Пончикӹн национальный кечӹжӹ
| Пончикӹн национальный кечӹжӹ | |
|---|---|
 1920 ин 4 июньын пӓлемдӹмӓш | |
| Пӓлемдӓт | американецвлӓ |
| Кечӹ | июньын икшӹ когарня |
| Кӹлдӓлтӹн | Пӹтӓришӹ мировой вырсы годым пончикӹм такешок пушывлӓ доно |
Пончикӹн национальный кечӹжӹ (брит.англ.National Doughnut Day äли амер.англ. National Donut Day) — Америкӹн Ушымы Штатвлӓштӹ празднуйымы кечӹ, июньын икшӹ когарнян пäлемдäлтеш. Айом 1938 ин Ытарышы арми ӹшкӹмжӹн эдемвлӓ логӹц Пӹтӓришӹ мировой вырсы годым пончикӹм такешок пушывлӓ лӹмеш шанен лыктын[1].
Истори
США-н Пӹтӓришӹ мировой вырсыш (1917 ин) ушнымыкыжы, Ытарышы арми ӹшке эдемвлäжӹм мисси доно Францишкӹ колтен. Тидӹ мисси лӹмӹн амашвлäм шагалтен, кышты американский военнослужащийвлäн социальный ядмашвлӓштӹм решенӹт. Техень палшык вäрвлäм американский армиштӹшӹ тыменьмӹ центрвлä сага шӹнденӹт. Пӹтäриш миссишкӹ ӹшке кымыл доно 250 эдем ушнен. Нӹнӹ логӹц коктыланжы — прапорщик Margaret Sheldon дä адъютант Helen Purviance — салтаквлäлäн пончикӹм такешок пуаш шанымаш ышышкышты пырен. Икманяр жеп гӹц тидӹ пäшäм ӹштӹшӹ ӹдӹрäмäш-волонтёрвлäм салтаквлä пиш пӹсӹн «Doughnut Dollies» («Пончик поханявлä») манаш тӹнгäлӹнӹт.
1938 и гӹц чикагыштышы Ытарышы армин эдемвлäжӹ тидӹ кечӹм национальный айо семӹнь пäлемдäш тӹнгäлӹнӹт. Тӹнгäлтӹш жепӹштӹ нӹнӹ Пӹтӓришӹ мировой вырсы паштек лишӹ Кого депрессиш вäрештшӹ салтаквлäлäн палшаш шаненӹт.
Тӹнäмшен айо цымыр наци кӱкшӹц якте когоэмӹн, шужен ӹлӹшӹвлäлäн палшыкым погымы гишӓн у шанымашым шачыктен. Тидӹ кечӹн кофейньӹвлäштӹ пуры кымылым лыкшы маркывлä ик доллареш выжалалтыт, каждый эдем нӹнӹм ӹшке счетышкыжы уштарен кердеш. Тагачы США-штышы шукы пекарньышты пончикӹм такешок пукшат, шамак толшеш, ти пäшä кымдан пäлӹмӹ Dunkin’ Donuts сетьӹштӹ ӹштäлтеш[2].
Ынгай факт
- Кокшы мировой вырсы жепӹштӹ Якшар Хрестӹн волонтёрвлäӓт салтаквлäлäн пончикӹм пуэдӹлӹнӹт.
- Пончикӹн международный кечӹжӹ Великобритаништäт эртäрäлтеш[2].
Примечани
- ↑ Kevin Fagan A holey holiday – National Donut Day Архивный копи от 5 июньын 2012 на Wayback Machine February 31, 2009 SF Chronicle (англ.)
- ↑ 1 2 Англичане готовятся к национальному дню пончика. Тергӹмӹ кечӹ: 17 ноябрьын 2015. Архивируйымы 18 ноябрьын 2015 года.