Отмахов, Иван Григорьевич

Иван Григорьевич Отмахов
Иван Григорьевич Отмахов
Шачмы кечӹ	1923 и 31 октябрь
Шачмы вӓр	Ведаснур сола, Сернур район, Мары Эл
Колымы кечӹ	1945 и 23 апрель (21 и)
Колымы вӓр	Польша
Пырымаш	СССР
Войскан йиш	пехота
Служымы жеп	1942—1945
Звани
Кредӓлмӓш/вырсы	Кого Отечественный вырсы

Иван Григорьевич Отмахов (1942—1945) — Пӓшӓзӹ-хресӓньӹк Якшар Армин лейтенантшы, Кого Отечественный вырсын салтакшы, Совет Союзын Геройжы (1945).

Ӹлӹмӓш корныжы

Иван Отмахов 1923 ин 31 октябрьын Ведаснур солашты (кӹзӹт — Мары Элӹн Сернур район) шачын. Куд классым тымень пӹтӓрӹмӹкӹ, Читинский областьышты шӧртньӹм лыкмашты дӓ рудниквлӓштӹ пӓшӓм ӹштен. 1942 ин мартын Отмаховым Пӓшӓзӹ-хресӓньӹк Якшар Армиш служаш нӓлӹнӹт. Тӹ ин август гӹц Кого Отечественный вырсын фронтлаштыжы лин. 1943 ин Отмахов изирӓк лейтенантвлӓм йӓмдӹлӹшӹ курсым тымень лӓктӹн^[1].

1945 ин мартын лейтенант Иван Отмахов 2-шы Белорусский фронтын 70-шӹ армин 136-шы стрелоковый дивизин 342-шо стрелковый полкын батальон командирӹн вашталтышыжы лин. Польшым утарымыжы годым айыртемӓлтӹн. 1945 ин 27 мартын тӹдӹ вуйлатымы штурмуйышы тӹшкӓжӹ доно иквӓреш Данциг лишнӹ Лауенталь солан частьшым ытарен, тилец вара Нофарвассер-Циганкенберг шоссем пӹчкӹн. Варарак, Висле докы лӓктӹн, Отмахов сек анзыц тӹдӹн гач ванжен дӓ вадывел сирӹштӹжӹ ылшы плацдармым роалтен нӓлмӓштӹ дӓ переген кодымашты пиш яжон кредӓлӹн. Кредӓлмӹ годым сек нелӹ выртышты тӹдӹ советский артиллерим ӹшке вӹкӹ виктӓрӹктен. 1945 ин 23 апрельӹн Отмахов шушырвлӓ гишӓн колен. Польшын Пиньчув халашты тайымы^[1].

СССР Кӱшӹл Советӹн Президиумжын 1945 ишӹ 29 июняш указшы доно лейтенант Иван Отмаховлан, колымыкыжы, Совет Союзын Геройжы званим пумы. Тенгеок Ленин, Якшар Знамя, Якшар Шӱдӹр, Отечественный вырсын I дӓ II степенян орденвлӓ, икманяр медаль доно награждайымы ылын^[1].

Отмаховын лӹмжӹ доно микрорайон лӹмдалтӹн. Отмаховлан бюстым дӓ памятникӹм Забайкальский кымдемӹн Балей халашты шагалтымы^[1].

Примечани

↑ ¹ ² ³ ⁴ Отмахов Иван Григорьевич (неопр.). AZ Library. Тергӹмӹ кечӹ: 2014-4-29. Архивировано из оригинала 29 апрельӹн 2014 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Ссылкывлӓ

Игорь Сердюков. Иван Григорьевич Отмахов (руш.). Сайт «Герои страны». Тергӹмӹ кечӹ: 25 январьын 2016.

[оиг-1] ¹ ² ³ ⁴ Отмахов Иван Григорьевич (неопр.). AZ Library. Тергӹмӹ кечӹ: 2014-4-29. Архивировано из оригинала 29 апрельӹн 2014 года.

[1]