Онучин, Михаил Васильевич

Михаил Васильевич Онучин
Михаил Васильевич Онучин
Шачмы кечӹ	1903 и 16 сентябрь
Шачмы вӓр	Изи Шапкилӓ (Изи Шопкер) сола, Сернур район, Мары Эл
Колымы кечӹ	1943 и 5 октябрь (40 и)
Колымы вӓр	Черкасский область
Пырымаш	СССР
Войскан йиш	инженерный войска
Служымы жеп	1921—1943
Звани
Кредӓлмӓш/вырсы	Кого Отечественный вырсы

Михаил Васильевич Онучин (1903 и 16 сентябрь — 1943 и 5 октябрь) — Пӓшӓзӹ-кресӓньӹк Якшар Армин полковникшӹ, Кого Отечественный вырсын салтакшы, Совет Союзын Геройжы (1943).

Ӹлӹмӓш корныжы

Михаил Онучин 1903 ин 16 сентябрьын Изи Шапкилӓ (Изи Шопкер) солаэш (кӹзӹт — Сернур район) шачын. Кӹдӓлӓш школым тымень пӹтӓрӹмӹ паштек тымдышывлӓн семинариштӹ тыменьӹн. 1921 ин Онучинӹм Пӓшӓзӹ-кресӓньӹк Якшар Армиш служаш нӓлӹнӹт. Казанский военно-инженерный школым дӓ Военно-технический академин фортификационно-строительный факультетшӹм тымень пӹтӓрен. 1942 и июнь гӹц Кого Отечественный вырсын фронтыштыжы лин^[1].

1943 и сентябреш гвардин полковникшӹ Михаил Онучин Воронежский фронтын 3-шы гвардейский танковый армин инженерный войскаж доно командуен. Днепр гишӓн кредӓлмӹ годым айыртемӓлтӹн. 1943 ин 22 сентябрьын Онучинӹн вуйлатымыжы семӹнь Украинский ССР Черкасский областьын Каневский районыштышы Трахтемиров дӓ Григоровка солавлӓ кымдыкышты Днепр гач ванжаш ванжакым строяш тӹнгӓлӹнӹт. Онучин йыд-кечӹ стройымашты лин, пӓшӓм ӹшкеок виктӓрен, ӹлӹмӓшӹм ӹжӓлӓйӹде, цилӓ пӓшӓ тышман самолётын чонгештӹлмӹжӹ дӓ лӱлмӓшӹжӹ лӹвӓлнӹ ӹштӓлтӹн. 1943 и 5 октябрьын тышманын церотан авианалётшы годым Онучин колен. Украинӹн Киевский областьын Переяслав халашты ӹзӓк-шоляк шӹгерлӓштӹ тайымы^[1].

СССР Кӱшӹл Совет Президиумын 1943 ишӹ 17 ноябряш указшы доно «немецкий захватчиквлӓ доно кредӓлмӹ фронтышты боевой заданим яжон шоктымы гишӓн да тидӹн годым лӱддӹмӓшӹм дӓ геройствым анжыктымы гишӓн» гвардин полковникшӹ Михаил Онучинлӓн, колымыкыжы, Совет Союзын Геройжы кӱкшӹ званим пумы. Тенгеок Ленин орден дӓ Якшар Знамя орден доно награждайымы ылын^[1].

Онучинӹн лӹмжӹм Сернур район Зашижемье кӓндӓкш иӓш школ намалеш^[1], Переяславышты тӹдӹн лӹмеш ӧлицӓм лӹмдӹмӹ^[2].

Примечани

↑ ¹ ² ³ ⁴ Михаил Васильевич Онучин (руш.). Сайт «Герои страны».
↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Наши Герои. 2-е изд., перераб. и доп. — Йошкар-Ола, 1985.
Мочаев В. А. Онучин Михаил Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 264. — 2032 экз. — ISBN 5-87898-357-0.
Онучин Михаил Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 592. — 872 с. — 3505 экз. — ISBN 978-5-94950-049-1.
Онучин Михаил Васильевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 170—171. — 374 с. — 500 экз. — ISBN 978-5-94950-070-5.
Мочаев В. А. Онучин Михаил Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 318. — 606 с. — 1500 экз. — ISBN 978-5-905314-35-3.

[wh-1] ¹ ² ³ ⁴ Михаил Васильевич Онучин (руш.). Сайт «Герои страны».

[2] Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.

[1]

[2]