Российӹштӹшӹ халыквлӓн йӹлмӹштӹн кечӹ
| Российӹштӹшӹ халыквлӓн йӹлмӹштӹн кечӹ | |
|---|---|
 | |
| Тип | Ӓшӹндӓрӹмӹ кечӹ[1] |
| Официально | Российӹштӹшӹ халыквлӓн йӹлмӹштӹн кечӹ[2] |
| Кын | Российӹштӹшӹ халыквлӓн йӹлмӹштӹм дӓ культурный наследиштӹм переген кодымаш, виӓнгдӹмӓш, халыквлӓн икышын ылмыштым пингӹдемдӹмӓш[3] |
| Ӹштӓлтӹн | Владимир Путинӹн 2025 ин 5 июньын шанымашым пумыжы семӹнь ӹштӹмӹ[4]. Поэт Расул Гамзатовын шачмы кечӹжӹ лӹмеш пӓлемдӓлтеш[1] |
| Ӹштӹшӹ | Владимир Путин[1] |
| Пӓлемдӓт | Россий |
| Кечӹ | 8 сентябрь[1] |
| Пӓлемдӹмӓш | Тымдымы дӓ культурный учрежденивлӓштӹ тематический мероприятивлӓ[5] |
| Овуца | Расул Гамзатов лӹмеш конкурс, выставка, мероприятивлӓм эртӓрӹмӓш[6] |
| Кӹлдӓлтӹн | Туан йӹлмӹ международный кечӹжӹ |
Российӹштӹшӹ халыквлӓн йӹлмӹштӹн кечӹм (руш. День языков народов России) — Российӹштӹ ӓшӹндӓрӹмӹ кечӹ, тӹдӹм ӹштӹмӹ гишӓн Россий Федерацин президентшӹ Владимир Путин 2025 ин 5 июньын эртӹшӹ Руш йӹлмӹ дӓ Россий халыквлӓн йӹлмӹштӹ шотышты кугижӓншӹ политикӹм ӹлӹмӓшӹш пыртымы гишӓн Кӓнгӓшӹн заседаништӹжӹ шанымашым лыктын[7]. Айом аварский поэт Расул Гамзатовын шачмы кечӹнжӹ, 8 сентябрьын, пӓлемдӓш шӱдӹмӹ[8]. Российӹштӹшӹ халыквлӓн йӹлмӹштӹн кечӹм ӹштӓш «Кугижӓншӹ йӹлмӹ политикӹн негӹцшӹ» кӹшкӓреш РФ Президентӹн 2025 ин 11 июльын лыкмы 474-шӹ №-ӓн Указшы доно поручайымы, тидӹн годым ӓшӹндӓрӹмӹ кечӹм формально ӹштӓш пасна нормативный актым лыкташ келеш.
Российӹн наука Академиштӹшӹ Языкознани институтын ланзылымашыжы семӹнь, Российӹштӹ цилӓжӹ 277 йӹлмӹ дӓ диалект кычылталтеш[9].
Истори
2025 ин 5 июньын Руш йӹлмӹлан палшыкым пумы шотышты кугижӓншӹ политикӹм ӹлӹмӓшӹш пыртымы гишӓн Кӓнгӓшӹн заседаништӹжӹ Российӹштӹшӹ халыквлӓн йӹлмӹштӹн кечӹм пингӹдемдӓш шанымашмы пумы[7]. Владимир Путин тӹдӹм аварский поэт Расул Гамзатовын шачмы кечӹнжӹ — 8 сентябрьын — пӓлемдӓш шӱден[8].
Тидӹн годым кугижӓнӹш вуйлатышы Россий Федерацин халыквлӓн йӹлмӹштӹм перегӓш дӓ пакыла виӓнгдӓш, кугижӓнӹш монгырым системӓн палшыкым пумы дӓ сӓндӓлӹкӹн цымыр йӹлмӹ кымдемжӹм перегӓш келмӹ гишӓн ӓшӹндӓрӹктен[7]. Тенгеок Владимир Путин Россий Федерацин халыквлӓн йӹлмӹштӹ гишӓн уэмдӹмӹ законым йӓмдӹлӓш дӓ Российӹштӹшӹ каждый йӹлмӹм кугижӓншӹ реестрыш пырташ келмӹ гишӓн пӓлемден[7].
… Российӹштӹшӹ цилӓ халыкын йӹлмӹштӹм дӓ йӹлмӹн шукы йиш ылмыжым переген кодаш дӓ палшаш манын ситӓртӹш йӧнӹм ӹштӹмӹлӓ, нӹнӹ мӓмнӓн сӓндӓлӹкнӓн национальный достояни дӓ историко-культурный наследи ылыт.
Оригинальный текст(руш)[анжыкташшӹлтӓш]… нужно создать дополнительные условия для сохранения и поддержки языков всех народов России и языкового многообразия, которые являются национальным достоянием и историко-культурным наследием нашей страны.
Статистика
- Российӹн наука Академиштӹшӹ Языкознани институтын ланзылымашыжы семӹнь, Российӹштӹ цилӓжӹ 277 йӹлмӹ дӓ диалект кычылталтеш[9].
- Йӹлмӹ шот халыквлӓн шотышты гӹц шукырак, вет кыды-тидӹ халыкын кок официальный йӹлмӹжӹ улы, шамак толшеш, марынын, мордван дӓ алтаецӹн[9].
- Российӹн образовани системӹштӹжы 105 йӹлмӹ кычылталтеш, нӹнӹ логӹц 24 — тымдымы йӹлмӹ семӹнь, 81 — тыменьмы предмет семӹнь[9].
Примечания
- ↑ 1 2 3 4 День языков народов России. Hi-Tech Mail.ru. Тергӹмӹ кечӹ: 29 июльын 2025.
- ↑ Путин поручил учредить День языков народов России. Интерфакс. Тергӹмӹ кечӹ: 29 июльын 2025.
- ↑ День языков народов России появится в стране. Победа.рф. Тергӹмӹ кечӹ: 29 июльын 2025.
- ↑ Владимир Путин поручил учредить День языков народов России. Русский мир. Тергӹмӹ кечӹ: 29 июльын 2025.
- ↑ День языков народов России. Ярославский областной центр дистанционного обучения. Тергӹмӹ кечӹ: 29 июльын 2025.
- ↑ В РНБ — день рождения Гамзатова. Российская национальная библиотека. Тергӹмӹ кечӹ: 29 июльын 2025.
- ↑ 1 2 3 4 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 июньын 2025.
- ↑ 1 2 Путин предложил учредить День языков народов России, РБК (05.06.2025). Дата обращения: 5 июньын 2025.
- ↑ 1 2 3 4 277 языков и диалектов используют народы России. Минобрнауки (21 февральын 2021). Тергӹмӹ кечӹ: 5 июньын 2025.