельцин такеш агыл шанен лыктын, лач 1653 ин 25 октябрьын Руш кугижӓншӹштӹ Алексей Михайлович Романов кугижäн указшы негӹцеш Иктешлӹшӹ Торговый устав шачын. Тӹштӹ «Москвашты дä молы халашты таможня пошлинӹм погымы, махань товар гӹц дӓ маняр нäлмӹ гишӓн» сирӹмӹ[3].
2006 ин президент Владимир Путин «Россий Федерацин таможня пӓшӓзӹн кечӹжӹ» лӹмеш тенге келесен[4]:
«Профессиональный айо — Таможня пӓшӓзӹн кечӹ — доно пäшäзӹ дä ветеранвлäм кымылангдем. Эртӹшӹ 11 иштӹ Российӹн Федеральный таможня службыжы сӓндӓлӹкнӓн экономика шотышты безопасностьым пингӹдемдӹмӹ, национальный интересӹм перегӹмӹ пӓшӓш яжо вкладым пиштен. Тагачы тӹдӹ öрдӹж велвлä доно торгейӹмäштӹ, бюджетный лäктӹшӹм темӹмӓштӹ кугижäншӹ монгырым керäл механизм семӹнь лачокок шотлалтеш».
Примечани
- ↑ День таможенника: дата, история и традиции, РБК Life. Дата обращения: 23 октябрьын 2024.
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Дата обращения: 24 апрельӹн 2019. Архивировано из оригинала 24 апрельӹн 2019 года.
- ↑ Кулешова С.Ю. Торговый устав 1653 года. museum.customs.ru. Дата обращения: 25 октябрьын 2017. Архивировано 27 октябрьын 2017 года.
- ↑ Федеральная таможенная служба. customs.gov.ru (26 октябрьын 2006). Дата обращения: 23 октябрьын 2024.