Россий Федерацин мӹндӹр авиацин кечӹ
| Россий Федерацин мӹндӹр авиацин кечӹ | |
|---|---|
 нелӹ бомбардировщик Илья Муромец — РФ ВВС-ын мӹндӹр авиацин пионержӹ | |
| Тип | Профессиональный айо |
| Ӹштӓлтӹн | 1999 ин РФ ВВС-ын главкомжы Анатолий Корнуков |
| Пӓлемдӓт | Российӹн Вооруженный Силажы |
| Кечӹ | 23 декабрь |
| Пӓлемдӹмӓш | 23 декабрь |
| Кӹлдӓлтӹн | Российский империштӹ икшӹ нелӹ бомбардировщик эскадрым ӹштӹмӓш |
Россий Федерацин мӹндӹр авиацин кечӹ — мӹндӹр (стратегический) авиаци войскашты служышы цилӓ военнослужащин профессиональный айо. Ти кечӹм летчиквлӓӓт, командный дӓ технический состават пӓлемдӓт[1].
Тенгеок ти айо Стратегический назначениӓн Кӱшӹл Тӹнг командованин 37-шӹ воздушный арми (сокр. 37 ВА ВГК (СН) доно кӹлдӓлтшӹ цилӓ военныйын айожы семӹнь шотлалтеш.
Айо Российӹштӹ и йӹде 23 декабрьын пӓлемдӓлтеш. Тӹдӹм 1999 ин эртӓрӓш тӹнгӓлмӹ[1].
Истори
Россий Федераци ВВС-ын мӹндӹр авиацин кечӹ сӓмӹрӹк айо ылеш. Тӹдӹ 1999 ин Россий Федерацин Военно-воздушный силан главнокомандующин Анатолий Конкуровын приказшы паштек учреждӓйӹмӹ ылын[1].
Мӹндӹр авиацин историжӹ шӱдӹ и гӹц шукырак ылеш. Российӹн армиштӹ мӹндӹр авиацин самолетвлӓ дореволюционный веремӓнок ылыныт.
Такеш агыл ти дата Россий Федерацин ВВС-н мӹндӹр авиацин кечӹм пӓлемдӓш айырымы. Ти кечӹн, 1913 ин 23 декабрьын, пӹтӓриш испытательный чонгештӹмӓшӹм цилӓ сӓндӓлӹкӹштӹ сек кого (тӹ жепӹн) самолет — нӹл моторан нелӹ бомбардировщик «Илья Муромец» эртӓрен. Авиаконструкторжы Игорь Иванович Сикорский — стратегический бомбардировщиквлӓн «коготьотя» ылеш. Ик иштӹ, 1914 ин 23 декабрьын, Николай II указшы доно «Илья Муромец» самолетвлӓн пӹтӓриш эскадрым ӹштӹмӹ гишӓн Военный Советӹн постановленим пингӹдемдӹмӹ. Тидӹ нелӹ бомбардировачный авиацин Российӹштӹ веле агы, а цилӓ сӓндӓлӹкӹштӹ тӹнгӓлтӹш лин[2]. Ти событивлӓ гишӓн «дальниквлӓлӓн» профессиональный айо датеш 23 декабрь айырымы ылын[1].
Мӹндӹр авиацин пакылашы виӓнгмӓшӹжӹ 1930-шы ин Андрей Туполевӹн ТБ-3 бомбардировщикӹм вооружениш нӓлмӹ доно кӹлдӓлтӹн[3].
Мӹндӹр авиацин действивлӓжӹ Кого Отечественный вырсышты кого значениӓн ылыныт. Тӹнгӓлтӹшӹтӹ ГК ДБА вӹц авиакорпус, кым пасна авиадивизи дӓ ик пасна авиаполк (кредӓлӓш йӓмдӹ 1500 самолет нӓрӹ дӓ 1000 экипаж) ылыныт. Вырсышты мӹндӹр авиаци Якшар Армин цилӓ кого операциштӹ, специальный задаништӹ участим принимаен[3].
1961 ин мӹндӹр авиацим армейский гӹц корпусной организациш ваштенӹт[4].
1970-1980 ивлӓ Ту 22М3, Ту-95МС дӓ Ту-160 авиационный комплексвлӓ доно пайдаралтыныт. 1980 ин ДА корпус негӹцеш Кӱшӹл Главнокомандованин кым воздушный арми ӹштӹмӹ ылын. Дальний авиацин командованижӹм шӓлӓтен колтымы. 1988 ин майын Мӹндӹр авиаци войскашты самостоятельный структура лин. 1992 и гӹц майын Россий Федерацин Военно-воздушный силан составыш пырен[3].
2004 ин Российӹн Президентшӹ Владимир Путин РФ ВВС мӹндӹр авиацим 90 и доно мактымыжы годым келесен:
«Тагачы мӹндӹр авиаци сӓндӓлӹкнӓн рубежвлӓм орола, профессиональный мыштымашым яжоэмдӓ дӓ 21 курымаш у машинӓвлӓм кычылташ тыменеш. Авиаторвлӓн кӹзӹтшӹ поколени анзыцшы авиаторвлӓн легендарный традицивлӓм переген кода дӓ шукемдӓ, шагалтымы задачӹвлӓм тӧр дӓ пӹсӹн шокта манын ӹнянем»[5].
Ти цитата мӹндӹр авиацин Российӹн обороноспособность шотышты значенижӹм тӧр анжыкта.
2015 ин Российӹн ВС — Воздушно-космический силан у видшӹ лин. Россий Федерацин мӹндӹр авиацин дӓ Российӹн Воздушно-космический силан кечӹ семӹнь айо пӓлемдӓлтеш.
Пӓлемдӹмӓш
Айо, кӓнӹмӹ кечӹ агыл гӹнят, ВКС мӹндӹравиацин аэродромвлӓштӹ керӓл ылеш[6].
Тенге Мӹндӹр авиацин кечӹ традици семӹнь Дягилево[7], Энгельс[8], Воронеж[9] аэродромвлӓштӹ пӓлемдӓлтеш. Тӹштӹ айо сӹнӓн мероприятивлӓ эртӓрӓлтӹт.
Мӹндӹр авиацин кечӹ лӹмеш айыртемӓлтшӹ военнослужащивлӓлӓн наградывлӓм пуат[10].
Культурышты
Мӹндӹр авиацин летчиквлӓ лӹмеш «Мӓ Дальниквлӓ» мырым сирӹмӹ дӓ клипӹм ӹштӹмӹ[11]. Мыры Российӹн ВКС мӹндӹр авиацин гимнжы статян шотлалташ тӹнгӓлӹн. Мырым пӹтӓриш гӓнӓ 2004 ин 24 декабрьын Москвашты, «Россий» концерт залышты, Мӹндӹр авиацилӓн 90 и лӹмеш айо концертӹштӹ мыренӹт. Шамакшы Юрий Барановын, семжӹ Александр Шевцовын[12].
Тенгеок мӹндӹр авиацилӓн Николай Анисимовын «Пришли в Атлантику медведи» («Медведи») «Предельные режимы» альбом гӹц мырым посвящӓйӹмӹ. Тӹштӹ Ту-95 самолетвлӓн чонгештӹмӹштӹ гишӓн мыралтеш[13].
Мӹндӹр авиацилӓн 100 и шомылан «„Бэкфайр“, „Бьюти“ дӓ молывлӓ. Мӹндӹр авиацилӓн 100 и» кино лыкмы ылын[14].
Тенгеок Российӹн мӹндӹр авиацилӓн 100 и шомылан «Шӱдӹ и Российӹн мӹндӹр авиацилӓн» документальный кино лыкмы ылын[15].
Тенгеок анжал
- Авиаци дӓ космонавтикӹн цилӓ сӓндӓлӹкӹштӹшӹ кечӹ
- Азербайджанын гражданский авиацин пӓшӓзӹвлӓн кечӹ
- Гражданский авиацин международный кечӹ
- Российӹн Юж Флотын кечӹ
- Авиацин кечӹ
- Мӹндӹр авиаци
Литература
- Соловьев Рустам Арсланович. Дальняя авиация СССР в 1950-1960-х годах // Научный диалог : журнал. — 2017.
- Антошина Наталья Васильевна. 1930-е: Воронеж — столица Дальней авиации // Берегиня. — 2014. — Т. 21, № 2.
Примечани
- ↑ 1 2 3 4 МО РФ: дальняя авиация России выполнила все мероприятия на хорошо и отлично в 2023 году. ТАСС (23 декабрьын 2023). Дата обращения: 23 декабрьын 2023.
- ↑ В Военно-воздушных силах России отмечают День Дальней авиации
- ↑ 1 2 3 День дальней авиации ВКС России. РИА Новости (23 декабрьын 2023). Дата обращения: 23 декабрьын 2023.
- ↑ Соловьев.
- ↑ Путин поздравил Дальнюю авиацию ВВС с 90-летием. РИА Новости (25 декабрьын 2004). Дата обращения: 13 августын 2010. Архивировано 12 апрельӹн 2012 года.
- ↑ В Энгельсе отметили День дальней авиации России. ИА «Регион 64» (25 декабрьын 2022). Дата обращения: 23 декабрьын 2023.
- ↑ В Рязани отметили День дальней авиации. Рязанская городская дума (21 декабрьын 2018). Дата обращения: 23 декабрьын 2023.
- ↑ Поздравление Главы Энгельсского района Дмитрия Плеханова с Днем дальней авиации Воздушно-космических сил РФ. Администрация Энгельсского муниципального района (22 декабрьын 2023). Дата обращения: 23 декабрьын 2023.
- ↑ Союз ветеранов Дальней авиации г. Воронежа и Воронежской области. Союз ветеранов Дальней авиации. Дата обращения: 23 декабрьын 2023.
- ↑ В Энгельсе медалями и орденами наградили летчиков дальней авиации. Саратов 24 (23 декабрьын 2023). Дата обращения: 23 декабрьын 2023.
- ↑ Дальняя авиация России. "Мы Дальники". youtube.com. Дата обращения: 23 декабрьын 2023.
- ↑ История написания гимна дальней авиации "Дальники". Союз ветеранов Дальней авиации. Дата обращения: 23 декабрьын 2023.
- ↑ АЛЬБОМ Предельные режимы Николай Анисимов 2020 русская авторская песня. Яндекс.Музыка. Дата обращения: 23 декабрьын 2023.
- ↑ "Бэкфайр", "Бьюти" и другие. Сто лет дальней авиации. Смотрим.ру. Дата обращения: 23 декабрьын 2023.
- ↑ 100 лет дальней авиации России. Телеканал Россия. Дата обращения: 23 декабрьын 2023.