Россий Федерацин субъектвлӓ

Россий Федерацин субъектвлӓ — Российӹн регионвлӓ, кышкы тӧр праваан республикӹвлӓ, крайвлӓ, областьвлӓ, федеральный значениӓн халавлӓ, автономный область дӓ тенгеок автономный округвлӓ пырат.

Россий Федераци субъектӹн тӹнг праваан кӧргӹжӹ

Россий Федерацин субъектвлӓн праваан статусышты гишӓн Конституциштӹ сирӹмӹ.

Российӹн Конституцижӹ семӹнь, Россий Федераци федеративный кугижӓншӹ ылеш дӓ 89 тӧр праваан субъект гӹц — республика, край, область, федеральный значениӓн хала, атономный огруг дӓ автономный областьвлӓ — шалга.

Россий Федерацин сек кӱшӹл должностян лицӓжӹ тӹнг вуйлатышы ылеш, тӹдӹм Россий Федераци субъектӹн уставшы ӓль конституцижӹ семӹнь айыренӹт, дӓ тӹдӹ Россий Федерациштӹшӹ ти субъектӹн кугижӓншӹ властьын сек кӱшӹл испонительный органын вуйлатышыжы ылеш — губернатор, мэр, субъектӹн главажы ӓль субъектӹн администраци главажы, но «президент» агыл, малан манаш гӹнь «Россий Федерацин субъектвлӓштӹ публичный властьым организуйымы цымыр принципвлӓ гишӓн» (20-шы статья, 5-шӹ часть) федеральный закон семӹнь, Российӹштӹшӹ регион глававлӓн должность лӹмвлӓштӹ кугижӓншӹн главан должность лӹмӹм ӹштӹшӹ шамак дон шамак кӹлдӹшвлӓм, тенгежӹ гӹнь «президент» шамакым, кычылташ тӧр запрещӓйӹмӓш улы.

Каждый регионын ӹшке уставшы дӓ конституцижӹ, властьын исполнительный органвлӓн системӹжӹ, парламентшӹ, тенгеок ӹшке законодательствыжы улы, кыдым тӹдӹ ӹшкеок принимаен дӓ нӹнӹ Россий Федерацин ти субъектӹн территориштӹ действуят. Тӹлец пасна, Россий Федерацин субъектвлӓ Россий парламентӹн верховный палатыш — Федераци Советӹш — кок представительӹм делигируят.

Россий Федерацин кугижӓншӹ властьын федеральный органвлӓ доно кӹл шотышты цилӓ субъект икӹжӓк-иктӹштӹ лошты тӧр праваан ылыт. Регионвлӓн Россий Федерацин Конституци семӹнь пингӹдемдӹмӹ ядмашвлӓм решӓш полномочивлӓштӹ улы. Конституци семӹнь Россий Федераци состав гӹц лӓктӓш правашты уке.

Истори

Советский жеп

Федерацин субъект иктешлӹшӹ термин пӹтӓришӹ гӓнӓ 1990-шы ин лӓктӹн, тидӹн якте РСФСР-ӹм ӹштӹшӹ территориальный единицывлӓн комплексӹн лӹмӹштӹ ылде:

1937 иӓш РСФСР Конституцин 14-шӹ Статьяжы РСФСР лӹмвлӓге анжыктымы край, область, автономный советский социалистический республика дӓ автономный областьвлӓ гӹц шалга манмы формулировка ылын, но лач нӹнӹ федерацин субъектвлӓжӹ ылыт манын пингӹдемдӹмы ылде. Автономный областьвлӓ, РСФСР-ӹн республикӹн подчинеништӹ ылшы халавлӓ семӹньок, 1920-шы ивлӓ мычаш гӹц республикӹн власть лӹвӓлнӹ ылшы национальный административный единицывлӓэш шотлалтыныт, тӹгодым когорак территориӓн единицӹлвӓн — край дон областьвлӓн — частьвлӓ ылыныт (национальный округвлӓ доно тӓнгӓштӓрӹмӓштӹ, кыдывлӓ ти край дон областьвлӓлӓн тӹрӹс подчинӓйӓлтӹнӹт).

1978-шӹ иӓш РСФСР Конституци у формулировкым пыртен: «Россий Советский Федеративный Социалистический Республикӹш автономный советский социалистический республикӹвлӓ пырат» дӓ нӹнӹн лӹмвлӓштӹм сирӹмӹ, а пакыла: «РСФСР-шты крайвлӓ… областьвлӓ… республикӹн подчинеништӹ ылшы халавлӓ… край дӓ областьвлӓн составыш пырышы автономный областьвлӓ ылыт» (71-шӹ статья). Ти статья АССР-влӓ веле федерацин субъектвлӓжӹ ылмым анжыкта, а молы администрациӓн единицывлӓжӹ тӹ веремӓн федераци составышты ылыт. Тӹлец пасна, РСФСР-ӹн республикӹн подчинеништӹ ылшы халавлӓм ӓшӹндӓрен, ти формулировка пӹтӓришӹ гӓнӓ молнам нӹнӹ махань областьвлӓш пыренӹт, нӹнӹӹлӓн подчинӓйӓлтдӹмӹштӹм анжыктен.

Федерацин субъект ынгылымашым СССР-ӹн 1990 и 6 апреляш 1457-I №-ӓн «ССР Союз дон Федераци субъектвлӓ лошты полномочим пайылымы гишӓн» Закон доно пыртымы, тӹдӹ пӹтӓришӹ гӓнӓ СССР-ӹм федеративный кугижӓншӹ ылеш манын, хоть СССР Коституци (70-шы статья) 1990-шы и пӹтӹмешкӹ СССР-ӹм федерациэш агыл, а социалистический федерализм принципеш шачшы цымыр союзный шукы йиш халыкан кугижӓншеш шотлен. СССР-ӹн федераци субъектвлӓэш союзан республикӹвлӓм дӓ нӹнӹн составыш пырышы автономный республикӹвлӓм (автономный образованивлӓм) манаш тӹнгӓлӹнӹт.

Тӹлец пасна, 1990-шы ин СССР-ӹн Конституциш пыртымы вашталтышвлӓ СССР-ӹн Президент вуйлатымы СССР Федераци Советӹн пӓшӓжӹмӓт шотыш нӓлӹн, тӹдӹн составыш СССР-ӹн вице-президентшӹ дӓ союзный республикӹвлӓн глававлӓштӹ пыренӹт. Федераци Советӹн заседанивлӓштӹжӹ тенгеок автономный республикӹвлӓн, автономный областьвлӓн дӓ автономный округвлӓн кӱшӹл должностной лицӓвлӓ участвуен кердӹнӹт.

Российӹн 1993-шы иӓш Конституцижӹ

1993-шы ин пингӹдемдӹмӹ 1978-шӹ иӓш Российӹн Конституци вашталтышы Россий Федерацин у Конституцижӹ федераци субъектӹн кӹзӹтшӹ ынгылымашым пингӹдемден (65-шӹ статья). Тӹдӹн семӹнь, Россий Федерациш пырышы цилӓ регион икань ылыт. Россий Федераци Конституцин 65-шӹ Статьяжы семӹнь Кугижӓншӹн регионан составышкы техень субъектвлӓ пырат: республикӹвлӓ, крайвлӓ, областьвлӓ, федеральный значениӓн халавлӓ, автономный областьвлӓ дӓ автономный округвлӓ.

Кӹзӹтшӹ Российӹштӹ ик автономный область улы — Еврейский, тӹдӹ Россий Федерациштӹ техень типӓн лач ик субъект ылеш, малан манаш гӹнь тӹдӹн гӹц пасна тидӹн якте кугижӓншӹ шачмы жепеш ылшы цилӓ молы автономный областьвлӓ автономный республикӹвлӓш сӓрнӓлтӹнӹт, а нӹнӹн у лӹмвлӓштӹ РСФСР-ӹн Конституцин 1990-шы иӓш редакциэш пингӹдемдӓлтӹнӹт.

РСФСР шӓлӓнӹмӹ жепеш территориальный устройствыжы доно тӓнгӓштӓрӹмӓштӹ, автономный округвлӓӓт Россий Федерацин субъектвлӓжӹ линӹт, махань регионыш пыренӹт, тӹ регион гӹц сакой степеньӹштӹ зависимый ылыныт. Варарак Российӹн шукы автономный округжок ти регионвлӓн составыш пырталтыныт. Исключени семӹнь лач ти автономный округвлӓ (АО) линӹт: Чукотский, Ханты-Мансийский, Ямало-Ненецкий дӓ Ненецкий. Тӹгодым Российӹн федеральный законодательствыжы автономный округ тӹ веремӓнок Россий Федерацин субъектшӹ, тенгеок Россий Федерацин территориштӹжӹ вӓрлӓнӹшӹ когорак субъектӹн уставшы (конституцижӹ) семӹнь составышкыжы пырен кердеш. Чукотский АО — ӹшкетшӹ Россий Федерацин махань-гӹнят вес субъект составыш пырыдымы автоный округ ылеш.

РСФСР-ӹн молнам республикӹн подчинеништӹ ылшы халавлӓ — Москва дӓ Санкт-петербург — федеральный значениӓн халавлӓ линӹт дӓ федерацин самостоятельный субъектвлӓ статустыштым пингӹдемденӹт. Тидӹм РСФСР-ӹн 1978-шӹ иӓш Конституцижӹ пингӹдемден, тӹштӹ нӹнӹм Москва дӓ Ленинград областьвлӓ гӹц айыренӹт.

Пакылажы Россий Федерацин Конституцин 65-шӹ статььяшты регионвлӓн спискӹ вашталт миэн, тидӹ 2000-шӹ ивлӓн Российӹн регионвлӓм ушымы доно моло кӹлдӓлтӹн.

Территоривлӓм ушымаш

2014 ин Крымым ушымы гишӓн Крым Республика дӓ федеральный значениӓн Севастополь хала Россий Федерацин субъектвлӓн спискӹш пырталтыныт^[1].

Россий Федерацин Конституциш остатка вашталтмашым 2022 ин 6 октябрьын пыртымы, Донецк Халык Республика, Луганск Халык Республика дӓ Запорожский областьвлӓ гишӓн уверӹм привайымы^[2].

Российӹн кӹзӹтшӹ федеративный устройствыжы

Россий Федерацин субъектвлӓн спискӹ

Кӹзӹт действуйышы Российӹн 1993-шӹ иӓш Конституцижӹ семӹнь, кугижӓншӹ составышты 89 РФ субъект улы:

24 республика,
9 край,
48 область,
3 федеральный значениӓн хала,
1 автономный область,
4 автономный округ.

№	Россий Федерацин субъект	Территори (км²)	Эдем шот 01.01.2024^[9]	Адм. центр/тӹнг хала	Адм.-тер. устройство (ОКАТО семӹнь)	Муниципальный образованивлӓ (ОКТМО семӹнь)	Адм.-тер. шелмӓшӹн истори
1e-06	Республикӹвлӓ
1	Адыгей Республика	7792	↗500 591	Майкоп	7 район дӓ 2 хала	7 муниципальный район, 2 хала округ	шукырак увер
2	Алтай Республика	92903	#Н/Д^[3]	Горно-Алтайск	10 район дӓ 1 хала	10 муниципальный район, 1 хала округ	шукырак увер
3	Башкортостан Республика	142947	↘4 064 361	Уфа	54 район дӓ 21 хала	54 муниципальный район, 9 хала округ	шукырак увер
4	Буряти Республика	351334	↘971 922	Улан-Удэ	21 район дӓ 2 хала	21 муниципальный район, 2 хала округ	шукырак увер
5	Дагестан Республика	50270	↗3 232 224	Махачкала	41 район дӓ 10 хала	42 муниципальный район, 10 хала округ	шукырак увер
6	Донецк Халык Республика	26517 (де-юре)		Донецк	18 район дӓ 12 хала	18 муниципальный район дӓ 12 хала округ	шукырак увер
7	Ингушети Республика	3123	↗527 220	Магас	4 район дӓ 4 хала	4 муниципальный район, 4 хала округ	шукырак увер
8	Кабардино-Балкари Республика	12470	↗905 464	Нальчик	10 район дӓ 3 хала	10 муниципальный район, 3 хала округ	шукырак увер
9	Калмыки Республика	74731	↗266 770	Элиста	13 район дӓ 1 хала	13 муниципальный район, 1 хала округ	шукырак увер
10	Карачаево-Черкеси Республика	14277	↘468 322	Черкесск	10 район дӓ 2 хала	10 муниципальный район, 2 хала округ	шукырак увер
11	Карели Республика	180520	↘523 856	Петрозаводск	16 район дӓ 13 хала	16 муниципальный район, 2 хала округ	шукырак увер
12	Коми Республика	416774	↘720 610	Сыктывкар	12 район дӓ 8 хала	15 муниципальный район, 5 хала округ	шукырак увер
13	Крым Республика	26081	↘1 909 499	Симферополь	18 район и 16 хала	14 муниципальный район, 11 хала округ	шукырак увер
14	Луганск Халык Республика	26683		Луганск	17 район дӓ 11 хала	17 муниципальный район дӓ 11 хала округ
15	Мары Эл Республика	23375	↘669 854	Йошкар-Ола	14 район дӓ 4 хала	14 муниципальный район, 3 хала округ	шукырак увер
16	Мордови Республика	26128	↘765 891	Саранск	22 район дӓ 7 хала	22 муниципальный район, 1 хала округ	шукырак увер
17	Саха (Якути) Республика	3083523	↗1 001 664	Якутск	33 район дӓ 5 хала	34 муниципальный район, 2 хала округ	шукырак увер
18	Йыдпелвел Осети — Алани Республика	7987	↘678 879	Владикавказ	8 район дӓ 1 хала	8 муниципальный район, 1 хала округ	шукырак увер
19	Татарстан Республика	67847	↗4 003 016	Казань	43 район дӓ 14 хала	43 муниципальный район, 2 хала округ	шукырак увер
20	Тыва Республика	168604	↗337 544	Кызыл	17 район дӓ 2 хала	17 муниципальный район, 2 хала округ	шукырак увер
21	Удмурти Республика	42061	↘1 434 557	Ижевск	25 район дӓ 5 хала	25 муниципальный район, 5 хала округ	шукырак увер
22	Хакаси Республика	61569	↘528 175	Абакан	8 район дӓ 5 хала	8 муниципальный район, 5 хала округов	шукырак увер
23	Чечня Республика	16171	↗1 552 866	Грозный	17 район дӓ 6 хала	17 муниципальный район, 2 хала округ	шукырак увер
24	Суасламары Республика	18343	↘1 167 061	Чебоксары	21 район дӓ 9 хала	21 муниципальный район, 5 хала округ	шукырак увер
24.000002	Краявлӓ
25	Алтайский край	167996	↘2 115 308	Барнаул	60 район дӓ 11 хала	60 муниципальный район, 11 хала округ	шукырак увер
26	Забайкальский край	431892	↘984 395	Чита	31 район дӓ 12 хала	31 муниципальный район, 4 хала округ	шукырак увер
27	Камчатский край	464275	↗288 947	Петропавловск-Камчатский	11 район дӓ 3 хала	11 муниципальный район, 3 хала округ	шукырак увер
28	Краснодарский край	75485	↗5 833 002	Краснодар]]	37 район дӓ 15 хала	37 муниципальный район, 8 хала округ	шукырак увер
29	Красноярский край	2366797	↗2 846 120	Красноярск	54 район дӓ 19 хала	44 муниципальный район, 17 хала округ	шукырак увер
30	Пермский край	160236	↘2 495 266	Пермь	33 район дӓ 14 хала	42 муниципальный район, 6 хала округов	шукырак увер
31	Приморский край	164673	↘1 806 393	Владивосток	22 район дӓ 12 хала	22 муниципальный район, 12 хала округ	шукырак увер
32	Ставропольский край	66160	↘2 886 108	Ставрополь	26 район дӓ 10 хала	26 муниципальный район, 9 хала округ	шукырак увер
33	Хабаровский край	787633	↘1 278 132	Хабаровск	17 район дӓ 6 хала	17 муниципальный район, 2 хала округ	шукырак увер
33.000003	Областьвлӓ
34	Амурский область	361908	↘750 083	Благовещенск	20 район дӓ 7 хала	20 муниципальный район, 8 хала округ	шукырак увер
35	Архангельский область^[4]	589913	↘998 072	Архангельск	20 район дӓ 8 хала (НАО доно)	19 муниципальный район, 7 хала округ (НАО гӹц пасна)	шукырак увер
36	Астраханский область	49024	↘946 429	Астрахань	11 район дӓ 3 хала	11 муниципальный район, 2 хала округ	шукырак увер
37	Белгородский область	27134	↘1 500 659	Белгород	21 район дӓ 6 хала	19 муниципальный район, 3 хала округ	шукырак увер
38	Брянский область	34857	↘1 142 404	Брянск	27 район дӓ 5 хала	27 муниципальный район, 6 хала округ	шукырак увер
39	Владимирский область	29084	↘1 309 942	Владимир	16 район дӓ 10 хала	16 муниципальный район, 5 хала округ	шукырак увер
40	Волгоградский область	112877	↘2 453 898	Волгоград	32 района и 6 городов	32 муниципальных района, 6 городских округов	шукырак увер
41	Вологодский область	144527	↘1 121 343	Вологда	26 район дӓ 4 хала	26 муниципальный район, 2 хала округ	шукырак увер
42	Воронежский область	52216	↘2 273 417	Воронеж	32 район дӓ 15 хала	31 муниципальный район, 3 хала округ	шукырак увер
43	Запорожский область	27183 (де-юре)		Мелитополь	13 район, 3 хала	13 муниципальный район, 3 хала округ
44	Ивановский область	21437	↘905 900	Иваново	21 район дӓ 6 хала	21 муниципальный район, 6 хала округ	шукырак увер
45	Иркутский область	774846	↘2 330 537	Иркутск	33 район дӓ 14 хала	27 муниципальный район, 9 хала округ	шукырак увер
46	Калининградский область	15125	↗1 033 914	Калининград	13 район дӓ 6 хала	15 муниципальный район, 7 хала округ	шукырак увер
47	Калужский область	29777	↘1 068 410	Калуга	24 район дӓ 4 хала	24 муниципальный район, 2 хала округ	шукырак увер
48	Кемеровский область — Кузбасс^[5]	95725	↘2 547 684	Кемерово	19 район дӓ 18 хала	18 муниципальныйрайонов, 16 городских округов	шукырак увер
49	Кировский область	120374	↘1 129 935	Киров	39 район дӓ 5 хала	39 муниципальный район, 6 хала округ	шукырак увер
50	Костромской область	60211	↘566 266	Кострома	24 район дӓ 8 хала	24 муниципальный район, 6 хала округ	шукырак увер
51	Курганский область	71488	↘753 002	Курган	24 район дӓ 9 хала	24 муниципальный район, 2 хала округ	шукырак увер
52	Курский область	29997	↘1 060 892	Курск	28 район дӓ 5 хала	28 муниципальный район, 5 хала округ	шукырак увер
53	Ленинградский область	83908	↗2 035 762	Гатчина (де-юре), Санкт-Петербург (де-факто)	17 район дӓ 20 хала	17 муниципальный район, 1 хала округ	шукырак увер
54	Липецкий область	24047	↘1 116 265	Липецк	8 район дӓ 2 хала	18 муниципальный район, 2 хала округ	шукырак увер
55	Магаданский область	462464	↘133 387	Магадан	8 районов и 2 города	8 муниципальный район, 1 хала округ	шукырак увер
56	Московский область	44329	↗8 651 260	Москва^[6], правительство Красногорскышты	38 район дӓ 56 хала	16 муниципальный район, 51 хала округ (46 хала дӓ 5 ЗАТО), 2019 и гӹц 63 хала округ	шукырак увер
57	Мурманский область	144902	↘656 438	Мурманск	5 район дӓ 13 хала	5 муниципальный район, 14 хала округ	шукырак увер
58	Нижегородский область	76624	↘3 060 335	Нижний Новгород	48 район дӓ 12 хала	48 муниципальный районов, 4 хала округ	шукырак увер
59	Новгородский область	54501	↘571 447	Великий Новгород	21 район дӓ 10 хала	21 муниципальный район, 1 хала округ	шукырак увер
60	Новосибирский область	177756	↘2 789 532	Новосибирск	30 район дӓ 7 хала	30 муниципальный район, 5 хала округ	шукырак увер
61	Омский область	141140	↘1 818 093	Омск	32 район дӓ 6 хала	32 муниципальный район, 1 хала округ	шукырак увер
62	Оренбургский область	123702	↘1 828 656	Оренбург	35 райони 12 хала	35 муниципальный район, 9 хала округ	подробнее
63	Орловский область	24652	↘692 486	Орёл	24 район дӓ 3 хала	24 муниципальный район, 3 хала округ	шукырак увер
64	Пензенский область	43352	↘1 236 113	Пенза	28 район дӓ 5 хала	27 муниципальный район, 3 хала округ	шукырак увер
65	Псковский область	55399	↘581 147	Псков	24 район дӓ 2 хала	24 муниципальный район, 2 хала округ	шукырак увер
66	Ростовский область	100967	↘4 152 518	Ростов-на-Дону	43 район дӓ 16 хала	43 муниципальный район, 12 хала округ	шукырак увер
67	Рязанский область	39605	↘1 082 231	Рязань	25 район дӓ 4 хала	25 муниципальный район, 4 хала округ	шукырак увер
68	Самарский область]	53565	↘3 127 842	Самара	27 район дӓ 10 хала	27 муниципальный район, 10 хала округ	шукырак увер
69	Саратовский область	101240	↘2 385 163	Саратов	38 район дӓ 13 хала	38 муниципальный район, 4 хала округ	шукырак увер
70	Сахалинский область	87101	↘457 590	Южно-Сахалинск	17 район дӓ 9 хала	1 муниципальный район, 17 хала округ	шукырак увер
71	Свердловский область	194307	↘4 222 695	Екатеринбург	30 район дӓ 34 хала	5 муниципальный район, 68 хала округ	шукырак увер
72	Смоленский область	49779	↘863 987	Смоленск	25 район дӓ 2 хала	25 муниципальный район, 2 хала округ	шукырак увер
73	Тамбовский область	34462	↘956 292	Тамбов	23 район дӓ 7 хала	23 муниципальный район, 7 хала округ	шукырак увер
74	Тверской область	84201	↘1 199 747	Тверь	36 район дӓ 12 хала	36 муниципальный район, 7 хала округ	шукырак увер
75	Томский область	314391	↘1 043 385	Томск	16 район дӓ 6 хала	16 муниципальный район, 4 хала округ	шукырак увер
76	Тульский область	25679	↘1 471 140	Тула	23 район дӓ 9 хала	23 муниципальный район, 3 хала округ	шукырак увер
77	Тюменский область^[7]	1464173	↗3 890 800	Тюмень	38 район и 26 хала (ХМАО дӓ ЯНАО доно)	21 муниципальный район, 5 хала округ (ХМАО дӓ ЯНАО гӹц пасна)	шукырак увер
78	Ульяновский область	37181	↘1 172 782	Ульяновск	21 район дӓ 6 хала	21 муниципальный район, 3 хала округ	шукырак увер
79	Херсонский область			Херсон (де-юре), Геническ]] (де-факто)	18 район, 2 хала	18 муниципальный район, 2 хала округ
80	Челябинский область	88529	↘3 395 798	Челябинск	24 район дӓ 23 хала	27 муниципальный район, 16 хала округ	шукырак увер
81	Ярославский область	36177	↘1 187 558	Ярославль	17 район дӓ 11 хала	17 муниципальный район, 3 хала округ	шукырак увер
81.000004	Федеральный значениӓн халавлӓ
82	Москва	2561	↗13 149 803	Москва	12 административный округ	146 хала кӧргӹштӹшӹ муниципальный образовани (125 муниципальный округ, 2 хала округ, 19 поселени)	шукырак увер
83	Санкт-Петербург	1403	↘5 597 763	Санкт-Петербург	18 район	111 хала кӧргӹштӹшӹ муниципальный образовани (81 муниципальный округ, 9 хала дӓ 21 посёлкы)	шукырак увер
84	Севастополь	864	↗561 374	Севастополь	4 район	10 хала кӧргӹштӹшӹ муниципальный образовани (9 муниципальный округ, 1 хала)	шукырак увер
84.000005	Автономный область
85	Еврейский АО	36271	↘145 802	Биробиджан	5 район дӓ 1 хала	5 муниципальный район, 1 хала округ	шукырак увер
85.000006	Автономный округвлӓ
86	Ненецкий АО^[4]	176810	↗42 224	Нарьян-Мар	1 район дӓ 1 хала	1 муниципальный район, 1 хала округ	шукырак увер
87	Ханты-Мансийский АО — Югра^[7]	534801	↗1 759 386	Ханты-Мансийск	9 район дӓ 14 хала	9 муниципальный район, 13 хала округ	шукырак увер
88	Чукотский АО	721481	↗48 029	Анадырь	8 район дӓ 1 хал	6 муниципальный район, 1 хала округ	шукырак увер
89	Ямало-Ненецкий АО^[7]	769250	↗515 960	Салехард	7 район дӓ 8 хала	7 муниципальный район, 6 хала округ	шукырак увер
89.000007	Россий Федераци^[8]	17233900	↘146 150 789	Москва

Россий Федерацин субъектвлӓн видвлӓ

Таблицӹштӹ Россий Федерацин каждый тип субъектӹн конституционно-правовой статусыштын айыртемвлӓштӹ анжыкталтыт. Скобкышты Россий Федерацин Конституцин келшӹшӹ положениӓн статьявлӓжӹ анжыкталтыныт.

Республика	Россий Федерацин Конституциштӹ «кугижӓншӹ» семӹнь ынгылдарымы (5-шӹ статьян 2-шы часть): Республикӹн (кугижӓншӹн) ӹшке конституцижӹ дӓ законодательствыжы улы. статус Россий Федерацин Конституцижӹ дӓ республикӹн конституцижӹ доно пингӹдемдӓлтеш (5-шӹ статьян 2-шы часть, 66-шы статьян 1-шӹ часть); кугижӓншӹ власть органвлӓштӹ, вӓрӹштӹшӹ самоуправлени органвлӓштӹ, республикӹвлӓн кугижӓншӹ учрежденивлӓштӹ руш йӹлмӹ тӧреш кычылталтшы ӹшке кугижӓншӹ йӹлмӹвлӓм пингӹдемден кердеш (68-шӹ статьян 2-шы часть).
Край, область, федеральный значениӓн хала	статус Россий субъектӹн законодательный (представительный) орган доно принимайымы Россий Федерацин Конституцижӹ дӓ регионын уставшы (конституцижӹ) доно птнгӹдемдӓлтеш (66-шы статьян 5-шӹ часть, 2-шы часть).
Автономный область	статус Россий Федерацин Конституци дӓ регионын законодательный (представительный) орган доно принимайымы атономиӓн областьын уставшы доно пингӹдемдӓлтеш (5-шӹ статьян 2-шы часть, 66-шы статьян 2-шы часть); автономный область гишӓн федеральный законым пырташ лиэш (66-шы статьян 3-шы часть).
Автономный округ	статус Россий Федерацин Конституци дӓ регионын законодательный (представительный) орган доно принимайымы атономный округын уставшы доно пингӹдемдӓлтеш (5-шӹ статьян 2-шы часть, 66-шы статьян 2-шы часть); автономный округ гишӓн федеральный законым пырташ лиэш (66-шы статьян 3-шы часть); край ӓль область составыш пырышы автономный округвлӓ лошты кӹл федеральный закон дӓ автономный округ дӓ край ӓль область лошты договор доно регулируялтеш (66-шы статьян 4-шӹ часть)^[10].

Субъектвлӓн правашты дӓ полномочивлӓштӹ

2005-2011 ивлӓн Россий Федераци субъектвлӓн главам айырымаш полномочим пумы процедура доно вашталтын.

Полномочи дӓ прававлӓм шоктымы пӓшӓ кыце-шон ӹнжӹ ӹштӓлт манын, Федераци субъектвлӓн правам дӓ полномочивлӓм шоктышы цымыр принципвлӓм пингӹдемдӓ (шамак толшеш, субъектвлӓн кугижӓншӹ властьын законодательный (представительный) дӓ исполнительный органвлӓн цымыр принципвлӓм организуйымаш дӓ т.м.)

Федераци субъектвлӓн ӹшкӹмӹштӹн исполнительный дӓ законодательный дӓ, тамахань монгырым, судебный властьын органвлӓштӹ улы. Мировой судьявлӓм федерацин субъектӹн законодательный властьын органвлӓ шагалтат (пингӹдемдӓт). Тенгеок федераци субъектвлӓн вӓрӹштӹшӹ самоуправлени органвлӓн пӓшӓштӹм регулируйымаш ядмашвлӓ шотышты шукы полномочиштӹ улы (муниципальный образованин представительный властьын органвлӓн лӹмӹштӹм пӓлемдӹмӓш, муниципалитетвлӓштӹ айырымаш ядмашвлӓ, муниципальный образованивлӓлӓн пасна полномочивлӓм делигируйымаш дӓ т.м.)

Федераци субъектвлӓн ӹшкӹмӹштӹн конституциштӹ ӓль уставышты, тенгеок регионыштышы парламент доно пингӹдемдӹмӹ ӹшкӹмӹштӹн законодательствышты улы.

Федераци Советӹштӹ — Россий Федерацин Федеральный собранин кӱшӹл палатышты — субъектвлӓн кок представитель рӓдӹ улы: законодательный дӓ испонительный властьын органвлӓ гӹц.

Молы

Федераци субъектвлӓн кодвлӓ

Россий Федерациштӹшӹ субъектвлӓн сакой йиш кодировкывлӓштӹ улы, тенге нӹнӹлӓн сакой цельлӓн цифран ӓль букваан пӓлӹм пуат.

Российӹн территори ӹштӓлтмӹн вес айыртемвлӓ

Тӹлец пасна, Россий Федераци субъектвлӓ группируялтыт:

8 федеральный округ (2010 и якте – 7, 2014-2016 ивлӓн – 9);
12 экономический район;
10 географический район;
8 пӧрттӱ район^[11];
4 военный округ (2010 и якте — 6);
11 цӓш пояс (2010-2014 ивлӓн — 9).

Тенгеок Россий Федерацин федеральный законвлӓ семӹнь федеральный территоривлӓ ӹштӓлт кердӹт, нӹнӹм иктӓ-махань субъектӹш пырышы ӓль пырыдымы федеральный властьвлӓ виктӓрӓт. Конкретный федеральный территори доно кугижӓншӹ управленин режимжӹ ти территорим ӹштӹшӹ федеральный закон доно пӓлемдӓлтеш. 2020 ин Сириус федеральный территорим ӹштӹмӹ^[12]. 2020 и 16 марташ РФ Конституционный Судын Иктешлӹмӓшӹштӹжӹ пӓлемдӹмӹ семӹнь, федеральный территоривлӓм Россий Федераци субъектӹн статусшы доно тӧр ылшы статусан федеральный территорим ӹштӓш йӧнӹм ак пӓлемдӹ^[13].

Россий федерализмӹн историжӹ

1992 ин Российӹштӹшӹ регионвлӓ полномочивлӓм пайылымы гишӓн Федеральный договорым подписӓенӹт, тӹнӓмок тӹдӹм 1978 ин пингӹдемдӹмӹ Россий Конституцин текстӹш пыртымы.

1993 ин, кӹзӹтшӹ Конституцим пингӹдемдӹмӹкӹ, 89 субъектӹм шотлымы. 2008 и 1 март гӹц, регионвлӓм ушымы паштек, 83 Россий Федерацин субъект кодын, а Крымым Российӹш признайыдымы пыртымашым шотыш нӓлӹн, 2014 и 18 март гӹц Россий Федерациштӹ 85 субъект улы.

СССР шӓлӓнӹмӹ паштек федеративный устройствышты ӓль Российӹн субъектвлӓн цикӹштӹ вашталтмашвлӓ

1990-шы ивлӓ

СССР шӓлӓнӹмӹкӹ, суверенитетвлӓн парад эртен, тидӹ РСФСР-ӹн дӓ тӹдӹн составыш пырышы республикӹвлӓн законодательствышты конфликтӹм шачыктен.
РСФСР (1991 и май якте — АССР) составыш пырышы цилӓ Советский Социалистический Республикӹвлӓ республика линӹт.
Адыгейский, Горно-Алтайский, Карачаево-Черкесский дӓ Хакасский автономный областьвлӓ республикӹвлӓш сӓрнӓлтӹнӹт.
Областьвлӓн лӹмӹм вашталтымы: Горьковский – Нижегородскийӹш, Калиниский – Тверскойыш дӓ Куйбышевский – Самарскийӹш.
Цилӓ автономный округ законым пингӹдемдӹмӹ доно область дӓ крайвлӓ гӹц лӓктӹн кердӹнӹт, тенге Чукотский автономный округ Магадан область состав гӹц лӓктӹн.
Чечено-Ингушский АССР 2 республикеш шӓлӓнен: Чечня дӓ Ингушети.
РСФСР-ӹн республикӹн подчинеништӹ ылшы Москва дӓ Санкт-Петербург (анзыц – Ленинград хала) халавлӓ федеральный значениӓн халавлӓш сӓрнӓлтӹнӹт.
1992 ин 31 мартын Россий Федерацин регионвлӓ (Татарстан дон Чесчно-Ингушети («Ичкери») гӹц пасна) федеральный центрӹн дӓ регионыштышы власть органвлӓн полномочивлӓштӹм циклӹшӹ федеративный договорым подписӓенӹт, варарак федеративный договорым действуйышы конституциш пыртенӹт^[14]. Кужын шыпшылтшы переговорвлӓ паштек 1994 ин 15 февральын Татарстан федеральный дӓ республиканский властьын органвлӓ лошты видӹмӹ предметвлӓм циклӹшӹ Россий Федерацин кок монгыран договорым подписӓен^[15].
1993 ин, Россий Федерацин у Конституцим пингӹдемдӹмӹкӹ, цилӓ республика, край, область, автономный округ, Москва дӓ Санкт-Петербург халавлӓ, тенгеок Еврейский автономный область (Хабаровск край состав гӹц лӓктӹн) Россий Федерацин тӧр праваан субъектвлӓжӹ линӹт.
1994 ин Ивановский областьын (2100 км2) Сокольский районжы Нижегородский область составыш ванжен.

2000-шӹ ивлӓ

2003 ин 7 декабрьын Пермский область дон Коми-Пермяцкий ОА-м Пермский крайыш ушымы шотышты референдум эртӓрӓлтӹн. Шукы юкшок ушымаш верц ылыныт. Ушымаш 2005 ин 1 декабрьын вим нӓлӹн^[16].
2005 ин 17 апрельӹн Таймырский дӓ Эвенский АО-влӓм Красноярский крайыш ушымы шотышты референдум эртӓрӓлтӹн. Шукы юкшок ушымаш верц ылын. Ушымаш 2007 ин 1 январьын вим нӓлӹн.
2005 ин 23 октябрьын Камчатка область дӓ Корякский АО-м Камчатка крайыш ушымы шотышты референдум эртӓрӓлтӹн. Шукы юкшок ушымаш верц ылын. Ушымаш 2007 ин 1 июльын вим нӓлӹн.
2006 ин 16 апрельӹн Усть-Ордынск Буряти АО-м Иркутск областьыш ушымы шотышты референдум эртӓрӓлтӹн. Шукы юкшок ушымаш верц ылыныт. Ушымаш 2008 ин 1 январьын вим нӓлӹн.
2007 ин 11 мартын Чита область дон Агинск Буряти АО-м Забайкальский крайыш ушымы шотышты референдум эртӓрӓлтӹн. Шукы юкшок ушымаш верц ылыныт. Ушымаш 2008 ин 1 мартын вим нӓлӹн.

2010-шы ивлӓ

2012 ин 1 июльын Москва халан территорижӹ Москва областьын лишӹл районвлӓ велдӹк 2,4 пачаш кушкын.
2014 ин 18 мартын Крымым РФ-ш ушымы годым полуостровышты Россий Федерацин у субъектвлӓм пачмы: Крым Республика дӓ федеральный значениӓн Севастополь хала.
2018 ин 26 сентябрьын Ингушети дӓ Чечня республикӹвлӓн глававлӓштӹ «Ингушети дон Чечня лошты цикӹм пингӹдемдӹмӹ гишӓн соглашеним» подписӓенӹт. Тӹдӹн семӹнь, молнамшы Чечено-Ингушский АССР-ӹштӹшӹ Сунженский районым Ингушетиш пырышы Сунженский районеш дӓ Чечня кӧргӹштӹшӹ Суженсккий районеш (варарак Серноводский район манын лӹмдӹмӹ) шелмӹ.

2020-шы ивлӓ

2022 ин 30 сентябрьын Россий президент Владимир Путин, ДНР глава Денис Пушилин, ЛНР глава Леонид Пасечник, Запорожский областьын администрацин глава Евгений Балицкий дӓ Херсонский областьын администрацин глава Владимир Сальдо нӹл регионын Российӹн составыш пырымы гишӓн соглашеним подписӓенӹт. Федерацин у субъектвлӓ ӹштӓлтӹнӹт: Донецк Халык Республика, Луганск Халык Республика, Херсонский дӓ Запорожский областьвлӓ.

Картывлӓ

Россий Федерацин субъектвлӓ 1994 и 3 февраль гӹц 2005 и 1 декабрь якте	Россий Федерацин субъектвлӓ 2005 и 1 декабрь гӹц 2007 и 1 январь якте
Россий Федерацин субъектвлӓ 2007 и 1 январь гӹц 1 июль якте	Россий Федерацин субъектвлӓ 2007 и 1 июль гӹц 2008 и 1 январь якте
Россий Федерацин субъектвлӓ 2008 и 1 январь гӹц 1 март якте	Россий Федерацин субъектвлӓ 2008 и 1 март гӹц 2012 и 1 июль якте
Россий Федерацин субъектвлӓ 2012 и 1 июль гӹц 2014 и 18 март якте	Россий Федерацин субъектвлӓ 2014 и 18 март гӹц 2022 и 30 сентябрь якте

Российӹн федеративный устройствын анзыкылашыжы

Регионвлӓн пакыла кушмыштын перспектива

Архангельски область дон Ненецки автономный округым Поморски (Архангельски, Северный) крайыш, Санкт-Петербург дон Ленинград областьым Петербург губерниш (Невски, Санкт-петербургски край), Москва дон Москва областьым Москва Федеральный округыш ӓль Москва дӓ Тверь областьвлӓм Центральный (Подмосковный) областьыш дӓ т.м. ушымы шотышты предварительный пӓшӓ ӹштӓлтӹн, но ушымаш процессвлӓм шагалтенӹт. Тенгеок Еврейски автономный областьым пӹтӓрӹмӹ дӓ тӹдӹн территорижӹм пашкуды Хабаровски крайыш ӓль Амурски областьыш ушымы гишӓн вариантвлӓм кӓнгӓшенӹт.

Россий Федерацин кымдеэммӹн порядкы

2001 и 17 декабряш 6-ФКЗ №-ӓн «Россий Федерациш пыртымаш порядкы дӓ тӹдӹн составышты Россий Федерацин у субъектвлӓм ӹштӹмӹ гишӓн» Федеральный конституционный закон семӹнь, Россий Федерацим кымдаэмдӓш вескид кугижӓншӹвлӓм ӓль нӹнӹн частыштым федерацин субъектшӹ семӹнь ушымы доно лиэш, но тидӹ лач Россий дон интересӓн вес кугижӓншӹн келшӹмӹштӹ донов еле ӹштӓлт кердеш.

Россий составыш вескид кугижӓншӹн территориштӹ ӹштӓлтшӹ у федераци субъектӹм пыртымы гишӓн инициатива РФ составыш пыраш шанышы территори гӹц пырышашлык, дӓ лач кугижӓншӹ гӹцок веле, айырлышы частьшы гӹц агыл. Ти законын положенижӹм 2004 ин РФ Конституционный суд признайыдымы Кечӹвӓлвел Осети Республикӹн РФ составыш пыраш ядмыжы гишӓн пингӹдемден^[17]^[18]. Закон кӱкшӹцӹштӹ Российӹн территориш вескид кугижӓншӹвлӓм остаткавлӓжӹн тӹнг властьвлӓ гӹц яддеок ушаш 2005-шӹ дӓ 2014-шӹ ивлӓн пингӹдемдӓш шаненӹт, но пӹтӓришӹ законопроектӹм (техень ушымашым СССР-ӹм переген кодымаш гишӓн референдумын итогшы доно кӹлденӹт) Кугижӓншӹ дума карангден^[19], а кокшыжым (РФ составыш «эффектӓн суверенный» власть дӓ граждански прававлӓм^[17]) был отозван из Государственной думы инициаторами^[20] властьын обеспечиваяш йӧнжӹ укеӓн вескид кугижӓншӹн частьшым пыртен кердшӹ) Кугижӓншӹ думын инициаторвлӓ Российӹн Крымым независимыеш признайымыжы гишӓн отзываенӹт, тӹдӹн инициаторвлӓжӹ тӹдӹм ушаш куштылгырак законопроектӹм предлагаенӹт^[21]^[22].

Россий составыш у территорим субъект (субъектвлӓ) семӹнь пырташ предложени пырымыкы, РФ Президент Россий парламент дӓ правительствылан увертӓрӓ дӓ, келеш гӹнь, нӹнӹлӓн консультацивлӓм эртӓрӓ. Ушымаш келшӹшӹ договорым ӹштӹмӹ доно ӹштӓлтеш, тӹштӹ у субъектӹн (субъектвлӓн) лӹм дӓ статус пӓлемдӓлтӹт (республика, край, область ӓль автономи), ушымы территоривлӓштӹ ӹлӹшӹвлӓн Россий гражданствым нӓлмӓш, Российӹн составыш нӓлмӹ вескид кугижӓншӹ шотышты правопреемство, у территоривлӓштӹ Россий законодательство дӓ власть органвлӓн пӓшӓштӹ пӓлемдӓлтеш. Договор палшымы доно тенгеок Россий территориш ванжаш переходный периодым ӹштӓш лиэш.

Договорым подписӓйӹмӹкӹ, президент тӹдӹм Конституционный судыш анжаш колта дӓ, КС яжо иктешлӹмӓшӹм ӹштӓ гӹнь, договорын ратификаци гишӓн федеральный законын проектвлӓм дӓ у территорин Российӹш пыртымы гишӓн федеральный конституционный законым Российӹн парламентӹш пырта. Остатка акт, кыды тенгеок у субъектвлӓн лӹмӹштӹм Россий конституциш пырта, вим Россий Федерацилӓн дӓ вескид кугижӓншӹлӓн Российӹш у территорим ушымы гишӓн международный договор вим нӓлмӹкӹ веле нӓлеш^[23].

Примечани

↑ Robin Geiss. Russia’s annexation of Crimea: The mills of international law grind slowly but they do grind(англ.) // International Law Studies. — 2015. — Vol. 91, iss. 1. — P. 425–449. — ISSN 2375-2831.
↑ Конституция Российской Федерации (неопр.). publication.pravo.gov.ru. Тергӹмӹ кечӹ: 6 октябрьын 2022.
↑ Алтай Республика > Данные не обнаружены. Возможно, страница переименовывалась. Проверьте справочник
↑ ¹ ² В состав Архангельской области входит Ненецкий автономный округ.
↑ Указ президента Российской Федерации Архивный копи от 28 майын 2022 на Wayback Machine О включении нового наименования субъекта Российской Федерации в статью 65 Конституции Российской Федерации
↑ Административный центр — город Москва не входит в состав Московской области
↑ ¹ ² ³ В состав Тюменской области входит Ханты-Мансийский автономный округ — Югра и Ямало-Ненецкий автономный округ.
↑ Площадь и население указаны включая Республику Крым и город федерального значения Севастополь. Площадь РФ без Республики Крым и города федерального значения Севастополя составляет 17 206 955 км².
↑ Оценка численности постоянного населения на 1 января 2024 г. и в среднем за 2023 г. и компоненты её изменения. Федеральная служба государственной статистики (руш.) (22 мартын 2024). Тергӹмӹ кечӹ: 25 мартын 2024.
↑ Конституционный суд Российской Федерации в своём постановлении Архивный копи от 9 мартын 2017 на Wayback Machine от 14 июля 1997 года № 12-П «По делу о толковании содержащегося в части 4 статьи 66 Конституции Российской Федерации положения о вхождении автономного округа в состав края, области» установил, что «часть 4 статьи 66 Конституции Российской Федерации о вхождении автономного округа в состав края, области носит констатирующий характер. Употребление термина „входящий“ означает признание Конституцией Российской Федерации существовавшего до её вступления в силу положения, согласно которому автономные округа, не оформившие изменение своего статуса, по-прежнему входят в состав соответствующего края или области». На сегодняшний день таковыми являются все автономные округа, кроме Чукотского автономного округа.
↑ Природные районы России (неопр.). Тергӹмӹ кечӹ: 15 ноябрьын 2015. Архивируйымы 17 ноябрьын 2015 года.
↑ Федеральный закон (неопр.). Тергӹмӹ кечӹ: 4 августын 2022. Архивируйымы 4 августын 2022 года.
↑ Васильева Н.В., Праскова С.В., Пятковская Ю.В. КОНСТИТУЦИОННЫЙ СТАТУС ФЕДЕРАЛЬНЫХ ТЕРРИТОРИЙ В РОССИИ: ТЕОРЕТИЧЕСКИЕ ОСНОВЫ ЗАКОНОДАТЕЛЬНОГО РЕГУЛИРОВАНИЯ // Правоприменение. — 2021. — № 1. Архивировано 4 августын 2022 года.
↑ Федеративный договор Архивный копи от 19 февральын 2009 на Wayback Machine 1992 года был утверждён Постановлением Съезда народных депутатов РФ от 10 апреля 1992 года «О Федеративном договоре». Законом РФ от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики» положения Федеративного договора были включены в Конституцию РСФСР 1978 года.
↑ Бушуев А.С. История переговоров Российской Федерации и Республики Татарстан в 1991-1994 годах // Федерализм. — 2014. — № 2. — С. 155—162. — ISSN 2073-1051.
↑ Государственный Архив Пермского Края — Хроника событий по объединению двух субъектов РФ (неопр.). Тергӹмӹ кечӹ: 19 октябрьын 2009. Архивировано из оригинала 29 майын 2014 года.
↑ ¹ ² Углубление фарватера. Сможет ли Крым отделиться от Украины. Lenta.ru, 07.03.2014. (неопр.) Тергӹмӹ кечӹ: 9 январьын 2016. Архивируйымы 7 мартын 2014 года.
↑ Конституционный суд разъяснил Андрею Кокошину, как можно присоединить Южную Осетию к России (неопр.). Грани.ру (5 августын 2004). Тергӹмӹ кечӹ: 9 январьын 2016. Архивируйымы 4 мартын 2016 года.
↑ Госдума отказалась включать в состав РФ иностранные государства, Коммерсантъ (12.03.2005). Архивировано 26 январьын 2016 года. Дата обращения: 9 январьын 2016.
↑ Законопроект об упрощённом порядке принятия нового субъекта в состав РФ отозван из Госдумы (неопр.). Тергӹмӹ кечӹ: 9 январьын 2016. Архивируйымы 15 апрельӹн 2022 года.
↑ Закон об упрощении принятия в РФ части иного государства могут принять на следующей неделе, ТАСС (6 мартын 2014). Архивировано 26 январьын 2016 года. Дата обращения: 9 январьын 2016.
↑ Пояснительная записка к проекту федерального конституционного закона «О внесении изменений в Федеральный конституционный закон „О порядке принятия в Российскую Федерацию и образования в её составе нового субъекта Российской Федерации“» (неопр.). Тергӹмӹ кечӹ: 9 январьын 2016. Архивируйымы 4 мартын 2016 года.
↑ Федеральный конституционный закон от 17 декабря 2001 г. N 6-ФКЗ «О порядке принятия в Российскую Федерацию и образования в её составе нового субъекта Российской Федерации» (неопр.). Тергӹмӹ кечӹ: 9 январьын 2016. Архивируйымы 16 январьын 2016 года.

[1] Robin Geiss. Russia’s annexation of Crimea: The mills of international law grind slowly but they do grind(англ.) // International Law Studies. — 2015. — Vol. 91, iss. 1. — P. 425–449. — ISSN 2375-2831.

[2] Конституция Российской Федерации (неопр.). publication.pravo.gov.ru. Тергӹмӹ кечӹ: 6 октябрьын 2022.

[3] Алтай Республика > Данные не обнаружены. Возможно, страница переименовывалась. Проверьте справочник

[arh-4] ¹ ² В состав Архангельской области входит Ненецкий автономный округ.

[5] Указ президента Российской Федерации Архивный копи от 28 майын 2022 на Wayback Machine О включении нового наименования субъекта Российской Федерации в статью 65 Конституции Российской Федерации

[6] Административный центр — город Москва не входит в состав Московской области

[tumen-7] ¹ ² ³ В состав Тюменской области входит Ханты-Мансийский автономный округ — Югра и Ямало-Ненецкий автономный округ.

[8] Площадь и население указаны включая Республику Крым и город федерального значения Севастополь. Площадь РФ без Республики Крым и города федерального значения Севастополя составляет 17 206 955 км².

[2024AB-9] Оценка численности постоянного населения на 1 января 2024 г. и в среднем за 2023 г. и компоненты её изменения. Федеральная служба государственной статистики (руш.) (22 мартын 2024). Тергӹмӹ кечӹ: 25 мартын 2024.

[Including-10] Конституционный суд Российской Федерации в своём постановлении Архивный копи от 9 мартын 2017 на Wayback Machine от 14 июля 1997 года № 12-П «По делу о толковании содержащегося в части 4 статьи 66 Конституции Российской Федерации положения о вхождении автономного округа в состав края, области» установил, что «часть 4 статьи 66 Конституции Российской Федерации о вхождении автономного округа в состав края, области носит констатирующий характер. Употребление термина „входящий“ означает признание Конституцией Российской Федерации существовавшего до её вступления в силу положения, согласно которому автономные округа, не оформившие изменение своего статуса, по-прежнему входят в состав соответствующего края или области». На сегодняшний день таковыми являются все автономные округа, кроме Чукотского автономного округа.

[11] Природные районы России (неопр.). Тергӹмӹ кечӹ: 15 ноябрьын 2015. Архивируйымы 17 ноябрьын 2015 года.

[12] Федеральный закон (неопр.). Тергӹмӹ кечӹ: 4 августын 2022. Архивируйымы 4 августын 2022 года.

[13] Васильева Н.В., Праскова С.В., Пятковская Ю.В. КОНСТИТУЦИОННЫЙ СТАТУС ФЕДЕРАЛЬНЫХ ТЕРРИТОРИЙ В РОССИИ: ТЕОРЕТИЧЕСКИЕ ОСНОВЫ ЗАКОНОДАТЕЛЬНОГО РЕГУЛИРОВАНИЯ // Правоприменение. — 2021. — № 1. Архивировано 4 августын 2022 года.

[14] Федеративный договор Архивный копи от 19 февральын 2009 на Wayback Machine 1992 года был утверждён Постановлением Съезда народных депутатов РФ от 10 апреля 1992 года «О Федеративном договоре». Законом РФ от 21 апреля 1992 года № 2708-I «Об изменениях и дополнениях Конституции (Основного Закона) Российской Советской Федеративной Социалистической Республики» положения Федеративного договора были включены в Конституцию РСФСР 1978 года.

[15] Бушуев А.С. История переговоров Российской Федерации и Республики Татарстан в 1991-1994 годах // Федерализм. — 2014. — № 2. — С. 155—162. — ISSN 2073-1051.

[16] Государственный Архив Пермского Края — Хроника событий по объединению двух субъектов РФ (неопр.). Тергӹмӹ кечӹ: 19 октябрьын 2009. Архивировано из оригинала 29 майын 2014 года.

[Фарватер-17] ¹ ² Углубление фарватера. Сможет ли Крым отделиться от Украины. Lenta.ru, 07.03.2014. (неопр.) Тергӹмӹ кечӹ: 9 январьын 2016. Архивируйымы 7 мартын 2014 года.

[18] Конституционный суд разъяснил Андрею Кокошину, как можно присоединить Южную Осетию к России (неопр.). Грани.ру (5 августын 2004). Тергӹмӹ кечӹ: 9 январьын 2016. Архивируйымы 4 мартын 2016 года.

[19] Госдума отказалась включать в состав РФ иностранные государства, Коммерсантъ (12.03.2005). Архивировано 26 январьын 2016 года. Дата обращения: 9 январьын 2016.

[20] Законопроект об упрощённом порядке принятия нового субъекта в состав РФ отозван из Госдумы (неопр.). Тергӹмӹ кечӹ: 9 январьын 2016. Архивируйымы 15 апрельӹн 2022 года.

[21] Закон об упрощении принятия в РФ части иного государства могут принять на следующей неделе, ТАСС (6 мартын 2014). Архивировано 26 январьын 2016 года. Дата обращения: 9 январьын 2016.

[22] Пояснительная записка к проекту федерального конституционного закона «О внесении изменений в Федеральный конституционный закон „О порядке принятия в Российскую Федерацию и образования в её составе нового субъекта Российской Федерации“» (неопр.). Тергӹмӹ кечӹ: 9 январьын 2016. Архивируйымы 4 мартын 2016 года.

[ФКЗ-23] Федеральный конституционный закон от 17 декабря 2001 г. N 6-ФКЗ «О порядке принятия в Российскую Федерацию и образования в её составе нового субъекта Российской Федерации» (неопр.). Тергӹмӹ кечӹ: 9 январьын 2016. Архивируйымы 16 январьын 2016 года.

[1]

[2]

[9]

[3]

[4]

[5]

[6]

[7]

[8]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]