Российӹн атомный вӹд лӹвӓлнӹ каштшы флотын кечӹ

Ирӹкӓн энциклопеди Википеди гӹц материал
Российӹн атомный вӹд лӹвӓлнӹ каштшы флотын кечӹ
Советский марка, 1970 и
Советский марка, 1970 и
Тип Профессиональный
Ӹштӓлтӹн 1958 ин 17 декабрьын "Ленинский комсомол" икӹмшӹ атомный вӹд лӹвӓлнӹ каштшы пышым ӹштӹмӹ лӹмеш
Кечӹ 17 декабрь
Кӹлдӓлтӹн "Ленинский комсомол" икӹмшӹ атомный вӹд лӹвӓлнӹ каштшы пыш
«Ленинский комсомол» атомный вӹд лӹвӓлнӹ каштшы пыш
Владимир Путин «Император Александр III» атомный вӹд лӹвӓлнӹ каштшы пышым валтен колтымы годым (2022)

Российӹн атомный вӹд лӹвӓлнӹ каштшы флотын кечӹ — профессиональный айо, 1958 ин «Семаш» заводышты пӹтӓришӹ советский атомный вӹд лӹвӓлнӹ каштшы «Ленинский комсомол» пышым принимайӹмӹ лӹмеш 17 декабрьын пӓлемдӓш тӹнгӓлӹнӹт[1].

Военный-подводниквлӓ, научный интеллигентвлӓ, Российӹн приморский дӓ судостроительный регионвлӓштӹ ӹлӹшӹ эдемвлӓ пӓлемдӓт.

Истори

«Ленинский комсомолец» К-3 икӹмшӹ вӹд лӹвӓлнӹ каштшы пыш ылеш. Ядерный установкы, экипажым йӓмдӹлӹмӹ метод — цилӓ тидӹ успешный дӓ легендарный опыт ылын. Седӹн доно актым подписӓйӹмӹ кечӹ атомный вӹд лӹвӓлнӹшӹ флотын шачмы кечӹ статян историш пырен[2].

Советский веремӓн кок шӱдӹ АПЛ стройымы ылын. США-ан чӹдӹ ылте. 1966 иэш Российӹн атомный флотшым чӹдемденӹт. 150 АПЛ утилизациш колтымы ылыныт[3].

Кӹзӹтшӹ веремӓн «Северодвинск»[4], «Юрий Долгорукий»[5], «Князь Владимир»[6], «Генералиссимус Суворов» дӓ «Император Александр 3» (межконтинентальный ракеты «Булавам»[7] кӧргӹштӹштӹ намал кердӹт) атомный вӹд лӹвӓлнӹ каштшы пышвлӓм стройымы.

29 декабрьын 2022 ин «Император Александр 3» атомный вӹд лӹвӓлнӹ каштшы пышым вӹдӹш валтымы торжественный церемоништӹ Российӹн Президентшӹ Владимир Путин атомный подводный флотын развити гишӓн келесен:

«…вооруженин госпрограммын действующий рамкыштыжы эче нӹл техень пыш стройымы лиеш, нӹнӹ Российӹн анзыкылашы безопасностьым обеспечиваят лиэш»[7].

.

Айом пӓлемдӹмӓш

Конструкторский бюровлӓштӹ, пышым стройымы предприятивлӓштӹ, приморский регионвлӓштӹ дӓ море гӹц мӹндӹрнӹ ылшы халавлӓштӹ ти кечӹм пӓлемдӓт. Обнинскӹштӹ (Балтийский море гӹц 780 уштышы палны шалгышы) халашты АПЛ служышывлӓм йӓмдӹлӹмӹ дӓ квалификацим лӱктӓлмӹ Центр вӓрлӓнен[8].

Ынгай фактвлӓ

Российӹн атомный вӹд лӹвӓлнӹ каштшы флотын первопроходецвлӓлӓн памятник, Обнинск

2008 ин Обнинск халан Победы ӧлицӓштӹ атомный флотын первопроходецвлӓлӓн памятникӹм пачмы. Проектӹн авторжы — Российӹн заслуженный художник Александр Шубин[9].

Обнинскӹштӹ «Ленинский комсомол» вӹд лӹвӓлнӹ каштшы пышлан пӹтӓришӹ ядерный энергетический установкым тумаен лыкмы дӓ ӹштӹмӹ ылын. Тишток экипаж подготовкым эртен. Атомоходын капитанжы Советский Союзын Геройжы Осипенко Л. Г. ылын.

«Ленинский комсомол» подводниквлӓлӓн мебель шергӓш пушӓнгӹ гӹц ӹштӹмӹ ылын. Кают-компаништӹшӹ стӧлӹм лимонный пушӓнгӹ гӹц ӹштенӹт[2].

2010 ин РФ ВМФ главкомын решенижӹ доно пӹтӓриш атомный вӹд лӹвӓлнӹ каштшы пышым музейӹш сӓртенӹт. Атомоходым Кронштадыштышы туристический «Остров фортов» кластерӹштӹ анжал лӓктӓш лиэш[10].

Примечани

  1. ↑ День атомного подводного флота отмечается в России. https://murman.tv (17 декабрьын 2022). Тергӹмӹ кечӹ: 10 ноябрьын 2023.
  2. ↑ 1 2 Секретный "Ленинский комсомол". Десять неизвестных фактов о первой атомной подлодке России. https://tass.ru (9 августын 2022). Тергӹмӹ кечӹ: 10 ноябрьын 2023.
  3. ↑ Как СССР догнал и перегнал Америку по числу АПЛ. https://topwar.ru (9 мартын 0201). Тергӹмӹ кечӹ: 10 ноябрьын 2023.
  4. ↑ Выступление на церемонии спуска на воду многоцелевой атомной подводной лодки «Северодвинск». http://www.kremlin.ru (15 июньын 2010). Тергӹмӹ кечӹ: 10 ноябрьын 2023.
  5. ↑ "Юрий Долгорукий": как первая подлодка "Борей" открыла дорогу кораблям 4-го поколения. https://tass.ru (10 январьын 2023). Тергӹмӹ кечӹ: 10 ноябрьын 2023.
  6. ↑ "Супер-Борей". На что способен новый подводный ракетоносец "Князь Владимир". https://ria.ru (3 мартын 2020). Тергӹмӹ кечӹ: 10 ноябрьын 2023.
  7. ↑ 1 2 Церемония подъёма флага на поступающих в состав ВМФ кораблях и спуска на воду атомной подлодки «Император Александр III». http://www.kremlin.ru (29 декабрьын 2022). Тергӹмӹ кечӹ: 10 ноябрьын 2023.
  8. ↑ Сергей Осипов. Здесь делают подводников. Почему экипажи субмарин обучают в Обнинске? https://aif.ru (19 мартын 2019). Тергӹмӹ кечӹ: 10 ноябрьын 2023.
  9. ↑ ПАМЯТНИК ПЕРВОПРОХОДЦАМ АТОМНОГО ПОДВОДНОГО ФЛОТА. http://muzey-obninsk.ru. Тергӹмӹ кечӹ: 10 ноябрьын 2023.
  10. ↑ У вечного причала. В чем уникальность музейных подводных лодок. https://tass.ru (21 июньын 2023). Тергӹмӹ кечӹ: 10 ноябрьын 2023.
«https://mrj.ruwiki.ru/w/index.php?title=Российӹн_атомный_вӹд_лӹвӓлнӹ_каштшы_флотын_кечӹ&oldid=304339» гӹц нӓлмӹ