Резервӹштӹшӹ копин международный кечӹжӹ
| Резервӹштӹшӹ копин международный кечӹжӹ | |
|---|---|
 Резервӹштӹшӹ копин международный кечӹжӹн логотип | |
| Ӹштӓлтӹн | 2011 |
| Ӹштӹшӹ | Измаил Ядун |
| Кечӹ | 31 март |
Резервӹштӹшӹ копин международный кечӹжӹ ӓли Бэкапӹн кечӹжӹ (англ. World Backup Day) — IT дӓ резервный копим ӹштӹмӹ сферӹштӹ и йӹде пӓлемдӹмӹ пӓшӓ айо, цилӓ сӓндӓлӹк мычкы 31 мартын эртӓрӓлтеш[1][2][3]. Айо данныйвлӓм перегӹмӓшӹн дӓ компьютерный безопасностьын керӓл ылмышты лӹмеш шанен лыкмы ылын.
Истори
Резервӹштӹшӹ копин международный кечӹ «Reddit» форумым кычылтшын ӹшке страницӓштӹжӹ жёсткий дискӹм ямдымы гишӓн сирӹмӹжӹ паштек лӓктӹн. Тӹдӹ цилӓ сӓндӓлӹкӹштӹ ӹшке данныйвлӓм перегӓш керӓл ылмы гишӓн ӓшӹндӓрӹшӹ айо лижӹ манын шонен. Тенге, 2011 ин Измаил Ядун ти шанымашым пасна айо якте виӓнгден.
Айолан кечӹ такеш агыл айырымы ылын. 31 март — Ваштылмаш кечӹ гӹц анзылны ылшы кечӹ. Икшӹ апрельӹштӹшӹ шутя кого шӹдӓн лин кердеш. Шамак толшеш, ӹшке данныйвлӓм тӹрӹс ямдымаш.
Тӹ годшен каждый ин 31 мартын шукы СМИ резервный копим ӹштӹмӹн керӓл ылмы гишӓн статьявлӓм лыктеш[4][5].
Цилӓ сӓндӓлӹкӹштӹ
И йӹде 31 мартын шукы компани, ӹшке данныйвлӓм ямдаш агыл манын, резервный копим ӹштӹмӹн керӓл ылмы гишӓн постым лыктыт дӓ подкастым сирӓт[6]. Айон официальный сайтыштыжы (WorldBackupDay.com) эдемвлӓ 10 тӹрлӹ йӹлмӹ доно данныйвлӓн резервный копим ӹштӓш сӧрен кердӹт.
Резервӹштӹшӹ копин международный кечӹжӹ айо гишӓн шукы сайтышты халык календарьный айоэш шотлалтеш[7][8].
Российӹштӹ
Российӹштӹ Резервӹштӹшӹ копин международный кечӹжӹ цилӓ вӓре шӓрлӹде гӹнят, ти кечӹн школвлӓштӹ дӓ вес тымдымы заведенивлӓштӹ данныйвлӓм перегӹмӓш дӓ интернетӹштӹ безопасность лӹмеш мероприятивлӓм шӹрен эртӓрӓт. Шамак толшеш, 2023 ин Коми Республикӹштӹ «Российӹн геройжы В. Н.Носов лӹмӓн кадетский кӹдӓлӓш образовательный школын» 7-шӹ классышты тыменьшӹвлӓ 15 ядмашан «Резервӹштӹшӹ копин международный кечӹжӹ» лӹмӓн онлайн-викторинӹштӹ участвуенӹт. Тыменьшӹвлӓ «Компьютерӹн ӹштӓлтмӹжӹ», «Эксӹкӹм кандышы программывлӓ», «Резервӹштӹшӹ копин программывлӓ», «Бэкапӹн правилывлӓ» гишӓн ядмашвлӓэш вӓшештӹшӹм пуэнӹт. Викторинӹн лӓктӹшӹжӹм шотлен пӹтӓрӹмӹ паштек сӹнгӹшӹвлӓ диплом доно награждаялтыт.
Примечани
- ↑ Coberly, Cohen. World Backup Day is here – is your data secure? (31 March 2021). Дата обращения: 31 мартын 2022.
- ↑ Rompf, Marco. Backup? Aber sicher! Und der restore? (31 March 2022). Дата обращения: 31 мартын 2022.
- ↑ Barker, Ian. World Backup Day highlights the importance of keeping your data safe (31 March 2022). Дата обращения: 31 мартын 2022.
- ↑ Misener, Dan. World Backup Day highlights importance of protecting data (29 March 2016). Дата обращения: 31 мартын 2022.
- ↑ Biersdorfer, J.D.. A Quick Guide to Backing Up Your Critical Data (31 March 2017). Дата обращения: 31 мартын 2017.
- ↑ Covey, Lou Guess what? Today is World backup day. Crucial Tech. Тергӹмӹ кечӹ: 2 сентябрьын 2022.
- ↑ National Calendar: World Backup Day. nationaldaycalendar.com. Тергӹмӹ кечӹ: 2 сентябрьын 2022.
- ↑ National Today: World Backup Day. nationaltoday.com (31 мартын 2020). Тергӹмӹ кечӹ: 2 сентябрьын 2022.