Олман кечӹжӹ (Великобритани)
| Олман кечӹжӹ | |
|---|---|
 | |
| Тип | официальный агыл |
| Вес семӹнь | Apple Day |
| Ӹштӓлтӹн | «Common Ground» |
| Пӓлемдӓт | Великобритаништӹ |
| Кечӹ | 21 октябрь |
| Овуца | Сек кужы сӱмлӓн конкурс — «The Longest Peel Competition», олмашкы пикшӹм колтымаш |
 Медиафайлы на РУВИКИ.Медиа | |
Олман кечӹжӹ (англ. Apple Day) — официальный агыл айо, кыды и йӹде Великобритаништӹ 21 октябрьын (äли тӹ кечӹлäн лишӹл кäнӹш кечӹн) эртä[1].
Великобритаништӹ «Олман кечӹжӹм» айымаш дä истори
Великобритаништӹ тидӹ айом пӹтäриш гäнä 1990 ин Тӹтӹрäн Альбионын пуры кымылым анжыктышы организацивлӓжӹ логӹц иктӹжӹн, «Common Ground», инициативӹжӹ негӹцеш эртäрӹмӹ. Айо «Олма кечӹ» маналтеш гӹнят, тӹдӹ олмалан веле агыл, цилä фруктовый сад, тенгеок вäрӹштӹшӹ островлäштӹшӹ достопримечательность лӹмеш шанен лыкмы.
Тидӹ айом йäмдӹлӹшӹвлä олмашты цилӓ сäндäлӹкӹштӹшӹ шукы йиш лимӹм дӓ сакой ынгылымашым ылмым дä эдемӹн йӹрӹм-вäш ма ӹштäлтмӹм ӹшке ви доно вашталтен кердмӹжӹм ужыныт. Библиштӹшӹ Евам äшӹндäрäш гӹнь, нӹнӹн шанымашышты утларак раскыдын пачылтеш — эдемӹн ӹлӹмäшӹжӹм когон вашталтышы олма гань вес «цӓрӹмӹ кӹцкӹ» лиде.
Йäрмингä сӹнäн айо утларак олма доно кӹлдäлтӹн, кышты шӱдӹ йиш нӓрӹ олмам тотештäш лиэш (тагыды олмажы лапкашты выжалымашты укеӓт), тенгеок ӹшке садышты äли пöрт сага анжен-кушташ манын саженцӹм нäлäш лиэш. Олмавум анжаш тӹнгäлшӹвлä «Олма кечӹн» олмам анжен-куштымы шотышты ядмашвлäлäн керäл вӓшештӹшӹм нäлӹн кердӹт.
Айошты олма гӹц кӱэштмӹ сакой кулинарный качкышымат тотешт анжаш лиэш, тагыдыжын рецептшӹм нäлäш дä варарак тоны кӱэшт анжаш яжо йӧн улы.
Ти айо годым овуца семӹнь сакой «олма конкурс»-влä эртäт, шамак толшеш, олмашкы пикшӹм колтымаш äли олмам итӹрäйӹмäш, кышты сек кужы олма сӱмӹм пӹчкӹн кердшӹ эдем сӹнгӹшеш лäктеш.
Тагыды интернет-сайтвлä «Олма кечӹм» (кыдым английский коронын подданныйвлӓжӹ пäлемдӓт) «Олман цилä сäндäлӹк лоштышы кечӹжӹ» манашат талашат[2]. Тагачшы кечӹн тидӹ лӹм самынь ылеш гӹнят, тӹдӹ, векӓт, анзыкылажым техень лӹмӓнок лин кердеш. Тенге, США-нат ӹшке «Олма кечӹжӹ» улы, тӹдӹ и йӹде 20 февральын пäлемдäлтеш.
Тенгеок анжы
Примечани
- ↑ en:Apple Day
- ↑ ВСЕМИРНЫЙ ЯБЛОЧНЫЙ ДЕНЬ Архивный копи от 16 декабрьын 2010 на Wayback Machine
Ссылкывлӓ
- [www.calend.ru/holidays/0/0/2655/ «День яблока» в Великобритании]
- «День яблока» в США(недоступная ссылка)